Agam 12 Upang 01 Auppatik Sutra Shwetambar Agam Guna Manjusha

Author(s): Gunsagarsuri
Publisher: Jina Goyam Guna Sarvoday Trust Mumbai

Page 20

(१२) उववाइअं [ (१) उवंगसुतं
[१२]
उवागच्छइ त्ता अट्टणसालं अणुपविसइ त्ता अणेगवायमजोग्गवग्गणवामद्दणमल्लजुद्धकरणेहिं संते परिस्सते सयपागसहस्सपागेहिं सुगंधतेल्लमाइएहिं दप्पणिज्जेहिं मयणिज्जेहिं बिहणिज्जेहिं सव्विंदियगायपल्हायणिज्जेहिं अब्भंगेहिं अब्भंगिए समाणे तेल्लचम्मंसि पडिपुण्णपाणिपायसुकुमालकोमलतलेहिं पुरिसेहिं छेएहिं दक्खेहिं पत्तट्ठेहिं कुसलेहिं मेहावीहिं निउणसिप्पोवगएहिं अब्भंगणपरिमद्दणुव्वलणकरणगुणणिम्माएहिं अट्ठिसुहाए मंससुहाए तयासुहाए रोमसुहाए चउव्विहाए संवाहणाए संवाहिए समाणे अवगयखेअपरिस्समे अट्टणसालाउ पडिणिक्खमइ त्ता जेणेव मज्जणधरे तेणेव उवागच्छइ त्ता मज्जणघरं अणुपविसइ त्ता समुत्त (समन्त० पा०)जालाउलाभिरामे विचित्तमणियरयणकुट्टिमतले रमणिज्जे ण्हाणमंडवंसि णाणामणिरयणभत्तिचित्तंसि ण्हाणपीढंसि सुहणिसण्णे सुद्धोदएहिं गंधोदएहिं पुप्फोदएहिं सुहोदएहिं पुणो कल्लाणगपवरमज्जणविहीए मज्जिए तत्थ कोउअसएहिं बहुविहेहिं कल्लाणगपवरमज्जणावसाणे पम्हलसुकुमालगंधकासाइयलूहिअंगे सरससुर हिगोसीस चंदणाणुलित्तगते अहय सुमहग्घदूस रयण सुसंवुए सुइमालावण्ण गविलेवणे आविद्धमणिसुव्वण्णे कप्पियहारद्धहारतिसरयपालंबमाणकडिसुत्तसुकयसोभे पण विज्जे अंगुलिन गललियगललिय कयाभरणे वरकडग तुडिय थंभिअभुए अहियरूवस स्सिरीए (मुद्दिआपिंगलं गुलिए कुंडल पा० ) उज्जा विआणणे मउडदित्तसिरए हारोत्थयसुकयरइयवच्छे पालंबपलंब माणपड सुकय उत्तरिज्जे णाणामणिकण गरयणविमलमहरिहणिउणोवि अमिसिसंतविर इयसुसिलिट्ठविसिट्ठलट्ठआविद्धवीरवलर, किं बहुणा ?, कप्परुक्खए चेव अलंकियविभूसिए णरवई सकोरंटमल्लदामेणं छत्तेणं धरिज्जमाणेणं ( अब्भपडलपिंगलुज्जलेण अविरलसमसहियचंदमंडलसमप्पभेणं मंगलसयभत्तिच्छ े यविचित्तियखिखिणिमणिहेमजाल विरइपरिगयपेरंतकणग घंटियापयलियकिणिकिं तसुइसुहसुमहुर सद्दालसोहिएणं सप्पयरवरमुत्तसमलंबंतभूसणेणं नरिंदवामप्पमाणरुंदपरिमंडलेणं सीयायववायवस्सिविसदोसनासणेणं तमरयमल बहलपडलधाडणप्प भाकरेणं उउसुहसि वच्छायसमणुबद्धेणं वेरुलियदंडसज्जिएणं