Agam 17 Upang 06 Chandra Pragnapti Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 35

ORGxxxxsxsxxxxxxxx
एकाचवपति पाट- १०.११ २६] दुहतोवि णं सूरा० दुहतोवि णं गहा० दुहतोवि णं णक्खत्ता० मंडलं सतसहस्सेणं अट्ठाणउतीए सतेहिं छेत्ता, इच्चेस णक्खत्तखेत्तपरिभागे णक्खत्तविजए नामं पाहुडेत्ति आहितेत्ति वेमि ★★★७०॥१०-२२ दसमं पाहुडं।★★★ता कहं ते संवच्छराणीदी आहिं०? तत्थ खलु इमे पंच संवच्छरा पं० तं०-चंदे चंदे अभिवड्डिते चंदे अभिवड्डिते, ता एतेसिं णं पंचण्हं संवच्छराणं पढमस्स चंदस्स संवच्छरस्स के आदी आहि० ?, ता जे णं पंचमस्स अभिवड्डितसंवच्छरस्स पज्जवसाणे से णं पढमस्स चंदस्स संवच्छरस्स आदी अणंतरपुरक्खडे समए, ता से णं किंपज्जवसिते आहि०?, ता जे णं दोच्चस्स चंदसंवच्छरस्स आदी से णं पढमस्स चंदसंवच्छरस्स पज्जवसाणे अणंतरपच्छाकडे समये तंसमयं च णं चंदे केणं णक्खत्तेणं जोएति?, ता उत्तराहिं आसाढाहिं, उत्तराणं आसाढाणं छव्वीसं मुहुत्ता छव्वीसं च बावट्ठिभागा मुहत्तस्स बावट्ठिभागं च सत्तद्विधा छित्ता चउप्पण्णं चुण्णिया भागा सेसा, तंसमयं च णं सूरे केणं णक्खत्तेणं जोएति ?, ता पुणव्वसुणा, पुणव्वसुस्स सोलस मुहुत्ता अट्ठ य बावट्ठिभागा मुहुत्तस्स बावट्ठिभागं च सत्तट्ठिहा छेत्ता वीसं चुण्णिया भागा सेसा, ता एएसिंण पंचण्ह संवच्छराणं
दोच्चस्स चंदसंवच्छरस्स के आदी आहि०१, ता जेणं पढमस्स चंदसंवच्छरस्स पज्जवसाणे सेणं दोच्चस्स णं चंदसंवच्छरस्स आदी अणंतपुरक्खडे समये, ता से फणं किंपज्जवसिते आहि०?, ताजे णं तच्चस्स अभिवड्डियसंवच्छरस्स आदी से णं दोच्चस्स चंदसंवच्छरस्स पज्जवसाणे अणंतरपच्छाकडे समये, तंसमयं च णं चंदे
केणं णक्खत्तेणं जोएति ?, ता पुव्वाहिं आसाढाहिं, पुव्वाणं आसाढाणं सत्त मुहुत्ता तेवण्णं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता इगतालीसं
चुण्णिया भागा सेसा, तंसमयं चणं सूरे केणं णक्खत्तेणं जोएति ?, ता पुणव्वसुणा, पुणव्वसुस्स णं बायालीसं मुहुत्ता पणतीसं च बावट्ठिभागा मुहुत्तस्स बावट्ठिभागं पच सत्तट्ठिधा छेत्ता सत्त चुणिया भागा सेसा, ता एतेसिंणं पंचण्हं संवच्छराणं तच्चस्स अभिवड्डितसंवच्छरस्स के आदी आहि०?, ताजे णं दोच्चस्स चंदसंवच्छरस्स
