________________
11
ಅಡ್ಕಸ್ ಎವಿವೇರ್ ಹೇಳಿದ್ದಕ್ಕೆ ತಿರುಗಿ ಉತ್ತರಿಸುತ್ತಾರೆ. ಸ್ವಂತ ತಂದೆಯೇ ಹೇಳಿದರೂ, ಅವರಿಗೆ ಬೆಲೆಕೊಡುವುದಿಲ್ಲ, ಇದು ಕಲಿಯುಗದ ಪ್ರಭಾವವಾಗಿದೆ.
ಈಗಿನ ಕಾಲದ ಜನರು ಸಹ ಮನುಷ್ಯರೇ ಆಗಿದ್ದಾರೆ. ಆದರೆ, ನಿಮಗೆ ಅವರನ್ನು ಅರ್ಥಮಾಡಿಕೊಳ್ಳಲು ಬರುವುದಿಲ್ಲ. ಮನೆಯಲ್ಲಿ ಐವತ್ತು ಜನರಿರುತ್ತಾರೆ, ಆದರೆ ಅವರನ್ನು ಅರ್ಥಮಾಡಿಕೊಳ್ಳಲಾಗದ ಕಾರಣದಿಂದಾಗಿ ಮನಸ್ತಾಪಗಳು ಉಂಟಾಗುತ್ತವೆ. ಸ್ವಭಾವಗಳನ್ನು ಅರ್ಥಮಾಡಿಕೊಳ್ಳುವುದು ಮುಖ್ಯವಲ್ಲವೇ? ಮನೆಯಲ್ಲಿನ ಒಬ್ಬ ವ್ಯಕ್ತಿ ಸಿಡಿಮಿಡಿಗೊಳ್ಳುತ್ತಿದ್ದರೆ, ಅದು ಅವನ ಸ್ವಭಾವವೆಂದು ನೀವು ಅರಿಯಬೇಕು. ಒಮ್ಮೆ ಒಬ್ಬರ ಸ್ವಭಾವ ಹಾಗೆಂದು ತಿಳಿದ ಮೇಲೆ ಪದೇ ಪದೇ ಅವರನ್ನು ಆಕ್ಷೇಪಿಸುವುದು ಸರಿಯೇ? ಕೆಲವರಿಗೆ ರಾತ್ರಿ ತಡವಾಗಿ ಮಲಗುವ ಅಭ್ಯಾಸವಿರುತ್ತದೆ ಮತ್ತೆ ಕೆಲವರಿಗೆ ಬೇಗನೆ ಮಲಗುವ ಅಭ್ಯಾಸವಿರುತ್ತದೆ. ಆಗ, ಅಲ್ಲಿ ಹೊಂದಾಣಿಕೆ ಹೇಗೆ ಬರಲು ಸಾಧ್ಯ? ಅಲ್ಲದೆ, ಕುಟುಂಬದ ಎಲ್ಲಾ ಸದಸ್ಯರು ಒಟ್ಟಿಗಿರುವಾಗ ಏನು ಮಾಡುವುದು? ಮನೆಯಲ್ಲಿ ಒಬ್ಬರು 'ನಿನಗೆ ಬುದ್ದಿ ಕಡಿಮ' ಎಂದು ಹೇಳಿದರೆ, ಅಂತಹ ಸಮಯದಲ್ಲಿ ನೀವು ಅವರ ಸ್ವಭಾವವನ್ನು ಅರ್ಥಮಾಡಿಕೊಂಡು ನೀವೇ 'ಅಡ್ಕಸ್ಟ್' ಮಾಡಿಕೊಂಡುಬಿಡಬೇಕು. ಅದುಬಿಟ್ಟು ಅವರು ಹೇಳಿದ್ದಕ್ಕೆಲ್ಲಾ ನೀವು ಪ್ರತ್ಯುತ್ತರ ಕೊಡುತ್ತಾಹೋದರೆ, ನಿಮಗೇ ಆಯಾಸವಾಗುತ್ತದೆ. ಯಾಕೆಂದರೆ, ತಾಕಿಸಿ (ಹೊಡೆದು) ಕೊಂಡು ಹೋಗುವುದು ಅವರ ಸ್ವಭಾವ; ನೀವೂ ಅವರನ್ನು ತಾಕಿಸಿಕೊಂಡು ಹೋದರೆ, ನಿಮಗೂ ಕಣಿಲ್ಲವೆನ್ನುವುದು ಖಚಿತವಾಯಿತಲ್ಲವೇ? ಇಲ್ಲಿ ನಾನು ಹೇಳುವುದೇನೆಂದರೆ, ಪ್ರಕೃತಿಯ ವಿಜ್ಞಾನವನ್ನು ಅರಿಯಿರಿ. ಅದಲ್ಲದೆ, ಈ ಆತ್ಮ ಎನ್ನುವುದು ಬೇರೆಯೇ ವಸ್ತುವಾಗಿದೆ. ಹೂದೋಟದಲಿನ ಹೂವುಗಳ ಬಣ್ಣ
ಸುಗಂಧ ಬೇರೆ ಬೇರೆ - ಈಗ ನಿಮ್ಮ ಮನೆಯೊಂದು ಹೂದೋಟವಿದ್ದಂತೆ. ಹಿಂದೆ ಸತ್ಯಯುಗ, ದ್ವಾಪರಯುಗ ಹಾಗು ತ್ರೇತಾಯುಗದಲ್ಲಿ, ಮನೆಯೊಂದು ಕೃಷಿಭೂಮಿಯಾಗಿತ್ತು; ಒಂದಡೆ ಎಲ್ಲಾ ಗುಲಾಬಿಹೂವಿನ ಗಿಡಗಳಾಗಿದ್ದರೆ, ಮತ್ತೊಂದೆಡೆ ಎಲ್ಲಾ ಸಂಪಿಗೆಯ ಗಿಡಗಳಾಗಿದ್ದವು. ಆದರೆ ಈಗ ಮನೆಯೆಂದರೆ, ಎಲ್ಲಾ ವಿಧವಾದ ಹೂವುಗಳಿಂದ ತುಂಬಿರುವ ಒಂದು ಹೂದೋಟ ಇದ್ದಂತೆ. ಅಲ್ಲಿ ನಾವು, ಇದು ಮಲ್ಲಿಗೆಯೋ ಅಥವಾ ಗುಲಾಬಿಯೋ ಎಂದು ಪರೀಕ್ಷಿಸಿ ನೋಡಬೇಕಾಗುತ್ತದೆ ಅಲ್ಲವೇ? ಸತ್ಯಯುಗದಲ್ಲಿ ಹೇಗಿತ್ತೆಂದರೆ, ಒಂದು ಮನೆಯಲ್ಲಿ ಗುಲಾಬಿಯೆಂದರೆ ಅಲ್ಲಿ ಎಲ್ಲಾ ಗುಲಾಬಿಯೇ ಹಾಗು ಇನ್ನೊಂದು ಮನೆಯಲ್ಲಿ ಮಲ್ಲಿಗೆಯೆಂದರೆ ಅಲ್ಲಿ
