Agam 25 Chhed 02 Bruhatkalpa Sutra Kappo Terapanth

Author(s): Tulsi Acharya, Mahapragna Acharya
Publisher: Jain Vishva Bharati

Page 25

चउत्थो उद्देसो
५८३
उवायत्तं अनिक्खिवित्ता अण्णं गणं संभोगपडियाए उवसंपज्जित्ताणं विहरित्तए; कप्पइ आयरिय-उवज्झायस्स आयरिय-उवज्झायत्तं निक्खि वित्ता अण्णं गणं संभोगपडियाए उवसंपज्जित्ताणं विहरित्तए । नो से कप्पइ अणापुच्छित्ता आयरियं वा जाव गणावच्छेइयं वा अण्णं गणं संभोगपडियाए उवसंपज्जित्ताणं विहरित्तए; कप्पइ से आपुच्छित्ता आयरियं वा जाव गणावच्छेइयं वा अण्णं गणं संभोगपडियाए उवसंपज्जित्ताणं विहरित्तए । ते य से वियरेज्जा, एवं से कपइ अण्णं गणं संभोगपडियाए उवसंपज्जित्ताणं विहरित्तए; ते य से नो वियरेज्जा, एवं से नो कप्पइ अण्णं गणं संभोगपडियाए उवसंपज्जित्ताणं विहरितए। जत्थुत्तरियं धम्मविणयं लभेज्जा, एवं से कप्पइ अण्णं गणं संभोगपडियाए उवसंपज्जित्ताणं विहरित्तए; जत्थुत्तरियं धम्मविणयं नो लभेज्जा, एवं से नो कप्पइ अण्णं गणं
संभोगपडियाए उवसंपज्जित्ताणं विहरित्तए । २२. भिक्खू य इच्छेज्जा अण्णं आयरिय-उवज्झायं उद्दिसावेत्तए, नो से कप्पइ अणा
पुच्छित्ता आयरियं वा जाव गणावच्छेइयं वा अण्णं आयरिय-उवज्झायं उद्दिसावेत्तए; कप्पइ से आपुच्छित्ता आयरियं वा जाव गणावच्छेइयं वा अण्णं आयरिय-उवज्झायं उद्दिसावेत्तए । ते य से वियरेज्जा, एवं से कप्पइ अण्णं आयरियउवज्झायं उद्दिसावेत्तए; ते य से नो वियरेज्जा, एवं से नो कप्पइ अण्णं आयरिय-उवज्झायं उद्दिसावेत्तए। नो से कप्पइ तेसिं कारणं अदीवेत्ता अण्णं आयरिय-उवज्झायं उद्दिसावेत्तए; कप्पद से तेसिं कारणं दीवेत्ता अण्णं आयरिय
उवज्झायं उद्दिसावेत्तए ॥ २३. गणावच्छेइए य इज्छेज्जा अण्णं आयरिय-उवज्झायं उदिसावेत्तए, 'नो से" कप्पइ
गणावच्छेइयत्तं' अणिक्खिवित्ता अण्णं आयरिय-उवज्झायं उद्दिसावेत्तए; कप्पइ से गणावच्छेइयत्तं निक्खिवित्ता अण्णं आयरिय-उवज्झायं उद्दिसावेत्तए"। नो से कप्पइ अणापुच्छित्ता आयरियं वा जाव गणावच्छेइयं वा अण्णं आयरियउवज्झायं उद्दिसावेत्तए; कप्पइ से आपुच्छित्ता आयरियं वा जाव गणावच्छेइयं वा अण्णं आयरिय-उवज्झायं उद्दिसावेत्तए । ते य से वियरेज्जा, एवं से कप्पइ अण्णं आयरिय-उवज्झायं उद्दिसावेत्तए, 'ते य से नो वियरेज्जा, एवं से नो कप्पइ अण्णं आयरिय-उवज्झायं उद्दिसावेत्तए“। नो से कप्पइ तेसि कारणं अदीवेत्ता अण्णं आयरिय-उवज्झायं उद्दिसावेत्तए; कप्पइ से तेसिं कारणं दीवेत्ता अण्णं
आयरिय-उवज्झायं उद्दिसावेत्तए । २४. आयरिय-उवज्झाए य इच्छेज्जा अण्णं आयरिय-उवज्झायं उद्दिसावेत्तए, 'नो से
कप्पइ आयरिय-उवज्झायत्तं अणि क्खि वित्ता अण्णं आयरिय-उवज्झायं उद्दिसावेतए; कप्पइ से आयरिय-उवज्झायत्तं निक्खिवित्ता अण्णं आयरिय-उवज्झायं उद्दि
१. x (ग)। २. गणावच्छेइयस्स (ग)।
३. x (क, ख, जी, शु)। ४.४ (ग, पु)।