Page #1
--------------------------------------------------------------------------
________________ ठाणंगसुत्तं (मूलम्) श्रीऋषभदेवस्वामिने नमः // श्रीशद्धेश्वरपार्श्वनाथाय नमः // णमोऽत्थु णं समणस्स भगवओ महइमहावीरवद्धमाणसामिस्स // श्रीगौतमस्वामिने नमः / श्रीसद्गुरुदेवेभ्यो नमः / / ठाणंगसुत्तं पढमं अज्झयणं ‘एगट्ठाणं' ॥ॐ नमो वीतरागाय // 1. सुयं मे आउसं ! तेणं भगवता एवमक्खायं - 2. एगे आया / 6. एगे धम्मे / एगे अधम्मे / 7. एगे बंधे / एगे मोक्खे / 8. एगे पुण्णे / एगे पावे / 9. एगे आसवे / एगे संवरे / 10. एगा वेयणा / एगा निज्जरा / 11. एगे जीवे पाडिक्कएणं सरीरएणं / 12. एगा जीवाणं अपरिआइत्ता विगुव्वणा। 13. एगे मणे / एगा वयी / एगे कायवाथामे / 14. एगा उप्पा / 15.. एगा वियती / 16. एगा वियच्चा / 17. एगा गती / एगा आगती / 18. एगे चयणे / एगे उववाए / 19. एगा तक्का / 20. एगा सन्ना / 21. एगा मन्ना / 22. एगा विन्नू / 23. एगा वेयणा / 24. एगे छेयणे / 25. एगे भेयणे / 26. एगे मरणे अंतिमसारीरियाणं / 27. एगे संसुद्धे अहाभूते पत्ते / 28. एगदुक्खे जीवाणं एगभूते / 29. एगा अहम्मपडिमा जं से आया परिकिलेसति / 30. एगा धम्मपडिमा जं से आया पज्जवजाए / 31. एगे मणे देवा-ऽसुर-मणुयाणं तंसि तंसि समयंसि / 32. एगा वती देवा-ऽसुर-मणुयाणं तंसि तंसि समयंसि / 33. एगे कायवायामे देवा-ऽसुर-मणुयाणं तंसि तंसि समयंसि /
Page #2
--------------------------------------------------------------------------
________________ ठाणंगसुत्तं (मूलम्) 34. एगे उट्ठाण-कम्म-बल-वीरिय-पुरिसकार-परक्कमे देवा-ऽसुर मणुयाणं तंसि ____ तंसि समयंसि / 35. एगे नाणे / एगे सणे / एगे चरित्ते / 36. एगे समए / एगे पएसे / एगे परमाणू / 37. एगा सिद्धी / एगे सिद्धे / एगे परिनिव्वाणे / एगे परिनिव्वुडे / 38. एगे सद्दे / एगे रूवे / एगे गंधे / एगे रसे / एगे फासे / एगे सुन्भिसद्दे। एगे दुब्भिसद्दे / एगे सुरूवे / एगे दुरूवे / एगे दीहे / एगे रहस्से / एगे वट्टे / एगे तंसे / एगे चउरंसे / एगे पिहुले। एगे पंरमंडले / एगे किण्हे / एगे णीले / एगे लोहिते / एगे हालिद्दे / एगे सुक्किले / एगे सुब्भिगंधे / एगे दुन्भिगंधे / एगे तित्ते / एगे कडुए / एगे कसाए / एगे अंबिले / एगे महुरे / ' एगे कक्खडे जाव लुक्खे। . 39. एगे पाणातिवाए जाव एगे परिग्गहे / एगे कोधे जाव लोभे / एगे पेजे, एगे दोसे जाव एगे परपरिवाए / एगा अरतिरती / एगे मायामोसे / एगे मिच्छादंसणसल्ले / एगे पाणातिवायवेरमणे जाव परिग्गहवेरमणे / एगे कोधविवेगे जाव मिच्छादसणसल्लविवेगे। 40. एगा ओसप्पिणी, एगा सुसमसुसमा जाव एगा दूसमदूसमा। एगा उस्सप्पिणी, एगा दुस्समदुस्समा जाव एगा सुसमसुसमा / 41. (1) एगा नेरइयाणं वग्गणा, एगा असुरकुमाराणं वग्गणा, चउवीसादंडओ जाव एगा वेमाणियाणं वग्गणा / (2) एगा भवसिद्धीयाणं वगग्णा, एगा अभवसिद्धीयाणं वग्गणा / एगा भवसिद्धीयाणं रतियाणं वग्गणा एगा अभवसिद्धीयाणं रतियाणं वग्गणा, एवं जाव एगा भवसिद्धियाणं वेमाणियाणं वग्गणा, एगा अभवसिद्धियाणं वेमाणियाणं वग्गणा /
Page #3
--------------------------------------------------------------------------
________________ ठाणंगसुत्तं (मूलम्) (3) एगा सम्मद्दिट्ठीयाणं वग्गणा, एमा मिच्छदिट्ठीयाणं वग्गणा, एगा सम्ममिच्छदिट्ठीयाणं वग्गणा / एगा सम्मदिट्ठीयाणं णेरइयाणं वग्गणा, एगा मिच्छदिट्ठीयाणं णेरइयाणं वग्गणा, एगा सम्ममिच्छदिट्ठियाणं णेरइयाणं वग्गणा, एवं जाव थणितकुमाराणं वग्गणा / एगा मिच्छदिट्ठियाणं पुढविक्काइयाणं वग्गणा, एवं जाव वणस्सतिकाइयाणं / एगा सम्मदिट्ठियाणं बेइंदियाणं वग्गणा, एगा मिच्छदिट्ठियाणं बेइंदियाणं वग्गणा, एवं तेइंदियाण वि चउरिंदियाण वि, सेसा जहा नेरइया जाव एगा सम्मामिच्छदिट्ठियाणं वेमाणियाणं वग्गणा / ___(4) एगा कण्हपक्खियाणं वग्गणा, एगा सुक्कपक्खियाणं वग्गणा / एगा कण्हपक्खियाणं णेरइयाणं वग्गणा, एगा सुक्कपक्खियाणं णेरइयाणं वग्गणा, एवं चउवीसादंडओ भाणियव्वो / (5) एगा कण्हलेसाणं वग्गणा, एगा नीललेसाणं वग्गणा, एवं जाव सुक्कलेसाणं वग्गणा / एगा कण्हलेसाणं नेरइयाणं वग्गणा जाव काउलेसाणं णेरइयाणं वग्गणा, एवं जस्स जति लेसाओ, भवणवइ-वाणमंतर-पुढविआउवणस्सइकाइयाणं च चत्तारि लेसाओ, तेउ-वाउ-बेइंदिय-तेइंदिअ-चउरिंदियाणं तिन्नि लेसाओ, पंचिंदियतिरिक्खजोणियाणं मणुस्साणं छ लेस्साओ, जोतिसियाणं एगा तेउलेसा, वेमाणियाणं तिन्नि उवरिमलेसाओ। (6) एगा कण्हलेसाणं भवसिद्धियाणं वग्गणा, एगा कण्हलेसाणं अभवसिद्धियाणं वग्गणा, एवं छसु वि लेसासु दो दो पयाणि भाणियव्वाणि / एगा कण्हलेसाणं भवसिद्धियाणं नेरइयाणं वग्गणा, एगा कण्हलेसाणं अभवसिद्धियाणं णेरइयाणं वग्गणा, एवं जस्स जति लेसाओ तस्स तसि भाणियव्वाओ जाव वेमाणियाणं / (7) एगा कण्हलेसाणं सम्मद्दिट्ठियाणं वग्गणा, एगा कण्हलेसाणं मिच्छदिट्ठियाणं वग्गणा, एगा कण्हलेसाणं सम्मामिच्छदिट्ठियाणं वग्गणा, एवं छसु वि लेसासु जाव वेमाणियाणं जेसिं जति दिट्ठीओ। .. (8) एगा कण्हलेसाणं कण्हपक्खियाणं वग्गणा, एगा कण्हलेसाणं सुक्खपक्खियाणं वग्गणा, जाव वेमाणियाणं, जस्स जति लेसाओ / एए अट्ठ चउवीसदंडया /
Page #4
--------------------------------------------------------------------------
________________ ठाणंगसुत्तं (मूलम्) 42. एगा तित्थसिद्धाणं वग्गणा, एगा अतित्थसिद्धाणं वग्गणा, एवं जाव एगा एक्कसिद्धाणं वग्गणा, एगा अणेक्कसिद्धाणं वग्गणा। एगा पढमसमयसिद्धाणं वग्गणा एवं जाव अणंतसमयसिद्धाणं वग्गणा // 43. (1) एगा परमाणुपोग्गलाणं वग्गणा, एवं जाव एगा अणंतपएसियाणं पोग्गलाणं वग्गणा 1 // एगा एगपदेसोगाढाणं पोग्गलाणं वग्गणा जाव एगा असंखेजपदेसोगाढाणं पोग्गलाणं वग्गणा 2 // एगा एगसमयट्ठितियाणं पोग्गलाणं वग्गणा जाव असंखेजसमयट्ठितियाणं पोग्गलाणं वग्गणा 3 / एगा एगगुणकालगाणं प्रोग्गलाणं वग्गणा जाव एगा असंखेज्जगुणकालगाणं पोग्गलाणं वग्गणा, एगा अणंतगुणकालगाणं पोग्गलाणं वग्गणा / एवं वण्ण-गंध-रस-फासा भाणियव्वा जाव एगा अणंतगुणलुक्खाणं पोग्गलाणं वग्गणा 4 / (2) एगा जहन्नपतेसियाणं खंधाणं वग्गणा, एगा उक्कस्सपतेसियाणं खंधाणं वग्गणा, एगा अजहन्नुक्कस्सपतेसियाणं खंधाणं वग्गणा 1, एवं जहन्नोगाहणगाणं उक्कस्सोगाहणगाणं अजहन्नुक्कस्सोगाहणगाणं 2, जहन्नट्ठितियाणं उक्कस्सट्ठितियाणं अजहन्नुक्कस्सद्वितीयाणं 3, जहन्नगुणकालगाणं उक्कस्सगुणकालयाणं अजहन्नुक्कस्सगुणकालगाणं, एवं वण्ण-गंध-रस-फासाणं वग्गणा भाणियव्वा, जाव एगा अजहन्नुक्कस्सगुणलुक्खाणं पोग्गलाणं वग्गणा 4 / 44. एगे जंबुद्दीवे दीवे सव्वदीवसमुदाणं जाव अद्धंगुलगं च किंचिविसेसाधिए परिक्खेवेणं / 45. एगे समणे भगवं महावीरे इमीसे ओसप्पिणीए चउव्वीसाए तित्थगराणं चरिमतित्थगरे सिद्ध बुद्धे मुत्ते जाव सव्वदुक्खप्पहीणे / 46. अणुत्तरोववातिया णं देवा णं एगं रतणिं उटुंउच्चत्तेणं पन्नत्ता / 47. अद्दाणक्खत्ते एगतारे पन्नत्ते / चित्ताणक्खत्ते एगतारे पन्नत्ते / सातीणक्खते एगतारे पन्नत्ते / 48. एगपदेसोगाढा पोग्गला अणंता पन्नत्ता, एवमेगसमयट्ठितीया। एगगुणकालगा पोग्गला अणंता पन्नत्ता, जाव एगगुणलुक्खा पोग्गला अणंता पन्नत्ता / // एगट्ठाणं समत्तं //
Page #5
--------------------------------------------------------------------------
