Agam 12 Upang 01 Auppatik Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 12

NORO
(१२) उववाइअं [ (१) उवंगसुतं J
[४]
66666666
गंगावत्तकपयाहिणावत्ततरंगभंगुररविकिरणतरुणबोहियअकोसायंतपउमगंभीरवियडणाभे साहयसोणंदमुसलदप्पणणिकरियवरकणगच्छरुस-रिसवरइरवलिअमज्झे पमुइयवरतुरगसीह (अइरेग पा०) वरवट्टियकडी वरतुरगसुजायसु (पसत्थवरतुरग पा० ) गुज्झदेसे आइण्णहउव्व णिरुवलेवे वरवारणतुल्लविक्कमविलसियगई यससणसुजायसन्निभोरू समुग्गणिमग्गगूढजाणू एणीकुरुविंदावत्तवट्टाणुपुव्वजंघे संठियसुसिलिट्ठगूढगुप्फे सुप्पइट्ठियकुम्मचारुचलणे अणुपुव्वसुसहयं (यपीवरं पा०)गुली उण्णयतणुतंबणिद्धणक्खे रत्तुप्पलपत्तमउअसुकुमाल कोमल तले अट्ठसहस्सवरपुरिसलक्खणधरे (णगनगरमगरसागरचक्कंकवरंकमंगलंकियचलणे पा०) विसिट्ठरूवे हुयवहनिदधूमजलियतडितडियतरुणरविकिरणसरिसतेए अणासवे अममे अकिंचणे छिन्नसोए निरुवलेवे ववगयपेमरागदोसमोहे निग्गंथस्स पवयणस्स देसए सत्यनायगेपइठावए समणगविंदपरिअट्ठए चउत्तीसबुद्धवयणातिसेसपत्ते पणतीससच्चवयणातिसेसपत्ते आगासगएणं चक्केणं आगासगएणं छत्तेणं आगासियाहिं चामराहिं आगासफालिआमएणं सपायवीढेणं सीहासणेणं धम्मज्झएणं पुरओ पकढिज्जमाणेणं चउद्दसहिं समणसाहस्सीहिं छत्तीसाए अज्जि - (१३९) आसाहस्सीहिं सद्धिं संपरिवुडे पव्वाणुपुव्विं चरमाणे गामाणुग्गामं दूइज्जमाणे सुहंसुहेणं विहरमाणे चंपाए णयरीए बहिया उवणगरग्गामं उवागए चंप नगरिं पुण्णभद्दं चेयं समोसरिउकामे । १०। तए णं से पवित्तिवाउए इमीसे कहाए लट्ठे समाणे हट्टतुट्ठचित्तमाणंदिए पीइमणे परमसोमणस्सिए हरिसवसविसप्पमाणहियए हाए बलिकम्मे कयको अमंगलपायच्छित्ते सुद्धप्पावेसाई मंगल्लाइं वत्थाई पवरपरिहिए अप्पमहग्घाभरणालंकियसरीरे सआओ गिहाओ पडिणिक्खमइ त्ता चंपाए मज्झंमज्झेणं जेणेव कोणियस्स रण्णो गिहे जेणेव बाहिरिया उवट्ठाणसाला जेणेव कूणिए राया भंभसारपुत्ते तेणेव उवागच्छइ त्ता करयलपरिग्गहियं सिरसावत्तं मत्थए अंजलिं कट्टु जएणं विजएणं वद्धावेइ त्ता एवं व० जस्स णं देवाणुप्पिया दंसणं कखंति जस्स णं देवाणुप्पिया दंसणं पीहंति जस्स णं देवाणुप्पिया दंसणं पत्थंति जस्स णं देवाणुप्पिया दंसणं अभिलसंति जस्स णं देवाणुप्पिया णामगोत्तस्सवि सवणयाए हट्टतुट्ठजावहिअया भवंति से णं समणे भगवं महावीरे विंचरमाणे