________________
જેનયુગ
ભાદ્રપદ-આશ્વિન ૧૯૮૩ विवरीयं चिय रइयं तारण अदीहपेहिणा ॥ १०६ रामस्स को गुणाणं अंतं पावेइ धीरगरुयस्स । लोभेण जस्स रहियं चित्तं चिय मुणिवरस्सेव ॥ १०७ अहवा रजधुरंधर सव्वं फेडेमि अज्ज भरहस्स । ठावेमि कुलाणीए पुहइवई आसणे रामं ॥ १०८ एएण किं व मज्ज्ञं हवइ वियारेण ववसिएणज्ज । नवरं पुण तच्चत्थं ताओ जेट्टो य जाणंति ॥ १०९ कोवं च उवसमेऊ, पणमिय पियरं परेण विणएणं । आपुच्छइ दढचित्तो सोमित्ती अत्तणो जणणी ॥ ११० संभासिऊण भच्चे, वज्जावत्तं च धणुवरं घेत्तु । घणपीइसंपउत्तो पउमसयासं समल्लीणो ॥ १११ पियरेण बंधवेहि य सामंतसएसु परिनिग्ग संता। रायभवणाओ एत्तो विणिग्गया सुरकुमार व्व ॥ ११२ सुयसोगतावियाओ धरणियलोसित्तअंसुनिवहाओ। कह कह वि पणमिऊणं नियत्तियाओ य जणणीओ ॥ ११३ काऊण सिरपणामं नियत्तिओ दसरहो य रामेणं । सह वडिया य बंधू कलुणपलावं च कुणमाणा ॥ ११४ जपंति एक्कमेकं एस पुरी जइ वि जणवयाइण्णा । जाया रामविओए दीसइ विंझाडवी चेव ।। ११५
-पउमचरियं.
चऊवीसो पाढो
कविणो दोग्गचम्मि वि सोक्खाई ताण विहवे वि होंति दुक्खाई । कव्वपरमत्थरसियाई जाण जायंति हिययाई ॥ ६४ ठियमट्ठियं व दीसइ अट्ठियं पि परिट्ठियं व पडिहाइ ।
जहसंठियं च दीसइ सुकईण इमाओ पयईओ ॥ ६६ सजणा-जाण असमे हि विहिया जायइ जिंदा समा सलाहा वि ।
जिंदा वि तेहि विहिया ग ताण मण्णे किलामेइ ॥ ७३