वइरामवत्थिनिउणाजोइय- अट्टसहस्सवरकंचणसलागनिम्मिएणं सुनिम्मलरययसुच्छएणं निउणोवियमिसिमिसितमणिरयणसूरमंडलवितिमिरकरं निग्गयग्गपडिहयपुणरविपच्चायडंतचंचलमिरिइकवयं विणिम्मुयंतेणं सपडिदंडेणं धरिज्नमाणेणं आयवत्तेणं विरायंते पा०) चउचामरवालवीजियंगे (चउहि य ताहि य) पवरगिरिकुहरविचणसुमुइयनिरुवहचमरपच्छिमसरीरसंजायसंगयाहिं अमलियसियक मलविमलुज्जयरययगिरिसिहरविमलससिकिरणसरिसकलधोयनिम्मलाहिं पवणाहयचवलललियतरं गहत्थनच्वं तवीइपसरियखीरोदगपवरसागरुप्पूरचंचलाहिं माणससरपरिसरपरिचियावासविसयवेसाहिं कणगगिरिसिहरसंसिसयाहिं उवइयउप्पइयतुरियचवलजइणसिग्घवेयाहिं हंसवधूयाहिं चेव कलिए णाणामणिकणगरयणविमलमहरिहंतवणिज्जुलविचित्तदंडाहिं चिल्लियाहिं नरवइसिरिसमुदयपगासणकरीहिं वरपट्टणुग्गयाहिं समिद्धराय कुलसेवियाहिं कालागुरुपवरकुंदुरुक्कतुरुक्कवरवण्णवासगंधुद्ध्याभिरामाहिं सललियाहिं उभओपासंमि उक्खिप्पमाणाहिं चामराहिं सुहसीयलवायवीइयेंगे पा० ) मंगलजयसद्दकयालोए मज्जणघराओ पडिनिक्खमइ त्ता अणेगगणनायगदंडनायगराईसरतलवरमाडंबियकोडुंबियइब्भसेट्ठिसोणावइसत्थवाहदूअसंधिवाल सद्धि संपरिवुडे धवलमहामेहणिग्गएइव गहगणदिप्पंतरिक्खतारागणाण मज्झे ससिव्व पिअदंसणे णरवई जेणेव बाहिरिआ उवट्ठाणसाला जेणेव आभिसेक्के हत्थरयणे तेणेव उवागच्छइ त्ता अंजणगिरिकूडसण्णिभं गयवई णखई दुरूढे, तए णं तस्स कूणियस्स रण्णो भंभसारपुत्तस्स आभिसिक्कं हत्थिरयणं दुरूढस्स समाणस्स तप्पढमया इमे अट्ठमंगलया पुरओ अहाणुपुव्वीए संपट्टिआ, तं०- सोवत्थियसिरिवच्छणंदिआवत्तवद्धमाणकभद्दासणकलसमच्छदप्पणा, तयाऽणंतरं च णं पुण्णकलसभिंगारं दिव्वा य छत्तपडागा सचामरा दंसणरइअआलोअदरिसणिज्जा वाउयविजयवेजयंती उस्सिआ गगणतलमणुलिहंती पुरओ अहाणुपुवीए संपट्ठिआ, तयाऽणंतरं च णं वेरुलियभिसंतविमलदंडं पलंबकोरंटमल्लदामोवसोभियं चंदमंडलणिभं समूसिअविमलं आयवत्तपवरं सीहासणं वरमणिरयणपादपीढं सपाउआजोयसमाउत्तं बहु (दासीदास पा०) किंकरकम्मकरपुरिसपायत्तपरिक्खित्तं पुरओ अहाणुपुवीए संपट्टियं, तयाऽणंतरं बहवे असिग्गाहा लट्ठिग्गाहा कुंग्गा चावग्गीहा चामरग्गाहा पासग्गाहा पोत्थयगाहा फलग्गाहा पीढग्गाहा वीणग्गाहा कूडग्गाहा हडप्फग्गाहा पुरओ अहाणुपुवीए संपद्विआ, तयाऽणंतरं बहवे डंडिणो
ॐ श्री आगमगुणमंजूषा - ७९२ SOOR
फु