Adhyatmamatpariksha Swopagnyavruttyupeta

Author(s): Yashovijay Upadhyay,
Publisher: Devchand Lalbhai Pustakoddhar Fund

Page 233

हुन्छ
भुत्तीइ सुहुप्पत्ती तं पुण जोगादुदीरियं होजा। एसा परजुत्तिलया एएण पकंपिया णेया ॥ १०३॥ ण य दुप्पणिहाणंपि हु केवलिजोगाण होइ भुत्तीए । तं रागद्दोसकयं ते पुण तेसिं विलीणेत्ति ॥ १०४॥ इय सत्तमाइफासगकोडिन्नाईण कवलभोईणं । णेव य दुप्पणिहाणं सुप्पणिहाणस्स माहप्पा ॥ १०५॥ हेऊ पमत्तयाए आहारकहेव व आहारो। होज जईणइआरो अण्णह तीए व तेणावि ॥ १०६ ॥ णिदाएवि ण हेऊ भुत्ती सहयारमेत्तओ तीसे । जेण सुए णिदिठ्ठा पयडी सा दंसणावरणी ॥ १०७ ॥ ण य तस्स थोक्याए जेण अणुण्णा तओ तओ दुट्ठो। णिव दुट्टया जं णिहाइपसंगओ तस्स ॥ १०८ ॥ आहारो ण पमाओ भण्णइ अववाइओत्ति काऊणं । अववाया वोलीणा वीयभयाणं जिणाण जओ ॥ १०१॥ पत्तं ममत्तहेऊ जुत्तं वोत्तुं पुणो ण देहुन्छ । इहरा णिम्ममभावो जिणाण कह पाणिपत्ताणं ॥ ११ ॥ झाणतवोवाघाओ आहारणंति ते मई मिच्छा । झाणं सेलेसीए तवो अण विसिस्सते सिंति ॥ १११ ॥ ओरालिअदेहस्स य ठिई अ वुड्डी य णो विणाहारं । तेणावि य केवलिणो कवलाहारित्तणं जुत्तं ॥ ११२ ॥ परमोरालिअदेहो केवलिणं नणु हवेज मोहखए । रुहिराइधाउरहिओ तेअमओ अब्भपडलं व ॥ ११३॥ संघयणणामपगई केवलिदेहस्स धाउरहिअत्ते । पोग्गलविवागिणी कह अतारिसे पोग्गले होउ ॥ ११४ ॥ मोहविलएण नाणं णामुदया चेव तस्स पारंमं । तो वण्णाइविसेसो त होउ ण धाउरहिअत्तं ॥ ११५॥
90090000000000000000000
Jain Education in
For Private Personel Use Only
jainelibrary.org