________________ ठाणंगसुत्तं (मूलम्) बीयं अज्झयणं 'बिट्ठाणं' (पढमो उद्देसओ) 49. जदत्थि णं लोगे तं सव्वं दुपओआरं, तंजहा-जीवच्चेव अजीवच्चेव / (1) तसच्चेव थावरच्चेव 1, सजोणियच्चेव अजोणियच्चेव 2, साउयच्चेव अणाउयच्चेव 3, सइंदियच्चेव, अणिंदियच्चेव 4, सवेयगा चेव अवेयगा चेव 5, सरूवि चेव अरूवि चेव 6, सपोग्गला चेव अपोग्गला चेव 7, संसारसमावन्नगा चेव असंसारसमावन्नगा चेव 8, सासया चेव असासया चेव 9 / . (2) आगासे चेव, नो आगासे चेव / धम्मे चेव अधम्मे चेव / बंधे चेव मोक्खे चेव / पुने चेव पावे चेव / आसवे चेव संवरे चेव / वेयणा चेव निज्जरा चेव / 50. दो किरियाओ पन्नत्ताओ, तंजहा-जीवकिरिया चेव अजीवकिरिया चेव। जीवकिरिया दुविहा पन्नत्ता, तंजहा-सम्मत्तकिरिया चेव, मिच्छत्तकिरिया चेव / अजीवकिरिया दुविहा पन्नत्ता, तंजहा-इरियावहिया चेव संपराइगा चेव / दो किरियाओ पन्नत्ताओ तंजहा-काइया चेव आधिकरणिया चेव / काइया किरिया दुविहा पन्नत्ता, तंजहा-अणुवरयकायकिरिया चेव दुप्पउत्तकायकिरिया चेव / आधिकरणिया किरिया दुविहा पन्नत्ता, तंजहा-संजोयणाधिकरणिया चेव णिब्वत्तणाधिकरणिया चेव / ____ दो किरियाओ पन्नत्ताओ, तंजहा-पाओसिया चेव पारियावणिया चेव / पातोसिया किरिया दुविहा पन्नत्ता, तंजहा-जीवपाओसिया चेव अजीवपाओसिया चेव / पारियावणिया किरिया दुविहा पन्नत्ता, तंजहा-सहत्थपारियावणिया चेव दो किरियाओ पन्नत्ताओ, तंजहा-पाणातिवायकि रिया चेव सहत्थपाणातिवायकि रिया चेव परहत्थपाणातिवायकिरिया चेव / अपच्चक्खाणकिरिया दुविहा पन्नत्ता, तंजहा-जीवअपच्चक्खाणकिरिया चेव अजीवअपच्चक्खाणकिरिया चेव /
Page #6
--------------------------------------------------------------------------
________________ ठाणंगसुत्तं (मूलम्) दो किरियाओ पन्नत्ताओ, तंजहा-आरंभिया चेव पारिग्गहिया चेव / आरंभिया किरिया दुविहा पन्नत्ता, तंजहा-जीवआरंभिया चेव अजीवआरंभिया चेव / एवं पारिग्गहिया वि / दो किरियाओ पन्नत्ताओ, तंजहा-मायावत्तिया चेव मिच्छादसणवत्तिया चेव / मायावत्तिया किरिया दुविहा पन्नत्ता, तंजहा-आयभाववंकणता चेव परभाववंकणता चेव / मिच्छादसणवत्तिया किरिया दुविहा पन्नत्ता, तंजहाऊणाइरित्तमिच्छादसणवत्तिया चेव तव्वइरित्तमिच्छादसणवत्तिया चेव / / दो किरियाओ पन्नत्ताओ, तंजहा-दिट्ठिया चेव पुट्ठिया चेव / दिट्ठिया किरिया दुविहा पन्नत्ता, तंजहा-जीवदिट्ठिया चेव अजीवदिट्ठिया चेव / एवं पुट्टिया वि। दो किरियाओ पन्नत्ताओ, तंजहा-पाडुच्चिया चेव सामंतोवणिवाइया चेव। पाडुच्चिया किरिया दुविहा पन्नत्ता, तंजहा-जीवपाडुच्चिया चेव अजीवपाडुच्चिया चेव / एवं सामंतोवणिवाइया वि / दो किरियाओ पन्नत्ताओ, तंजहा-साहत्थिया चेव णेसत्थिया चेव / साहत्थिया किरिया दुविहा पन्नत्ता, तंजहा-जीवसाहत्थिया चेव अजीवसाहत्थिया चेव / एवं सत्थिया वि / दो किरियाओ पन्नत्ताओ, तंजहा-आणवणिया चेव वेतारणिया चेव, जहेव णेसत्थिया / दो किरियाओ पन्नत्ताओ, तंजहा-अणाभोगवत्तिया चेव अणवकंखवत्तिया चेव / अणाभोगवत्तिया किरिया दुविहा पन्नत्ता, तंजहा-अणाउत्तआइयणता चेव अणाउत्तपमज्जणता चेव / अणवकंखवत्तिया किरिया दुविहा पन्नत्ता, तंजहाआयसरीरअणवकंखवत्तिया चेव परसरीरअणवकंखवत्तिया चेव / दो किरियाओ पन्नत्ताओ, तंजहा-पिज्जवत्तिया चेव दोसवत्तिया चेव / पेज्जवत्तिया किरिया दुविहा पन्नत्ता, तंजहा-मायावत्तिया चेव लोभवत्तिया चेव। दोसवत्तिया किरिया दुविहा पन्नत्ता, तंजहा-कोहे चेव माणे चेव / 51. दुविहा गरिहा पन्नत्ता, तंजहा-मणसा वेंगे गरहति, वयसा वेगे गरहति /
Page #7
--------------------------------------------------------------------------
________________ ठाणंगसुत्तं (मूलम्) अहवा गरहा दुविहा पन्नत्ता, तंजहा-दीहं पेगे अद्धं गरहति, रहस्सं पेगे अद्धं गरहति / 52. दुबिहे पच्चक्खाणे पन्नते, तंजा-मणसा वेगे पच्चक्खाति, वयसा वेगे पच्चक्खाति / अहवा पच्चक्खाणे दुविहे पत्रत्ते, तंजहा-दीहं पेगे अद्धं पच्चक्खाति, रहस्सं पेगे अद्धं पच्चक्खाति / 53. दोहिं ठाणेहिं अणगारे संपन्ने अणादीयं अणवयग्गं दीहमद्धं चाउरंतसंसारकंतारं : वीतिवतेज्जा, तंजहा-विज्जाए चेव चरणेण चेव / .. 54. दो ठाणाइ अपरियाणित्ता आया णो केवलिपन्नत्तं धम्मं लभेज सवणयाए, . तंजहा-आरंभे चेव परिग्गहे चेव 1 / दो ठाणाई अपरियाणित्ता आया णो केवलं बोधिं बुज्झेजा, तंजहा-आरंभे चेव परिग्गहे चेव 2 / दो ठाणाई अपरियाइत्ता आया नो केवलं मुंडे भवित्ता अगाराओ अणगारियं पव्वएजा, तंजहा-आरंभे चेव परिग्गहे चेव 3 / एवं णो केवलं बंभचेरवासमावसेजा 4, णो केवलेणं संजमेणं संजमेजा 5, नो केवलेणं संवरेणं संवरेजा 6, नो केवलमाभिणिबोधियणाणं उप्पाडेजा 7, एवं, सुयनाणं 8, ओहिनाणं 9, मणपज्जवनाणं 10, केवलनाणं 11 / .... 55. दो ठाणाई परियाइत्ता आया केवलिपन्नत्तं धम्मं लभेज सवणयाए, तंजहा. आरंभे चेव परिग्गहे चेव, एवं जाव केवलनाणमुप्पाडेजा। 'दोहिं ठाणेहिं आया केवलिपन्नत्तं धम्मं लभेज सवणयाए, तंजहा-सोच्चच्चेव अभिसमेच्चच्चेव जाव केवलनाणं उप्पाडेजा / 56. दो समाओ पन्नत्ताओ, तंजहा-ओसप्पिणी समा चेव उस्सप्पिणी समा चेव। 57. दुविहे उम्माए पन्नत्ते, तंजहा-जक्खावेसे चेव, मोहणिजस्स चेव कम्मस्स उदएणं / तत्थ णं जे से जक्खावेसे से णं सुहवेयतराए चेव सुहविमोयतराए चेव / तत्थ णं जे से मोहणिज्जस्स कम्मस्स उदएणं से णं दुहवेयतराए चेव दुहविभोयतराए चेव / 58. दो दंडा पन्नत्ता, तंजहा-अट्ठादंडे चेव अणट्ठादंडे चेव, नेरइयाणं दो दंडा
Page #8
--------------------------------------------------------------------------
________________ ठाणंगसुत्तं (मूलम्) पन्नत्ता, तंजहा-अट्ठादंडे य अणट्ठावंडे, य / एवं चउवीसादंडओ जाव वेमाणियाणं / 59. दुविहे दंसणे पन्नत्ते, तंजहा-सम्मइंसणे चेव मिच्छादंसणे चेव 1 / सम्मइंसणे दुविहे पन्नत्ते, तं जहा-णिसग्गसम्मइंसणे चेव अभिगमसम्मइंसणे चेव 2 // णिसग्गसम्मइंसणे दुविहे पन्नत्ते, तंजहा-पडिवाति चेव अपडिवाति चेव 3 / अभिगमसम्मइंसणे दुविहे पन्नत्ते, तंजहा-पडिवाति चेव अपडिवाति चेव 4 / मिच्छादंसणे दुविहे पन्नत्ते, तंजहा-अभिगहियमिच्छादंसणे चेव अणभिगहियमिच्छादंसणे चेव 5 / अभिगहियमिच्छादंसणे दुविहे. 'पन्नत्ते, तंजहा-सपजवसिते चेव अपज्जवसिते चेव 6 / एवमणभिगहितमिच्छादसणे वि 7 60. दुविहे नाणे पन्नत्ते, तंजहा-पच्चक्खे चेव परोक्खे चेव 1 / पच्चक्खे नाणे दुविहे पन्नत्ते, तंजहा-केवलनाणे चेव णोकेवलनाणे चेव 2 / केवलणाणे दुविहे पन्नत्ते, तंजहा-भवत्थकेवलनाणे चेव सिद्धकेवलणाणे चेव 3 / भवत्थकेवलणाणे दुविहे पन्नत्ते, तंजहा-सजोगिभवत्थकेवलणाणे चेव, अजोगिभवत्थकेवलणाणे चेव 4 / सजोगिभवत्थकेवलणाणे दुविहे पन्नत्ते, तंजहा-पढमसमयसजोगिभवत्थकेवलणाणे चेव अपढमसमयसजोगिभवत्थकेवलणाणे चेव 5 / अहवा चरिमसमयसजोगिंभवत्थकेवलणाणे . चेव अचरिमसमयसजोगिभवत्थकेवलणाणे चेव 6 / एवं अजोगिभवत्थके वलनाणे वि 7-8 / सिद्धके वलणाणे दुविहे पन्नत्ते, तंजहाअणंतरसिद्धकेवलणाणे चेव परंपरसिद्धकेवलनाणे चेव 9 / अणंतरसिद्धकेवलनाणे दुविहे पन्नत्ते, तंजहा-एक्काणंतरसिद्धकेवलणाणे चेव 'अणेकाणंतरसिद्धकेवलणाणे चेव 10 / परंपरसिद्धकेवलणाणे दुविहे पन्नत्ते तंजहाएक्कपरंपरसिद्धकेवलणाणे चेव अणेक्कपरंपरसिद्धकेवलणाणे चेव 11 / णोकेवलणाणे दुविहे पन्नत्ते, तंजहा-ओहिणाणे चेव मणपजवणाणे चेव 12 // ओहिणाणे दुविहे पन्नत्ते, तंजहा-भवपच्चइए चेव खतोवसमिते चेव 13 // दोण्हं भवपच्चइए पन्नत्ते, तंजहा-देवामं चेव नेरइयाणं चेव 14 / दोण्हं खओवसमिते पन्नत्ते, तंजहा-मणुस्साणं चेव पंचिंदियतिरिक्खजोणियाणं
Page #9
--------------------------------------------------------------------------
________________ ___ठाणंगसुत्तं (मूलम्) चेव 15 / मणपजवणाणे दुविहे पन्नत्ते, तंजहा-उज्जुमति चेव विउलमति चेव 16 / परोक्खे णाणे दुविहे पन्नत्ते, तंजहा-आभिणिबोहियणाणे चेव सुयनाणे व 17 / अभिणिबोहियणाणे दुविहे पन्नत्ते, तंजहा-सुतनिस्सिते चेव असुतनिस्सिते चेव 18 / सुतनिस्सिते दुविहे पन्नत्ते, तंजहा-अत्थोग्गहे . चेव वंजणोग्गहे चेव 19 / असुयनिस्सिते वि एमेव 20 / सुयनामे दुविहें पन्नत्ते, तंजहा-अंगपविढे चेव अंगबाहिरे चेव 21 / अंगबाहिरे दुविहे पन्नत्ते,. तंजहा-आवस्सए चेव आवस्सयवतिरित्ते चेव 22 / आवस्सयवतिरित्ते दुविहे 61. दुविहे धम्मे पन्नत्ते, तंजहा-सुयधम्मे चेव चरित्तधम्मे चेव / सुयधम्मे दुविहे पन्नत्ते, तंजहा-सुत्तसुयधम्मे चेव अत्थसुयधम्मे चेव / चरित्तधम्मे दुविहे पन्नत्ते, तंजहा-अगारचरित्तधम्मे चेव अणगारचरित्तधम्मे चेत्त / 62. दुविहे संजमे पन्नत्ते, तंजहा-सरागसंजमे चेव वीयरागसंजमे चेव / बादरसंपरायसरागसंजमे चेव / / सुहमसंपरायसरागसंजमे दुविहे पन्नत्ते, तंजहा-पढमसमयसुहुमसंपरायसरागसंजमे चेव अपढमसमयसुहमसंपरायसरागसंजमें चेव, अधवा चरमसमयसुहुमसंपरायसरागसंजमे चेव अचरिमसमयसुहुमसंपरायसरागसंजमे चेव। अधवा सुहुमसंपरायसरागसंजमे दुविहे पन्नते, तंजहा-संकिलेसमाणते चेव विसुज्झमाणते चेव / , बादरसंपरायसरागसंजमे दुविहे पन्नत्ते, तंजहा-पढमसमयबादरसंपरायसरागसंजमे चेव अपढमसमयबादरसंपरायसरागसंजमे चेव / अहवा चरिमसमयबादरसंपरायसरागसंजमे चेव अचरिमसमयबादरसंपरायसरागसंजमे चेव। अहवा बायरसंपरायसरागसंजमे दुविधे पन्नत्ते, तंजहा-पडिवाति चेव अपडिवाति चेव / ___ वीयरागसंजमे दुविधे पन्नत्ते, तंजहा-उवसंतकसायवीयरागसंजमे चेव खीणकसायवीतरागसंजमे चेव /
Page #10
