Agam 24 Chhed 01 Nishith Sutra Part 02 Sthanakvasi

Author(s): Amarmuni, Kanhaiyalal Maharaj
Publisher: Amar Publications

Page 464

४३८
सभाष्य-चूणिके निशीथसूत्रे
[ सूत्र-११
इदाणि "'खेत्तसंकमेण" ति दारं -
णिग्गंथीणं गणधर-परूवणा खेत्तपेहणा वसधी ।
सेज्जातर वीयारे, गच्छस्स य आणणा दारा ॥२४४८॥ एरिसो संजतीणं गणधरो भवति -
पियधम्मे दढधम्मे, संविग्गेऽवज अोयतेयंसी
संगहुबग्गह-कुसलो, सुत्तत्थविदू गणाधिपती ॥२४४६।। पियधम्मो णामेगे णो दढघम्मे । एवं चउभंगो। ततियभंगिल्लो गणधरो । संविग्गो दब्वे भावे य । दवे मिगो, भावे साधू । संसारभउब्वग्गो मा कतो वि पमाएण छलिज्जीहामि त्ति सततोव उत्तो अच्छति । वज्ज पावं तस्स भीरू । प्रोयतेयस्सि त्ति ॥२४४६॥
आरोह-परीणाहो, चितमंसो इंदियाइऽपडिपुण्णो ।
अह ओयो तेयो पुण, होइ अणोत्तप्पता देहे ॥२४५०॥
उस्से हो प्रारोहो भण्णति, वित्थारो परिणाहो भणति, एते जस्स दो वि तुल्ला, चियमंसोबलियसरीरो, इंदियपडिपुण्णो णो विगलिंदियो, ण चक्खुविगलादीत्यर्थः । अहेति-एस प्रोमो भग्णति । तेजो सगरे । प्रणोत्तप्पत्ता "त्रपूष" लज्जायां (अ) लज्जनीयमित्यर्थः । वत्थादिएहिं जो संगहकरो, मोसहभेसजेहि उवग्गहकरो, क्रियापरो कुसलो, मुतत्ये जाणतो विदू भण्णति । एरिसो गणाहिवती भण्णति ॥२४५०॥ गणधरपरूवणे त्ति दारं गतं । इदाणी “खेत्तपेहणे" त्ति दारं -
खेत्तस्स उ पडिलेहा, कायव्वा होइ आणुपुवीए।
किं वच्चती गणधरो, जो वहती सो तणं चरइ ॥२४५१॥ खेत्तपडिलेहणकमो जो सो चेव प्राणुपुब्बी। संजतीणं खेतं संजतेहि पडिलेहियव्वं णो संजनीहि, तत्य वि गणधरेण ।
चोदगाह - किं वच्चति गणधरो? उच्यते - जो वहती सो तणं चरति । एवं जो गणभोगं भुजति सो सव्वं गचिताभरं वहति ।।२४५१॥
संजतिगमणे गुरुगा, आणादी सउणि-पेसि-पेल्लणता।
तुच्छालोभेण य आसियावणादी भवे दोसा ॥२४५२॥ संजतीग्रो खेत्तपडिलेहगा गच्छंति, तो पायरियस्स चउगुरु आणादिया य दोसा। जहा सउगी वीरल्लस्स उणस्स गंमा भवति. एवं तानो वि दुगम्मानो भवंति । सव्वस्स अभिलसणिज्जा भवंति, मंसपेसि
१ गा० २४४४ । २ गा० २४४६ । ३ गा० २४४८ ।