________________
નવી જનરેશન હેલ્થી માઈન્ડવાળી; છે વિષયી, ન કષાયી એવા માલવાળી !
ગુસ્સાના પડઘાં, ઝીલે છોકરાં; બાપ કરતાં બન્ને સવાયા, આકરાં!
ઘેર ઘેર પ્રાકૃતિક ખેતરાં સત્યુગમાં; ભિન્ન ભિન્ન ફુલોનાં બગીચા કળિયુગમાં!
માળી બને તો બગીચો સુંદર સર્જ; નહિ તો બગડી ગયા, કષાયો ભજે!
ન કરાય છોડી પર કદિ શંકા; સાંભળી લે બરબાદીના ઠંકા!
છોકરાંને વારસામાં અપાય કેટલું? આપણને બાપ પાસેથી મળેલું તેટલું!
વધારે આપશો તો થશે ઉડાઉ; દારૂડિયો થઈ ક૨શે તને જ મ્યાંઉ!
જેટલો છોકરાં પર રાગ ઉભરાય; એટલો જ દ્વેષ ‘રીપે’માં ભોગવાય!
રાગદ્વેષથી છૂટવા થા વીતરાગ; ભવપાર થવાનો આ એક જ માર્ગ!
મોક્ષ માટે વાંઝીયા મહાપુણ્યશાળી; ખોળો નહિ પણ ચોપડો લાવ્યો ખાલી!
કયા ભવમાં ન જગ્યા બચ્ચાં; હવે તો જંપ, બન મુમુક્ષુ સચ્ચા!
મા-બાપ છોકરાં છે રીલેટીવ સગાઈ; વારસો ના આપે તો કોર્ટમાં તગાઈ!
ટૈડકાવે બે કલાક તો કાયમની કીટ્ટા! સમજી જા સ્મશાન પૂરતા આ છે બેટ્ટા!
આત્મા સિવાય ન કોઈ પોતાનો; દુઃખે દેહ ને દાંત, હિસાબ ખાતાનો!
ન હોય કદિ દ્રષ્ટિમાં બધાં છોકરાં સરખાં; લેણ-દેણ, રાગ-દ્વેષનાં બંધન મુજબ ફરકાં!
હિસાબ ચૂકવતાં ન જવાય ત્રાસી; હવે સમજીને પતાવ, નહિ તો ફાંસી!
ઘણાં કહે, માને છોરાં સહુ સમાન; રાગ-દ્વેષ એ લેણ-દેણના પ્રમાણ!
મા-બાપ એક ને છોકરાં ભિન્ન ભિન્ન; વર્ષા સરખી છતાં બી મુજબ સીન!
‘લૉ’થી એક કુટુંબમાં ભેળાં થાય; મળતા પરમાણુઓ જ ખેંચાય!
થાય ભેગાં દ્રવ્ય-ક્ષેત્ર-કાળ-ભાવ; ઘટે ઘટના ‘વ્યવસ્થિત’નો સ્વભાવ!
શ્રેણિક રાજાને જેલમાં નાખ્યો દીકરાએ; દીકરાના ડરથી હીરો ચૂસી મર્યા એ!
આત્માનો નથી કોઈ દીકરો; છોડી માયા પરભવ સુધારો!
܀܀܀܀܀