--------------------------------------------------------------------------
________________ ठाणंगसुत्तं (मूलम्) उवसंतकसायवीयरागसंजमे दुविहे. पन्नत्ते, तंजहा-पढमसमयउवसंतकसायवीतरागसंजमे चेव अपढसमयउवसंतकसायवीतरागसंजमे चेव / अहवा चरिमसमयउवसंतकसायवीतरागसंजमे चेव अचरिमसमयउवसंतकसायवीतरागसंजमे चेव / खीणकसायवीतरागसंजमे दुविहे पन्नत्ते, तंजहा-छउमत्थखीणकसायवीतरागसंजमे चेव केवलिखीणकसायवीयरागसंजमे चेव / छउमत्थखीणकसायवीयरागसंजमे दुविहे पन्नत्ते, तंजहा-संयबुद्धछउमत्थखीणकसायवीयरागसंजमे चेव बुद्धबोधियछउमत्थखीणकसायवीयरागसंजमे चेव। सयंबुद्धछउमत्थखीणकसायवीयरागंसजमे दुविहे पन्नत्ते, तंजहा-पढमसमयसयंबुद्धछ उमत्थखीणकसायवीयरागसंजमे चेव अपढ मसमयसयंबुद्धछ - उमत्थखीणकसायवीयरागसंजमे चेव, अहवा. चरिमसमयसयंबुद्धछउमत्थखीणकसायवीयरागसंजमे चेव अचरिमसमयसयंबुद्धछउमत्थखीणकसायवीयरागसंजमे चेव / बुद्धबोधियछउमत्थखीणकसायवीयरागसंजमे दुविहे पन्नत्ते, तंजहा-पढमसमयबुद्धबोधियछउमत्थखीणकसायवीयरागसंजमे चेव अपढमसमयबुद्धबोधियछउमत्थखीणकसायवीयरागसंजमे चेव, अहवा चरिमसमयबुद्धबोधियछ उमत्थखीणकसायवीयरागसंजमे चेव अचरिमसमयबुद्धबोधियखीणकसायवीयरागसंजमे चेव / केवलिखीणकसायवीतरागसंजमे दुविहे पन्नत्ते, तंजहा-सजोगिकेवलिखीणकसायवीतरागसंजमे चेव अजोगिकेवलिखीणकसायवीतरागसंजमे चेव / सजोगिके वलिखीणक सायवीयरागसंजमे दुविहे पन्नत्ते, तंजहापढमसमयसजोगिके वलिखीणकसायवीयरागसंजमे चेव अपढमसमयसजोगिकेवलिखीणकसायवीयरागसंजमे चेव / अहवा चरिमसमयसजोगिकेवलिखीणकसायवीयरागसंजमे चेव अचरिमसमयसजोगिकेवलिखीणकसायरागसंजमे चेव / अजोगिके वलिखीणकसायवीयरागसंजमे दुविहे. पन्नत्ते, तंजहापढमसमयअजोगिकेवलिखीणकसायवीयरागसंजमे चेव अपढमसमयअजोगिकेवलिखीणकसायवीयरागसंजमे चेव / अहवा चरिमसमयअजोगिकेवलि
Page #11
--------------------------------------------------------------------------
________________ ठाणंगसुत्तं (मूलम्) खीणकसायवीयरागसंजमे चेव अचरिमसमयअजोगिके वलिखीणकसायवीयरागसंजमे चेव / 62. दुविहा पुढविकाइया पन्नत्ता, तंजहा-सुहुमा चेव बायरा चेव 1 // एवं जाव दुविहा वणस्सतिकाइया पन्नत्ता, तंजहा-सुहुमा चेव बायरा चेव 5 / दुविहा पुढविकाइया पन्नत्ता, तंजहा-पज्जत्तगा चेव अपज्जत्तगा चेव 6 / एवं जाव वणस्सतिकाइया 10 // दुविहा पुढविकाइया पन्नत्ता, तंजहा-परिणता चेव अपरिणता चेव 11, एवं जाव वणस्सतिकाइया 15 / दुविहा दव्वा पन्नत्ता, तंजहा-परिणता चेव अपरिणता चेव 16 // दुविहा पुढविकाइया पन्नत्ता, तंजहा-गतिसमावन्नगा चेव अगतिसमावन्नगा. चेव 17, एवं जाव वणस्सतिकाइया 21 / दुविहा दव्वा पन्नत्ता, तंजहागतिसमावन्नगा चेव अगतिसमावन्नगा चेव 22 // दुविहा पुढविकाइया पन्नत्ता, तंजहा-अणंतरोगाढगा चेव परंपरोगाढगा चेव 23, जाव दव्वा 28 // 64. दुविधे काले पन्नत्ते, तंजहा-ओसप्पिणीकाले चेव उस्सप्पिणीकाले चेव। दुविधे आगासे पन्नत्ते, तंजहा-लोगागासे चेव अलोगागासे चेव / 65. णेरइयाणं दो सरीरगा पन्नत्ता, तंजहा-अब्भंतरगे चेव बाहिरगे चेव / . अब्भंतरए कम्मए, बाहिरए वेउव्विए / एवं देवाणं भामियव्वं / पुढविकाइयाणं दो सरीरगा पन्नत्ता, तंजहा-अब्भंतरगे चेव बाहिरगे चेव। अब्भंतरगे कम्मए, बाहिरगे ओरालिगे / जाव वणस्सइकाइयाणं / बेइंदियाणं दो सरीरगा पन्नत्ता, तंजहा-अब्भंतरए चेव बाहिरए चेव / अब्भंतरगे कम्मए, अट्ठि-मंससोणितबद्धे बाहिरए ओरालिए। जाव चरिंदियाणं। पंचिंदियतिरिक्खजोणियाणं दो सरीरगा पन्नत्ता, तंजहा-अब्भंतरगे चेव बाहिरगे चेव / अब्भंतरगे कम्मए, अट्ठि-मंस-सोणिय-हारु-छिराबद्धे बाहिरए ओरालिए / मणुस्साण वि एवं चेव / / विग्गहगतिसमावन्नगाणं नेरइयाणं दो सरीरगा पन्नत्ता, तंजहा-तेयते चेव कम्मते चेव / निरंतरं जाव वेमाणियाणं /
Page #12
--------------------------------------------------------------------------
________________ ठाणंगसुत्तं (मूलम्) नेरइयाणं दोहिं ठाणेहिं सरीरुप्पत्ती सिया, तंजहा-रागेण चेव दोसेण चेव। जाव वेमाणियाणं / नेरइयाणं दुट्ठाणनिव्वत्तिए सरीरगे पन्नत्ते, तंजहा-रागनिव्वत्तिए चेव दोसनिव्वत्तिए चेव / जाव वेमाणियाणं / दो काया पन्नत्ता, तंजहा-तसकाए चेव थावरकाए चेव / तसकाए दुविहे पन्नत्ते. तंजहा-भवसिद्धिए चेव अभवसिद्धिए चेव / एवं थावरकाए वि। 66. दो दिसाओ अभिगिज्झ कप्पति णिग्गंथाण वा णिग्गंथीण वा पव्वावित्तए पाईणं चेव उदीणं चेव / एवं मुंडावित्तए, सिक्खावित्तए, उवट्ठावित्तए, संभुंजित्तए, संवसित्तए, सज्झायमुद्दिसित्तए, सज्झायं समुद्धिसित्तए, सज्झायमणुजाणित्तए, आलोइत्तए, पडिक्कमित्तए, निंदितए, गरहित्तए, विउट्टित्तए, विसोहित्तए, अकरणयाए अब्भुट्टित्तए, अंहारिहं पायच्छित्तं तवोकम्मं पडिवज्जित्तए / दो दिसातो अभिगिज्झ कप्पति णिग्गंथाण वा णिग्गंथीण वा अपच्छिममारणंतियसंलेहणाजूसणाझूसिताणं भत्तपाणपडियाइक्खिताणं पाओवगताणं कालं अणवकंखमाणाणं विहरित्तए, तंजहा-पाईणं चेव उदीणं चेव / // बिट्ठाणस्स पढमो उद्देसओ समत्तो // (बीओ उद्देसओ) 67. जे देवा उद्योववन्नगा कप्पोववन्नगा विमाणोववन्नगा चारोववन्नगा चारद्वितीया गतिरतिया गतिसमावन्नगा तेसि णं देसाणं सता समितं जे पावे कम्मे कजति तत्थगता वि एगतिया वेदणं वेदेति, अन्नत्थगता वि एगतिया वेयणं वेदंति / णेरइयाणं सता समियं जे पावे कम्मे कजति तत्थगता वि एगतिया वेयणं वेदेति अन्नत्थगता वि एगतिता वेयणं वेदेति, जाव पंचेंदियतिरिक्खजोणियाणं। मणुस्साणं सता समितं जे पावे कम्मे कजति इहगता वि एगतिता वेयणं
Page #13
--------------------------------------------------------------------------
________________ ठाणंगसुत्तं (मूलम्) वेयंति, अन्नत्थगता वि एगतिया वेयणं वेएंति / मणुस्सवजा सेसा एक्कगमा / 68. नेरइया दुगतिया दुयागतिया पन्नत्ता, तंजहा-नेरइए नेरइएसु उववजमाणे मणुस्सेहिंतो वा पंचेंदियतिरिक्खजोणिएहिंतो वा उववजेजा, से चेव णं वा गच्छेज्जा / एवं असुरकुमारा वि, णवरं से चेव णं से असुरकुमारे असुरकुमारत्तं विप्पजहमाणे मणुस्सत्ताए वा तिरिक्खजोणियत्ताए वा गच्छिज्जा, एवं सव्वदेवा / पुढविकाइया दुगतिया दुयागतिया पन्नत्ता, तंजहा-पुढविकाइए पुढविकाइएसु उववजमामे पुढविकाइएहिंतो वा णोपुढविकाइएहिंतो वा उववजेजा, से चेव णं से पुढविकाइए पुढविकाइयत्तं विप्पजहमाणे पुढविकाइत्ताए वा णोपुढविकाइयत्ताए वा गच्छेज्जा, एवं जाव मणुस्सा / 69. दुविहा रतिया पन्नत्ता, तंजहा-भवसिद्धिया चेव अभवसिद्धिया चेव, जाव वेमाणिया 1 / जाव वेमाणिया / दुविहा रतिया पन्नत्ता, तंजहा-गतिसमावन्नगा चेव अगतिसमावन्नगा चेव, जाव वेमाणिया 3 // ___ . दुविधा नेरइया पन्नत्ता, तंजहा-पढमसमओववन्नगा चेव अपढमसम दुविधा नेरतिया पन्नत्ता, तंजहा-आहारगा चेव अणाहारगा चेव, एवं जाव वेमाणिया 5 / दुविहा णेरतिया पन्नत्ता, तंजहा-उस्सासगा चेव णोउस्सासगा चेव, जाव वेमाणिया 6 / दुविहा नेरइया पन्नत्ता, तंजहा-सइंदिया चेव अणिंदिया चेव, जाव वेमाणिया / दुविहा नेरइया पन्नत्ता, तंजहा-पज्जत्तगा चेव अपज्जत्तगा चेव, जाव वेमाणिया 8
Page #14
--------------------------------------------------------------------------
