________________
नलविलासे
नटः-जानामि । या भवत्पुत्री कुन्तला नाम सा भर्ना स्वगृहानिर्वासिता ।
सूत्रधारः-हुँ ! कुन्तला भर्ना गृहानिर्वासिता ? नटः-अथ किम् ।
सूत्रधारः-(विमृश्य ) अवयं किमप्युद्भाव्य उताहो मुधैव ?
नट:-मुधैव।
सूत्रधारः-अनवसरस्तर्हि विषादस्य । किश्च कृतेनापि विषादेन सा गृहप्रवेशं न लभते । यतः
न स मन्त्रो न सा बुद्धिर्न स दोष्णां पराक्रमः । अपुण्योपस्थितं येन व्यसनं प्रतिरुध्यते ॥ १ ॥ - यदि च सा निरवद्या, तदा तां पुनरपि पतिः सम्भावयिष्यति ।
नट:-पुराप्ययमों जातोऽस्ति । किन्तु परमं गृहाधिपत्यमवाप्य साम्प्रतं सा कमकरवृत्त्या तिष्ठतीति नटी विषादमुद्वहति ।
सूत्रधारः-(साक्षेपम् ) मारिष ! त्वमप्येवमभिदधासि ! ननु
अकृताखण्डधर्माणां पूर्व जन्मनि जन्मिनाम् । सापदः परिपच्यन्ते गरीयस्योऽपि सम्पदः ॥१०॥
Jain Education International
For Private & Personal Use Only
www.jainelibrary.org
