Agam 19 Upang 08 Niryavalika Sutra Shwetambar

Author(s): Purnachandrasagar
Publisher: Jainanand Pustakalay

Page 30

| अम्हं चेडगस्स रन्नो जत्तं गिण्हित्तए, तए णं कालाईया दस कुमारा कूणियस्स रन्नो एयमहं विणएणं पडिसुर्णेति, तते णं से कूणिए राया कालादीते दस कुमारे एवं वयासी गच्छह णं तुब्भे देवाणुम्पिया सएस २ रज्जेसु पत्तेयं २ व्हाया जाव पायच्छित्ता हत्थिखंधवर गया। पत्तेयं २ तीहिं दंतिसहस्संहिं तीहिं रहसहस्सेहिं तीहिं आससहस्सेहिं तीहिं मणुस्सकोडीहिं सद्धिं संपरिवुडा सव्विड्डीए जाव खेणं |सतेहिंतो २ नगरे हिंतो पडिनिक्खमहत्ता ममं अंतियं पाउब्भवह, तते णं ते कालाईया दस कुमारा कोणियस्स रन्नो एयमहं सोच्चा सएसु | २ रज्जेसु पत्तेयं २ व्हाया जाव तीहिं मणुस्सकोडीहिं सद्धिं संपरिवुडा सव्विड्डीए जाव वेणं सएहिंतो २ नगरेहिंतो पडिनिक्खमंति जेणेव अंगाजणवए जेणेव चंपा नगरी जेणेव कूणिए राया तेणेव उवागता करतल जाव वद्धावेंति, तते णं से कूणिए राया को डुंबियपुरिसे | सद्दावेति ता एवं वयासी खिम्पामेव भो देवाभुपिया ! आभिसेक्कं हत्थिरयणं पडिकप्पेह हयगयर हचातुरंगिणिं सेणं संनाहेह ता ममं एयमाणत्तियं पच्चष्पिणह जाव पच्चपिणंति, तते णं से कूणिए राया जेणेव मज्जणघरे तेणेव उवागच्छड़ जाव निग्गच्छित्ता जेणेव बाहिरिया उवद्वाणसाला जाव नरवई दुरुढे, तते गं से कूणिए राया तीहिं दंतिसहस्सेहिं जाव रखेणं चंपं नगरी मज्झमज्झेणं निग्गच्छति त्ता जेणेव कालादीय दस कुमारा तेणेव उवागच्छइ त्ता कालाइ एहिं दसहिं कुमारेहिं सद्धिं एगतो मिलायंति, तते णं से कूणिए राया तेत्तीसाए दंतिसहस्सेहिं तेत्तीसाए आससहस्सेहिं तेतीसाए रहसहस्सेहिं तेत्तीसाए मणुस्सकोडीहिं सद्धिं संपरिवुडे सव्विड्डीए जाव वेणं सुभेहिं वसहीहिं पायरासेहिं नातिविगिट्ठेहिं अंतरावासेहिं वसमाणे २ अंगाजणवयस्स मज्झमज्झेणं जेणेवविदेहे जणवते जेणेव
॥ श्रीनिश्यावलिका सूत्रं ॥
१९
पू. सागरजी म. संशोधित