पज्जवसाणे से णं तच्चस्स अभिवडिढतसंवच्छरस्स आदी अणंतपुरक्खडे समए. ता से णं किंपज्जवसिते आहि०?, ता जे णं चउत्थस्स चंदसंवच्छरस्स आदी से णं तच्चस्स अभिवडिढतसंवच्छरस्स पज्जवसाणे अणंतरपच्छाकडे समए, तंसमयं च णं चंदे केणं णक्खत्तेणं जोएति?. ता उत्तराहिं आसाढाहिँ, उत्तराणं आसाढाणं तेरस मुहत्ता तेरस य बावट्ठिभागा मुहुत्तस्स बावट्ठिभागं च सत्तट्ठिधा छेत्ता सत्तावीसं चुण्णिया भागा सेसा, तंसमयं चणं सूरे केणं णक्खत्तेणं जोएति ?, ता पुणव्वसुणा, पुणव्वसुस्स दो मुहुत्ता छप्पण्णं बावट्ठिभागा मुहत्तस्स बावट्ठिभागं च सत्तट्ठिधा छेत्ता सट्ठी चुण्णिया भागा सेसा, ता एएसिणं पंचण्हं संवच्छराणं चउत्थस्स चंदसंवच्छरस्स के आदी आहि० ?, ता जे णं तच्चस्स अभिवहितसंवच्छरस्स पज्जवसाणे से णं चउत्थस्स चंदसंवच्छरस्स आदी अणंतरपुरक्खडे समये, ता से णं किंपज्जवसिते आहि०?, ताजे णं चरिमस्स अभिवहितसंवच्छरस्स आदी से णं चउत्थस्स चंदसंवच्छरस्स पज्जवसाणे अणंतरपच्छाकडे समये, तंसमयं च णं चंदे केणं णक्खत्तेणं जोएति ? ता उत्तराहिं आसाढाहिं उत्तराणं आसाढाणं चत्तालीसं मुहुत्ता चत्तालीसं च बावट्ठिभागा मुहुत्तस्स बावट्ठिभागं च सत्तट्ठिधा छेत्ता चउदस चुणिया भागा सेसा, तसमयं च णं सूरे केणं णक्खत्तेणं जोएति ?. ता पुणव्वसुणा, पुणव्वसुस्स अउणतीसं मुहुत्ता एक्कवीसं बावट्ठिभागा मुहुत्तस्स बावट्ठिभागं च सत्तद्विधा छेत्ता सीतालीसं चुणिया भागा सेसा, ता एतेसिंणं पंचण्हं संवच्छराणं पंचमस्स अभिवड्डितसंवच्छरस्स के आदी आहि० ?, ताजे णं चउत्थस्स चंदसंवच्छरस्स पज्जवसाणे से णं पंचमस्स अभिवहितसंवच्छरस्स आदी अणंतरपुरक्खडे समये, ता से णं किंपज्जवसिते आहि०?, ताजे णं पढमस्स चंदसंवच्छरस्स आदी से णं पंचमस्स अभिवहितसंवच्छरस्स पज्जवसाणे अणंतरपच्छाकडे समये, तंसमयं च णं चंदे केणं णक्खत्तेणं जोएति ?. ता उत्तराहिं आसाढाहिं, उत्तराणं आसाढाणं चरमसमए, तंसमयं च णं सूरे केणं णक्खत्तेणं जोएति ?. ता पुस्सेणं, पुस्सस्स णं एक्कवीसं मुहुत्ता तेतालीसं च बावट्ठिभागा मुहृत्तस्स बावट्ठिभागं सत्तद्विधा छेत्ता तेत्तीसं चुण्णिया भागा सेसा ★★★७१॥ एक्कारसमं पाहुडं ११॥★★★ ता कति णं संवच्छरा आहि०?, तत्थ खलु इमे पंच संवच्छरा पं० २०-णक्खत्ते चंदे उडू आदिच्चे अभिवडिते, ता एतेसिंणं पंचण्ह संवच्छराणं पढमस्स नक्खत्तसं वच्छरस्सणक्खत्तमासे तीसतिमुहुत्तेणं
C%乐明明明明明听听听听听听听听听听听听听听听听乐乐乐乐乐乐乐乐乐乐乐乐乐乐乐乐乐乐乐长乐乐乐乐乐乐GO
听听听听听听听听听听听听听听听听听听听听听听听听听听明明明明明明明明明明明明明听听听听听听听听听
5
555555555 श्री आगमगुणमंजूषा - ११७३ 955555555555555555555555OOR