Book Title: Agam 12 Uvavaiya Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 12, ઉપાંગસૂત્ર 1, ઉવવાઈયા રોગાંતકરૂપ પરીષહ-ઉપસર્ગો ને સ્પર્શે તેમ સાચવેલ છે, તેને પણ છેલ્લા શ્વાસોચ્છવાસે વોચીરાવીએ છીએ. એમ કરી સંલેખના આરાધના કરતા, ભોજન-પાનનું પ્રત્યાખ્યાન કરી, પાદપોપગત અનશન કરી, કાળની. અપેક્ષા ન કરતા વિચરે છે. ત્યારે તે પરિવ્રાજકો ઘણા ભોજનને અનશન વડે છેદે છે, છેદીને, આલોચના-પ્રતિક્રમણ કરી, સમાધિ પામી, કાળ માસે કાળ કરીને બ્રહ્મલોક કલ્પમાં દેવપણે ઉત્પન્ન થયા. ત્યાં તેમની દશ સાગરોપમની સ્થિતિ કહી છે. તેઓ પરલોકના આરાધક છે. બાકી બધું પૂર્વવત્ છે. સૂત્ર-૫૦ ભગવન્! ઘણા લોકો એકબીજાને એમ કહે છે, એમ ભાખે છે, એમ પ્રરૂપે છે કે નિશ્ચ અંબડ પરિવ્રાજક, કંપિલપુર નગરમાં સો ઘરોમાં આહાર કરે છે, સો ઘરોમાં વસતિ કરે છે. ભગવન્! તે કેવી રીતે ? ગૌતમ! જે ઘણા લોકો એકબીજાને એમ કહે છે યાવત્ એમ પ્રરૂપે છે - નિશ્ચ અંબડ પરિવ્રાજક કંપિલપુરમાં યાવત્ સો ઘરોમાં વસતિ કરે છે. આ અર્થ સત્ય છે. ગૌતમ ! હું પણ એમ કહું છું યાવત્ પ્રરૂપું છું કે નિશ્ચ અંબડ પરિવ્રાજક યાવત્ સો ઘરોમાં વસતિ કરે છે. ભગવદ્ ! એમ કેમ કહ્યું કે- અંબડ પરિવ્રાજક યાવત્ સો ઘરોમાં વસતિ કરે છે ? ગૌતમ ! અંબડ પરિવ્રાજકને પ્રકૃતિ-ભદ્રતાથી યાવતુ વિનીતપણાથી, નિરંતર છટ્ટ-છઠ્ઠના તપોકર્મ વડે, બાહુને ઉર્ધ્વ રાખીને, સૂર્યાભિમુખ થઈ આતાપના ભૂમિમાં આતાપના લેતા શુભ પરિણામથી, પ્રશસ્ત વિશુદ્ધયમાના લેશ્યાથી, અન્યદા કોઈ દિવસે તેના આવરક કર્મોના ક્ષયોપશમથી ઇહા-અપોહ-માર્ગણા-ગવેષણા કરતા વીર્યલબ્ધિ, વૈક્રિય લબ્ધિ અને અવધિજ્ઞાન લબ્ધિ સમુત્પન્ન થઈ છે. તેથી તે અંબડ પરિવ્રાજક તેવી વીર્યલબ્ધિવૈક્રિયલબ્ધિ-અવધિજ્ઞાન લબ્ધિ સમુત્પન્ન હોવાથી લોકોને વિસ્મય પમાડવાના હેતુથી કંપિલપુરના સો ઘરોમાં યાવત્ વસતિ કરે છે. તેથી હે ગૌતમ ! એમ કહ્યું કે - અંબડ પરિવ્રાજક કંપિલપુર નગરના સો ઘરોમાં યાવત્ વસે છે. ભગવન્! અંબડ પરિવ્રાજક આપ દેવાનુપ્રિયની પાસે મુંડ થઈને, ઘરથી નીકળી અણગારિક પણે પ્રવ્રજિતા થવા સમર્થ છે ? ના, આ અર્થ સંગત નથી. ગૌતમ! અંબડ પરિવ્રાજક શ્રાવક જીવાજીવનો જ્ઞાતા યાવતુ આત્માને ભાવિત કરતા વિચરે છે. વિશેષ એ કે - (તેના ઘરના દરવાજાનો ભોગળીયો હંમેશા ઉંચો રહેતો, ઘરના દ્વાર ભિક્ષકો માટે હંમેશા ખુલ્લા રહેતા અને રાજાના અંત:પૂરમાં કે બીજાના ઘરમાં પ્રવેશનો તેને ત્યાગ હતો.) આ ત્રણ વિશેષણ તેના માટે ન કહેવા કેમ કે આ. ત્રણ વિશેષણ ગૃહસ્થ શ્રાવક માટે ઉપયુક્ત છે પણ અંબડ પરિવ્રાજક હતો અને પરિવ્રાજકપણામાં જ તેને શ્રાવકના વ્રત ધારણ કરેલા હતા. અંબડ પરિવ્રાજકે સ્થૂળ પ્રાણાતિપાત યાવત્ પરિગ્રહનું જાવજ્જીવ માટે પ્રત્યાખ્યાન કરેલ છે. વિશેષ એ કે મૈથુનનું પચ્ચખાણ જાવક્રીવને માટે સર્વથા કરેલ છે. અંબડને માર્ગગમનથી અતિરિક્ત ગાડાની ધૂરિ પ્રમાણ જળમાં પણ શીઘ્રતાથી ઉતરવાનું કલ્પતુ નથી. અંબડને ગાડી આદિની સવારી કલ્પતી નથી, ઇત્યાદિ પૂર્વવત્ કહેવું યાવત્ ગંગાની માટીના લેપ સુધી બધું કહેવું. અંબડ પરિવ્રાજકને આધાકર્મી, ઔશિક, મિશ્રજાત, અધ્યવપૂરક, પૂતિકર્મ, ક્રીતકૃત્, પ્રામિત્ય, અનિસૃષ્ટ, અભ્યાહત, સ્થાપિત, રચિત, કાંતારભક્ત, દુર્ભિશભક્ત, પ્રાહુણક ભક્ત, ગ્લાનભક્ત કે વઈલિકાભક્ત, ભોજન-પાના કલ્પતા ન હતા. અંબડ પરિવ્રાજકને મૂલભોજન યાવતુ બીજભોજન ખાવા-પીવા કલ્પતા ન હતા. અંબડ પરિવ્રાજકને ચતુર્વિધ અનર્થદંડના જાવક્રીવને માટે પ્રત્યાખ્યાન હતા, તે આ પ્રમાણે - અપધ્યાનાચરિત, પ્રમાદાચરિત, મુનિ દીપરત્નસાગર કૃત “(ઉવવાઇય)” આગમસૂત્ર ભાવાનુવાદ Page 35
