Agam 07 Upasakdasha Gujarati Translation

Author(s): Dipratnasagar, Deepratnasagar
Publisher: Dipratnasagar, Deepratnasagar

Page 19

આગમસૂત્ર 7, અંગસૂત્ર 7 ઉપાસકદશાંગ સૂત્ર અધ્યયન-૪ “સુરાદેવ” સૂત્ર-૩૨ ચોથા અધ્યયનનો ઉપોદઘાત પહેલા અધ્યયન માફક કહેવો. હે જંબૂ! તે કાળે, તે સમયે વારાણસી નગરી હતી, કોષ્ટક ચૈત્ય હતું, જિતશત્રુ રાજા હતો, સૂરાદેવ ધનાઢ્ય ગાથાપતિ હતો, તેને છ હિરણ્ય કોડી નિધાનમાં, છ હિરણ્ય કોડી વ્યાજમાં, છ હિરણ્ય કોડી ધન-ધાન્યાદિમાં રોકેલ હતી. તેને 10,000 ગાયોનું એક એવા છ વજ-ગોકુળ હતા. તેને ધન્યા નામે પત્ની હતી. ભગવંત મહાવીર સ્વામી પધાર્યા. આનંદશ્રાવક માફક સુરાદેવે ગૃહીધર્મ સ્વીકાર્યો. કામદેવની માફક ધર્મ પ્રજ્ઞપ્તિ સ્વીકારીને વિચરે છે. સૂત્ર-૩૩ ત્યારે તે સુરાદેવ શ્રાવક પાસે મધ્યરાત્રિએ એક દેવ આવ્યો. તે દેવે એક મોટી નીલકમળવર્ણી યાવત્ તિક્ષ્ણ તલવાર લઈને સુરાદેવ શ્રાવકને કહ્યું - ઓ સુરાદેવ ! અપ્રાર્થિતને પ્રાર્થનારા ! જો તું તારા શીલ, વ્રત આદિનો યાવત્ ભંગ નહીં કરે, તો તારા મોટા પુત્રને ઘરમાંથી લાવી, તારી આગળ તેનો ઘાત કરીને પાંચ માંસના ટૂકડા કરી, તેલની. કડાઈમાં ઉકાળીશ, પછી તારા શરીર ઉપર માંસ અને લોહીને છાંટીશ, તેનાથી તું અકાળે જીવિત રહિત થઈશ. એ રીતે વચલા અને નાના પુત્રને એકેકના પાંચ ટૂકડા કરીશ તે પ્રમાણે જેમ ચુલની પિતા શ્રાવકમાં કહ્યું તેમ અહી પણ કહેવું. વિશેષ એ કે - પાંચ ટૂકડા કહ્યા. ત્યારે તે દેવે ચોથી વખત સુરાદેવને કહ્યું - યાવત્ જો તું વ્રતાદિ નહીં છોડે, તો આજે તારા શરીરમાં એક સાથે સોળ રોગ મૂકીશ. તે આ - શ્વાસ, કાશ, તાવ, જલન, કુક્ષિશૂલ, ભગંદર, હરસ, અજીર્ણ, દૃષ્ટિશૂળ, મસ્તકશૂળ, અરુચિ, અક્ષિવેદના, કર્ણવેદના, ખંજવાળ, જલોદર અને કોઢ. જે આર્તધ્યાનની પીડાથી યાવત્ તું અકાળે મરીશ. ત્યારે પણ સુરાદેવ યાવત્ સ્થિર રહ્યો. આ પ્રમાણે દેવે બીજી–ત્રીજી વખત કહ્યું યાવત્ તું મરીશ. ત્યારે તે દેવે બે-ત્રણ વખત કહેતા સુરાદેવને આ પ્રમાણે મનોગત સંકલ્પ થયો કે - આ પુરુષ અનાર્ય યાવતુ અનાર્ય આચરણવાળો છે, જેણે મારા મોટા યાવત્ નાના પુત્રને મારીને યાવત્ મારા શરીરે લોહી છાંટ્યું. વળી મારા શરીરમાં એક સાથે સોળ રોગો મૂકવા ઇચ્છે છે. મારે ઉચિત છે કે આ પુરુષને પકડી લઉં, એમ વિચારી તે દોડ્યો. તે દેવ આકાશમાં ઊડી ગયો, સુરાદેવે થાંભલો પકડી લીધો અને મોટા મોટા શબ્દોથી કોલાહલ કર્યો. ત્યારે તેની પત્ની ધન્યા, કોલાહલ સાંભળી, અવધારીને સુરાદેવ પાસે આવી. આવીને પૂછ્યું - હે દેવાનુપ્રિય ! તમે કેમ મોટા-મોટા શબ્દોથી કોલાહલ કર્યો? ત્યારે તે સુરાદેવે તેની પત્ની ધન્યાને કહ્યું - કોઈ પુરુષ અહીં ચલન પિતા શ્રાવક માફક બધું કહેવું. ધન્યાએ પણ સામે કહ્યું યાવત્ નાના પુત્ર ને કંઈ થયું નથી. કોઈ પુરુષે શરીરમાં એક સાથે સોળ રોગ મૂક્યા નથી. આ કોઈએ તમને ઉપસર્ગ કર્યો છે. બાકી બધું ચુલની પિતા માફક કહેવું. એ રીતે બધું ચુલની પિતાવત્ સંપૂર્ણ જાણવું. વિશેષ એ કે સૌધર્મકલ્પ અરુણકાંત વિમાને દેવ થયો. ચાર પલ્યોપમની સ્થિતિ કહી. તે મહાવિદેહે મોક્ષે જશે. નિક્ષેપ કહેવો. અધ્યયન-૪ નો મુનિ દીપરત્નસાગરે કરેલ ગુજરાતી અનુવાદ પૂર્ણ, મુનિ દીપરત્નસાગર કૃત્ “(ઉપાસકદશા” આગમસૂત્ર ભાવાનુવાદ Page 19