________________ ठाणंगसुत्तं (मूलम्) विगलिंदियवज्जा, जाव वाणमंतरा 9 / दुविधा नेरइया पन्नत्ता, तंजहा-भासगा चेव अभासगा चेव, एवमेगिंदियवजा सव्वे 10 // दुविहा नेरइया पन्नत्ता, तंजहा-सम्मदिट्ठीया चेव, मिच्छदिट्ठीया चेव, एगिदियवज्जा सव्वे 11 / दुविहा नेरइया पन्नत्ता, तंजहा-परित्तसंसारिता चेव अणंतसंसारिता चेव, दुविहा नेरइया पन्नत्ता, तंजहा-संखेज्जकालसमयट्ठितीया चेव असंखेजकालसमयद्वितीया चेव, एवं पंचेंदिया एगिंदियविगलिंदियवजा जाव वाणमंतरा 13 // दुविहा नेरइया पन्नत्ता, तंजहा-सुलभबोधिया चेव दुल्लभबोधिया चेव, जाव वेमाणिया 14 // दुविहा नेरइया पन्नत्ता, तंजहा-कण्हपक्खिया चेव सुक्कपक्खिया चेव, जाव वेमाणिया 15 / 16 / 70.. दोहिं ठाणेहिं आया अधेलोगं जाणति पासति, तंजहा-समोहतेणं चेव अप्पाणेणं आता अहेलोगं जाणति पासति, असमोहतेणं चेव अप्पाणेणं आता अहेलोगं जाणति पासति, आधोहि समोहतासमोहतेणं चेव अप्पाणेणं आता अहेलोगं जाणति पासति / एवं तिरियलोगं 2 उड्ढलोगं 3 केवलकप्पं लोगं 4 // दोहिं ठाणेहिं आता अधेलोगं जाणति पासति, तंजहा-विउव्वितेण चेव अप्पाणेणं आता अधेलोगं जाणति पासति, अंविउव्वितेणं चेव अप्पाणेणं आता अधेलोगं जाणति पासति, आहोधि विउव्वियाविउव्वितेण चेव अप्पाणेणं आता अधेलोगं जाणति पासति 1 // एवं तिरियलोगं 2 उड्ढलोगं 3. केवलकप्पं लोगं
Page #15
--------------------------------------------------------------------------
________________ ठाणंगसुत्तं (मूलम्) 71. दोहिं ठाणेहिं आया सद्दाइं सुणेति, तंजहा-देसेण वि आया सद्दाइं सुणेति, सव्वेण वि आया सद्दाइं सुणेति, एवं रूवाइं पासति, गंधाई अग्घाति रसाइं. आसादेति, फासाइं पडिसंवेदेति 5 / दोहिं ठाणेहिं आया ओभासइ, तंजहा-देसेण वि आया ओभासति सव्वेण वि आया ओभासति / एवं पभासति, विकुव्वति, परियारेति, भासं भासति, आहारेति, परिणामेति, वेदेति, निजरेति 9 / . . दोहिं ठाणेहिं देवे सद्दाइं सुणेति, तंजहा-देसेण वि देवे सद्दाइं सुणेति, सव्वेण वि देवे सद्दाइं सुणेइ, जाव निजरेति 14 / / 72. मरुया देवा दुविहा पन्नत्ता, तंजहा-एगसरीरि चेव विसरीरि चेव / एवं किन्नरा, किंपुरिसा, गंधव्वा, णागकुमारा, सुवन्नकुमारा, अग्गिकुमारा, वायुकुमारा 8 // देवा दुविहा पन्नत्ता, तंजहा-एगसरीरि चेव बिसरीरि चेव / ॥बिट्ठाणस्स बीओ उद्देसओ समत्तो // . ___ (तइओ उद्देसओ) 73. दुविहे सद्दे पन्नत्ते, तंजहा-भासासद्दे चेव णोभासासद्दे चेव 1 / भासासद्दे दुविहे पन्नत्ते, तंजहा-अक्खरसंबद्ध चेव नोक्खरसंबद्ध चेव 2 / णोभासासद्दे दुविहे पन्नत्ते, तंजहा-आउज्जसद्दे चेव णोआउज्जसद्दे चेव 3 / आउज्जसद्दे दुविहे पन्नत्ते, तंजहा-तते चेव वितते चेव 4 / तते दुविहे पन्नत्ते, तंजहाघणे चेव झुसिरे चेव 5 / एवं वितते वि 6 / णोआउज्जसद्दे दुविहे पन्नत्ते, तंजहा-भूसणसद्दे चेव नोभूसणसद्दे चेव 7 / णोभूसणसद्दे दुविहे पनत्ते, तंजहा-तालसद्दे चेव लत्तियासद्दे चेव 8 दोहिं ठाणेहिं सद्दुप्पाते सिया, तंजहा-साहन्नंताण चेव पुग्गलाणं सद्दुप्पाए सिया, भिजंताण चेव पोग्गलाणं सद्दुप्पाते सिया / . 74. दोहिं ठाणेहिं पोग्गला साहन्नंति, तंजहा-सई वा पोग्गला साहन्नंति, परेण वा पोग्गला साहन्नंति 1 / दोहिं ठाणेहिं पोग्गला भिजंति, तंजहा-सई वा
Page #16
--------------------------------------------------------------------------
________________ ठाणंगसुत्तं (मूलम्) पोग्गला भिजंति, परेण वा पोग्गला भिजंति 2 // दोहिं ठाणेहिं पोग्गला परिपडंति, तंजहा-सई वा पोग्गला परिपडंति, परेण वा पोग्गला परिप(पा?)डिजंति 3, एवं परिसडंति४, विद्धंसंति 5 / . 75. दुविहा पोग्गला पन्नत्ता, तंजहा-भिन्ना चेव अभिन्ना चेव 1 / दुविहा पोग्गला पन्नत्ता, तं जहा--भेउरधम्मा चेव नोभेउरधम्मा चेव 2 // दुविहा पोग्गला पन्नत्ता, तंजहा-परमाणुपोग्गला चेव, नोपरमाणुपोग्गला चेव 3 दुविहा पोग्गला पन्नत्ता, तंजहा-सुहुमा चेव बायरा चेव 4 / . . दुविहा पोग्गला पन्नत्ता, तंजहा-बद्धपासपुट्ठा चेव नोबद्धपासपुट्ठा चेव 5 / दुविहा पोग्गला पन्नत्ता, तंजहा-परियाइयच्चेव अपरियाइयच्चेव 6 / दुविहा पोग्गला पन्नत्ता, तंजहा-अत्ता चेव अणत्ता चेव 7 / दुविहा पोग्गला पन्नत्ता, तंजहा-इट्ठा चेव अणिट्ठा चेव 8, एवं कंता 9, पिया 10, मणुन्ना 11, मणामा 12 // दुविहा सहा पन्नत्ता, तंजहा-अत्ता चेवं अणत्ता चेव 1, एवमिट्ठा जाव मणामा 6 / दुविहा रूवा पन्नत्ता, तंजहा-अत्ता चेव अणत्ता चेव, जाव मणामा 6 / एवं गंधा 6, रसा 6, फासा 6, एवमेक्कक्के छ आलावगा भामियव्वा / 76. दुविहे आयारे पन्नत्ते, तंजहा-णाणायारे चेव नोनाणायारे चेव 1 / णोनाणायारे दुविहे पनत्ते, तंजहा-दंसणायारे चेव नोदंसणायारे चेव 21 नोदंसणायारे दविहे पन्नत्ते, तंजहा-तवायारे चेव वीरियायारे चेव 4 / 77. दो पडिमाओ पन्नत्ताओ, तंजहा-समाहिपडिमा चेव उवहाणपडिमा चेव 1 // दो पडिमाओ पन्नत्ताओ, तंजहा-विवेगपडिमा चेव विउसग्गपडिमा चेव / दो पडिमाओ पन्नत्ताओ, तंजहा-महाभद्दा चेव सव्वतोभद्दा चेव 4 / दो पडिमाओ पन्नत्ताओ, तंजहा-खुड्डिया चेव मोयपडिमा, महल्लिया चेव मोयपडिमा 5 / दो पडिमाओ पन्नत्ताओ, तंजहा-जवमज्झा चेव चंदपडिमा, वइरमज्झा
Page #17
--------------------------------------------------------------------------
________________ ठाणंगसुत्तं (मूलम्) चेव चंदपडिमा 6 // 79. दोण्हं उववाते पन्नत्ते, तंजहा-देवाण चेव नेरइयाण चेव 9 / . दोण्हं चयणे पन्नत्ते, तंजहा-जोइसियाण चेव वेमाणियाण चेव 3 // दोहं गब्भवक्कंती पन्नत्ता, तंजहा-मणुस्साण चेव पंचेंदियतिरिक्खजोणियाण चेव / दोण्हं गब्भत्थाणं आहारे पन्नत्ते, तंजहा-मणुस्साण चेव पंचेंदियतिरिक्खजोणियाण चेव 5 / दोण्हं गब्भत्थाणं वुट्टी पन्नत्ता, तंजहा-मणुस्साण चेव पंचेंदियतिरिक्ख जोणियाण चेव 6 // एवं निवुड्डी 7, विगुव्वणा 8, गतिपरियाए 9, समुग्घाते 10, कालसंजोगे 11, आयाती 12, मरणे 13 // दोण्हं छविव्वा पंन्नत्ता, तंजहा-मणुस्साण चेव पंचेंदियतिरिक्खजोणियाण चेव 14 / दो सुक्क-सोणितसंभवा पन्नत्ता, तंजहा-मणुस्सा चेव पंचेंदियतिरिक्खजोणिया चेव 15 / दुविहा ठिती पन्नत्ता, तंजहा-कायद्विती चेव भवद्विती चेव 16 / * दोण्हं कायट्ठिती पन्नत्ता, तंजहा-मणुस्साण चेव पंचेंदियतिरिक्खजोणियाण दोण्हं भवट्ठिती पन्नत्ता, तंजहा-देवाण चेव नेरइयाण चेव 18 // दुविहे आउए पन्नत्ते, तंजहा-अद्धाउए चेव भवाउए चेव 19 / - दोण्हं अद्धाउए पन्नत्ते, तंजहा-मणुस्साण चेव पंचेंदियतिरिक्खजोणियाण चेव 20 / दोण्हं भवाउए पन्नत्ते, तंजहा-देवाण चेव णेरइयाण चेव 21 // दुविहे कम्मे पन्नत्ते, तंजहा-पदेसकम्मे चेव अणुभावकम्मे चेव 22 / दो अहाउयं पालेंति, तंजहा-देवच्चेव नेरइयच्चेव 23 /
Page #18
--------------------------------------------------------------------------
________________ ठाणंगसुत्तं (मूलम्) 18 दोण्हं आउयसंवट्टए पन्नत्ते, तंजहा-मणुस्साण चेव पंचेंदियतिरिक्खजोणियाण चेव 24 80. जंबुद्दीवे दीवे मंदरस्स पव्वयस्स उत्तरदाहिणेणं दो वासा पन्नत्ता बहुसमतुल्ला अविसेसमणाणत्ता अन्नमन्नं णातिवटुंति आयाम-विक्खंभ-संठाणपरिणाहेणं, तंजहा-भरहे चेव एरवते चैव / एवमेतेणमभिलावेणं हेमवते चेव हेरन्नवते चेव, हरिवासे चेव रम्मयवासे चेव / 81. जंबुद्दीवे दीवे मंदरस्स पव्वयस्स पुरत्थिमपच्चत्थिमेणं दो खेत्ता पन्नत्ता बहुसमतुल्ला अविसेस जाव पुव्वविदेहे चेव अवरविदेहे चेव / 82. जंबूमंदरस्स पव्वतस्स उत्तरदाहिणेणं दो कुराओ पन्नत्ताओ बहुसमतुल्लाओ जाव देवकुरा चेव उत्तरकुरा चेव / तत्थ णं दो महतिमहालया महादुमा पन्नत्ता बहुसमतुल्ला अविसेसमणाणत्ता अन्नमन्नं णाइवटुंति आयामविक्खंभुच्चत्तोव्वेध-संठाण-परिणाहेणं, तंजहा-कूडसामली चेव, जंबू चेव सुदंसणा। तत्थ णं दो देवा महिड्डिया जाव महासोक्खा पलिओवमट्टितीया परिवसंति, तंजहा-गरुले चेव वेणुदेवे, अणाढिते चेव जंबूदीवाहिवती / 83. जंबूमंदरस्स पव्वयस्स उत्तरदाहिणेणं दो वासहरपव्वया पन्नत्ता बहसमतुल्ला अविसेसमणाणत्ता अन्नमन्नं णातिवटंति आयामविक्खंभुच्चत्तोव्वेध संठाणपरिणाहेणं, तंजहा-चुल्लहिमवंते चेव सिहरी चेव, एवं महाहिमवंते चेव रुप्पी चेव, एवं णिसढे चेव णीलवंते चेव / 84. जंबूमंदरस्स पव्वयस्स उत्तरदाहिणेण हेमवतेरणवतेसु वासेसु दो वटवेयद्दपव्वता पन्नत्ता बहुसमतुल्ला अविसेसमणाणत्ता जाव सद्दावती चेव वियडावती चेव, तत्थ णं दो देवा महिदिया जाव पलिओवमट्टितीया परिवसंति, तंजहा-साती चेव पभासे चेव / जंबूमंदरस्स उत्तरदाहिणेणं हरिवरिस-रम्मतेसु वासेसु दो वट्टवेयद्दपव्वया पन्नत्ता बहुसमतुल्ला अविसेसमणाणत्ता जाव गंधावती चेव मालवंतपरियाए चेव, तत्थ णं दो देवा महिड्डिया जाव पलिओवमट्ठितीया परिवसंति, तंजहा-अरुणे चेव पउमे चेव / 85. जंबूमंदरस्स पव्वयस्स दाहिणेणं देवकुराए कुराए पुव्वावरे पासे एत्थ णं
Page #19
