________________ આગમસૂત્ર 1, અંગસૂત્ર ૧‘આચાર' સૂત્ર–૫૧૪ | તીર્થંકર ભગવંત અભિનિષ્ક્રમણ-દીક્ષા પહેલા એક વર્ષ વર્ષીદાનનો પ્રારંભ કરે છે. તેઓ દરરોજ સૂર્યોદયથી જ્યાં સુધી પ્રાતરાશ અર્થાત નાસ્તો ન કરે ત્યાં સુધી એટલે કે એક પ્રહર દિવસ સુધી દાન આપે છે. સૂત્ર-૫૧૫ તીર્થકર ભગવંત પ્રતિદિન સૂર્યોદયથી એક પ્રહર દિવસ સુધી અન્યૂન એક કરોડ આઠ લાખ સુવર્ણ મુદ્રાનું દાન આપે છે. સૂત્ર–૫૧૬ આ પ્રમાણે ભગવંતે એક વર્ષમાં 388 કરોડ, 80 લાખ સુવર્ણ મુદ્રાનું દાન આપ્યું. સૂત્ર-૫૧૭ કુંડલધારી વૈશ્રમણ દેવ વર્ષીદાન માટેની ધનરાશિ એકઠી કરી આપે છે. મહાન ઋદ્ધિસંપન્ન લોકાંતિક દેવ પંદર કર્મભૂમિમાં થતા તીર્થકરોને પ્રતિબોધ કરે છે. સૂત્ર–૫૧૮ - બ્રહ્મ નામક પાંચમાં દેવલોકમાં આઠ કૃષ્ણરાજિઓના મધ્યમાં આઠ પ્રકારના લોકાંતિક દેવોના અસંખ્યાત વિસ્તારવાળા વિમાનો છે. સૂત્ર-પ૧૯ લોકાંતિક દેવો ભગવંત વીર જિનવરને બોધિત કરે છે - હે અર્ધન દેવ ! સર્વ જગતના હિતને માટે આપ ધર્મરૂપ તીર્થની સ્થાપના કરો. સૂત્ર–પ૨૦ ત્યાર પછી શ્રમણ ભગવંત મહાવીરનો અભિનિષ્ક્રમણ અર્થાત સંયમ ગ્રહણનો અભિપ્રાય જાણીને ભવનપતિ, વ્યંતર, જ્યોતિષ્ક, વૈમાનિક દેવ-દેવીઓ પોતપોતાના રૂપ-વેશ અને ચિહ્નોથી યુક્ત થઈ, સર્વ ઋદ્ધિઘુતિ-સેના સમૂહની સાથે પોત-પોતાના યાન વિમાનો પર આરૂઢ થાય છે, થઈને બાદર પુદ્ગલોનો ત્યાગ કરી, સૂક્ષ્મ પુદ્ગલો ગ્રહણ કરી ઊંચે ઊડે છે, ઊડીને ઉત્કૃષ્ટ, શીધ્ર, ચપળ, ત્વરિત દિવ્ય દેવગતિથી નીચે ઊતરતા. ઊતરતા તિર્થો લોકમાં દ્વીપ-સમુદ્રોને ઓળંગતા જમ્બુદ્વીપ નામક દ્વીપે આવ્યા. આવીને ઉત્તર ક્ષત્રિયકુંડપુર સંનિવેશે આવ્યા. ઉત્તર ક્ષત્રિયકુંડપુર સંનિવેશના ઈશાન ખૂણાની દિશામાં વેગપૂર્વક ઊતર્યા. ત્યાર પછી દેવેન્દ્ર દેવરાજ શક્કે ધીમે-ધીમે યાન વિમાનને રોક્યું. રોકીને ધીમે-ધીમે વિમાનથી નીચે ઊતર્યા, ધીમે-ધીમે એકાંતમાં ગયા, જઈને મહાન વૈક્રિય સમઘાત કર્યો. સમઘાત કરીને એક મહાન વિવિધ મણિ, કનક, રત્નોથી જડિત, શુભ-સુંદર-મનોહર દેવચ્છેદક વિકુવ્યું. દેવચ્છેદકના મધ્ય ભાગે એક મહાન પાદપીઠ યુક્ત વિવિધ મણિ-રત્ન-સુવર્ણ જડેલ શુભ-સુંદરકમનીય સિંહાસન વિફર્યું. વિફર્વીને જ્યાં શ્રમણ ભગવંત મહાવીર હતા ત્યાં આવ્યો, આવીને શ્રમણ ભગવંતા મહાવીરને ત્રણ વખત આ-દક્ષિણ પ્રદક્ષિણા કરી. કરીને ભગવંતને વંદન-નમસ્કાર કર્યા. - ત્યાર પછી શ્રમણ ભગવંત મહાવીરને લઈને જ્યાં દેવચ્છેદક છે ત્યાં આવ્યા. ધીમે-ધીમે સિંહાસનમાં પૂર્વાભિમુખ બેસાડ્યા. બેસાડીને ધીમે-ધીમે શતપાક, સહસંપાક તેલથી ભગવંતના શરીરને માલીશ કર્યો, ગંધયુક્ત શરીરને લૂછ્યું. લૂછીને સ્નાન કરાવ્યું, કરાવીને શરીર પર એક લાખ મૂલ્યવાળા ત્રણ પટને લપેટીને સાધેલ ગોશીષ રક્ત ચંદનનું લેપન કર્યું. કરીને ધીમા શ્વાસના વાયરે ઊડી જાય તેવા, શ્રેષ્ઠ નગર-પાટણમાં નિર્મિત, કુશળ નર પ્રશંસિત, ઘોડાના મુખના ફીણ સમાન સ્વચ્છ, મનોહર, ચતુર કારીગરો દ્વારા સુવર્ણ તારોથી ખચિત, હંસલક્ષણ બે વસ્ત્રો પહેરાવ્યા. પહેરાવીને હાર, અર્ધહાર, વક્ષસ્થળ-આભૂષણ, એકાવલી, લટકતી માળા, કંદોરો, મુનિ દીપરત્નસાગર કૃત “(આચાર)” આગમસૂત્ર ભાવાનુવાદ Page 107
