Aagam Manjusha 12 Uvangsuttam Mool 01 Uvavaaiam

Author(s): Anandsagarsuri, Sagaranandsuri
Publisher: Deepratnasagar

Page 14

रिज्ञायया भवंति, तं० -‘सीलई ससिहारे (य), जग्गई भग्गईति। विदेहे रायराया य, रायारामे चलेति अ ॥ ७ ॥ ते णं परिज्ञायगा रिउवेदजजुवेदसामवेयअहह्मणवंय इतिहासपंचमाणं णिग्धंटुच्छद्वाणं संगोबंगाणं सरहस्ताणं चउण्हं वैयाणं सारगा पारगा धारगा वारगा सडंगवी सहितंतविसारया संखाणे सिक्खाकप्पे वागरणे छंदे णिरुले जोतिसामयणे अण्णेसु य भण्णएसु अ सत्येसु (परिज्ञायएस य नएस पा०) सुपरिणिट्टिया यावि हुत्था. ते णं परिवायगा दाणधम्मं च सोजधम्मं च तित्याभिसेजं च आघवेमाणा पण्णवेमाणा परूवेमाणा विति, जण्णं अम्हे किंचि असुई भवति तष्णं उदएण य महियाए अ पक्खालिअं सुईभवति, एवं खलु अम्हे चोक्खा चोक्खायारा सुई सुइस मायारा भवेत्ता अभिसेअजलपूअप्पाणो अविग्घेण सग्गं गमिस्सामो, तेसिं णं परिवायगाणं णो कप्पइ अगडं वा तलायं वा गई वा वाविं वा पुक्खरिणीं वा दीहियं वा गुंजालिअं वा सर या (प्र० सरसिं वा ) सागरं वा ओगाहित्तए, णण्णस्थ अद्धाणगमणे, णो कप्पइ सगडं वा जाव संमाणिअं वा दूरुहित्ताणं गच्छित्तए, तेसिं णं परिवायगाणं णो कप्पइ आसं वा हत्थि वा उट्टं वा गोणिं वा महिसं वा खरं वा दुरुहित्ताणं गमित्तए, तेसिं णं परिवायगाणं णो कप्पइ नडपेच्छाइ वा जाव मागहपेच्छाइ वा पिच्छित्तए, तेसिं परिज्ञायगाणं णो कप्पइ हरिआणं लेसणया वा घट्टणया वा थंभणया वा (लूसणया वा पा०) उप्पाडणया वा करित्तए, तेसिं परिशायगाणं णो कप्पइ इत्थिकहाइ वा भन्तकहाइ वा देसकाइ वा रायकहाइ वा चोरकहाइ वा अणत्थदंडं करितए, तेसिं णं परिशायगाणं णो कप्पड़ अयपायाई वा तउअपायाणि वा तंबपायाणि वा जसदपायाणि वा सीसगपायाणि वा रुप्पपायाणि वा सुवण्णपायाणि वा अण्णयराणि वा बहुमुहाणि धारितए गण्णत्व लाउपाएण वा दारुपाएण वा मट्टिआपाएण वा, तेसिं गं परिशायगाणं णो कप्पइ अयबंधणाणि वा तउअबंधणाणि वा तंबंबंधणाणि जाय बहुमुहाणि धारिनए, तेसिं णं परिवाय गाणं णो कप्पइ णाणाविह्वष्णरागरत्ताइं वत्थाई धारितए गण्णत्थ एकाए धाउरत्ताए, तेसिं णं परिवायगाणं णो कप्पइ हारं वा अद्धहारं वा एकावलिं वा मुत्तावलिं वा कणगावलिं वा स्यणावलिं वा मुरविं वा कंठमुरविं वा पालंब वा तिसरयं वा कडिसुतं वा दसमुद्दिआणंतकं वा कडयाणि वा तुडियाणि वा अंगयाणि वा केऊराणि वा कुंडलाणि वा मउडं वा चूलामणिं वा पिणद्धित्तए णण्णत्थ एक्केणं तंचिएणं पवित्तएणं, तेसिं गं परिवायगाणं णो कप्पइ गंथिमवे - ढिमपूरिमसंघातिमे चउवि मले धारित्तए णण्णत्थ एगेणं कण्णपूरेणं, तेसिं णं परिशायगाणं णो कप्पइ अगलुएण वा चंदणेण वा कुंकुमेण वा गायं अणुर्लिपित्तए गण्णत्थ एकाए गंगामट्टिआए, तेसिं णं कप्पड मागहए पत्थए जलस्स पडिगाहित्तए सेऽविय वहमाणे णो चेव णं अवहमाणे सेऽविय थिमिओदए णो चेव णं कदमोदए सेऽविय बहुपसण्णे णो चेव णं अबहुपसण्णे सेऽविय परिपूए जो चेव णं अपरिपूए सेऽविय णं दिष्णे नो चेत्र णं अदिष्णे सेsविय पिबित्तए णो चेव णं हत्थपायचरुचमसपक्खालणट्टाए सिणाइत्तए वा, तेसिं णं परिज्ञायगाणं कप्पर मागहए अद्धाढए जलस्स पडिगाहित्तए सेऽविय वहमाणे णो चेव णं अवहमाणे जाव णो चेत्र णं अदिष्णे, सेऽविय हृत्यपायचरुचमसपफ्खालणट्टयाए जो चेव णं पिचित्तए सिणाइत्तए वा, ते णं परिशायमा एयारुवेणं विहारेण विहरमाणा बहूई वासाई परियाय