--------------------------------------------------------------------------
________________ . . ठाणंगसुत्तं (मूलम्) आसक्खंधगसरिसा अद्धचंदसंठाणसंठिया दो वक्खारपव्वता पन्नत्ता बहुसम जाव सोमसणे चेव विजुप्प/ चेव / / जंबूमंदरउत्तरेणं उत्तरकुराए कुराए पुव्वावरे पासे एत्थ णं आसक्खंधगसरिसा अद्धचंदसंठाणसंठिया दो वक्खारपव्वया पन्नत्ता बहुसम जाव गंधमादणे चेव मालवंते चेव / . .. 86. जंबूमंदरस्स पव्वयस्स उत्तरदाहिणणं दो दीहवेयद्दपव्वया पन्नत्ता बहुसमतुल्ला जाव भारहए चेव दीहवेयट्टे, एरावयते चेव दीहवेयडे / भारहए णं दीहवेयहे दो गुहाओ पन्नत्ताओ बहुसमतुल्लाओ अविसेसमणाणत्ताओ अन्नमन्नं णातिवटुंति आयामविक्खंभुच्चत्तसंठाणपरिणाहेणं, तंजहा-तिमिसगुहा चेव खंडगप्पवायगुहा चेव, तत्थ णं दो देवा महिटिया जाव पलिओवमातृतीया परिवसंति, तंजहा-कयमालए चेव नट्टमालए चेव / एरावयए णं दीहवेयडे दो गुहाओ पन्नत्ताओ जाव कयमालए चेव नट्टमालए चेव / 87. जंबूमंदरस्स पव्वयस्सं दाहिणेणं चुल्लहिमवंते वासहरपव्वए दो कूडा पन्नत्ता बहुसमतुल्ला जाव विक्खंभुच्चत्तसंठाणपरिणाहेणं, तंजहा-चुल्लहिमवंतकूडे चेव वेसमणकूडे चेव / जंबूमंदररदाहिणेणं महाहिमवंते वासहरपव्वते दो कूडा पन्नत्ता बहुसम जाव महाहिमवंतकूडे चेव वेरुलियकूडे चेव / एवं निसढे वासहरपव्वते दो कूडा पन्नत्ता बहुसम जाव निसढकूडे चेव रुयगकूडे . चेव / जंबूमंदरउत्तरेणं नीलवंते वासहरपव्वते दो कूडा पन्नत्ता बहुसम जाव तंजहा-नीलवंतकूडे चेव उवदंसणकूडे चेव / एवं रुप्पिम्मि वासहरपव्वते दो कूडा पन्नत्ता बहुसम जाव तंजहा-रुप्पिकूडे चेव मणिकंचणकूडे चेवप / एवं सिहरिम्मि वासहरपव्वते दो कूडा पन्नत्ता बहुसम जाव तंजहा-सिहरिकूडे चेव तिगिंच्छिकूडे. चेव / 88. जंबूमंदरउत्तरदाहिणेणं चुल्लहिमवंत-सिहरीसु वासहरपव्वतेसु दो महदहा पन्नत्ता बहुसमतुल्ला अविसे समणाणत्ता अण्णमण्णं णातिवटंति, आयामविक्खंभउव्वेहसंठाणपरिणाहेणं, तंजहा-पउमद्दहे चेव पुंडरीयद्दहे चेव, तत्थ णं दो देवयाओ महिड्डियाओ जाव पलिओवमट्टितीयाओ परिवसंति,
Page #20
--------------------------------------------------------------------------
________________ 20.. ठाणंगसुत्तं (मूलम्) तंजहा-सिरी चेव लच्छी चेव / एवं महाहिमवंत-रुप्पींसु वासहरपव्वएसु दो महद्दहा पन्नत्ता बहुसम' जाव तंजहा-महापउमद्दहे चेव महापुंडरीयद्दहे चेव, देवताओ हिरिच्चेव बुद्धिच्चेव / एवं मिसढनीलवंतेसु तिगिंच्छिद्दहे चेव केसरिइंहे चेव, देवताओ धिती चेव कित्ती चेव / 89. जंबूमंदरदाहिणेणं महाहिमवंताओ वासहरपव्वयाओ महापउमद्दहाओ दहाओ, दो महाणदीओ पवहंति, तंजहा-रोहियच्चेव हरिकंतच्चेव / एवं निसढाओ वासहरपव्वताओ तिगिंच्छिद्दहाओ दहाओ दो महाणईओं पवहंति, तंजहाहरिच्चेव सीतोतच्चेव / ' जंबूमंदरउत्तरेण नीलवंताओ वासधरपव्वताओ केसरिद्दहाओ दहाओ दो वासहरपव्वताओ महापुंडरीयद्दहाओ दहाओ दो महानईओ पवहंति, तंजहाणरकंता चेव रुप्पकूला चेव / .. .. 90. जंबूमंदरदाहिणेणं भरहे वासे दो पवायदहा पन्नत्ता बहुसम (जाव) तंजहा-गंगप्पवातद्दहे चेव सिंधुप्पवायद्दहे चेव / एवं हेमवए वासे दो पवायद्दहा पन्नत्ता बहु(सम जाव) तंजहा-रोहियप्पवातद्दहे चेव रोहियंसप्पवातद्दहे चेवा .. जंबूमंदरदाहिणेणं हरिवासे वासे दे पवायदहा पन्नत्ता बहुसम (जाव) तंजहा-हरिपवातद्दहे चेव हरिकंतपवातद्दहे चेव / जबूमद सीयप्पवातद्दहे चेव सीतोदप्पवायद्दहे चेव / - जंबूमंदरउत्तरेणं रम्मए वासे दो पवायद्दहा पन्नत्ता बहु(सम जाव) नरकंतप्पवाय(हे णारीकंतप्पवायदहे चेव / एवं हेरन्नवते वासे दो पवायदहा पन्नत्ता बहु(सम जाव) सुवन्नकूलप्पवायद्दहे चेव रुप्पकूलप्पवाय(हे चेव / जंबूमंदरउत्तरेणं एरवए वासे दो पवायद्दहा पन्नत्ता बहु(सम) जाव रुत्तप्पवायद्दहे चेव रत्तावडप्पवातहहे चेव / 91. जंबूमंदरदाहिणेणं भरहे वासे दो महानईओ पन्नत्ताओ बहु(सम) जाव गंगा चेव सिंधू चेव / एवं जधा पवातद्दहा एवं णईओ भाणियव्वाओ, जाव एरवए वासे दो महानईओ पन्नत्ताओ बहुसमतुल्लाओ जाव रत्ता चेव रत्तवती
Page #21
--------------------------------------------------------------------------
________________ ठाणंगसुत्तं (मूलम्) चेव / 92. जंबूदीवे दीवे भरहेरवतेसु वासेसु तीताए उस्सप्पिणीए सुसमदूसमाए समाए दो सागरोवमकोडाकोडीओ काले होत्था 1, एवमिमीसे ओसप्पिणीए जाव पन्नत्ते 2, एवं आगमेसाए उस्सप्पिणीए जाव भविस्सति 3 / .. जंबूदीवे दीवे भरहेरवतेसु वासेसु तीताए उस्सप्पिणीए सुसभाए समाए मणुया दो गाउयाई उडेउच्चत्तेणं होत्था, दोन्नि य पलिओवमाइं परमाउं पालयित्था 4, एवमिमीसे ओसप्पिणीए जाव पालयित्था 5, एवमागमेसाते उस्सप्पिणीए जाव पालयिस्संति 6 / 93. जंबूदीवे दीवे भरहेरवएसु वासेसु एगसमये एगजुगे दो अरहंतवंसा उप्पजिसु वा उप्पजंति वा उप्पजिस्संति वा 7, एवं चक्कवहिवंसा 8, दसारवंसा जंबू(दीवे दीवे) भरहेरवतेसु (वासेसु) एगसमते दो अरहंता उप्पजिंसु वा उप्पजति वा उप्पजिस्संति वा 10, एवं चक्कवट्टि 11, एवं बलदेवा 12, एवं वासुदेवा जाव उप्पजिस्संति वा 13 // 94. जंबूदीवे दीवे दोसु कुरासु मणुया सता सुसमसुसममुत्तमं इष्टिं पत्ता पच्चणुभवमाणा विहरंति, तंजहा-देवकुराए चेव उत्तरकुराए चेव 14 / जंबूदीवे दीवे दोसु वासेसु मणुया सता सुसममुत्तमं इहि पत्ता पच्चणुभवमाणा 'विहरंति, तंजहा-हरिवासे चेव रम्मगवासे चेव 15 / जंबूदीवे दीवे दोसु वासेसु मणुया सता सुसमदूसममुत्तममिट्टि पत्ता पच्चणुभवमाणा विहरंति, तंजहा-हेमवते चेव हेरन्नवते चेव 16 / जंबूदीवे दीवे दोसु खेत्तेसु मणुया सता दूसमसुसममुत्तममिढेि पत्ता पच्चणुशवमाणा विहरंति, तंजहा-पुव्वविदेहे चेव अवरविदेहे चेव 17 / जंबूदीवे दीवे दोसु वासेसु मणुया छव्विहं पि कालं पच्चणुभवमाणा विहरंति, तंजहा-भरहे चेव एरवते चेव 18 / / 95. जंबूदीवे दीवे दो चंदा पभासिंसु वा पभासंति वा पभासिस्संति वा, दो, सूरिआ तवइंसु वा तवंति वा तवइस्संति वा, दो कत्तियाओ, दो रोहिणीओ, दो मगसिरा, दो अदाओ, एवं भाणियव्वं,
Page #22
--------------------------------------------------------------------------
________________ 22 ठाणंगसुत्तं (मूलम्) कत्तिय, रोहिणि, मगसिर, अद्दा य, पुणव्वसू य, पूसो य 6 / तत्तो वि अस्सलेसा, महा य, तो फग्गुणीओ य 9-10 // 1 // हत्थो, चित्ता, साती य, बिसाहा, तह य होति अणुराहा 15 / जेट्ठा, मूलो, पुव्वा य आसादा, उत्तरा चेव 19 // 2 // अभिई, सवण, धणिया, मभिसया, दो य होंति भद्दवया 24-25 / रेवति, अस्सिणी, भरणी, 28 नेतव्वा आणुपुव्वीए // 3 // एवं गाहाणुसारेणं णेयव्वं जाव दो भरणीओ। दो अग्गी 1, दो पयावती 2, दो सोमा 3, दो रुद्दा 4, दो अदिती 5, दो बहस्सती 6, दो सप्पी 7, दो पीती 8, दो भगा 9, दो अजमा 10, दो सविता 11, दो तट्ठा 12, दो वाऊ 13, दो इंदग्गी 14, दो मित्ता 15, . दो इंदा 16, दो निरीती 17, दो आऊ 18, दो विस्सा 19, दो बम्हा 20, दो विण्हू 21, दो वसू 22, दो वरुणा 23, दो अंया 24, दो विविद्धी 25, दो पुस्सा 26, दो अस्सा 27, दो यमा 28 .. दो इंगालगा 1, दो वियालगा 2, दो लोहितक्खा 3, दो सचिरा 4, दो आहुणिया 5, दो पाहुणिया 6, दो कणा 7, दो कणगा 8, दो कणकणगा. 9, दो कणगविताणगा 10, दो कणगसंताणगा 11, दो सोमा 12, दो सहिया 13, दो आसासणा 14, दो कज्जोवगा 15, दो कब्बडगा 16, दो अयकरगा . 17, दो दुंदुभगा 18, दो संखा 19, दो संखवन्ना 20, दो संखवन्नाभा 21, दो कंसा 22, दो कंसवन्ना 23, दो कंसवन्नाभा 24, दो रुप्पी 25, दो रुप्पाभासा 26, दो णीला 27, दो णीलोभासा 28, दो भासा 29, दो भासरासी 30, दो तिला 31, दो तिलपुप्फवण्णा 32, दो दगा 33, दो दगपंचवन्ना 34, दो काका 35, दो ककंधा 36, दो इंदग्गी 37, दो धूमकेऊ 38, दो हरी 39, दो पिंगला 40, दो बुधा 41, दो सुक्का 42, दो बहस्सती. 43, दो राहू 44, दो अगत्थी 45, दो माणवगा 46, दो कासा 47, दो फासा 48, दो धुरा 49, दो पमुहा 50, दो वियडा 51, दो विसंधी' 52, दो नियल्ला 53, दो पइल्ला 54, दो जडियाइल्ला 55, दो अरुणा 56, दो अग्गिल्ला 57, दो काला 58, दो महाकालगा 59, दो सोत्थिया 60, दो सोवत्थिया 61, दो वद्धमाणगा
Page #23
