________________
८४ ]
नलविलासे
कर्म निवारणाय प्रवृत्तः सकलराज्यदमयन्तीपणेन दीव्यता देवेन समावधीरितस्तदपि न सतां चेतश्चमत्कारकारि । यतः
तावन्मतिः स्फुरति नीतिपथाध्वनीना
तावत् परोक्तमपि पश्यतया विभाति । यावत् पुराकृतमकर्म न सर्वपर्व - प्रत्यूहकारि परिपाकमुपैति जन्तोः ॥ २ ॥
अपि च
स्फुरन्त्युपायाः शान्त्यर्थमनुकूले विधातरि । प्रतिकूले पुनर्यान्ति तेऽप्युपाया अपायताम् ॥ ३ ॥
सर्वथा विधिरेवात्र कर्मण्यलङ्कर्मणतामगतम् । अथवा दुरोदरचातुरीविनिषधाधिपतिं विजेतुं कथमलम्भूष्णुरेष कूचरः ? खलु कृत्वाऽतीतशोचनम् । क एकः किल विधिविलसितविपाको मीमांस्यते । श्रुतं च मया यथा खरमुख - मकरिके अपि पुरिपरिसरारामवर्तिनो दमयन्तीसचिवस्य देवस्यान्तिकमधितिष्ठतः । तदहमपि गच्छामि । ( इति परिक्रामति । विलोक्य) किमयं देवः क्षोणीपत्यपथ्यपथिक नेपथ्यपङ्किलस्तिलकतरुतले निविष्टस्तिष्ठति ? ( सास्रम् ) कथमहमेतस्य दुरवस्था पातिनः स्वामिनः स्वमास्यं दर्शयामि ? तदित एव स्थानात् प्रतिनिवर्ते । यदि वा प्रवसन्तं स्वामिनमालप्य पावकप्रवेशेन निरन्तरभक्तिसमुचितमाचरामि ।
Jain Education International
For Private & Personal Use Only
www.jainelibrary.org
