Agam 05 Ang 05 Bhagvati Vyakhya Pragnapti Sutra Part 03 Shwetambar

Book Title: Agam 05 Ang 05 Bhagvati Vyakhya Pragnapti Sutra Part 03 Shwetambar
Author(s): Purnachandrasagar
Publisher: Jainanand Pustakalay

View full book textPrevious | Next

Page 205
________________

Shri Mahavir Jain Aradhana Kendra
www.kobatirth.org
Acharya Shri Kailashsagarsuri Gyanmandir
| सकसायी होज्जा णो अकसायी होज्जा, जइ सकसायी होज्जा से णं भंते! कतिसु कसाएस होज्जा ?, गोयमा चउसु वा तिसु वा दोसु वा | एगंभि वा होज्जा, चउसु होमाणे चउसु संजणको हमाणमायालोभेसु होज्जा तिसु होमाणे तिसु संजलणमाणमायालोभेसु होज्जा दोसु होमाणे संजलणमायालो भेसु होज्जा एगंमि होमाणे संजलणलोभे होज्जा, नियंठे गं० पुच्छा, गोयमा ! णो सकसायी होज्जा अकसायी । होज्जा, जइ अकसायी होज्जा किं उवसंतकसायी होजा खीणकसायी होजा?, गोयमा ! उवसंतकसायी वा होज्जा खीणकसायी वा होज्जा, सिणाए० एवं चेव, नवरं णो उवसंतकसायी होजा खीणकसायी होज्जा । ७६९। पुलाए णं भंते! किं सलेस्से होज्जा अलेस्से होजा?, गोयमा! सलेस्से होजा णो अलेस्से होजा जड़ सलेस्से होज्जा से णं भंते! कतिसु लेस्सासु होज्जा ?, गोयमा ! तिसु विसुद्धलेस्सासु होज्जा तं० तेउलेस्साए पम्हलेस्साए सुक्कलेस्साए, एवं बउसेऽवि, एवं पडिसेवणाकुसीले वि, कसायकुसीले ० पुच्छा, गोयमा ! सलेस्से होज्जा णो अलेस्से होज्जा, जइ सलेस्से होज्जा से णं भंते! कतिसु लेस्सासु होज्जा ?, गोयमा ! छसु लेस्सासु होजा तं०- कण्हलेस्साए जाव सुक्कलेस्साए, नियंठे णं भंते!० पुच्छा, गोयमा ! सेलेस्से होज्जा णो अलेस्से होज्जा, जइ सलेस्से होज्जा से णं भंते! कतिसु लेस्सासु होज्जा ?, गोयमा ! एक्काए सुक्कलेस्साए होज्जा, सिणाए० पुच्छा, गोयमा! सलेस्से वा अलेस्से वा होज्जा, जइ सलेस्से होज्जा से णं भंते! कतिसु लेस्सासु होज्जा ?, गोयमा ! एगाए परमसुक्कलेस्साए होज्जा । ७७० । पुलाए णं भंते! किं वड्ढमाणपरिणामे होज्जा हीयमाणपरिणामे होज्जा अवट्ठियपरि०?, गोयमा ! वड्डमाणपरि० वा होज्जा हीयमाणपरिणामे वा होज्जा अवद्वियपरिणामे वा होज्जा, एव जाव कसायकुसीले
॥ श्रीभगवती सूत्रं ॥
पू. सागरजी म. संशोधित
१९३
For Private And Personal


Page Navigation
1 ... 203 204 205 206 207 208 209 210 211 212