--------------------------------------------------------------------------
________________ ठाणंगसुत्तं (मूलम्) 62, दो पूसमाणगा, दो. अंकुसा, दो पलंबा 63, दो निच्चालोगा 64, दो णिच्चुजोता 65, दो सयंपभा 66, दो ओभासा 67, दो सेयंकरा 68, दो खेमंकरा 69, दो आभंकरा 70, दो पभंकरा 71, दो अपराजिता 72, दो अरया 73, दो असोगा 74, दो विगतसोगा 75, दो विमला 76, दो विमुहा, दो वितत्ता 77, दो वितत्था 78, दो विसाला 79, दो साला 80, दो सुव्वता 81, दो अणियट्टी 82, दो एगजडी 83, दो दुजडी 84, दो करकरिगा'८५, दो रायग्गला 86, दो पुप्फकेतू 87, दो भावकेंऊ 88 / 96. जंबूदीवस्स णं दीवस्स वेइया दो गाउयाइं उ९उच्चत्तेणं पण्णत्ता / 97. लवणे णं समुद्दे दो जोयणसयसहस्साइं चक्कवालविक्खंभेणं पण्णत्ते / / 98. लवणस्स णं समद्दस्स वेतिया दो गाउयाई उडेउच्चत्तेणं पन्नत्ता / 99. धायइसंडे दीवे पुरत्थिमद्धे णं मंदरस्स पव्वयस्स उत्तरदाहिणेणं दो वासा पन्नत्ता बहुसमतुला जाव भरहे चेव एवए चेव, एवं जहा जंबुद्दीवे तहा एत्थ वि भाणियव्वं जाव दोसु वासेसु मणुया छव्विहं पि कालं चेव धायइरुक्खे चेव, देवा गरुले चेव वेणुदेवे, सुंदसणे चेव / ... धाततीसंडदीवपच्चत्थिमद्धे मंदरस्स पव्वयस्स उत्तरदाहिणेणं दो वासा पन्नत्ता बहु(समतुल्ला) जाव भरहे चेव एरवए चेव जाव छव्विहं पि कालं पच्चणुभवमाणा विहरंति, (तंजहा-) भरहे चेव एरवए चेव, णवरं कूडसामली चेव महाधायईरुक्खे चेव, देवा गरुले चेव वेणुदेवे, पियदंसणे चेव / दो हरिवासाइं, दो रम्मगवासाइं, दो पुव्वविदेहाइं, दो अवरविदेहाई, दो दो उत्तरकुरमहद्दुमा, दो उत्तरकुरमहद्दुमवासी देवा, दो चुल्लहिमवंता, दो महाहिमवंता, दो निसहा, दो नीलवंता, दो रुप्पी, दो सिहरी, दो सद्दावती, दो सद्दावतिवासी साती देवा, दो वियडावती, दो वियडावतिवासी पभासा देवा, दो गंधावती, दो गंधावतिवासी अरुणा देवा,
Page #24
--------------------------------------------------------------------------
________________ ठाणंगसुत्तं (मूलम्) दो मालवंतपरियागा, दो मालवंतपरियागवासी पउमा देवा, दो मालवंता, दो चित्तकूडा, दो पम्हकूडा, दो नलिणकूडा, दो एगसेला, दो तिकूडा, दो वेसमणकूडा, दो अंजणा, दो मातंजणा, दो सोमसणा, दो विजुप्पभा, दो अंकावती, दो पम्हावती, दो आसीविसा, दो सुहावहा, दो. चंदपव्वता, दो सूरपव्वता, दो णागपव्वता, दो देवपव्वया, दो गंधमायणा, दो उसुगारपव्वता, दो चुल्लहिमवतंकूडा, दो वेसमणकूडा, दो महाहिमवंतकूडा, दो .. वेरुलियकूडा दो निसहकूडा, दो रुयगकूडा, दो नीलवंतकूडा, दो उवदंसणकूड़ा, : दो रुप्पिकूडा, दो मणिकंचणकूडा, दो सिहरिकूडा, दो तिगिंच्छिकूडा;. दो पउमहहा. दो पउमदृहवासिणीओ सिरीदेवीओ. दो महापउमहा दो महापउमद्दहवासिणीओ हिरीओ देवीओ, एवं जाव दो पुंडरीयद्दहा, दो पुंडरीयद्दहवासिणीओ लच्छीओ देवीओ, दो गंगप्पवायदहा जाव दो रत्तावतिप्पवातद्दहा, दो रोहियाओ जाव दो रुप्पकूलातो, दो गाहावतीओ, दो दहवतीओ, दो पंकवतीओ, दो तत्तजलाओ, दो मत्तजलाओ, दो उम्मत्तजलाओ, दो खारोयाओ, दो सीहसोताभो, दो अंतोवाहिणीओ, दो उम्मिमालिणीओ, दो फेणमालिणीओ, दो गंभीरमालिणीओ, दो कच्छा, दो सुकच्छा, दो महाकच्छा, दो कच्छावती, दो आवत्ता, दो णगंलावत्ता, दो पुक्खला, दो पुक्खलावती, दो वच्छा, दो सुवच्छा, दो महावच्छा, दो वच्छगावती, दो रम्मा, दो रम्मगा, दो रमणिज्जा, दो मंगलावती, दो पम्हा, दो सुपम्हा, दो महापम्हा, दो पम्हगावती, दो संखा, दो णलिणा, दो कुमुया, दो सलिलावती, दो वप्पा, दो सुवप्पा, दो महावप्पा, दो वप्पगावती, दो वग्गू, दो सुवग्गू, दो गंधिला, दो गंधिलावती 32, दो खेमाओ, दो खेमपुराओ, दो रिट्ठाओ, दो रिट्ठपुराओ, दो खग्गीतो, दो मंजूसाओ, दो ओसधीओ, दो पुंडरिगिणाओ, दो सुसीमाओ, दो कुंडलाओ, दो अपराजियाओ, दो पभंकराओ, दो अंकावईओ, दो पम्हावईओ, दो सुभाओ, दो रयणसंचयाओ, दो आसपुराओ, दो सीहपुराओ, दो महापुराओ, दो विजयपुराओ, दो अवराजिताओ, दो अरयाओ, दो असोगाओ, दो विगयसोगाओ,
Page #25
--------------------------------------------------------------------------
________________ ठाणंगसुत्तं (मूलम्) दो विजयाओ, दो वेजयंतीओ, दो जयंतीओ, दो अपराजियाओ, दो चक्कपुराओ, दो खग्गपुराओ, दो अवज्झाओ, दो अउज्झाओ 32,.. दो भद्दसालवणा, दो गंदणवणा, दो सोमणसवणा, दो पंडगवणाई, दो पंडुकंबलसिलाओ, दो अतिपंडुकंबलसिलाओ, दो रत्तकंबलसिलाओ, दो अतिरत्तकंबलसिलाओ, , दो मंदरा, दो मंदरचूलिताओ। 101. धायइसंडस्स णं दीवस्स वेदिया दो गाउयाई उड्ढमुच्चत्तेणं पण्णत्ता। 102. कालोदस्स णं समुदस्स वेड्या दो गाउयाइं उटुंउच्चत्तेणं पण्णत्ता / 103. पुक्खरवरवदीवड्डपुरथिमद्धे णं मंदरस्स पव्वयस्स उत्तरदाहिणेणं दो वासा पन्नत्ता बहुसमतुल्ला जाव भरहे चेव एरवए चेव, तहेव जाव दो कुराओ पन्नत्ताओ० देवकुरा चेव उत्तरकुरा चेव / तत्थ णं दो महतिमहालया महदुमा पन्नत्ता, तंजहा-कूडसामली चेव पउमरुक्खे चेव, देवा गरुले चेव वेणुदेवे, पउमे चेव, जाव छव्विहं पि कालं पच्चणुभवमाणा विहरति / पुक्खरवरदीवडपच्चत्थिमद्धे णं मंदरस्स पव्वयस्स उत्तरदाहिणेणं दो वासा : पन्नत्ता तहेव, णाणत्तं कूडसामली चेव, महापउमरुक्खे चेव, देवा गरुले चेव वेणुदेवे, पुंडरीए चेव / पुक्खरवरदीवढे णं दीवे दो भरहाइं, दो एरवताई, जाव दो मंदरा, दो मंदरचूलियाओ। 104. पुक्खरवरस्स णं दीवस्स वेइया दो गाउयाइं उडमुच्चत्तेणं पन्नत्ता / सव्वेसिं पि णं दीवसमुद्दाणं वेदियाओ दो गाउयाई उद्दमुच्चत्तेणं पन्नत्ताओ। 105. दो असुरकुमारिंदा पण्णत्ता, तंजहा-चमरे चेव बली चेव / दो णागकुमाररिंदा .. पण्णत्ता, तंजहा-धरणे चेव भूयाणंदे चेव 2 / दो सुवनकुमारिंदा पन्नत्ता, तंजहा-वेणुदेवे चेव वेणुदाली चेव 3 / दो विजुकुमारिंदा पण्णत्ता, तंजहाहरिच्चेव हरिस्सहे चेव 4 / दो अग्गिकुमारिंदा पन्नत्ता, तंजहा-अग्गिसिंहे . चेव अग्गिमाणवे चेव 5 / दो दीवकुमारिंदा पण्णत्ता, तंजहा-पुन्ने चेव वसिट्टे चेव 6 / दो उदहिकुमारिंदा पण्णत्ता, तंजहा-जलकंते चेव जलप्पभे चेव ' 7 / दो दिसाकुमारिंदा पन्नत्ता, तंजहा-अभियगती चेव अमितवाहणे चेव
Page #26
--------------------------------------------------------------------------