गामाणुग्गामं दूइज्जमाणे चंपाए णयरीए उवणगरगामं उवागए चंपं णगरिं पुण्णभद्दं चेइअं समोसरिउकामे तं एअं णं देवाणुप्पियाणं पिअट्टयाए पिअं णिवेदेमि पिअं भे भवउ | ११ | तए णं से कूणिए राया भंभसारपुत्ते तस्स पवित्तिवाउअस्स अंतिए एयमहं सोच्चा णिसम्म हट्ठतुट्ठजावहियए विअसिअवरकमलणयणवयणे पअलिअवरकडगतुडियकेयूरमउडकुंडले हारद्धहारविरायंतरइवच्छे पालंबपलंबमाणघोलंतभूसणधरे ससंभमं तुरियं चवलं नरिदे सीहासणाउ अब्भुट्ठेत्ता पायपीढाउ पच्चोरूहइ त्ता (वेरूलियवरिट्ठरिट्ठअंजणनिउणोवियमिसिमिसितमणिरयणमंडियाओ पा० ) पाउआओ ओमुअइ त्ता अवहट्ट पंच रायककुहाई तं०-खग्गं छत्तं उप्फेसं वाहणाओ वालवी अणं एक्कसाडियं उत्तरासंगं करेइ त्ता आयंते चोक्खे परमसुइभूए अंजलिमउलि अग्गहत्थे तित्थगराभिमुहे सत्तट्ठपयाइं अणुगच्छति त्ता वामं जाणुं अंचेइत्ता दाहिणं जाणुं धरणितलंसि साहटु तिक्खुत्तो मुद्राणं धरणितलंसि निवेसेइ त्ता ईसिं पच्चुण्णमति त्ता
डिभिओ भुआओ पडिसाहरति त्ता करयल जाव कट्टु एवं व० णमोऽत्थु णं अरिहंताणं भगवंताणं आइगराणं तित्थगराणं सयंसंबुद्धाणं पुरिसुत्तमाणं पुरिससीहाणं पुरिसवरपुंडरीआणं पुरिसवरगंधहत्थीणं लोगुत्तमाणं लोगनाहाणं लोगहियाणं लोगपईवाणं लोगपज्जोतगराणं अभयदयाणं चक्खुदयाणं मग्गदयाणं सरणदयाणं जीवदयाणं बोहिदयाणं धम्मदयाणं धम्मदेसयाणं धम्मनायगाणं धम्मसारहीणं धम्मवरचाउरंतचक्क वट्टीणं दीवो ताणं सरणं गई पइट्ठा अप्पsिहयवरनाणदंसणधराणं विअट्टच्छउमाणं जिणाणं जावयाणं तिण्णाणं तारयाणं बुद्धाणं बोहयाणं मुत्ताणं मोअगाणं सव्वन्नूणं सव्वदरिसीणं सिवमयलमरूअमणंतमक्खयमव्वाबाहमपुणरावत्तिसिद्धिगइनामधेयं ठाणं संपत्ताणं, नमोऽत्थु णं समणस्स भगवओ महावीरस्स आदिगरसस्स तित्थगरस्स जाव पावकस्समम धम्मायरियस्स धम्मोवदेसगस्स, वंदामि णं भगवंतं तत्थ गयं इह गते पासउ मे (मं से) भगवं तत्थ गए इह गयन्तिकट्टु वंदति णमंसति त्ता सीहासणवरगए पुरत्थाभिमुहे निसीअइ त्ता तस्स पवित्तिवाउअस्स अठुत्तरसग्रसहस्सं पीतिदाणं दलयति त्ता सक्कारेति सम्माणेति त्ता एवं व० - जया णं देवाणुप्पिया ! समणे भगवं महावीरे इहमागच्छेज्जा इह समोसरिज्जा इहेव चंपाए णयरीए बहिया पुण्णभद्दे चेइए अहापडिरूवं उग्गहं उग्गिण्हित्ता संजमेणं तवसा अप्पाणं भावेमाणे
- श्री आगमगुणमंजूषा- ७८४ ॐ ॐ ॐ ॐ