________________
ಅಡ್ಕಸ್ ಎವಿವೇರ್ ದಾದಾಶ್ರೀ: ಯಾವ ವಿಚಾರಮಾಡುವ ಶಕ್ತಿಯಿದೆ. ಅದು ಪ್ರತಿಯೊಬ್ಬರಲೂ ವಿಭಿನ್ನವಾಗಿರುತ್ತದೆ. ಎಲ್ಲಿ ಏನಾದರು ಮಾಡಬೇಕೆಂದಿದ್ದರೆ, ಆಗ ಒಂದು ನಿಮಿಷದಲ್ಲಿ ಎಷ್ಟೊಂದು ವಿಚಾರಗಳು ಬರುತ್ತವೆ, ಅದರ ಎಲ್ಲಾ ಪರ್ಯಾಯಗಳನ್ನು 'ಅಟ್ ಏ ಟೈಮ್ ' ತೋರಿಸುತ್ತದೆ. ಈ ದೊಡ್ಡ ದೊಡ್ಡ ವ್ಯಕ್ತಿಗಳಿಗೆ ನಿಮಿಷಕ್ಕೆ 'ರವೊಲೂಷನ್' 1200 ವೇಗದಲ್ಲಿ ತಿರುಗುತ್ತಿದ್ದರೆ, ನಮ್ಮದು (ದಾದಾಶಿ) 5000 ವೇಗದಲ್ಲಿದ್ದರೆ, ಭಗವಾನ್ ಮಹಾವೀರರ 'ರೆವೊಲ್ಯೂಷನ್' ಒಂದು ಲಕ್ಷದ ವೇಗದಲ್ಲಿ ತಿರುಗುತ್ತಲಿತ್ತು!
ಭಿನ್ನಾಭಿಪ್ರಾಯಗಳು ಉಂಟಾಗಲು ಕಾರಣವೇನು? ನಿಮ್ಮ ಹೆಂಡತಿಯ 'ರವೋಲೂಷನ್' 100 ಇದ್ದು, ನಿಮ್ಮ 'ರವೋಲೂಷನ್' 500 ಇದ್ದರೆ, ಆಗ ಅಲ್ಲಿ ನಿಮಗೆ 'ಕೌಂಟರ್-ಪುಲಿ' ಅಳವಡಿಸಿಕೊಳ್ಳಲು ಗೊತ್ತಿಲ್ಲದಿರುವುದರಿಂದ ಅಲ್ಲಿ ಆ 'ಎಂಜಿನ್' ಬಿಸಿಯಾಗಿ, ಜಗಳವು ಪ್ರಾರಂಭವಾಗುತ್ತದೆ. ಹೀಗೆಯೇ ಎಷ್ಟೋ ಬಾರಿ 'ಎಂಜಿನ್'ನ್ನು ಮುರಿದುಬೀಳುತ್ತದೆ. ಈಗ, ನಿಮಗೆ 'ರವೊಲೂಷನ್' ಅಂದರೆ ಏನೆಂದು ಅರ್ಥವಾಯಿತಲ್ಲವೇ? ನಿಮ್ಮ ಕೆಲಸದವರಿಗೆ ನೀವು ಹೇಳಿದ ಮಾತು ಅರ್ಥವಾಗುವುದಿಲ್ಲ. ಯಾಕೆಂದರೆ, ಅವರ 'ರೆವೋಲೂಷನ್' 50 ಆಗಿದ್ದು, ನಿಮ್ಮ 'ರೆವೊಲೂಷನ್' 500 ಆಗಿರುತ್ತದೆ. ಕೆಲವರಲ್ಲಿ ಅದರ ವೇಗವು 100 ಆಗಿದ್ದರೆ, ಇನ್ನು ಕೆಲವರ ವೇಗವು 1200 