पाउणति त्ता कालमासे कालं किचा उक्कोसेणं बंभलोए कप्पे देवत्ताए उववत्तारो भवंति तर्हि तेसिं गई तहिं तेसि ठिई दस सागरोबमाई ठिई पं०, सेसं तं चैव १२ । ३८। तेणं कालेणं अम्मडस्स परिवायगस्स सत्त अंतेवासिसयाई गिम्हकालसमयंसि जेट्टामूलमासंसि गंगाए महानईए उभओकूलेणं कंपितपुराओ णयराओ पुरिमतालं णयरं संपट्टिया विहाराए, तए णं तेसिं परिशायमाणं तीसे अगामियाए छिण्णोवायाए दीहमदाए अडवीए कंचि देसंतरमणुपत्ताणं से पुवग्गहिए उदए अणुपुत्रेणं परिभुंजमाणे झीणे, तए णं ते परिवायया झीणोदगा समाणा तव्हाए पारम्भमाणा २ उद्गदातारमपस्समाणा अण्णमण्णं सदावेति त्ता एवं व० एवं खलु देवाणुप्पिया! अम्ह इमीसे अगामि आए जाव अडवीए कंचि देतंतरमणुपत्ताणं से उदय जात्र झीणे तं सेयं खलु देवाणुप्पिया! अम्ह इमीसे अगामियाए जाब अडवीए उदगदातारस्स सबओ समंता मग्गणगवेसणं करित्तएत्तिकट्टु अण्णमण्णस्स अंतिए एजमहं पडिसुगंति त्ता तीसे अगामियाए जाव अडवीए उद्गदातारस्स सङ्घओ समंता मग्गणगवेसणं करेन्ति ता उद्गदातारमलभमाणा दोचंपि अण्णमण्णं सदावेन्ति त्ता एवं व० इह णं देवाणुप्पिया ! उद्गदातारो णत्थि तं णो खलु कप्पड़ अम्ह अदिण्णं मिहित्तए अदिष्णं सातिजित्तए तं मा णं अम्हे इयाणि आवडकालंमिवि अदिण्णं गिव्हामो अदिष्णं सादिजामो मा णं अम्हं तवलोवे भविस्सइ, तं सेयं खलु अम्हं देवाणुप्पिया ! तिदंडयं कुंडियाओ य कंचणियाओ य करोडियाओ य भिसियाओ य छष्णालए य अंकुसाए य केसरियाओ य पवितए य गणेत्तियाओ य छत्तए य वाहणाओ य पाउयाओ य धाउरत्ताओ य एते एडित्ता गंगं महाणई ओगाहित्ता वालुअसंथारए संघरित्ता संलेहणालणाझोसियाणं भत्तपाणपडियाइक्खियाणं पाओवगयाणं कालं अणवकंखमाणाणं विहरितएत्तिकट्टु अण्णमण्णस्स अंतिए एअमङ्कं पडिसुगंति त्ता तिदंडए य जाव एगते एडेइ ता गंगं महाणई ओगार्हति ता वालुआसंचारए संथरंति वालुयासंथारयं दुरुर्हिति ता पुरत्याभिमुहा संपलियंकनिसन्ना करयलजावकट्टु एवं ब०. - नमोऽत्यु णं अरहंताणं जाव संपत्ताणं, नमोऽत्यु णं समणस्स भगवओ महावीरस्स जाव संपाविउकामस्स, नमोऽत्यु णं अम्मडस्स परिक्षायगस्स अम्हं धम्मायरियस्स धम्मोपदेसगस्स, पुत्रिं णं अम्हे अम्मडस्स परिशायगस्स अंतिए थूलगपाणाइवावाए पच्चक्खाए जावज्जीवाए मुसावाए० अदिष्णादाणे पञ्चकखाए जावजीवाए सबै मेहुणे पञ्चक्खाए जावज्जीवाए थूलए परिम्ाहे पञ्चखाए जावज्जीवाए इयाणि अम्हे समणस्स भगवओ महावीरस्स अंतिए सर्व पाणावाइवायं पथक्खामो जावज्जीवाए एवं जाव सवं परिग्गहं पचखामो जावज्जीवाए सवं कोहं माणं मायं लोहं पेजं दोसं कलहं अम्भकखाणं पेसुण्णं परपरिवायं अरइरई मायामोसे मिच्छादंसणस अकरणिजं जोगं पञ्चस्खामो जावज्जीवाए सवं असणं पाणं खाइमं साइमं चउडिहंपि आहारं पञ्चकखामो जावज्जीवाए जंपिय इमं सरीरं इदं कंतं पियं मणुण्णं मणामं बेज्जं (पेजं पा० ) वेसासियं संमतं बहुमतं अणुमतं भंडकरडगसमाणं मा णं सीयं मा णं उन्हं मा णं सुहा मा णं पिवासा मा णं वाला मा णं चौरा मा णं दंसा मा णं मसगा मा णं वातियपित्तियसिंभियसंनिवाइयविविहा रोगातंका परीसहोवसग्गा फुसंतुत्तिकट्टु एयंपिणं चरमेहिं ऊसासणीसासेहिं वोसिरामत्तिकट्टु संलेहणासणानुसिया भत्तपाणपडियाइक्खिया पाओवगया कालं अणवकंखमाणा विहति, तए णं ते परिशायया बहूई भत्ताई अणसणाए छेदेन्ति ता आलोइअपडिकंता समाहिपत्ता कालमासे काल ५६६ औपपातिकमुपांगं, उनकाइय
मुनि दीपरत्नसागर