________________
वंजणगुणोववेया, माणुम्माणष्पमाणपडि पुन्नसुजात सब्वंग सुंदरंगी, ससिसोमागारा, कंता, पियदंसणा, सुरूवा, करयल परिमियतिवलियमज्झा, कुंडलुल्लिहिय गंडलेहा, कोमुदिरयणियर पडिपुण्णसोमवयणा, सिंगारागार चारुवेसा जाव पडिरूवा, वंझा अवियाउरी जाणुकोप्परमाया यावि होत्था || सूत्रम् ३८|| तस्स i aorte सत्थवाहस्स पंथए नाम दासचेडे होत्था, सव्वंग सुंदरंगे मंसोवचिते बालकीलावणकुसले यावि होत्या; तते णं से धण्णे सत्थवाहे, रायगिहे नयरे बहूणं नगरनिगमसेट्ठिसत्थवाहाणं अट्ठारसह य सेणियपसेणीण बहुसु कज्जेसु य कुटुंबेसु य जाव चक्खुभूते यावि होत्था, नियगस्सवि य णं कुटुंबस्स बहु य कज्जे जाव चक्खुभूते यावि होत्था || सूत्र ३९ ॥ तत्थ णं रायगिहे नयरे, विजए नाम तकरे होत्था, पावे चंडालरूवे, भीमतर रुद्द कम्मे, आरुसियदित्तरत्तनयणे, खरफरुस महल्लविगयबी भत्थ (छ) दाढिए, असंपुडितउट्ठे, उद्धय पइन्नलंबंतमुद्धए, भमरराहुवन्ने, निरणुकोसे, निरणुतावे, दारुणे, पइभए, निसंसतिए, निरणुकंपे, अहिव्व एगंतदिट्ठिए, खुरेव एगंतधाराए, गिद्धेव आमिसतल्लिच्छे, अग्गिमिव सव्वभंखे, जलमिव सव्वगाही, उक्कंचणवंचणमायानिय डिकूड कवडसाइसंपओगबहुले, चिरनगरविणट्टदुट्ठसीलायारचरिते; जूयपसंगी, मज्जपसंगी, भोजपसंगी, मंसपसंगी; दारुणे, हिययदारए, साहसिए, संधिच्छेयए, उहिए विस्संभघाती आलीयगतित्थभेयलहुहत्थ संपउत्ते परस्स दव्वहरणंमि निचं अणुबद्धे, तिब्ववेरे;
१ क्खी अ ।
१५
