Book Title: Agam 07 Upasakdasha Gujarati Translation
Author(s): Dipratnasagar, Deepratnasagar
Publisher: Dipratnasagar, Deepratnasagar
View full book text
________________ આગમસૂત્ર 7, અંગસૂત્ર 7 ઉપાસકદશાંગ સૂત્ર અધ્યયન-૮ ‘મહાશતક' સૂત્ર-૪૮, 49 48. આઠમા અધ્યયનનો ઉલ્લેપ પ્રથમ અધ્યયન માફક જાણવો. હે જંબૂ! તે કાળે, તે સમયે, રાજગૃહ નામે નગર હતું, ગુણશીલ ચૈત્ય હતું, શ્રેણિક રાજા હતો. તે રાજગૃહનગરમાં મહાશતક નામે ધનાઢ્ય ગાથાપતિ રહેતો હતો. જે તેની સંપત્તિ વગેરેમાં આનંદ શ્રાવક સમાન હતો. વિશેષ એ કે - તેની પાસે આઠ કરોડ કાંસ્ય પ્રમાણ હિરણ્ય નિધાનમાં, આઠ કરોડ કાંસ્ય પ્રમાણ હિરણ્ય વ્યાજે, આઠ કરોડ કાંસ્ય પ્રમાણ હિરણ્ય ધન-ધાન્યાદિમાં પ્રયોજાયેલી હતી. તેને 10,000 ગાયોનું એક એવા આઠ ગોકુળ હતા. મહાશતકને રેવતી આદિ 13 પત્ની હતી, જે પૂર્ણ પંચેન્દ્રિય યાવત્ સ્વરૂપવાન હતી. તે મહાશતકની રેવતી પત્નીને કુલઘર((પિયર)થી આવેલઆઠ કોડી હિરણ્ય અને દશ હજાર ગાયોનું એક એવા આઠ ગોકુળ વ્યક્તિગત સંપત્તિ રૂપે હતા. બાકીની બાર પત્નીઓને કુલઘરથી આવેલ એક-એક હિરણ્ય કોડી અને એક-એક ગોકુળ હતુ. 49. તે કાળે, તે સમયે ભગવાન મહાવીર સ્વામી પધાર્યા, પર્ષદા નીકળી. મહાશાતક પણ આનંદની માફક નીકળ્યો. આનંદનો માફક જ શ્રાવકધર્મ સ્વીકાર્યો. વિશેષ એ કે - કાંસ્ય સહિત આઠ કોડી હિરણ્ય કહેવું. આઠ વ્રજ કહેવા. રેવતી આદિ તેર પત્નીઓ સિવાય અવસેસ મૈથુન વિધિનો ત્યાગ કરે છે. બાકી પૂર્વવતુ. આ આવા અભિગ્રહને ગ્રહણ કરે છે કે - હંમેશા બે દ્રોણ પ્રમાણ હિરણ્યથી ભરેલ કાંસ્યપાત્ર વડે વ્યવહાર કરવો મને કલ્પ છે. ત્યારપછી મહાશતક શ્રાવક થયો, જીવાજીવનો જ્ઞાતા થયો યાવત્ ભગવંત મહાવીરની ધર્મપ્રજ્ઞપ્તિ સ્વીકારીને તે વિચરે છે. ત્યારપછી શ્રમણ ભગવંત મહાવીર પણ બાહ્ય જનપદ વિહાર કરી વિચરવા લાગ્યા. સૂત્ર-પ૦ ત્યારપછી રેવતી ગાથાપત્નીને કોઈ દિવસે મધ્યરાત્રિ સમયે કુટુંબ જાગરીકા કરતા યાવતુ આવો વિચાર થયો. કે - હું આ બાર શૌક્યના વિઘાતથી, મહાશતક શ્રાવક સાથે ઉદાર માનુષી ભોગોપભોગને ભોગવવા સમર્થ નથી, તો મારે આ બારે શૌક્યોને અગ્નિ-શસ્ત્ર-વિષપ્રયોગ વડે જીવિતથી રહિત કરીને એક-એક હિરણ્ય કોડી અને એક-એક ગોકુળને સ્વયં જ ગ્રહણ કરીને મહાશતક સાથે યાવતું ભોગવતી વિચરું. એમ વિચારીને તે બાર શૌક્યોના અંતર-છિદ્ર-વિવર જોતી રહી. ત્યારપછી રેવતી ગાથાપત્ની કોઈ દિવસે, તે બાર શૌક્યોના અંતર જાણીને, છ શૌક્યોને શસ્ત્રપ્રયોગથી અને છ શૌક્યોને વિષપ્રયોગથી મારી નાંખી, પછી તે બારે શૌક્યોના પિતૃગૃહથી આવેલ એક-એક હિરણ્ય કોડી અને એક-એક ગોકુળને સ્વયં જ સ્વીકારીને મહાશતક સાથે ઉદાર ભોગોને ભોગવતી વિચરે છે. ત્યારપછી તેણી માંસલોલૂપ, માંસમાં મૂચ્છિત યાવત્ અત્યાસક્ત થઈ ઘણા સેકેલા-તળેલા-મૂંજેલા માંસ અને સૂરા, મધુ, મેરક, મદ્ય, સીધુ પ્રસન્નાને આસ્વાદતી આદિ વિચરે છે. સૂત્ર-૫૧ ત્યારે રાજગૃહમાં કોઈ દિવસે અમારિનો ઘોષ થયો. ત્યારે માંસ લોલૂપ, માંસ મૂચ્છિતાદિ રેવતીએ પિતૃપક્ષના પુરુષોને બોલાવીને કહ્યું - તમારે મારા પિતૃગૃહના ગોકુળમાંથી રોજ બબ્બે વાછડા મારીને મને આપવા. ત્યારે તે પિતૃગૃહ પુરુષોએ રેવતીની તે વાતને વિનયથી સ્વીકારી, પછી રેવતીના પિતૃગૃહના ગોકુળમાંથી રોજ બબ્બે વાછરડાને મારીને રેવતીને આપતા. રેવતી તે ગાયના માંસાદિને સૂરાદિ સાથે આસ્વાદતી હતી. મુનિ દીપરત્નસાગર કૃત્ “(ઉપાસકદશા” આગમસૂત્ર ભાવાનુવાદ Page 29
