________________
SuskSASUSMSSAGESS
प्पिया!, दुरतिक्कमणिज्जा णो खलु सक्का सुबलिएणावि देवेण वा, दाणवेण वा, णिवारित्तए णन्नत्थ अप्पणो कम्मक्खएणं, तं इच्छामि णं देवाणुप्पिया!, अन्नाणमिच्छत्तअविरइकसायसंचियस्स अत्तणो कम्मक्खयं करित्तए, तते ण से कण्हे वासुदेवे धावचापुत्तेणं एवं वुत्ते समाणे कोडंबियपुरिसे सहावेति २, एवं वदासीगच्छह ण देवाणुप्पिया, बारवतीए नयरीए सिंघाडगतियगचउक्कचच्चर जाव हत्थिखंधवरगया महया २, सद्देणं उग्रोसेमाणा २, उग्घोसणं करेह-एवं खलु देवा. थावच्चापुत्ते संसारभउविग्गे भीए जम्मणमरणाणं इच्छति अरहतो अरिट्ठनेमिस्स अंतिए मुंडे भवित्ता पव्वइत्तए, तं जो खलु देवाणुप्पिया !, राया वा, जुयराया वा, देवी वा, कुमारे वा, ईसरे वा, तलवरे वा, कोडुंबिया, माडंबिय०, इन्भसेडिसेणावइस स्थवाहे वा, थावच्चापुत्तं पव्वयंतमणुपव्वयति तस्स णं कण्हे वासुदेवे अणुजाणति, पच्छातुरस्सविय से मित्तनातिनियगसंबंधिपरिजणस्स जोगखेमं वद्यमाणं पडिवहति त्ति कह घोसणं घोसेह जाव घोसंति, तते णं थावच्चापुत्तस्स अणुराएणं पुरिससहस्सं निक्खमणाभिमुहं पहायं सव्वालंकारविभूसियं पत्तेयं २, पुरिससहस्सवाहिणीसु सिवियासु दुरूढं समाणं मित्तणातिपरिवुडं थावच्चापुत्तस्स अंतियं पाउन्भूयं तते णं से कण्हे वासुदेवे पुरिससहस्समंतियं पाउन्भवमाणं पासति २, कोडुंबियपुरिसे सद्दावेति २, एवं वदासी जहा मेहस्स निक्खमणाभिसेओ तहेव सेयापीएहिं ण्हावेति २, जाव अरहतो अरिट्टनेमिस्स छत्ताइच्छत्तं पडागातिपडार्ग पासंति २, विजाहरचारणे जाव पासित्ता, सीवियाओं पचोरहति; तते णं से कण्हे १९
RECEऊजERHITOCAR
-
