Book Title: Agam 25 Aaurpacchakhanam Bieyam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 5
________________ अणुक्कमो-२८ [२८] संजोग मूला जीवेणं, पत्ता दुक्खपरंपरा । तम्हा संजोग संबंध, सव्वं भावेण वोसिरे ।। [२९] मूलगुणे उत्तरगुणे जे मे नाऽऽराहिया पमाएणं । तमहं सव्वं निंदे पडिक्कमे आगमिस्साणं ।। [३०] सत्त भए अट्ठ मए सन्ना चत्तारि गारवे तिन्नि । आसायण तेतीसं रागं दोसं च गरिहामि ।। [३१] अस्संजममन्नाणं मिच्छत्तं सव्वमेव य ममत्तं । जीवेसु अजीवेसु य तं निंदे तं च गरिहामि || [३२] निंदामि निंदणिज्जं गरिहामि य जं च मे गरहणिज्जं । आलोएमि य सव्वं सब्भिंतरबाहिरं उवहिं [३३] जह बालो जंपतो कज्जमकज्जं च उज्जुयं भणइ । तं तह आलोएज्जा मायामोसं पमोत्तूणं ।। [३४] नाणंमि दंसणंमि य तवे चरिते य चउसु वि अकंपो । धीरो आगमकुसलो अपरिस्सावी रहस्साणं ।। [३५] रागेण व दोसेण व जं मे अकयन्नुया पमाएणं । जो मे किंचि वि भणिओ तमहं तिविहेण खामेमि [३६] तिविहं भणंति मरणं बालाणं बालपंडियाणं च । तइयं पंडितमरणं जं केवलिणो अनुमति ।। [३७] जे पुण अट्ठमईया पयलियसन्ना य वंकभावा य । असमाहिणा मरंति न ह ते आराहगा भणिया [३८] मरणे विराहिए देवदुग्गई दुल्लहा य किर बोही । संसारो य अनंतो होई पुणो आगमिस्साणं ।। [३९] का देवदग्गई का अबोहि केणेव वज्झई मरणं । केण अनंतमपारं संसारे हिंडई जीवो || [४०] कंदप्प देवकिब्बिस अभिओगा आसुरी य संमोहा । ता देवदुग्गईओ मरणंमि विराहिए हुंति ।। [४१] मिच्छदसणरत्ता सनियाणा कण्हलेसमोगाढा | इय जे मरंति जीवा तेसिं दुलहा भवे बोही ।। [४२] सम्मइंसणरत्ता अनियाणा सुक्कलेसमोगाढा | इय जे मरंति जीवा तेसिं सुलहा भवे बोही ।।। [४३] जे पुण गुरूपडिनीया बमोहा ससबला कुसीला य । असमाहिणा मरंति ते हंति अनंतसंसारी ।। [४४] जिनवयणे अनुरत्ता गुरुवयणं जे करंति भावेणं । असबल असंकिलिट्ठा ते हंति परित्तसंसारी ।। दीपरत्नसागर-संशोधितः [२५|आउरपच्चक्खाणंPage Navigation
1 ... 3 4 5 6 7
