________________
ઉપયોગને એકાગ્ર કર. આ પ્રમાણે તને ધર્મધ્યાન થશે આ ધર્મધ્યાનથી જ સમ્યગ્દર્શન-જ્ઞાન-ચારિત્રરૂપ શુધ્ધતા પ્રગટ થાય છે. આ જ ધર્મ છે. આ મોક્ષમાર્ગ છે. હે ભાઈ ! આવા મોક્ષમાર્ગનો આજે પ્રારંભ કરી લેશે તો એકાદ બે ભવમાં પૂર્ણ મોક્ષમાર્ગ પ્રગટ થશે. અને જો આજે એનો નિષેધ કરશે અને વિષયોમાં જ પ્રવર્તશે તો તારા મોક્ષમાર્ગની શરૂઆત કેવી રીતે થશે? શું જડક્રિયાથી કે શુભભાવથી (રાગથી) પર્યાયમાં વીતરાગતા પ્રગટ થઇ શકે? તું વિચાર તો કર! આ વીતરાગતાનો માર્ગ શું છે? વીતરાગી પ્રભુએ એનો કેવો ઉપદેશ આપ્યો છે એ તો વિચાર કર!
(૧૭) મુમુક્ષોને આત્માના ધ્યાનનો ઉપદેશ આપ્યો છે કે, હે ભવ્ય! શુધ્ધાત્માનું સમ્યક્ત્વ પ્રગટ કરવા માટે એને ધ્યાનમાં ધ્યાવો ! જ્ઞાનનું જ્ઞેય, શ્રધ્ધાનું શ્રધ્યેય, ધ્યાનનું ધ્યેય તારા શુધ્ધાત્માને બનાવ કે જેથી પર્યાયમાં શુધ્ધતા પ્રગટ થાય.
(૧૮) ચોથા કાળમાં પણ કાંઈ આત્માની ઉપયોગની એકાગ્રતા વિના મોક્ષમાર્ગ પ્રગટ થતો ન હતો, એ કાળમાં પણ આત્માની એકાગ્રતારૂપ ધર્મધ્યાન દ્વારા જ મોક્ષમાર્ગ પ્રગટ થતો હતો અને આજે પંચમ કાળમાં પણ એ જ રીતે ધર્મધ્યાન દ્વારા જ મોક્ષમાર્ગ પ્રગટ થાય છે. સનાતન વીતરાગ ધર્મ ત્રણ કાળ ત્રણ લોકમાં એક જ પ્રકારે હોય છે.
(૧૯) પ્રવચનસારના અંતમાં કહ્યું છે, હે જીવ ! અતીન્દ્રિય જ્ઞાનરૂપ અને અતીન્દ્રિય સુખરૂપ અમે તને પોકારી પોકારી બતાવ્યો છે, માટે એવા શુધ્ધાત્માનો આજે જ અનુભવ કર ! આજે ધર્મધ્યાન દ્વારા આવા આત્માનો અનુભવ થઈ શકે છે. માટે તું આજે જ એનો અનુભવ કર ! ધર્મધ્યાનમાં એ પ્રત્યક્ષ અનુભવ થઈ શકે છે.
(૨૦) શ્રી કુંદકુંદ આચાર્ય અને અમૃતચંદ્રઆચાર્ય અને તે પછીના આચાર્યોએ કહ્યું છે કે એવો મોક્ષમાર્ગ અમે અમારા આત્મામાં અંગીકાર કર્યો છે અને તમે પણ એને અંગીકાર કરો ! આજે જ અંગીકાર કરો ! પંયમકાળના નિર્વિકલ્પ આનંદમય ધર્મધ્યાની ભાવલિંગી સંતોને નમસ્કાર હો !
(આત્મધર્મ - વર્ષ ૨૭-અંક ૧૨)
૧
