________________
SAFRAI
हैदलयति, जाव एगमेगं पेसणकारिं दलयति, अन्नं च विपुलं धणकणग जाव परिभाएउ दलयति; तते णं
से मेहे कुमारे उप्पि पासातवरगते फुडमाणेहिं, मुइंगमथएहिं, वरतरुणिसंपउत्तेहिं, वत्तीसइबद्धएहिं | नाडएहिं, उवगिजमाणे उ० २, उवलालित्रमाणे २, सद्दफरिसरसरूवगंधविउले माणुस्सए कामभोगे पच्चणुभवमाणे विहरति ॥ सूत्रम्-२३ ।। तेणं कालेणं २, समणे भगवं महावीरे पुवाणुपुट्विं चरमाणे गामाणुगामं दूइज्जमाणे सुहंसुहेणं विहरमाणे, जेणामेव रायगिहे नगरे, गुणसिलए चेतिए जाव विहरति | तते णं से रायगिहे नगरे सिंघाडग० महया बहुजणसद्देति वा जाव बहवे उग्गा भोगा, जाव रायगिहस्स नगरस्स मज्झमज्झेणं, एगदिसिं एगाभिमुहा निग्गच्छंति, इमं च णं मेहे कुमारे उपि पासातवरगते फुट्टमाणेहिं मुयंगमस्थएहिं जाव माणुस्सए कामभोगे मुंजमाणे रायमग्गं च ओलोएमाणे २, एवं च णं विहरति । तए णं से मेहे कुमारे ते बहवे उग्गे भोगे जाव एगदिसाभिमुहे निग्गच्छमाणे पासति, पासित्ता; कंचुइज्जपुरिसं सद्दावेति, एवं वदासी-किन्नं भो देवाणुप्पिया!, अज्ज रायगिहे नगरे इंदमहेति वा, खंदमहेति वा, एवं रुद्दसिववेसमणनागजक्खभूयनईतलायरुक्खचेतियपव्वयउजाणगिरिजत्ताइ वा; जओ णं बहवे उग्गा भोगा जाव एगदिसिं एगाभिमुहा णिग्गच्छंति, तते णं से कंचुइज्जपुरिसे समणस्स भग. महावीरस्स गहियागमणपवत्तीए मेहं कुमार, एवं वदासी-नो खलु देवाणुप्पिया!, अन्ज रायगिहे नयरे इंदमहेति वा, जाव गिरिजत्ताओ वा, जन्नं एए उग्गा जाव एगदिसिं एगाभिमुहा निग्गच्छन्ति; एवं खलु
IIII
