Agam 44 Chulika 01 Nandi Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 24

[१५]
(४४) नंदीसूर्य
मुहभंडगमंडियं, आसं वा थासग चामरमंडियं, सकडगं दासं वा, दासिं वा सव्वालंकारविभूसियं अणुजाणिज्जा। से त्तं मीसिया कुप्पावयणिया० दव्वाणुण्णा । से तं पाणिया दव्वाणा । १९. से किं तं लोउत्तरिया० दव्वाणुण्णा ? लोउत्तरिया० दव्वाणुण्णा तिविहा पण्णत्ता, तं जहा सचित्ता अचित्ता मीसिया । २०. से किं तं सचित्ता० ? सचित्ता० से जहाणामए आयरिए इ वा उवज्झाए इ वा थेरे इ वा पवत्ती इ वा गणी इ वा गणहरे इ वा गणावच्छेयए इ वा सीसस्स वा सिस्सिणीए
RTOK
श्री आगमगुणमंजूषा - १७००
कहिं कारणे तुट्ठे समाणे सीसं वा सिस्सिणिं वा अणुजाणेज्ना । से त्तं सचित्ता० । २१. से किं अचित्ता० ? अचित्ता० से जहाणामए आयारिए ति वा उवज्झाए ति वा थेरेति वा पवत्ती ति वा गणी ति वा गणधरे ति वा गणावच्छेदिए ति वा सिस्सस्स वा सिस्सिणियाए वा कम्हिय कारणे तुट्ठे समाणे वत्थं वा पातं वा पडिग्गहं वा कंबलं वा पादपुंछणं वा अणुजाणेज्जा से तं अचित्ता० । २२. से किं तं मीसिया० ? मीसिया० से जहाणामए आयरिए इ वा उवज्झाए इ वा थेरे इ वा पवत्ती इ वागणी इ वा गणहरेइ वा गणावच्छेयए इ वा सिस्सस्स वा सिस्सिणीए वा कम्हिय कारणे तुट्ठे समाणे सिस्सं वा सिस्सिणियं वा सभंड- मत्तोवगरणं अणुजाणेज्ना । से तं मीसिया । सेतं लोगुत्तरिया० । से त्तं जाणगसरीरभवियसरीरवइरित्ता० दव्वाणुन्ना । से त्तं णोआगमतो दव्वाणुण्णा । से तं दव्वाणुण्णा ३ । २३. से किं तं खेत्ताणुण्णा ? खेत्ताणुण्णा जो णं जस्स खेत्तं अणुजाणति, जत्तियं वा खेत्तं, जम्मि वा खेत्ते । से त्तं खेत्ताणुण्णा ४ । २४. से किं तं कालाणुण्णा ? कालाणुण्णा जो गं जसका अणुजाति, जत्तियं वा कालं, जम्मि वा काले अणुजाणति, तं० तीतं वा पडुप्पण्णं वा अणागतं वा वसंतं वा हेमंतं वा पाउस वा अवत्थाणहेउं । से तं कालाणुण्णा ५ । २५. से किं तं भावाणुण्णा ? भावाणुण्णा तिविहा पण्णत्ता, तं जहा लोइया कुप्पावयणिया लोगुत्तरिया । २६. से किं तं लोइया भावाणुण्णा ? लोइया भावाणुण्णा से जहानामए राया इ वा जुवराया इ वा जाव तुट्ठे समाणे कस्सइ कोहाइभावंय अणुजाणिज्जा। से त्तं लोइया भावाणुण्णा । २७. से किं तं कुप्पावणिया भावाण्णा ? कुप्पावयणिया भावाणुण्णा से जहानामए केइ आयरिए इ वा जाव कस्सइ कोहाइभावं अणुजाणिज्जा