________________ ठाणंगसुत्तं (मूलम्) 8 / दो वातकुमारिंदा पन्नत्ता, तंजहा-वेलंबे चेव पभंजणे चेव 9 / दो.. थणियकुमारिंदा पण्णत्ता, तंजहा-घोसे चेव महाघोसे चेव 10 / दो पिसाइंदा पन्नत्ता, तंजहा-काले चेव महाकाले चेव 1 / दो भूइंदा. .. पन्नत्ता, तंजहा-सुरूवे चेव पडिरूवे चेव 2 // दो जक्खिंदा पन्नत्ता, तंजहा-पुन्नभद्दे चेव माणिभद्दे चेव 3 / दो रक्खसिंदा पन्नत्ता, तंजहा-भीमे चेव महाभीमे चेव 4 / दो किन्नरिंदा पन्नत्ता, तं जहा-किन्नरे चेव किंपुरिसे चेव 5 / दो किंपुरिसिंदा पन्नत्ता, तंजहा-सप्पुरिसे चेव महापुरिसे चेव 6 / दो महोरगिंदा पन्नत्ता, तं जहाअतिकाए चेव महाकाए चेव 7 / दो गंधव्विंदा पन्नत्ता, तंजहा-गीतरती चेव गीयजसे चेव 8 // दो अणपन्निंदा पन्नत्ता, तंजहा-संनिहिए चेव सामाणे चेव 1 / दो पणपन्निंदा : पन्नत्ता, तंजहा-धाते चेव विधाते चेव 2 / दो इसिवाइंदा पन्नत्ता, तंजहा-इसिच्चेव इसिवालए चेव 3 / दो भूतवाइंदा पन्नत्ता, तंजहा-इस्सरे चेव महिस्सरे चेव / / दो कंदिंदा पन्नत्ता तंजहा-सुवच्छे चेव विसाले चेव 5 / दो महाकंदिंदा पन्नत्ता, तंजहा-हस्से चेव हस्सरती चेव 6 / दो कुभंडिंदा पन्नत्ता, तंजहा-सेए चेव महासेए चेव 7 / दो पतंइंदा पन्नत्ता, तंजहा-पतए चेव पतयवई चेव / / ____ जोतिसियाणं देवाणं दो इंदा पन्नत्ता, तंजहा-चंदे चेव सूरे चेव / सोहम्मीसाणेसु णं कप्पेसु दो इंदा पन्नत्ता, तंजहा-सक्के चेव ईसाणे चेव। एवं सणंकुमार-माहिंदेसु कप्पेसु दो इंदा पन्नत्ता, तंजहा-सणंकुमारे चेव माहिंदे चेव / बंभलोग-लतएसु णं कप्पेसु दो इंदा पन्नत्ता, तंजहा-बंभे चेव लंतए चेव। महासुक्क-सहस्सारेसु णं कप्पेसु दो इंदा पन्नत्ता, तंजहा-महासुक्के चेव सहस्सारे चेव / आणतपाणतारणच्चुतेसु णं कप्पेसु दो इंदा पन्नत्ता, तंजहा-पाणते चेव अच्चुते चेव / महासुक्क-सहस्सारेसु णं कप्पेसु विमाणा दुवण्णा पन्नत्ता, तंजहा-हालिद्दा चेव सुक्किसा चेव / गेविजगा णं देवा णं दो रयणीओ उद्दमुच्चत्तेणं पन्नत्ता / // तइओ उद्देसओ समत्तो //
Page #27
--------------------------------------------------------------------------
________________ 27 ठाणंगसुत्तं (मूलम्) (चउत्थो उद्देसओ) 106. समया ति वा आवलिया ति वा जीवा ति या अजीवा ति या पवुच्चति . 1, आणापाणू ति वा थोवा ति वा जिवा ति या अजीवा ति या पवुच्चति . 2, खणा ति वा लवा ति वा जीवा ति या अजीवा ति या पवुच्चति. 3, एवं मुहुत्ता ति वा अहोरत्ता ति वा 4, पक्खा ति वा भासा ति वा / 5, उदू ति वा अयणा ति वा 6, संवच्छरा ति वा जुगा ति वा 7, वाससता ति वा वाससहस्सा ति वा 8, वाससतसहस्सा ति वा वासकोडी ति वा 9, पुव्वंगा ति वा पुव्वा ति वा 10, तुडियंगा ति वा तुडिया ति वा 11, अटटंगा ति वा अटटा ति वा 12, अववंगा ति वा अववा ति वा 13, हूहूयंगा ति वा हूहूया ति वा 14, उप्पलंगा ति वा उप्पला ति वा 15, पउमंगा ति वा पउमा ति वा 16, णलिणंगा ति वा णलिणा ति वा 17, अत्थणिकुरंगा ति वा अत्थणिउरा ति वा 18, अउअंगा ति वा अउआ ति वा 19, णउअंगा ति वा पउआ ति वा 20, पउतंगा ति वा पउता ति वा 21, चूलितंगा ति वा चूलिता ति वा 22, सीसपहेलियंगा ति वा सीसपहेलिया ति वा 23, पलिओवमा ति वा. सागरोवमा ति वा 24, उस्सप्पिणी ति वा ओसप्पिणी ति वा जीवा ति . या अजीवा ति या पच्चति 25 / / 'गामा ति वा णगरा ति वा 1, निगमा ति वा रायहाणी ति वा 2,. खेडा ति वा कब्बडा ति वा 3, मडंबा ति वा दोणमुहा ति वा 4, पट्टणा ति वा आगरा ति वा 5, आसमा ति वा संबाहा ति वा 6, संनिवेसाइ.वा घोसा ति वा 7, आरामा ति वा उजाणा ति वा 8, वणा ति वा वणसंडा ति वा 9, वावी ति वा पुक्खरणी ति वा 10, सरा ति वा सरपंतिता ति वा 11, अगडा ति वा तलागा ति वा 12, दहा ति वा णदी ति वा 13, पुढवी ति वा उदही ति वा 14, वातखंधा ति वा उवासंतरा ति वा 15, वलता ति वा विग्गहा ति वा 16, दीवा ति वा समुद्दा ति वा 17, वेला ति वा ''. वेतिता ति वा 18, दारा ति वा तोरणा ति वा 19, णेरतिता ति वा णेरतितावासा .
Page #28
--------------------------------------------------------------------------
________________ ..28 ठाणंगसुत्तं (मूलम्) ति वा 20, जाव वेमाणिया ति वा वेमाणियावासा ति वा 43, कप्पा ति वा कप्पविमाणावासा ति वा 44, वासा ति वा वासधरपव्वता ति वा 45, कूडा ति वा कूडागारा ति वा 46, विजया ति वा रायहाणी ति वा 47, जीवा ति या अजीवा ति या पवुच्चति / छाया ति वा आतवा ति वा 1, दोसिणा ति वा अंधगारा ति वा 2, वा 4, अवलिंबा ति वा सणिप्पवाता ति वा 5, जीवा ति या अजीवा ति 107. दुविहे बंधे पन्नत्ते, तंजहा-पेजबंधे चेव दोसबंधे चेव / जीवा णं दोहिं ठाणेहिं पावं कम्मं बंधंति, तंजहा-रागेण चेव दोसेण चेव / जीवा णं दोहिं ठाणेहिं पावं कम्मं उदीरेंति, तंजहा-अब्भोवगमिताते चेव वेतणाते, उवक्कमिताते चेव वेयणाते / एवं वेदेति, एवं णिज्जरेंति अब्भोवगमिताते चेव वेयणाते, उवक्कमिताते चेव वेयणाते / 108. दोहिं ठाणेहिं आता सरीरं फुसित्ताणं णिजाति, तंजहा-देसेण वि आता सरीरं फुसित्ताणं णिज्जाति, सव्वेण वि आया सरीरं फुसित्ताणं णिज्जाति, एवं फुरित्ताणं, एवं फुडित्ताणं, एवं संवदृतित्ताणं, एवं निव्वदृतित्ताणं / 109. दोहिं ठाणेहिं आता केवलिपन्नत्तं धम्मं लभेजा सवणताते, तंजहा-खतेण चेव उवसमेण चेव, एवं जाव मणपजवनाणं उप्पाडेजा, तंजहा-खतेण चेव उवसमेण चेव / 110. दुविहे अद्धोवमिए पन्नत्ते, तंजहा-पलिओवमे चेव सागरोवमे चेव / से किं तं पलिओवमे ? पलिओवमेजं जोयणवित्थिन्नं, पल्लं एगाहियप्परूढाणं / / होज निरंतिरणिचित्तं, भरितं बालग्गकोडीणं // 4 // वाससते वाससते, एक्वेक्के अवहडंमि जो कालो / सो कालो बोद्धव्वो, उवमा एगस्स पल्लस्स. // 5 //
Page #29
--------------------------------------------------------------------------
________________ ठाणंगसुत्तं (मूलम्) एतेसिं पल्लाणं, कोडाकोडी हवेज दसगुणिता / तं सागरोवमस्स उ, एगस्स भवे परीमाणं // 6 // 111. दुविहे कोहे पन्नत्ते, तंजहा-आयपतिट्ठिते चेव परपइट्ठिए चेव, एवं नेरइयाणं जाव वेमाणियाणं / एवं जाव मिच्छादसणसल्ले / 112. दुविहा संसारसमावन्नगा जीवा पन्नत्ता, तंजहा-तसा चेव थावरा चेव / ' दुविधा सव्वजीवा पन्नत्ता, तंजहा-सिद्धा चेव असिद्धा चेव / दुविहा. सव्वजीवा पण्णत्ता, तंजहा-सइंदिया चेव अणिंदिया चेव / एवं एसा गाहा: फासेतव्वा जाव ससरीरी चेव असरीरी चेव - सिद्ध-सइंदिय-काए, जोगे वेदे कसाय लेसा य / णाणुवओगाहारे, भासग-चरिमे य ससरीरी // 7 // 113. दो मरणाई समणेणं भगवता महावीरेणं समणाणं णिगंथाणं णो णिच्चं वन्नियाई णो णिच्चं कित्तियाई णो णिच्चं पूइयाइं णो णिच्चं पसत्थाई णो , णिच्चं अब्भणुण्णाताई भवंति, तंजहा-वलतमरणे चेव वसट्टमरणे चेव 1 // एवं णियाणमरणे चेव तब्भवमरणे चेव 2 / गिरिपडणे चेव तरुपडणे चेव 3 // जलप्पवेसे चेव जलणप्पवेसे चेव 4 / विसभक्खणे चेव सत्थोवाडणे चेव 5 / दो मरणाइं जाव णो णिच्चं अब्भणुन्नाताई भवंति, कारणेण पुण अप्पडिकुट्ठाई, तंजहा-वेहाणसे चेव गिद्धपढे चेव 6 / दो मरणाइं समणेणं भगवया महावीरेणं समणाणं निग्गंथाणं णिच्चं वन्नियाई जाव अब्भणुण्णाताई भवंति, तंजहा-पाओवगमणे चेव भत्तपच्चक्खाणे चेव 7 / पाओवगमणे दुविहे पन्नत्ते, तंजहा-णीहारिमे चेव अनीहारिमे चेव, णियमं. अपडिकम्मे 8 / भत्तपच्चक्खाणे दुविहे पन्नत्ते, तंजहा-णीहारिमे चेव अणीहारिमे. चेव, णियमं सपडिकम्मे 9 / 114. के अयं लोगे ? जीवच्चेव अजीवच्चेव / के अणंता लोए ? जीवच्चेव अजीवच्चेव / के सासया लोगे ? जीवच्चेव अजीवच्चेव / 115. दुविधा बोधी पन्नत्ता, तंजहा-णाणबोधी चेव दंसणबोधी चेव / दुविहा बुद्धा पन्नत्ता, तंजहा-णाणबुद्धा चेव दंसणबुद्धा चेव / एवं मोहे, मूढा।
Page #30
--------------------------------------------------------------------------
________________ . .. ... 30 ठाणंगसुत्तं (मूलम्) 116. णाणावरणिजे कम्मे दुविधे पन्नत्ते, तंजहा-देसणाणावरणिजे चेव सव्वणाणावरणिज्जे चेव / दरिसणावरणिजे कम्भे एवं चेव / - वेयणिजे कम्मे दुविहे पन्नत्ते तंजहा-सातावेयणिजे चेव असातावेयणिजे मोहणिजे कम्मे दुविहे पन्नत्ते, तंजहा-दंसणमोहणिजे चेव चरित्तमोहणिजे चेव / आउए कम्मे दुविहे पन्नत्ते, तंजहा-अद्धाउए चेव भवाउए चेव / णामे कम्मे दुविहे पन्नत्ते, तंजहा-सुभणामे चेव असुभणामे चेव / अंतराइए कम्मे दुविहे पन्नत्ते, तंजहा-पडुप्पन्नविणासिए चेव, पिहेति य आगामिपहं / 117. दुविहा मुच्छा पन्नत्ता, तंजहा-पेजवत्तिता चेव दोसवत्तिता चेव / पेज्जवत्तिता मुच्छा दुविहा पन्नत्ता, तंजहा-माया-चेव / दोसवत्तिता मुच्छा दुविहा पन्नत्ता, तंजहा-कोधे चेव माणे चेव / 118. दुविधा आराहणा पन्नत्ता, तंजहा-धम्मिताराहणा चेव केवलिराहणा चेव। . धम्मियाराहणा दुविहा पन्नत्ता, तंजहा-अंतकि रिया. चेव कप्पविमाणोववत्तिया चेव / 119. दो तित्थगरा नीलुप्पलसामा वण्णेणं पन्नत्ता, तंजहा-मुणिसुव्वते चेव अरिट्ठनेमी चेव / दो तित्थगरा पियंगुसामा वण्णेणं पन्नत्ता, तंजहा-मल्ली चेव पासे चेव। दो तित्थयरा पउमगोरा वण्णेणं पन्नत्ता, तंजहा-पउमप्पहे चेव वासुपुजे चेव / दो तित्थगरा चंदगोरा वण्णेणं पन्नत्ता, तंजहा-चंदप्पभे चेव पुप्फदंते चेव। 120. सच्चप्पवायपुव्वस्स णं दुवे वत्थू पन्नत्ता / . 121. पुव्वाभद्दवयाणक्खत्ते दुतारे पन्नत्ते / उत्तराभद्दवयाणक्खत्ते दुतारे पण्णत्ते / . एवं पुव्वा फग्गुणी उत्तरा फग्गुणी / /
Page #31
