________________
19
ಅಡ್ರಸ್ಟ್ ಎವಿವೇರ್. ನೋಡಿಕೊಂಡು ಅಲ್ಲಿಂದ ಜಾರಿಕೊಳ್ಳುತ್ತೇವೆ. ಇಲ್ಲವಾದರೆ, ಇಬ್ಬರಿಗೂ 'ಆಕ್ಸಿಡೆಂಟ್' ಆಗುತ್ತದೆ ಮತ್ತು ಇಬ್ಬರ 'ಸ್ನೇರ್-ಪಾರ್ಟ್' ಮುರಿದುಬೀಳುತ್ತವೆ. ಮೊದಲಿಗೆ ಬಂಪರ್ ಮುರಿದುಹೋಗುವುದಲ್ಲದೆ, ಒಳಗೆ ಕುಳಿತಿರುವವನ ಸ್ಥಿತಿ ಏನಾಗಬೇಡ? ಕುಳಿತಿರುವವನ ಪಾಡು ಕುಳಿತಲ್ಲಿಯೇ ಜಖಂ! ಆದುದರಿಂದ, ಪುಕೃತಿಯನ್ನು ನೀವು ಅರ್ಥಮಾಡಿಕೊಳ್ಳಬೇಕು. ಮನೆಯಲ್ಲಿನ ಪ್ರತಿಯೊಬ್ಬರ ಪ್ರಕೃತಿಯನ್ನು ಅರಿತುಕೊಂಡಿರಬೇಕು.
ಈ ಕಲಿಯುಗದ ಪ್ರಕೃತಿಗಳು, ಹೊಲ ಅಥವಾ ಗದ್ದೆಗಳಂತಲ್ಲ, ಇಲ್ಲಿ ಇದೊಂದು ಹೂದೋಟದಂತೆ. ಅದರೊಳಗೆ ಒಂದು ಸಂಪಿಗೆಯ ಗಿಡ, ಒಂದು ಗುಲಾಬಿಯ ಗಿಡ, ಒಂದು ಮಲ್ಲಿಗೆಯ ಗಿಡ, ಒಂದು ಸಾವಂತಿಗೆಯ ಗಿಡ, ಹೀಗೆ ಎಲ್ಲಾ ವಿಧವಾದ ಗಿಡಗಳಿಂದ ಕೂಡಿರುತ್ತವೆ. ಹೀಗಾಗಿ ಒಂದು ಪ್ರಕೃತಿ ಮತ್ತೊಂದು ಪ್ರಕೃತಿಯೊಂದಿಗೆ ಜಗಳವಾಡುತ್ತಲೇ ಇರುತ್ತದೆ. ಒಬ್ಬರ ಸ್ವಭಾವವು ಮತ್ತೊಬ್ಬರ ಸ್ವಭಾವದೊಂದಿಗೆ ಹೊಂದಾಣಿಕೆಯಾಗದೆ ಹೋದರೆ, ಜಗಳವಾಗುತ್ತಲೇ ಇರುತ್ತದೆ.
'ಕೌಂಟರ್-ಪುಲಿ'ಯ ಕೌಶಲ್ಯ
ನಾವು ನಮ್ಮ ಅಭಿಪ್ರಾಯವನ್ನು ಮೊದಲೇ ಹೇಳಲು ಹೋಗಬಾರದು. ಮೊದಲು ಎದುರಿನವರನ್ನು ಕೇಳಬೇಕು, 'ನಿಮಗೆ ಈ ವಿಷಯದ ಬಗ್ಗೆ ಏನನ್ನಿಸುತ್ತದೆ?', ಎದುರಿನವರು ಅವರ ವಿಚಾರವನ್ನೇ ಪಟ್ಟುಹಿಡಿದರೆ ನಾವು ನಮ್ಮದನ್ನು ಬಿಟ್ಟುಬಿಡಬೇಕು. ನಾವು ಇಲ್ಲಿ ಒಂದನ್ನು ಮಾತ್ರ ನೋಡಬೇಕು. ಏನೆಂದರೆ, ಅವರಿಗೆ ನಮ್ಮಿಂದ ಯಾವ ರೀತಿಯಿಂದಲೂ ದುಃಖವಾಗಬಾರದು. ನಮ್ಮ ಅನಿಸಿಕೆಯಿಂದ ಒತ್ತಾಯಪಡಿಸಬಾರದು. ಯಾವುದು ಒಪ್ಪಿಗೆಯೋ ಅದನ್ನು ನಾವು ಸ್ವೀಕರಿಸಿಬಿಡಬೇಕು. ನಾವಂತೂ (ದಾದಾಶಿ) ಎಲ್ಲರ ಅಭಿಪ್ರಾಯಗಳನ್ನು ಅಂಗೀಕರಿಸಿ 'ಜ್ಞಾನಿ'ಯಾಗಿ ಬಿಟ್ಟಿದ್ದೇವೆ. ನಾನು, ನನ್ನ ಅಭಿಪ್ರಾಯವನ್ನು ಒಪ್ಪುವಂತೆ ಮತ್ತೊಬ್ಬರಿಗೆ ಒತ್ತಾಯಪಡಿಸಲು ಹೋದರೆ, ಆಗ ನಾನೇ ಪಕ್ಷವಾಗಿಲ್ಲವೆಂದಾಗುತ್ತದೆ. ನಮ್ಮ ಅಭಿಪ್ರಾಯಗಳಿಂದಾಗಿ ಎಲ್ಲಿಯೂ ಯಾರಿಗೂ ದುಃಖವಾಗದಂತೆ ನೋಡಿಕೊಳ್ಳಬೇಕು.
ನಿಮ್ಮ 'ರೆವೋಲೂಷನ್'ನ ವೇಗವು 1800 ಇದ್ದರೆ, ಎದುರಿನವನ 'ರವೊಲೂಷನ್'ನ ವೇಗವು 600 ಆಗಿರುವಾಗ, ನಾವು ನಮ್ಮ ಅಭಿಪ್ರಾಯವನ್ನು ಅವರ ಮೇಲೆ ಒತ್ತಡ ಹಾಕಿದರೆ, ಆಗ ಅವರ 'ಎಂಜಿನ್' ಮುರಿದುಬೀಳುವುದಲ್ಲದೆ ಅನಂತರ ಅವರ ಎಲ್ಲಾ ಬಿಡಿ-ಬಾಗಗಳನ್ನು ಬದಲಾಯಿಸ ಬೇಕಾಗುತ್ತದೆ. ಪಶ್ರಕರ್ತ: 'ರೆವೋಲೂಷನ್' ಅಂದರೆ ಏನು?
