________________
द्वितीयोऽङ्कः किम्पुरुषः-प्रतिहतोऽयं वितर्कः । यतः-- शुभा वा लोकस्य प्रकृतिरशुभा वा सहभवा __ परेषां संसर्गान खलु गुण-दोषौ प्रभवतः । अपां पत्युमध्ये सततमधिवासेऽपि मृदुतां न यान्ति ग्रावाणः स्पृशति न च पाथः परुषताम् ॥२१॥
अपि च देवस्य निषधस्यापि सन्ततिदुप्रकुतिर्भवतीति श्रद्धालवोऽपि न प्रतिपद्यन्ते, किमङ्ग ! हृदयालव ?
कलहंसा-(सरोषम् ) प्रतिहततमोऽयं वितर्कः । भजन्ते कार्याणि प्रकृतिविभवं कारणगतं
प्रवादो लोकानां ध्रुवमयमनेकान्तकलुषः । मृदुत्वं तत् किश्चिजलदपयसा विश्वविदितं
स कश्चिन्मुक्तानामथ च किल काठिन्यनिकषः ॥२२॥ राजा-किमपरमुच्यते ?
असौ पाखण्डिचाण्डालो युवराजस्य निश्चितम् । मातापितापकारीव विन्ध्यस्योन्नतिघातकः ॥२३॥
(नेपथ्ये) अखिलानां बिसिनीनां कमलमुखान्येकहेलया द्रष्टुम् । गगनाचलगर्भमसावधिरोहति कमलिनीनाथः ॥ २४ ॥
For Private & Personal Use Only
Jain Education International
www.jainelibrary.org
