Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 114

(१) आयारो बी. सु. १ अ. पिंडेसणा उद्देसक ७,८ [२३]
फ्र
अस्संजए भिक्खुपडियाए पीढं वा फलगं वा णिस्सेणिं वा उदूहलं वा अवहट्टु उस्सविय द्रुहेज्जा से तत्थ द्रुहमाणे पयलेज्ज वा पवडेज्ज वा । से तत्थ पयलमाणे वा पवडमाणे वा हत्थं वा पादं वा बाहुं वा ऊरुं वा उदरं वा सीसं वा अण्णतरं वा कार्यसि इंदियजायं लूसेज्ज वा पाणाणि वा ४ अभिहणेज्ज वा, वत्तेज्ज वा, लेसेज्ज वा, संघसेज्ज वा, संघट्टेज्न वा, परियावेज्ज वा, किलामेज्ज वा, उद्दवेज्ज वा ?, ठाणाओ ठाणं संकामेज्ज वा, जीवियाओ ववरोवेज्ज वा ? । तं तहप्पगारं मालोहडं असणं वा ४ ला संते णो पडिगाहेज्जा । ३६६. से भिक्खू वा २ जाव समाणे से ज्जं पुण जाणेज्जा असणं वा ४ कोट्टिगातो वा कोलेज्जातो वा अस्संजए भिक्खुपडियाए उक्कुज्जिय अवउज्जिय ओहरिय आहड्ड दलएज्जा । तहप्पगारं असणं वा ४ मालोहडं ति णच्चा लाभे संते णो पडिगाहेज्जा । ३६७. से भिक्खु वा २ जाव समासे पुण जाणेज्जा असणं वा ४ मट्टिओलित्तं । तहप्पगारं असणं वा ४ जाव लाभे संते णो पडिगाहेज्जा । केवली बूया आयाणमेयं । अस्संजए भिक्खुपडियाए मट्टिओलित्तं असणं वा उब्दिमाणे पुढवीकायं समारंभेज्जा, तह तेउ वाउ वणस्सति-तसकायं समारंभेज्जा, पुणरवि ओलिंपमाणे पच्छाकम्मं करेज्जा । अह भिक्खूणं पुव्वोवदिट्ठा ४ जं तहप्पगारं मट्टिओलित्तं असणं वा ४ अफासुयं लाभे संते णो पडिगाहेज्जा । ३६८. से भिक्खू वा २ जाव समाणे से ज्जं पुण जाणेज्जा असणं वा ४ पुढविक्कायपतिठितं । तहप्पगारं असणं वा ४ अफासुयं जाव णो पडिगाहेज्जा से भिक्खू वा २ से ज्जं पुण जाणेज्जा असणं वा ४ आउकायपतिठितं तह चेव । एवं अगणिकायपतिठ्ठितं लाभे संते णो पडिगाहेज्जा । केवली बूया आयाणमेयं । अस्संजए भिक्खुपडियाए अगणिं उस्सिक्किय णिस्सिक्किय ओहरिय आहट्टु दलएज्जा । अह भिक्खूणं पुव्वोवदिठ्ठा ४ जाव णो पडिगाहेज्जा | से भिक्खू वा २ जाव समाणे से ज्जं पुण जाणेज्जा असणं वा ४ अच्चुसिणं अस्संजए भिक्खुपडियाए सूवेण वा विहुवणे तालियंटेण वा पत्तेण वा साहाए वा साहाभंगेण वा पेहुणेण वा पेहुणहत्थेण वा चेलेण वा चेलकण्णेण वा हत्थेण वा मुहेण वा फुमेज्न वा वीएज्जा वा । सेव आलोएज्जा आउसो त्ति वा भगिणि त्ति वा मा एतं तुमं असणं वा ४ अच्चुसिणं सूवेण वा जाव फुमाहि वा वीयाहि वा, अभिकंखसि मे दाउं एमेव दलयाहि । से सेव वदंतस्स परो