________________
७२ ]
ऋषभदेवचरितम्
पढमो केवलि-महिमा देवेहिं कओ हट्ठचित्तेहिं । सोय- हरिसाउलो सो वंदइ भरहो जिणंदवरं ॥ ८३६ ॥ पुत्तो सिरि उस समो नासी विस्से य जो भमित्ताणं । लद्धं केवल-रयणं समप्पियं माउए पढमं ।। ८३७ ॥ माया मरुदेवी- समा नो जाया जा गया विलोगत्थं ।
निय-पुत्त-वरिय-वरमुत्ति-वहू-मुहंभोययं पढमं ॥ ८३८ ॥ पंच य पुत्त-सयाई भरहस्स य सत्त नत्तु य सयाइं । सयराहं पव्वइया तंमि कुमारा समोसरणे ।। ८३६॥
बंभी वि पव्वईया सुरक्खिया सुंदरी य भरणं । जं थी - रयणं पवरं भविस्सइ मज्झ इय भावा ॥ ८४० ॥
भरहस्स परिभवाओ अडनवइ बंधवाओं निक्खता । बाहुबली पुण जुज्झं किच्चा पच्छा उ निक्खंतो ॥ ८४१ ॥ पढमं दिट्ठी- जुद्धं वाया- जुद्धं तहेव बाहाहिं ।
मुट्ठीहि य दंडेहि य सव्वत्थ वि जिप्पए भरहो ॥ ८४२ ॥
लहु-बंधू कह वंदे केवलिणो तेण केवली होउं । गच्छिस्सामि तओ हं पडिमाइ ठिओ य तत्थ मुणी ॥ ८४३ ॥
वरसंते पेसियाओ हत्थि - विलग्गस्स न केवलं होइ । बंभ - सुंदरी- समणी भांति एवं सुणइ सो य ॥ ८४४॥
माण- गयंदे चडिओ जा उप्पाडेइ चिंतिउं पाए । ता वरनाणं पत्तो पत्तो जिणपाय- नमणत्थं ॥। ८४५ ॥ ★ ते चउलीसं लक्खा वीससहस्सा हवंति वरिसाणं । चउण्ह जुग्गप्पमाणं चउक्कडीए पमाणमिणं ॥ ८४६ ॥ एगा कोडी तेसट्ठिलक्ख - तित्तीससहस्स तिण्णि सया । तित्तीसा य तिभागो चउक्कडी - इक्कपुव्वंमि ।। ८४७ ॥
★ १७,२८००० स. १२,६६००० त्रे.
८,६४००० द्वा. ४,३२००० कलिं..
[ कल्पान्तर्वाच्यः
त्रितालीस लाख वीस सहस्स वरसे चार युग प्रमाण ते चुकडी.....
