________________
कल्पान्तर्वाच्यः ।
जंबूस्वामी एगा कोडाकोडी लक्खा सगतीस हंति कोडीणं। वीस सहस्सा कोडी रिसहाओ चउक्कडी नेया॥८४८॥ अणुणट्ठिसयसहस्सा सत्तावीसं भवे सहस्साई। चत्ता कोडाकोडी वासाणं उसभजिणमाउं ।। ८४६॥ - अङ्कतः ५६२७०४०,००,००,०००,००,००,०००
___ इति श्री आदिनाथ-चरित्रम्...... तेणं कालेणं तेणं समएणं समणस्स भगवओ महावीरस्स नव गणा, इक्कारस गणहरा हुत्था॥ सूत्र १॥
पंचण्हं पंच-सया अद्भुट्ठ-सया य हुंति दुण्ह गणा। दुण्हं तु जुयलयाणं तेसओ तिसओ हवइ गच्छो ॥ ८५०॥ सव्वे य माहणा जच्चा सव्वे अज्झावया विऊ । सव्वे दुवालसंगी य सव्वे चउदस-पुब्विणो॥८५१॥ परिनिव्वुया गणहरा जीवंते नायएम वजणाओ। इंदभूई सुहम्मो य रायगिहे निव्वुए वीरे॥८५२॥ मासं पाउवगया सव्वे वि य सव्वलद्धिसंपण्णा। वज्जरिसहसंघयणा समचउरंसा य संठाणा।। ८५३॥
समणे भगवं महावीरे कासव-गुत्ते णं । समणस्स णं भगवओ महावीरस्स कासवगुत्तस्स अज्ज सुहम्मे थेरे अंतेवासी अग्गिवेसायण-गुत्ते ॥१॥ थेरस्स मं अज्जसुहम्मस्स अग्गिवेसायण-गुत्तस्स अज्ज-जंबूनामे थेरे अंतेवासी कासव-गुत्ते ण ॥२॥ थेरस्स णं अज्ज जंबूनामस्स कासवगुत्तस्स अज्जप्पभवे थेरे अंतेवासी कच्चायण-सुगुत्ते॥३॥ थेरस्स णं अज्जप्पभवस्स कच्चायण-सगुत्तस्स अज्जसिजंभवे थेरे अंतेवासी मणगपिया वच्छ-सगुत्ते ॥४॥
सिरि-वीर-पट्ट-धारी सोहम-सामी य पंचमगणेसो। कुल्लाग-संनिवेसे धम्मिल्ल-सुभदिला पुत्तो॥८५४ ।। पंचासइ वरिसंते दिक्खा तीसाणि वीरजिण-सेवा । छउमत्थ-बार-वरिसा केवलं अट्ठ-वरिसाणि ॥८५५ ।। वाससयं सव्वाउ य पालित्ता खीण-सव्व-कम्मंसो। सिद्धिं पत्तो भयवं ठवित्तु जंबूमि निय-सुपयं ॥८५६॥
