________________
जति णं भंते !, समणणं भगवया महावीरेणं चउत्थस्स नायज्झणस्स अयमट्ठे पन्नत्ते; पंचमस्स णं भंते! णायज्झयणस्स के अट्ठे पन्नत्ते ?; एवं खलु जंबू 1, तेणं कालेणं २ वारवती नामं नयरी होत्था; पापडीणाया, उदीणदाहिणविच्छिन्ना, नवजोयणविच्छिन्ना, दुवालसजोयणायामा, घणवइमतिनिम्मिया, चामीयरपवरपागारणाणामणिपंचवन्नकविसी सगसोहिया, अलयापुरिसंकासा, पमुतिय पक्कीलिया, पञ्चक्खं देवलोयभूता; तीसे णं बारवतीए नयरीए बहिया उत्तरपुरच्छिमे दिसीभाए रेवतगे नाम माम पव्वर होत्था, तुंगे, गगणतलमणुलितसिहरे, णाणाविहगुच्छगुम्मलयावल्लिपरिगते, हंसमिगमयूरकोंचसारसचकवाय मयणसालको इलकुलोववेए, अणेगतडकडगवि परउज्झरयपवाय पन्भारसिहर पउरे, अच्छर गणदेवसंघ चारणविज्जाहर मिहुणसंविचिन्ने, निचच्छणए, दसारवरवीर पुरिसते लोकब लवगाणं सोमे सुभगे पिपदंसणे सुरूवे पासातीए ४; तस्स णं रेवयगस्स अदूरसामंते एत्थ णं णंदणवणे नामं उज्जाणे होत्था, सव्वोयफफलसमिद्धे रम्मे नंदणवणप्पगासे पासातीए ४; तस्स णं उज्जाणस्स बहुमज्झदेस भाए सुरपिए नाम जक्खाययणे होत्था, दिव्वे वन्नओ; तत्थ णं बारवतीए नयरीए कण्हे नामं वासुदेवे राया परिवसति, से णं तत्थ समुद्दविजय पामोक्खाणं दसण्हं दसाराणं, बलदेवपामोक्खाणं, पंच महावीराणं उग्गसेण पामोखाणं, सोलसण्हं राईसहस्साणं पज्जुन्नपामोक्खाणं, अद्भुट्ठाणं कुमारकोडीणं संवपामोक्खाणं, सट्ठीए दुदंतसाहस्सीणं वीरसेणपामोक्खाणं, एकवीसाए वीरसाहस्सीणं महासेनपामोक्खाणं,
