________________
XOXOKKKKKKKKK
(१) आयारो बी. सु. १ अ. पिंडेसणा उद्देसक ९,१० [२५]
यहाणि वा इमंसि खलु गामंसि वा जाव रायहाणिसिं वा संतेगतियस्स भिक्खुस्स पुरेसंथुया वा पच्छासंघुया वा परिवसंति, तंजहा गाहावती वा जाव कम्मकरी वा । तहप्पगाराइं कुलाई णो पुव्वामेव भत्ताए वा पाणाए वा णिक्खमेज्ज वा पविसेज्ज वा । केवली बूया आयाणमेतं । पुरा पेहा एतस्स परो अट्ठाए असणं वा ४ उवकरेज्न वा उवक्खडेज्ज वा । अह भिक्खूणं पुव्वोवदिट्ठा ४ जं णो तहप्पगाराई कुलाई पुव्वामेव भत्ताए वा पाणाए वा पविसेज्ज वा णिक्खमेज्ज वा । से त्तमायाए एतमवक्कमेज्जा, एगंतमवक्कमित्ता अणावायमसंलोए चिट्ठेजा, से तत्थ कालेणं अणुपविसेज्जा, २ त्ता तत्थितरातिरेहिं कुलेहिं सामुदाणियं एसितं वेसियं पिंडवायं एसित्ता आहारं आहारेज्जा । ३९२. अह सिया से परो कालेण अणुपविट्ठस्स आधाकम्मियं असणं वा ४ उवकरेज्जा वा उवक्खडेज्ज वा । तं चेगतिओ तुसिणीओ उवेहेज्जा, आहडमेयं पच्चाइक्खिस्सामि । मातिद्वाणं संफासे णो एवं करेज्जा। से पुव्वामेव आलोएज्जा आउसो ति वा भइणी ति वा णो खलु मे कप्पति आहाकम्मियं सवा ४ भोत्तर वा पायए वा, मा उवकरेहिं, मा उवक्खडेहिं । से सेवं वदंतस्स परो आहाकम्मियं असणं वा ४ उवक्खडेत्ता आहट्टु दलएजा। तहप्पगारं असणं ४ अफासु लाभे संते णो पडिगाहेज्ना । ३९३. से भिक्खू वा २ जाव समाणे से ज्जं पुण जाणेज्जा, मंसं वा मच्छं वा भज्जिज्जमाणं पेहाए तेल्लपूयं वा आएसाए उवक्खडिज्नमाणं पेहाए णो खद्धं खन्द्धं उवसंकमित्तु ओभासेज्जा णण्णत्थ गिलाणाए । ३९४. से भिक्खू वा २ जाव समाणे अण्णतरं भोयणजातं पडिगाहेत्ता सुब्भि सुब्भं भोच्चा दुब्भं दुब्भिं परिट्ठवेति । मातिट्ठाणं संफासे णो एवं करेज्जा। सुब्भिं वा दुब्भिं वा सव्वं भुंजे, ण छड्डए । ३९५. से भिक्खू वा २ जाव समाणे अण्णतरं वा पाणगजायं पडिगाहेत्ता पुप्फं पुप्फं आविइत्ता कसायं कसायं परिद्ववेति । माइट्ठाणं संफासे । णो एवं करेज्जा । पुप्फं पुप्फे ति वा कसायं कसाए ति वा सव्वमेयं भुंजेज्जा, पण किंचि वि परिट्ठवेज्जा । ३९६. से भिक्खू वा २ बहुपरियावण्णं भोयणजायं पडिगाहेत्ता साहम्मिया तत्थ वसंति संभोइया समण्णा अपरिहारिया अदूरगया । तेसिं अणालोइया अणामंतिया परिद्ववेति । मातिट्ठाणं संफासे । णो एवं करेज्जा से तमादाए तत्थ गच्छेज्ना, २ त्ता से पुव्वामेव आलोएज्जा आउसंतो समणा ! इमे मे असणे वा ४ बहुपरियावण्णे, तं