________________
ಅಡ್ರಸ್ಟ್ ಎವಿವೇರ್
ಅಳವಡಿಸಿ ಜ್ಞಾನಿಗಳ ಜಾನದ ಕಲೆಯನ್ನು
ಯಾವತ್ತೋ ಒಂದು ದಿನ ರಾತ್ರಿ ಹೆಂಡತಿ ಕೇಳುತ್ತಾಳೆ, 'ನನಗೆ ಅಂದು ನೋಡಿದ ಸೀರೆಯನ್ನು ಕೊಡಿಸುವುದಿಲ್ಲವೆ? ನನಗೆ ಆ ಸೀರೆಯನ್ನು ತೆಗೆದುಕೊಳ್ಳಲೇಬೇಕು'. ಅವನು ಕೇಳುತ್ತಾನೆ 'ಅದರ ಬೆಲೆ ಎಷ್ಟು?' ಎಂದು. ಅದಕ್ಕೆ ಅವಳು ಹೇಳುತ್ತಾಳೆ, 'ಹಚ್ಚೇನಿಲ್ಲ, 2,200 ರೂಪಾಯಿಗಳಾಗುತ್ತದೆ'. ಆಗ ಅವನು, 'ನಿನಗೆ ಅದು ಕಡಿಮೆ ಅನ್ನಿಸಬಹುದು, ಆದರೆ ನಾನು ಅಷ್ಟು ದುಡ್ಡು ಎಲ್ಲಿಂದ ತರಲಿ?' ಎಂದು ಹೇಳುತ್ತಾನೆ. ಆಗಲೇ ಅಲ್ಲಿ ಕೊಂಡಿಯು ಸಡಿಲವಾಗುತ್ತದೆ. 'ಇನೂರೊ, ಮುನೂರು ಆಗಿದ್ದರೆ ತಂದುಕೊಡುತ್ತಿದೆ. ಆದರೆ ನೀನು 2200 ರೂಪಾಯಿಗಳು ಎಂದು ಹೇಳುತ್ತಿರುವೆ!' ಎಂದಾಗ, ಇದನ್ನು ಕೇಳಿ ಅವಳು ಸಿಟ್ಟು ಮಾಡಿಕೊಂಡು ಕುಳಿತುಬಿಡುತ್ತಾಳೆ. ಈಗ ಅವನ ಸ್ಥಿತಿ ಏನಾಗಬೇಕು? ಮನಸ್ಸಿನಲ್ಲೇ ಅನ್ನಿಸುತ್ತದೆ ಮದುವೆಯಾಗಿ ಕೈಸುಟ್ಟುಕೊಂಡೇ, ಇದಕ್ಕಿಂತ ಮದುವೆಯಾಗದೆ ಇದಿದ್ದರೆ ಒಳಿತಾಗಿತ್ತು! ಆದರೆ, ಮದುವೆಯಾದ ಮೇಲೆ ಪಶ್ಚಾತ್ತಾಪಿಸಿ ಪ್ರಯೋಜನವಾದರೂ ಏನು? ಆದ್ದರಿಂದಲೇ ಇಂತಹ ದುಃಖಗಳು. ಪಶ್ಚಕರ್ತ: ನೀವು ಹೇಳುವುದೇನೆಂದರೆ, ಹೆಂಡತಿಗೆ 2200 ರೂಪಾಯಿಯ ಸೀರೆಯನ್ನು ತಂದುಕೊಡಬೇಕೆಂದು? ದಾದಾಶ್ರೀ: ತಂದುಕೊಡುವುದು ಬಿಡುವುದು ಅದು ನಿಮಗೆ ಬಿಟ್ಟಿದ್ದು. ಅವಳು ಸಿಟ್ಟುಮಾಡಿಕೊಂಡು ಪ್ರತಿದಿನ ರಾತ್ರಿ ಅಡಿಗೆ ಮಾಡುವುದಿಲ್ಲವೆಂದು' ಹೇಳುತ್ತಾಳೆ. ಆಗ ನಾವೇನು ಮಾಡಬೇಕು? ಎಲ್ಲಿಂದ ಊಟ ತರುವುದು? ಹಾಗಾಗಿ, ಸಾಲ ಮಾಡಿಯಾದರೂ ಸೀರೆಯನ್ನು ತಂದುಕೊಡಬೇಕಾಗುತ್ತದೆ ಅಲ್ಲವೇ?
ನೀವು ಹೀಗೊಂದು ಉಪಾಯ ಮಾಡಿದರೆ, ಆಗ ಅವಳು ಆ ಸೀರೆಯನ್ನು ತಂದುಕೊಡಿಯಂದು ಕೇಳುವುದೇ ಇಲ್ಲ. ನಿಮ್ಮ ತಿಂಗಳ ಸಂಬಳ ಎಂಟು ಸಾವಿರವಾಗಿದ್ದರೆ, ಅದರಿಂದ ಒಂದು ಸಾವಿರವನ್ನು ನಿಮ್ಮ ಖರ್ಚಿಗೆ ತೆಗೆದಿಟ್ಟುಕೊಂಡು, ಉಳಿದ ಏಳು ಸಾವಿರವನ್ನು ಅವಳಿಗೆ ಕೊಟ್ಟುಬಿಟ್ಟರೆ ಮತ್ತೆ ಅವಳು ನಿಮ್ಮನ್ನು ಸೀರೆ ತಂದುಕೊಡಲು ಕೇಳುತ್ತಾಳೆಯೇ? ಆಮೇಲೆ ಯಾವತ್ತೂ ಒಂದು ದಿನ, ನೀವೇ ತಮಾಷೆಗೆ ಕೇಳಿ, 'ನೀನು ಆದಿನ ಹೇಳುತ್ತಿದ್ದ ಸೀರೆ ಒಳ್ಳೆಯದಿತ್ತು. ಯಾಕೆ ಇನ್ನೂ ತರಲು ಹೋಗಲಿಲ್ಲ?' ಎಂದು. ಈಗ ಅವಳ ವಹಿವಾಟು ಅವಳೇ ನಡೆಸಬೇಕು! ನೀವು ನಡೆಸುತ್ತಿದ್ದರೆ, ಆಗ ನಿಮ್ಮ ಮೇಲೆ ಜೋರು ಮಾಡುತ್ತಿದ್ದಳು. ಈ ಎಲ್ಲಾ ಕಲೆಗಳನ್ನು ನಾನು ಜ್ಞಾನದ ಮೊದಲೇ ಕಲಿತ್ತಿದೆ, ಅದರ ನಂತರವಷ್ಟೇ ಜ್ಞಾನಿಯಾಗಿರುವುದು. ಎಲ್ಲಾ ಬಗೆಯ ಕಲಾಕೌಶಲ್ಯಗಳು ನನಗೆ ಬಂದ ಮೇಲೆ ನಾನು ಜ್ಞಾನಿ ಆಗಿದ್ದು!
