________________
तृतोयोऽङ्कः
मुकुल: - श्वः स्वयंवर विधि: ?
कुरङ्गकः -- अथ किम् ।
मुकुल: - ( विचिन्त्य ) ननु दमयन्तीं चेदिपतये चित्रसेनाय दातुमभिलाषुको विदर्भपतिरासीत् ।
कुरङ्गकः -- आसीत् प्रतिकृतिदर्शनात् पूर्वम् । मुकुल: - ( ससम्भ्रमम् ) विततमावेदय । कुरङ्गकः -- तां निषधादागतां दमयन्तीप्रतिकृतिमालोक्य कथमियं निषधाय गतेति गवेषयता देवेन ज्ञातं यथाघोरघोणः कापालिको दमयन्तीपरिणयनोत्कण्ठितस्य चित्रसेनस्य मेषमुखनामा प्रणिधिः । सोऽपि लम्बोदरोऽस्यानुचरः कोष्टकनामा चार एव ।
[ ४३
मुकुल: -- ( सत्वरम् ) ततस्ततः । कुरङ्गकः- ततो धर्मकर्मविप्लवमवधार्य छिन्नकणौष्ठनासिकया लम्बस्तनिकया सह गर्दभमारोप्य देवेन घोरघोणो निर्विषयः कृतः ।
मुकुल: -- ( साश्चर्यम् ) पश्य मलिनकर्माऽपि कियतीं प्रतिष्ठामधिरोपितो देवेनायं घोरघोणः ।
कुरङ्गकः – विस्मयनीयं नैवैतत् ।
आस्तां क्षयं किमिह पातकिनो न यान्ति यान्ति श्रियं समधिकां किमु धार्मिकेभ्यः ।
Jain Education International
For Private & Personal Use Only
www.jainelibrary.org
