________________
इति, तते णं से सेणिए राया कोहुंबियपुरिसे सहावेति २ त्ता, एवं वदासी - खिप्पामेव भो देवाणुपिया !, मेहस्स कुमारस्स महत्थं महग्धं महरिहं बिउलं रायाभिसेयं उबट्टवेह, तते णं ते कोडुंबियपुरिसा जाव तेवि तहेव उबट्टवेंति; तते णं से सेणिए राया बहूहिं गणणायगदंडणायगेहि य जाव संपरिवुडे मेहं कुमारं असणं सोवन्नियाणं कलसाणं, एवं रूप्पमयाणं कलसाणं, सुवन्नरुप्पमयाणं कलसाणं, मणिमयाणं कलसाणं, सुवन्नमणिमयाणं०, रुप्पमणिमयाणं, सुवन्नरुप्पमणिमयाणं०, ओमेजाणं०; सव्वोदएहिं, सव्वमद्दियाहिं, सव्वपुष्फेहिं, सव्वगंधेहिं, सव्वमल्लेहिं सव्वोसहिहि य, सिद्धत्थएहि यः सव्बिड्डीए, सव्वजुईए, सव्वबलेणं जाव दुंदुभिनिग्घोसणादितरवेणं महया २ रायाभिसेएणं अभिसिंचति २, करयल जाव कट्टु एवं वदासी- जय जय णंदा !, जय २ भद्दा !, जय णंदा० भदं ते अजियं जिणेहि, जियं पालयाहि जियमज्झे साहि, अजियं जिणेहि, सत्तुपक्खं जियं च पालेहि, मित्तपक्खं जाव भरहो इव मणुयाणं; रायगिहस्स नगरस्स, अन्नेसिं च बहूणं गामागरनगरजाव सन्निवेसाणं आहेवचं जाव विहराहित्ति कहु, जय २ सद्दं पउंजंति, तते णं से मेहे राया जाते महया जाव विहरति तते णं तस्स मेहस्स रनो अम्माfपतरो एवं वदासी-भण जाया !, किं दलयामो, किं पयच्छामो, किं वा ते हियइच्छिए सामत्थे ( मन्ते ) ?; तते णं से मेहे राया अम्मापितरो एवं वदासी - इच्छामि णं अम्मयाओ !, कुत्तियावणाओ रयहरणं, पडिग्गहगं च उवणेह; कासवयं च सद्दावेह; तते णं से सेणिए
|| এ