से तं कुप्पावयणिया भावाणुण्णा । २८. से किं तं लोगुत्तरिया भावाणुण्णा ? लोगुत्तरिया भावाणुण्णा से जहानामए आयरिए इ वा जाव कम्हि कारणे तुट्ठे समाणे कालोचियनाणाइगुणजोगिणो विणीयस्स खमाइपहाणस्स सुसीलस्स सिस्सस्स तिविहेणं तिगरणविसुद्वेणं भावेणं आयारं वा सूयगडं वा ठाणं वा समवायं वा विवाहपण्णत्तिं वा नायाधम्मकहं वा उवासगदसाओ वा अंतगडदसाओ वा अणुत्तरोववाइयदसाओ वा पण्हावागरणं वा विवागसुयं वा दिट्ठिवायं वा सव्वदव्व-गुण- पज्जवेहिं सव्वाणुओगं वा
जाणा । तं लोगुत्तरिया भावाणुण्णा । से त्तं भावाणुण्णा ६ । २९. किमणुण्ण ? कस्सऽणुण्णा ? केवतिकालं पवत्तियाऽणुण्णा ? । आदिकर पुरिमताले पवत्तिया उसभसेणस्स || १ || ३०. अणुण्णा १ उण्णमणी २ णमणी ३ णामणी ४ ठवणा ५ पभवो ६ पभावण ७ पयारो ८ । तदुभय ९ हिय १० मज्जाया ११ णाओ १२ मग्गो १३ य कप्पो १४ य ॥ २ ॥ संगह १५ संवर १६ णिज्जर १७ ठिइकरणं १८ चेव जीववुडिपयं १९ । पदपवरं २० चेव तहा, वीसमणुण्णाए णामाई ॥३॥ [॥ अण्णानंदी समत्ता ॥] [ जोगणंदी ] १. नाणं पंचविहं पण्णत्तं, तंजहा आभिणिबोहियनाणं १ सुयनाणं २ ओहिनाणं ३ मणपज्जवनाणं ४ केवलनाणं ५ । तत्थ णं चत्तारि नाणाई ठप्पाई ठवणिज्जाई, नो उद्दिसिज्जंति नो समुद्दिसिज्जंति नो अणुण्णविज्जंति, सुयनाणस्स पुण उद्देसो १ समुद्देसो २ अणुण्णा ३ अणुओगो ४ य पवत्तइ । २. जइ सुयनाणस्स उद्देसो १ समुद्देसो २ अणुण्णा ३ अणुओगो ४ पवत्तइ किं अंगपविट्ठस्स उद्देसो समुद्देसो २ णुण्णा ३ अणुओगो ४ पवत्तइ ? किं अंगबाहिरस्स उद्देसो १ समुद्देसो २ अणुण्णा ३ अणुओगो ४ पवत्तइ ? गोयमा ! अंगणविट्ठस्स वि उद्देसो १ समुद्देसो २ अणुण्णा ३ अणुओगो ४ पवत्तइ, अंगपाहिरस्स विउसो १ समुद्देसो २ अणुण्णा ३ अणुओगो ४ पवत्तइ । इमं पुण पट्टवणं पडुच्च अंगबाहिरस्स उद्देसो ४ । ३. जइ पुण अंगबाहिरस्स उद्देसो जाव अणुओगो पवत्तर किं कालियस्स उद्देसो ४ ? किं उक्कलियस्स उद्देसो ४ ? गोयमा ! कालियस्स वि उद्देसो ४ उक्कालियस्स वि उद्देसो ४ । इमं पुण पट्टवणं पडुच्च उक्कालियस्स उद्देसो ४ । ४. जइ उक्कालियस्स उद्देसो ४ कि आवस्सगस्स उद्देसो समुद्देसो अणुण्णा अणुओगो पवत्तइ ? आवस्सवइरित्तस्स ४ ? गोयमा ! आवस्सगस्स वि उद्देसो ४ आवस्सगवइरित्तस्स वि उद्देसो ४ । ५. जइ आवस्सगस्स उद्देसो ४ किं सामाइयस्स १ चउवीसत्ययस्स २ वंदणस्स ३ पडिक्कमणस्स ४ काउस्सग्गस्स ५
YOR