Agam 44 Chulika 01 Nandi Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

(४४) नंदीसूर्य
ओका अकडेमाणे अणुकड्डेमाणे गच्छेज्जा से त्तं मग्गओ अंतगयं २ । २०. से किं तं पासओ अंतगयं ? पासओ अंतगयं से जहाणामए केइ पुरिसे उक्कं वा चुडलियं वा अलायं वा मणि वा जोई वा पईवं वा पासओ काउं परिकडेमाणे परिकडेमाणे गच्छेज्जा। से त्तं पासओ अंतगयं ३ । से त्तं अंतगयं । २१. से किं तं मज्झगयं ? मज्झगयं से जहानामए केइ पुरिसे उक्कं वा चुडलियं वा अलायं वा मणि वा जोइं वा पईवं वा मत्थए काउं गच्छेज्ना से तं मज्झगयं । २२. अंतगयस्स मज्झगयरस य को पइविसेसो ? पुरओ अंतगएणं ओहिनाणेणं पुरओ चेव संखेज्जाणि वा असंखेज्जाणि वा जोयणाणि जाणइ पासइ, मग्गओ अंतगएणं ओहिनाणेणं मग्गओ चेव संखेज्नाणि वा असंखेज्जाणि वा जोयणाणि जाणइ पासइ, पासओ अंतगएणं ओहिणाणेण पासओ चेव संखेज्जाणि वा असंखेज्नाणि वा जोयणाई जाणइ पास, मज्झगएणं ओहिणाणेणं सव्वओ समंता संखेज्जाणि वा असंखेज्जाणि वा जोयणाई जाणइ पासइ । से तं आणुगामियं ओहिणाणं १ । २३. से किं तं अागामि ओहिणाणं ? अणाणुगामियं ओहिणाणं से जहाणामए केइ पुरिसे एवं महंतं जोइट्ठाणं काउं तस्सेव जोइट्टाणस्स परिपेरंतेहिं परिपेरंतेहिं परिघोलेमाणे परिघोलेमाणे तमेव जोइट्ठाणं पासइ, अण्णत्थ गए ण पासइ, एवमेव अणाणुगामियं ओहिणाणं जत्थेव समुप्पज्जइ तत्थेव संखेज्जाणि वा असंखेज्जाणि वा संबद्धाणि वा असंबद्धाणि वा जोयणाइं जाणइ पासइ, अण्णत्थ गए ण पासइ । से तं अणाणुगामियं ओहिणाणं २ । २४. से किं तं वडमाणयं ओहिणाणं ? वहुमाणयं ओहिणाणं पसत्थेसु अज्झवसाणट्ठाणेसु वट्टमाणस्स वट्टमाणचरित्तस्स विसुज्झमाणस्स विसुज्झमाणचरित्तस्स सव्वओ समंता ओही परि वड्ड । जावतिया तिसमयाहारगस्स सुहुमस्स पणगजीवस्स । ओगाहणा जहन्ना ओहीखेत्तं जहन्नं तु || ४५|| सव्वबहुअगणिजीवा णिरंतरं जत्तियं भरेज्नंसु । खेत्तं सव्वदिसागं परमोही खेत्तनिद्दिट्ठो ||४६|| अंगुलमावलियाणं भागमसंखेज्ज, दोसु संखेज्जा। अंगुलमावलियंतो, आवलिया अंगुलपुत्तं ॥ ४७|| हत्थम्मि मुहुत्तंतो, दिवसंतो गाउयम्मि बोद्धव्वो । जय दिवसपुत्तं पक्खतो पण्णवीसाओ ॥४८॥ भरहम्मि अद्धमासो, जंबुद्दीवम्मि साहिओ मासो। वासं च मणुयलोए, वासपुहत्तं च रुयगम्मि ॥४९॥ संखेज्जम्मि उकाले दीव-समुद्दा वि होति संखेज्जा | कालम्मि असंखेज्जे दीव-समुद्दा उ भइयव्वा ||५०॥ काले चउण्ह वुड्डी, कालो भइयव्वु खेत्तवुड्डीए । वुड्डीए दव्व-पज्जव भइयव्वा खेइ-काला उ ॥५१॥ सुहुमो य होइ कालो, तत्तो सुहुमयरयं हवइ खेत्तं । अंगुलसेढीमेत्ते ओसप्पिणिओ असंखेज्जा ॥ ५२॥ से त्तं वमाणयं ओहिणाणं ३ । २५. से किं तं हायमाणयं ओहिणाणं ? हायमाणयं ओहिणाणं अप्पसत्थेहिं अज्झवसायट्ठाणेहिं वट्टमाणस्स वट्टमाणचरित्तस्स संकिलिस्समाणस्स संकिलिस्समाणचरित्तस्स सव्व समंता ओही परिहायति । से त्तं हायमाणयं ओहिणाणं ४ । २६. से किं तं पडिवाति ओहिणाणं ? पडिवाति ओहिणाणं जाणं जहणेणं अंगुलस्स असंखेज्जइभागं वा संखेज्जइभागं वा वालग्गं वा वालग्गपुहत्तं वा लिक्खं वा लिक्खपुहत्तं वा जूयं वा जूयपुहत्तं वा जवं वा जवपुहत्तं वा अंगुलं वा अंगुलपुहत्तं वा पायं वा पाय हत्तं वा वियत्थिं वा वियत्थिपुहत्तं वा रयणिं वा रयणिपुहत्तं वा कुच्छिं वा कुच्छिपुहत्तं वधणुयं वा धणुयपुहत्तं वा गाउयपुहत्तं वा जोयणं वा जोयणपुहत्तं वा जोयणसयं वा जोयणसयपुहत्तं वा जोयणसहस्सं वा जोयणसहस्सपुहत्तं वा जोयणसतसहस्स वा जोयणसत्तसहस्सपुहत्तं वा जोयणकोडिं वा जोयणकोडिपुहत्तं वा
कोडा कोडिं वा जोयणकोडाकोडिपुहत्तं वा उक्कोसेण लोगं वा पासित्ता णं पडिवएज्जा। से त्तं पडिवाति ओहिणाणं ५ । २७. से किं तं अपडिवाति ओहिणाणं ? अपडिवाति ओहिणाणं जेणं अलोगस्स एगमवि आगासपदेसं पासेज्जा तेणं परं अपडिवाति ओहिणाणं । से त्तं अपडिवाति ओहिणाणं ६ । २८. तं समासओ चव्विहं पण्णत्तं । तं जहा दव्वओ खेत्तओ कालओ भावओ । तत्थ दव्वओ णं ओहिणाणी जहण्णेणं अणंताणि रूविदव्वाइं जाणइ पासइ, उक्कोसेणं सव्वाइं रूविदव्वाइं जाणइ पासइ १ ! खेत्तओ णं ओहिणाणी जहण्णेणं अंगुलस्स असंखेज्जइभागं जाणइ पासइ, उक्कोसेणं असंखेज्जाई अलोए लोयमेत्ताइं खंडाई जाणइ पासइ २ | कालओ णं ओहिणाणी जहणणेणं आवलियाए असंखेज्जाइं भागं जाणइ पासइ, उक्कोसेणं असंखेज्जाओ ओसप्पिणीओ उस्सप्पिणीओ अतीतं च अणागतं कालं जाणइ पासइ ३ । भावओ णं ओहिणाणी जहण्णेणं अणंतभावे पासइ, उक्कोसेण वि अणंते भावे जाणइ पासइ, सव्वभावाणमणंतभागं जाणइ पासइ ४ । २९. ओही भवपच्चइओ गुणपच्चइओ य वण्णिओ एसो । तस्स य बहू वियप्पा दव्वे खेत्ते य काले य । ५३ ॥ णेरइय-देव- तित्थंकरा य ओहिस्सऽ बाहिरा होंति ।
HO श्री आगमगुणमंजूषा १६८८ SOTOR
K
(३)
फ्र