________________
प्रथमोऽङ्कः ।
[११
आत्मन्यपत्यदारेषु प्राणेषु विभवेषु च । इतो नृप इतो रङ्कस्तुल्या प्रीतिद्वयोरपि ॥१३॥ तत उत्थाय स्वयं विलोकय कोऽयं द्वारि ।
( कलहंसो निष्क्रम्य पुनः प्रविशति ) विदूषकः-'भो रायं ! अहं तुह पिट्ठिभाए चिट्ठिस्सं । बीहामि एआओ बंभरक्खसाओ।
राजा-(विलोक्य) कथं खट्वाङ्गसङ्गी कापालिकः ? स्वागतं तपोधनाय।
कलहंसः-मुने ! इदमासनमास्यताम् ।
कापालिकः-( स्वगतम् ) अयमपि तावद् द्रष्टव्यः। कदाचिदेतदीयमपि चरितं कलचुरिपतिः पृच्छति । (प्रकाशम्) स्वस्ति महाराजाय ।
राजा-कुतस्तपोधनः ? कापालिकः-साम्प्रतं विदर्भमण्डला तु। राजा-कियदवधिगमनम् ? कापालिक:-जीवितावधि ।
राजा-(स्वगतम् ) वचनशठस्तापसच्छद्मा चर इव लक्ष्यते । (प्रकाशम् ) देशावधिं पृच्छामि।
१. भो राजन् ! अहं तव पृष्ठभागे स्थास्यामि, विभेमि एतस्माद् ब्रह्मराक्षसात् ।
Jain Education International
For Private & Personal Use Only
www.jainelibrary.org
