Book Title: Agam 25 Aaurpacchakhanam Bieyam Painnayam Mulam PDF File Author(s): Dipratnasagar, Deepratnasagar Publisher: Deepratnasagar View full book textPage 4
________________ अणुक्कमो-११ पसुत्तस्स वा पडिबुद्धस्स वा जो मे केई देवसिओ राइओ उत्तमठे अइक्कमो वइक्कमो अइयारो अनायारो तस्स मिच्छामिक्कडं । [१२] एस करेमि पणामं जिनवरवसहस्स वद्धमाणस्स | सेसाणं पि जिणाणं सगणहराणं च सव्वेसिं ।। [१३] सव्वं पाणारंभं पच्चक्खामि ति अलियवयणं च । सव्वमदिन्नादाणं मेहण्णं परिग्गहं चेव ।। [१४] सम्मं मे सव्वभूएसु, वेरै मज्झ न केणई । आसाठ वोसिरित्ताणं, समाहिमनुपालए ।। [१५] सव्वं चाऽऽहारविहिं सन्नाओ गारवे कसाए य । सव्वं चेव ममत्तं चएमि सव्वं खमावेमि ।। [१६] होज्जा इममि समए उवक्कमो जीवियस्स जइ मज्झ । एयं पच्चक्खाणं विठला आराहणा होउ [१७] सव्वक्खपहीणाणं, सिद्धाणं अरहओ नमो | सद्दहे जिनपन्नतं, पच्चक्खामि य पावगं || [१८] नमोऽत्थु धुयपावाणं, सिद्धाणं च महेसिणं । संथारं पडिवज्जामि, जहा केवलि देसियं ।। [१९] जं किचि वि दुच्चरियं तं सव्वं वोसिरामि तिविहेणं । सामाइयं च तिविहं करेमि सव्वं निरागारं ।। [२०] बज्झं अभिंतरं उवहिं सरीराइ सभोयणं । मनसा वय काएहिं, सव्वभावेण वोसिरे ।। [२१] सव्वं पाणारंभं पच्चक्खामि ति अलियवयणं च । सव्वमदत्तादानं मेहुण्णं परिग्गहं चेव ।। [२२] सम्मं मे सव्व भूएस वेरं मज्झ न केणइ । आसाठ वोसिरित्ताणं समाहि-मनुपालए || [२३] रागं बंधं पओसं च, हरिसं दीन भावयं । उस्सुगतं भयं सोगं, रइं अरइं च वोसिरे ।। [२४] ममत्तं परिवज्जामि, निम्ममतं उवट्ठिओ । आलंबनं च मे आया, अवसेसं च वोसिरे ।। [२५] आया ह महं नाणे आया मे दंसणे चरिते य । आया पच्चक्खाणे आया मे संजमे जोगे ।। [२६] एगो वच्चइ जीवो, एगो चेवुववज्जई । एगस्स चेव मरणं, एगो सिज्झइ नीरओ ।। [२७] एगो मे सासओ अप्पा, नाण दंसण संजुओ । सेसा मे बाहिरा भावा, सव्वे संजोग लक्खणा ।। दीपरत्नसागर-संशोधितः [3] [२५|आउरपच्चक्खाणंPage Navigation
1 2 3 4 5 6 7