भुंजह व णं परिभाएह व णं । से सेवं वदंतं परो वदेज्ना आउसंतो समणा! आहारमेतं असणं वा ४ जावतियं २ सरति तावतियं २ भोक्खामो वा पाहामो वा । सव्वमेयं परिसइति सव्वमेयं भोक्खामो वा पाहामो वा । ३९७. से भिक्खू वा २ से ज्जं पुण जाणेज्जा असणं वा ४ परं समुद्दिस बहिया णीहडं तं परेहिं असमणुण्णातं अणिसिहं अफासुयं जाव णो पडिगाहेज्जा । तं परेहिं समणुण्णातं समणुसद्वं फासुयं लाभे संते जाव पडिगाहेज्जा । ३९८. एतं खलु तस्स भिक्खुस्स वा भिक्खुणीए वा सामग्गियं । ★ ★ ★ ॥ पिण्डैषणाध्ययनस्य नवमोद्देशकः समाप्तः ॥ ★★★ दसमो उद्देसओ ३९९. से गतिओ साहारणं वा पिंडवातं पडिगाहेत्ता ते साहम्मिए अणापुच्छित्ता जस्स जस्स इच्छइ तस्स तस्स खद्धं खद्धं दलाति । मातिट्ठाणं संफासे । णो एवं करेज्जा । से मायाए तत्थ गच्छेज्जा, गच्छित्ता पुव्वामेव एवं वदेज्जा आउसंतो समणा ! संति मम पुरेसंथुया वा पच्छासंथुया वा, तंजहा आयरिए वा उवज्झाए वा पवत्ती वा रेवा गणी वा गणधरे वा गणावच्छेइए वा, अवियाई एतेसिं खद्धं खद्धं दाहामि ? से णेवं वदंतं परो वदेज्जा कामं खलु आउसो ! अहापज्जत्तं निसिराहि । जावइयं २ परो वदति तावइयं २ णिसिरेज्जा। सव्वमेतं परो वदति सव्वमेयं णिसिरेज्जा । ४०० से एगइओ मणुण्णं भोयणजातं पडिगाहेत्ता पंतेण भोयणेण पलिच्छाएति 'मामेतं दाइयं संतं दद्दूणं सयमादिए, तं जहा आयरिए वा जाव गणावच्छेइए वा' । णो खलु मे कस्सइ किंचि वि दातव्वं सिया। माइट्ठाणं संफासे । णो एवं करेज्जा। से तमायाए तत्थ गच्छेज्जा, २ त्ता पुव्वामेव उत्ताणए हत्थे पडिग्गहं कट्टु इमं खलु इमं खलु त्ति आलोएज्जा । णो किंचि वि विणिगूहेज्जा । ४०१. से एगतिओ अण्णतरं
जातं डिगात्ता भद्दयं भद्दयं भोच्चा विवण्णं विरसमाहरिति । मातिद्वाणं संफासे णो एवं करेज्जा । ४०२. से भिक्खू वा २ से ज्जं पुण जाणेज्जा अंतरुच्छ्रयं वा उच्छुगंडियं वा उच्छुचोयगं वा उच्छुमेरगं वा उच्छुसालगं वा उच्छुडालगं वा सबलिं वा संबलिथालिगं वा, अस्सिं खलु पडिग्गाहियंसि अप्पे भोज बहुउज्झियधम्मिए, तहप्पगारं अंतरुच्छ्रयं वा जाव सबंलिथालिगं वा अफासुयं जाव णो पडिगाहेज्जा । ४०३. से भिक्खू वा २ से ज्जं पुण जाणेज्जा बहुअट्ठियं वा मंसं मच्छं वा बहुकंटगं, अस्सिं खलु पडिग्गाहितंसि अप्पे भोयणजाते बहुउज्झियधम्मिए, तहप्पगारं बहुअट्ठियं वा मंसं मच्छं वा बहुकंटगं लाभे संते णो पडिगाहेज्जा
श्री आगमगुणमजुषा - २५
