Book Title: Agam 30A Gacchayaro Sattamam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 8
________________ गाहा-८४ = [८४] बालाए वुड्ढाए नतुय दुहियाए अहव भइणीए । न य कीरइ तन्फरिसं गोयम ! गच्छं तयं भणियं || [८५] जत्थित्थीकरफरिसं लिंगी अरिहा वि सयम वि करिज्जा | तं निच्छयओ गोयम ! जाणिज्जा मूलगुण-भट्ठे || [८६] कीरइ बीयपएणं सुत्तमभणियं न जत्थविहिणा छ । उप्पन्ने पुण कज्जे दिक्खा-आयंकमाईए [८७] मूलगुणेहिं विमुक्कं बहुगुणकलियं पि लद्धिसंपन्नं । उत्तमकुलेऽवि जायं निद्धाडिज्जइ तयं गच्छं [८८] जत्थ हिरण्ण-सुवण्णे धन-धन्ने कंस-तंब-फलिहाणं । सयणाण आसणाण य झुसिराणं चेव परिभोगो [८९] जत्थ य वारडियाणं तत्तडियाणं च तह य परिभोगो । मोत्तुं सुक्किल-वत्थं का मेरा तत्थ गच्छम्मि ? || [९०] जत्थ हिरण्ण-सुवण्णं हत्थेण पराणगं पि नो छिप्पे | कारणसमप्पियं-पि हु निमिस-खणद्धं पि तं गच्छं ।। [९१] जत्थ य अज्जालद्धं पडिगहमाई वि विविहमुवगरणं । परिभुजइ साहूहिं तं गोयम ! केरिसं गच्छं [९२] अइदुल्लह-भेसज्ज बल-बुद्धिविवड्ढणं पि पुट्ठिकरं । अज्जालद्धं भुंजइ का मेरा तत्थ गच्छंमि [९३] एगो एगित्थिए सद्धिं, जत्थ चिट्ठिज्ज गोयमा संजईए विसेसेणं, निम्मेरं तं तु भासिमो ।। [९४] दढचारितं मोत्तुं आइज्जं मयहरं च गुणरासिं । एक्को अज्झावेई तमनायारं न तं गच्छं ।। [९५] घनगज्जिय-हयकुहियं विज्जू - दुग्गिज्झ-गूढहिययाओ । अज्जा अवारियाओ इत्थीरज्जं न तं गच्छं [९६] जत्थ समुद्देसकाले साहूणं मंडलीए अज्जाओ । गोयम ! ठवंति पाए इत्थीरज्जं न तं गच्छं ।। [९७] जत्थ मुणीण कसाए जगडिज्जंता वि परकसाएहिं । निच्छंति समुठे सुनिविट्ठो पंगुलो चेव ।। [९८] धम्मंतरायभीए भीए संसार-गब्भवसहीणं । न उईरंति कसाए मुनी मुणीणं तयं गच्छं [९९] कारणमकारणेणं अह कह वि मुणीण उठ्ठिहिं कसाए | उदिए वि जत्थ रूंभेहिं खामिज्जइ जत्थ तं गच्छं ।। [१००] सील-तव-दान-भावना चठविह-धम्मंतराय-भयभीए | जत्थ बहू गीयत्थे गोयम ! गच्छं तयं भणियं -- = [दीपरत्नसागर-संशोधितः] [7] [३०|१|गच्छायारो]Page Navigation
1 ... 6 7 8 9 10 11
