________________
नलविलासे
चतुर्थोऽङ्कः।
( नेपथ्ये ) 'ऊसलेध भो अगदहो ऊसलेध । (ततः प्रविशति राजा भीमरथोऽमात्यवसुदत्तादिकश्च परिवारः)
राजा-अमात्य ! दर्शय मार्ग येन स्वयंवरशोभामालोकयामः।
वसुदत्तः-इत इतो देवः परिक्रामतु ।
राजा-अमात्य ! वत्साप्रतिकृतिदर्शनेनापि वयं स्वयंवरं विधातुमीषन्मनसः समभवाम । घोरघोणवचनविरोधिलम्बस्तनीवचनेन पुनः सविशेषमुत्साहिताः।
वसुदत्तः-देव ! लम्बस्तनी किमुक्तवती ?
राजा--निषधाधिपतिपत्नी दमयन्ती भविष्यतीत्युक्तवती ।
वसुदत्त:--चित्रसेनपत्नीप्रतिपादकेन घोरघोणवचनेन सह सर्वथा विरुध्यते लम्बस्तनीवचः ।
राजा-ततोऽस्माभिस्तदेतं वाविप्लवमाशङ्कमानैः स्वयंवरविधिरनुष्ठितः।
वसुदत्तः–देव ! खराधिरोहणक्रुद्धन दुरात्मना घोरघोणेन किमप्यश्रद्धयमश्रोतव्यं च प्रतिज्ञातम् । १. अपसरत भोः ! अग्रतोऽपसरत ।
Jain Education International
For Private & Personal Use Only
www.jainelibrary.org
