Agam 25 Aaurpacchakhanam Bieyam Painnayam Mulam PDF File

Author(s): Dipratnasagar, Deepratnasagar
Publisher: Deepratnasagar

Page 3

बालब्रह्मचारी श्री नेमिनाथाय नमः
नमो नमो निम्मलदंसणस्स
ॐ ह्रीं नमो पवयणस्स
२५ आउरपच्चक्खाणं-बिइअं पइण्णयं |
[१] देसिक्कदेसविरओ सम्मद्दिट्ठी मरिज्ज जो जीवो ।
तं होइ बालपंडियमरणं जिनसासने भणियं ।। [२] पंच य अणुव्वयाई सत्त उ सिक्खा उ देस जइधम्मो ।
सव्वेण व देसेण व तेण जुओ होई देसजई [३] पाणिवह मुसावाए अदत्त परदारनियमनेहिं च ।
अपरिमिइच्छाओऽवि य अणुव्वयाइं विरमणाई ।। [४] जं च दिसावेरमणं अनत्थदंडाउ जं च वेरमणं ।
देसावगासियं पि य गुणव्वयाई भवे ताई ।। [५] भोगाणं परिसंखा सामाइयं अतिहिसंविभागो य ।
पोसहविही य सव्वो चउरो सिक्खाउ वुत्ताओ ।। [६] आसुक्कारे मरणे अच्छिन्नाए जीवियासाए | नाएहि वा अमुक्को पच्छिम संलेहणमकिच्चा ।। [७] आलोइय निस्सल्लो सघरे चेवारुहित् संथारं ।
जइ मरइ देसविरओ तं वुतं बालपंडिययं ।।। [८] जो भत्तपरिन्नाए उवक्कमो वित्थरेण निद्दिट्ठो ।
सो चेव बालपंडिय मरणे नेओ जहाजोग्गं ।। [९] वेमाणिएसु कप्पोवगेसु नियमेण तस्स उववाओ । नियमा सिज्झइ उक्कोसएण सो सत्तमंमि भवे [१०] इय बालपंडियं होइ मरणमरिहंतसासने दिह्र ।
इत्तो पंडियपंडियमरणं वुच्छं समासेणं ।।
[११] इच्छामि णं भंते ! उत्तम→ पडिक्कमामि अईयं पडिक्कमामि अनागयं पडिक्कमामि पच्चुप्पन्नं पडिक्कमामि कयं पडिक्कमामि कारियं पडिक्कमामि अनुमोइयं पडिक्कमामि मिच्छतं पडिक्कमामि असंजमं पडिक्कमामि कसायं पडिक्कमामि पावप्पओगं पडिक्कमामि,
मिच्छादसणपरिणामेसु वा, इहलोगेसु वा परलोगेसु वा, सच्चितेसु वा अच्चितेसु वा, पंचसु इंदियत्थेसु वा, अन्नाणं झाणे अनायारं० कुंदसणं० कोहं० मानं० मायं० लोभं० रागं० दोसं० मोहं० इच्छं० मिच्छं० मुच्छं० संकं० कंख० गेहिं० आसं० तण्हं० छुहं० पंथं० पंथाणं० निर्दे० नियाणं० नेहं० कामं० कलुसं० कलहं० जुज्झं० निजुज्झं० संगं० संगहं० ववहारं० कयविक्कयं० अनत्थदंडं० आभोगं० अनाभोगं० अनाइल्लं० वेरं० वियक्कं० हिंसं० हासं० पहासं० पओसं० फरुसं० भयं० रूवं० अप्पपसंसं० परनिदं० परगरिंह० परिग्गहं० परपरिवायं० परदूसणं० आरंभं० सरंभं० पावाणुमोयणं असमाहिमरणं० कम्मोदयपच्चयं० इड्ढिगारवं० रसगारवं० सायागारवं० अवेरमणं० अमुत्तिमरणंझाणं ।
दीपरत्नसागर-संशोधितः
[2]
[२५|आउरपच्चक्खाणं