________________
द्वितीयोऽङ्क
कलहंसा-घोरधोणेन च भीमरथाय सन्दिष्टम् , यथेयं दमयन्ती कलचुरिपतेर्भार्या भविष्यति ।।
राजा-(सभयमात्मगतम्) मुषिताः स्मः (प्रकाशम्) स घोरघोणः किमतीन्द्रियमर्थ जानाति ?
कलहंसः-दाम्भिकोऽयं न किमपि जानातीति तत्रत्याः कथयन्ति । मया पुनगवेषयतापि न कोऽपि दम्भो लक्षितः।
राजा--अत्रार्थे तत्रत्याः प्रमाणं न भवान् । यतःआगन्तुकोऽनुरागं नेतुमविज्ञातदूषणः शक्यः। विज्ञातदृषणः खलु जनस्तु शक्यो न सहवासी ॥१८॥
किन्तु कथय सहवास्यपि राजा केन हेतुना तस्य दम्भं नावधारयति ।
कलहंसः--राज्ञो व्यामोहो घोरघोणस्य च भाग्यमनवधारणे हेतुः।
राजा--उपपन्नमिदम्-- जन्मिनां पूर्वजन्माप्तभाग्यमन्त्राभिमन्त्रितः । अचेतनोऽपि वश्यः स्यात् किं पुनर्यः सचेतनः १ ॥१६॥
ततस्ततः।
कलहंसः--ततो राजापि कापालिकप्रत्ययेन स्वदुहितरं चित्रसेनाय दातुमिच्छति ।
Jain Education International
For Private & Personal Use Only
www.jainelibrary.org