सूवेण वा जाव वीइत्ता आहट्टु दलएज्जा, तहप्पगारं असणं वा ४ अफासुयं जाव णो पडिगाहेज्जा | से भिक्खू वा २ समाणे से ज्जं पुण जाणेज्जा वणस्सतिकायपतिट्ठितं । तहप्पगारं असणं वा पाणं वा खाइमं वा साइमं वा वणस्सतिकायपतिद्वितं अफासुयं लाभे संते णो पडिगाहेज्जा । एवं तसकाए वि । ३६९. सेभिक्खू वा जाव समाणे से ज्जं पुण पाणगजायं जाणेज्ना, तंजहा उस्सेइमं वा संसेंइमं वा चाउलोदगं वा अण्णतरं वा तहप्पगारं पाणगजातं अधुणाधोतं अणंबिलं अव्वोक्वंतं अपरिणतं अविद्धत्थं अफासुयं जाव णो पडिगाहेज्जा । अह पुणेवं जाणेज्जा चिराधोतं अंबिलं वंक्कतं परिणतं विद्धत्थं फासुयं जाव पडिगाहेज्जा । ३७०. से भिक्खू वा २ जाव समाणे से ज्जं पुण पाणगजातं जाणेज्जा, तंजहा तिलोदगं वा तुसोदगं वा जवोदगं वा आयामं वा सोवीरं वा सुद्धवियडं वा, अण्णसरं वा तहप्पगारं पाणगजातं पुव्वामेव आलोएज्जा आउसो त्ति वा भगिणि त्ति वा दाहिसि मे एतो अण्णतरं पाणगजातं ? से सेवं वदतं परो वदेज्जा आउसंतो समणा ! तुमं चेवेदं पाणगजातं पडिग्गहेण वा उस्सिचियाणं ओयत्तियाणं गिण्हाहि । तहप्पगारं पाणगजातं सयं वा गेण्हेज्जा, परो वा से देज्ना, फासूयं लाभे संते पडिगाहेज्जा । ३७१. से भिक्खू वा जाव समाणे से ज्जं पुण पाणगं जाणेज्ना- अनंत-रहिताए पुढवीए जाव संताणए उद्धड्ड उद्धड्ड णिक्खिते सिया। अस्संजते भिक्खुपडियाए उदउल्ले वा ससणिद्धेण वा सकसाएण वा मत्तेण वा सीतोदएण वा संभोएत्ता आहट्टु दलएज्जा । तहप्पगारं पाणगजायं अफासुयं लाभे संते णो पडिगाहेज्जा । ३७२. एतं खलु तस्स भिक्खुस्स वा २ सामग्गियं । ★★★ ॥ पिण्डेषणाध्ययनस्य सप्तम उद्देशकः समाप्तः ॥ ★★★ अट्टमो उद्देसओ ३७३. सेभिक्खू वा २ जाव समाणे से ज्जं पुण पाणगजातं जाणेज्जा, तंजहा अंबपाणगं वा अंबाडगपाणगं वा कविट्ठपाणगं वा मातुलुंगपाणगं वा मुद्दियापाणगं वा दालिमपाणगं वा खजूरपागं वा णालिएरपाणगं वा करीरपाणगं वा कोलपाणगं वा आमलगपाणगं वा चिंचापाणगं वा, अण्णतरं वा तहप्पगारं पाणगजातं सअट्ठियं सकणुयं सबीयगं अस्संजए भिक्खुपडियाए छव्वेण वा दूसेण वा वालगेण वा आवीलियाण परिपीलियाण परिस्साइयाण आहड दलएज्जा । तहप्पगारं पाणगजायं अफासुयं लाभे संते णो पडिगाहेज्जा । ३७४. से भिक्खू वा २ जाव पविट्ठे समाणे से आगंतारेसु वा आरामागारेसु वा गाहावतिकुलेसु वा परियावसहेसु वा अण्णगंघाणि वा
श्री आगमगुणमंजुषा 53
6666666666666666666666666
फफफफफफ