Agam 12 Upang 01 Auppatik Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 31

(२१)
(१२) उववाइअं ( (१) उवंगसुतं ॐॐॐॐॐॐ अहाणए अदंतवणए केसलोए बंभचेरवासे अच्छत्तकं अणोवाहणकं भूमिसेज्जा फलहसेज्जा कट्ठसेज्जा परघरपवेसी लद्धावलद्धं परेहिं हीलणाओ खिसणाओ निंदणाओ गरहणाओ तालणाओ तज्जणाओ परिभवणाओ पव्वहणाओ उच्चावया गामकंटका वावीसं परीसहोवसग्गा अहियासिज्जंति तमट्ठमारहित्ता चरिमेहिं उस्सासणिस्सासेहिं सिज्झिहिति बुज्झिहिति मुच्चिहिति परिणिव्वाहिति सव्वदुक्खाणमंतं करेहिति १४ ।४० । से इमे गामागरजावसण्णिवेसेसु पव्वइया समणा भवंति, तं०-आयरियपडिणीया उवज्झायपडिणीया कुलपडिणीया गणपडिणीया आयरियउवज्झायाणं अयसकारगा अवण्णकारगा अकित्तिकारगा बहूहिं असब्भावुब्भावणाहिं मिच्छत्ताभिणिवेसेहि य अप्पाणं च परं च तदुभयं च वुग्गाहेमाणा वुप्पाएमाणा विहरित्ता बहुरं वासाईं सामण्णपरियागं पाउणंति त्ता तस्स ठाणस्स अणालोइयअपडिक्कंता कालमासे कालं किच्चा उक्कोसेणं लंतए कप्पे देवकिब्बिएसु देवकिब्बिसियत्ताए उववत्तारो भवंति, तहिं तेसिं गती तेरससागरोवमाइं ठिती अणाहारगा सेसं तं चेव १५ । से जे इमे सण्णिपंचिंदियतिरिक्खजोणिया पज्जत्तया भवंति, तं० - जलयरा खहयरा थलयरा, तेणिं अत्थेगइयाणं सुभेणं परिणामेणं पसत्थेहिं अज्झवसाणेहिं लेसाहिं विसुज्झमाणीहिं तयावरणिज्जाणं कम्माणं खओवसमेणं ईहावूहमग्गणगवेसणं करेमाणाणं सण्णीपुव्वजाईसरणे समुप्पज्जइ, तए णं ते समुप्पण्णजाईसरा समाणा सयमेव पंचाणुव्वयाई पडिवज्ज॑ति त्ता बहूहिं सीलव्वयगुणवेरमणपच्चक्खाणपोसहोववासेहिं अप्पाणं भावेमाणा बहूइं वासाइं आउयं पालेति त्ता भत्तं पच्चक्खंति बहूई भत्ताइं अणसणाए छेयंति त्ता आलोइयपडिक्कंता समाहिपंत्ता कालमासे कालं किच्चा उक्कोसेणं सहस्सारे कप्पे देवत्ताए उववत्तारो भवंति ; तहिं तेसिं गती अट्ठारस सागरेवमाई ठिती पं० परलोगस्स आराहगा सेसं तं चेव १६ । से जे इमे गामागरजावसंनिवेसेसु आजीविका भवंति, तं०-दुघरंतरिया तिघरंतरिया सत्तघरंतरिया उप्पलबेटिया घरसमुदाणिया विज्जुअंतरिया उट्टिया समणा ते णं एयारू वेणं विहारेणं विहरमाणा बहूइ वासाई परियायं पाउणित्ता कालमासे कालं किच्चा उक्कोसेणं अच्चुए कप्पे देवत्ताए उववत्तारो भवंति, तहिं तेसिं गती बावीसं सागरोवमाइं ठिती अणाराहगा सेसं तं चेव १७ । से जे इमे गामागरजावसण्णिवेसेसु पव्वइया समणा भवंति तं० अत्तुक्कोसिया परपरिवाइया भूइकम्मिया भुज्जो २ कोउयकारका ते णं एयारूवेणं विहारेणं विहरमाणा बहूई वासाई सामण्णपरियागं पाउणंति त्ता तस्स ठाणस्स अणालोइयअपडिक्कंता कालमासे कालं किच्चा उक्कोसेणं अच्चुए कप्पे आभिओगिएसु देवेसु देवत्ता उववत्तारो भवंति तहिं तेसिं गई बावीसं सागरोवमाइं ठिई परलोगस्स अणाराहगा सेसं तं चेव १८ । से जे इमे गामागरजावसण्णिवेसेसु णिण्हगा भवंति तं०बहुरया जीवपएसिया अव्यत्तिया सामुच्छेया दोकिरिया तेरासिया अबद्धिया इच्छेते सत्त पवयणणिण्हगा केवलचरिया लिंगसामण्णा मिच्छद्दिट्ठी बहू असब्भावुब्भावणाहिं मिच्छत्ताभिणिवेसेहि य अप्पाणं च परं च तदुभयं च दुग्गाहेमाणा वुप्पाएमाणा विहरित्ता बहूई वासाइं सामण्णपरियागं पाउणंति त्ता कालमासे कालं किच्चा उक्कोसेणं वरिमेसु गेवेज्जेसु देवत्ताए उववत्तारो भवंति तहिं तेसिं गती एक्कत्तीस सागरोवमाइं ठिती परलोगस्स अणाराहगा ससें तं चैव १९ । से जे इमे गामागरजावसण्णिवेसेसु मणुया भवंति तं०- अप्पारंभा अप्पपरिग्गहा धम्मिया धम्माणुया धम्मिट्ठा धम्मक्खाई धम्मप्पलोइया धम्मपलज्जाणा धम्मसमुदायारा धम्मेणं चेव वित्तिं कप्पेमाणा सुसीला सुव्वया सुप्पडियाणंदा साहूहिं एकच्चाओ पाणाइवायाओ पडिविरया जावज्जीवाए एकच्चाओ (एगइयाओ पा०) अपडिविरया एवं जाव परिग्गहाओ एकच्चाओ कोहाओ माणाओ मायाओ लोहाओ पेज्जाओ कलहाओ अब्भक्खाणाओ पेसुण्णाओ परपरिवायाओ अरतिरतीओ मायामोसाओ मिच्छादंसणसल्लाओ पडिविरिया जावज्जीवाए एकच्चाओ अपडिविरया एकच्चाओ आरंभसमारंभाओ पडिविरया जावज्जीवाए एकच्चाओ अपडिविरया एकच्चाओ करणकारावणाओ पडिविरिया जावज्जीवाए एकच्चाओ अपडिविरया एगच्चाओ पयणपयावणाओ पडिविरया जावज्जीवाए एकच्चाओ पयणपयावणाओ अपडिविरया एकच्चाओ कोट्टणपिट्टतज्जणतालणवहबंधपरिकिलेसाओ पडिविरया जावज्जीवाए एकच्चाओ अपडिविरया एकच्चाओ ण्हाणुम्मद्दणवण्णगविलेवणसद्दफरिसरसरूव गंधमल्लालंकाराओ पडिविरया जावज्जीवाए एकच्चाओ अपडिविरया जे यावण्णे तहप्पगारा सावज्जजोगोवहिया कम्मंता (सावज्जा अबोहिया पा० ) परपाण परियावणकरा कज्जंति तओ जाव एकच्चाओ अपडिविरया तं०- ( से जहानामए पा० ) समणोवास भवंति अभिगयजीवाजीवा उवलद्धपुण्णपावा MONOR श्री आगमगुणमंजूषा - ८०१ ૫૫