ಆಗಿರುತ್ತದೆ. ಅವರವರ 'ಡೆವಲಪೆಂಟ್' ಪ್ರಮಾಣದ ಪ್ರಕಾರ 'ರವೊಲೂಷನ್' ಹೊಂದಿರುತ್ತಾರೆ. ಇಬ್ಬರ ನಡುವೆ 'ಕೌಂಟರ್-ಪುಲಿ' ಹಾಕಿದರೆ ಮಾತ್ರ ನಿಮ್ಮ ಮಾತು ಮತ್ತೊಬ್ಬರಿಗೆ ಸರಿಹೊಂದುತ್ತದೆ. 'ಕೌಂಟರ್-ಪುಲಿ' ಎಂದರೆ, ಒಬ್ಬರ-ಮತ್ತೊಬ್ಬರ ವೇಗದ ನಡುವೆ ಹಿಡಿತಪಟ್ಟಿಯನ್ನು ಅಳವಡಿಸಿಕೊಂಡು, 'ರವೋಲೂಷನ್'ನ ವೇಗವನ್ನು ಕಡಿತಗೊಳಿಸುವುದು. ನಾನು ಪ್ರತಿಯೊಬ್ಬರೊಂದಿಗೆ 'ಕೌಂಟರ್-ಪುಲಿ'ಯನ್ನು ಅಳವಡಿಸಿಕೊಂಡು ಬಿಡುತ್ತೇನೆ. ಕೇವಲ ಅಹಂಕಾರ ಮಾಡುವುದನ್ನು ಬಿಟ್ಟುಬಿಟ್ಟರೆ, ಆಗ ಎಲ್ಲವೂ ಸರಿ ಹೋಗುತ್ತದೆಂದು ಹೇಳಲಾಗುವುದಿಲ್ಲ. ಆದುದರಿಂದ, 'ಕೌಂಟರ್-ಪುಲಿ'ಯನ್ನು ಪ್ರತಿ ವ್ಯಕ್ತಿಯೊಂದಿಗೆ ಅಳವಡಿಸಿಕೊಳ್ಳುವುದು ಮುಖ್ಯವಾಗಿದೆ. ಇದರಿಂದಾಗಿ ಯಾರೊಂದಿಗೂ ನಮಗೆ ಭಿನ್ನಾಭಿಪ್ರಾಯವೇ ಉಂಟಾಗುವುದಿಲ್ಲವಲ್ಲ! ನಮಗೆ ತಿಳಿದಿರುತ್ತದೆ, ಆ ವ್ಯಕ್ತಿಯ 'ರೆವೊಲೂಷನ್' ಇಷ್ಟೇ ಎಂದು. ಆಗ ಅಲ್ಲಿ ನಾವು ಅದಕ್ಕೆ ಅನುಗುಣವಾಗಿ 'ಕೌಂಟರ್-ಪುಲಿ'ಯನ್ನು ಅಳವಡಿಸಿಕೊಂಡುಬಿಡುತ್ತೇವೆ. ನಮಗೆ ಚಿಕ್ಕ ಮಕ್ಕಳೊಂದಿಗೆ ಕೂಡಾ ಬಹಳ ಹೊಂದಾಣಿಕೆಯು ಇರುತ್ತದೆ. ಅದಕ್ಕೆ ಕಾರಣವೇನೆಂದರೆ, ನಾವು ನಮ್ಮ 'ರವೋಲೂಷನ್' ಅನ್ನು ಅವರಿಗೆ ಸರಿಹೊಂದುವಂತೆ 40ಕ್ಕೆ ಇಟ್ಟುಕೊಂಡುಬಿಡುತ್ತೇವೆ. ಹಾಗಾಗಿ, ನಮ್ಮಗಳು ಮಾತು ಒಪ್ಪಿಗೆಯಾಗುತ್ತದೆ. ಇಲ್ಲವಾದರೆ, ಆ 'ಮಷೀನ್' ಮುರಿದುಹೋಗುತ್ತದೆ.