--------------------------------------------------------------------------
________________ 122. अंतो णं मणुस्सखेत्तस्स दो समुद्दा पन्नत्ता, तंजहा-लवणे चेव कालोदे चेव / 123. दो चक्कवट्टी अपरिचत्तकामभोगा कालमासे कालं किच्चा अहेसत्तमाए पुढवीए अप्पतिट्ठाणे णरए णेरइयत्ताए, उववन्ना, तंजहा-सुभूमे चेव बंभदत्ते चेव / 124. असुरिंदवज्जियाणं भवणवासीणं देवाणं देसूणाई दो पलिओवमाइं ठिती पन्नत्ता 1 / सोहम्मे कप्पे देवाणं उक्कोसेणं दो सागरोवमाई ठिती पन्नत्ता 2 / इसाणे कप्पे देवाणं उक्कोसेणं सातिरेगाइं दो सागरोवमाइं ठिती पन्नत्ता 3 / सणंकुमारे कप्पे देवाणं जहन्नेणं दो सागरोवमाइं ठिती पन्नत्ता 4 / माहिंदे कप्पे देवाणं जहन्नेणं साइरेगाइं दो सागरोवमाइं ठिती पन्नत्ता 5 / . दोसु कप्पेसु कप्पित्थियाओ पन्नत्ताओ, तंजहा-सोहम्मे चेव ईसाणे चेव . दोसु कप्पेसु देवा तेउलेस्सा पन्नत्ता, तंजहा-सोहम्मे चेव ईसाणे चेव 2 / दोसु कप्पेसु देवा कायपरियारगा पन्नत्ता, तंजहा-सोहम्मे चेव ईसाणे चेव 3 / दोसु कप्पेसु देवा फासपरियारगा पन्नत्ता, तंजहा-सणंकुमारे चेव माहिंदे चेव 4 / दोसु कप्पेसु देवा रूवपरियारगा पन्नत्ता, तंजहा-बंभलोगे चेव लंतगे चेव 5 / दोसु कप्पेसु देवा सद्दपरियारगा पन्नत्ता, तंजहा-महासुक्के चेव सहस्सारे चेव 125. जीवा णं दुट्ठाणणिव्वत्तिते पोग्गले पावकम्मत्ताए चिणिंसु वा चिणंति वा चिणिस्संति वा, तंजहा-तसकायनिव्वत्तिो चेव थावरकायनिव्वत्तिते चेव 1 / एवं उवचिणिंसु वा उवचिणंति वा उवचिणिस्संति वा 2, बंधिंसु वा वेदेंसु वा वेदेति वा वेदिस्संति वा 5, णिजरिंसु वा णिजरिंति वा णिजरिस्संति वा 6 / 126. दुपएसिता खंधा अणंता पण्णत्ता / दुपदेसोगाढा पोग्गला अणंता पन्नत्ता। एवं जाव दुगुणलुक्खा पोग्गला अणंता पण्णत्ता / // 4 // दुट्ठाणं समत्तं //
Page #32
--------------------------------------------------------------------------
________________ ठाणंगसुत्तं (मूलम्) तइयं अज्झयणं 'तिट्ठाणं' (पढमो उद्देसओ) 127. तयो इंदा पण्णत्ता, तंजहा-णामिंदे, ठवणिंदे, दविंदे / तओ इंदा पन्नत्ता, तंजहा-णाणिंदे, दंसणिंदे, चरित्तिंदे / / तयो इंदा पन्नत्ता, तंजहा-देविंदे, असुरिंदे, मणुस्सिंदे / 128. तिविहा विकुव्वणा पन्नत्ता, तंजहा-बाहिरते पोग्गलए परियातित्ता एगा विकुव्वणा, बाहिरते पोग्गले अपरियादित्ता एगा विकुव्वणा, बाहिरए पोग्गले परियादित्ता वि अपरियादित्ता वि एगा विकुव्वणा / / तिविहा विकुव्वणा पन्नत्ता, तंजहा-अब्भंतरए पोग्गले परियाइत्ता एगा विकुव्वणा, अब्भंतरए पोग्गले अपरियाइत्ता एगा विकुव्वणा, अब्भंतरए पोग्गले परियातित्ता वि अपरियाइत्ता वि एगा विकुव्वणा / तिविहा विकुव्वणा पन्नत्ता, तंजहा-बाहिरब्भंतरए पोग्गले परियाइत्ता एगा विकुव्वणा, बाहिरब्भंतरए पोग्गले अपरियादित्ता एगा विकुव्वणा, बाहिरब्भंतरए पोग्गले परियाइत्ता वि अपरियाइत्ता वि एगा विकुव्वणा / 129. तिविहा नेरइया पन्नत्ता, तंजहा-कतिसंचिता, अकतिसंचिता, ' अवत्तव्वगसंचिता / एवमेगिंदियवज्जा जाव वेमाणिया / 130. तिविहा परियारणा पन्नत्ता, तंजहा-एगे देवे अन्ने देवे अन्नेसिं देवाणं देवीओ * अभिमुंजिय 2 परियारेति, अप्पणिजियाओ देवीओ अभिजुंजिय 2 परियारेति, अप्पाणमेव अप्पणा विकुव्विय 2 परियारेति / एगे देवे णो अन्ने देवे णो अन्नेसिं देवाणं देवीओ अभिजुंजिय 2 परियारेति, अप्पणिजियाओ देवीओ अभिमुंजिय 2 परियारेइ, अप्पाणमेव अप्पणा विकुव्विय 2 परियारेति / एगे देव णो अन्ने देवे णो अन्ने देवे णो अन्नेसिं देवाणं देवीओ णो अप्पणिज्जियाओ (देवीओ अभिजुंजिय 2 परितारेति), अप्पाणमेव अप्पणा विकुव्विय 2 परियारेति / 131. तिविहे मेहुणे पन्नत्ते, तंजहा-दिव्वे, माणुस्सते, तिरिक्खजोणीते / / तओ मेहुणे गच्छंति, तंजहा-देवा, मणुस्सा तिरिक्खजोणिता / तओ मेहुणं सेवंति, तंजहा-इत्थी, पुरिसा, णपुंसगा। ...
Page #33
--------------------------------------------------------------------------
________________ . ठाणंगसुत्तं (मूलम्) 132. तिविहे जोगे पन्नत्ते, तंजहा-मणजोगे, वतिजोगे, कायजोगे। एवं णेरइयाईणं विगलिंदियवजाणं जाव वेमाणियाणं / तिविहे पओगे पन्नत्ते, तंजहा-मणपओगे, वतिपओगे, कायपओगे / जहा. जोगो विगलिंदियवज्जाणं तथा पओगो वि / तिविहे करणे पन्नत्ते, तंजहा-मणकरणे, वतिकरणे, कायकरणे / एवं.. विगलिंदियवजं जाव वेमाणियाणं / तिविहे करणे पन्नत्ते, तंजहा-आरंभकरणे, संरंभकरणे, समारंभकरणे / निरंतरं जाव वेमाणियाणं / 133. तिहिं ठाणेहिं जीवा अप्पाउयत्ताए कम्मं पगरेंति, तंजहा-पाणे अतिवातित्ता भवति, मुसं वतित्ता भवति, तहारूवं समणं वा माहणं वा अफासुएणं अणेसणिज्जेणं असण-पाण-खाइम-साइमेणं पडिलाभेत्ता भवति, इच्चेतेहिं तिहिं ठाणेहिं जीवा अप्पउयत्ताए कम्मं पगरेंति / तिहिं ठाणेहिं जीवा दीहाउयत्ताए कम्मं पगरेंति, तंजहा-णो पाणे अतिवातित्ता भवति, णो मुसं वतित्ता भवति, तधारूवं समणं वा माहणं वा फासुतेसणिजेणं असण-पाण-खाइम-साइमेणं पडिलाभेत्ता भवति, इच्चेतेहिं तिहिं ठाणेहिं जीवा दीहाउयत्ताए कम्मं पगरेंति / __तिहिं ठाणेहिं जीवा असुभदीहाउयत्ताए कम्मं पगरेंति, तंजहा-पाणे : अतिवातित्ता भवति, मुसं वतित्ता भवति, तहारूवं समणं वा माहणं वा हीलित्ता प्रिंदित्ता खिंसित्ता गरहित्ता अवमाणित्ता अन्नयरेणं अमणुण्णेणं अपीतिकारतेणं असण-पाण-खाइम-साइमेणं पडिलाभित्ता भवति, इच्चेतेहिं तिहिं ठाणेहिं जीवा असुभदीहाउअत्ताए कम्मं पगरेंति / __ तिहिं ठाणेहिं जीवा सुभदीहाउअत्ताए कम्मं पगरेंति, तंजहा-णो पाणे अतिवातित्ता भवति, णो मुसं वदित्ता भवइ, तहारूवं समणं वा माहणं वा वंदित्ता नमंसित्ता सक्कारेत्ता सम्माणेत्ता कल्लाणं मंगलं देवतं चेतितं पज्जुवासेत्ता मणुण्णेणं पीतिकारएणं असण-पाण-खाइम-साइमेणं पडिलाभेत्ता भवति, इच्चेतेहिं तिहिं ठाणेहिं जीवा सुभदीहाउयत्ताए कम पगरेंति / 134. ततो गुत्तीतो पन्नत्ताओ, तंजहा-मणुगुत्ती, वतिगुत्ती, कायगुत्ती / संजतमणुस्साणं ततो गुत्तीओ पण्णत्ताओ, तंजहा-मणगुत्ती, वइगुत्ती,
Page #34
--------------------------------------------------------------------------
________________ 34 ठाणंगसुत्तं (मूलम्) कायगुत्ती / तओ अगुत्तीओ पन्नत्ताओ, तंजहा-मणअगुत्ती, वइअगुत्ती, कायअगुत्ती। एवं नेरइताणं जाव थणियकुमाराणं, पंचिंदियतिरिक्खजोणियाणं असंजतमणुस्साणं वाणमंतराणं जोइसियाणं वेमाणियाणं / . ततो दंडा पन्नत्ता, तंजहा-मणदंडे, वइदंडे, कायदंडे / (नेरइयाणं तओ दंडा पण्णत्ता, तंजहा-मणदंडे, वइदंडे, कायदंडे / ) विगलिंदियवजं जाव वेमाणियाणं / 135. तिविहा गरहा पन्नत्ता, तंजहा-मणसा वेगे परहति, वयसा वेगे गरहति, कायसा वेगे गरहति पावाणं कम्माणं अकरणयाए / अहवा गरहा तिविहा पन्नत्ता, तंजहा-दीहं पेगे अद्धं गरहति, रहस्सं पेगे अद्धं गरहति, कायं पेगे पडिसाहरति पावाणं कम्माणं अकरणयाए / 136. तिविहे पच्चक्खाणे पन्नत्ते, तंजहा-मणसा वेगे पच्चक्खाति, वयसा वेगे पच्चक्खाति / एवं जधा गरहा तधः पच्चक्खाणे वि दो आलावगा भामितव्वा / 137. ततो रुक्खा पन्नत्ता, तंजहा-पत्तोवते, पुप्फोवते, फलोवते / एवामेव ततो पुरिसजाता पन्नत्ता, तंजहा-पत्तोवारुक्खसामाणे, पुप्फोवारुक्खसामाणे, फलोवारुक्खसामाणे / ततो पुरिसजाता पन्नत्ता, तंजहा-नामपुरिसे, ठवणपुरिसे, दव्वपुरिसे 1 / ततो पुरिसजाया पन्नत्ता, तंजहा-नाणपुरिसे, दंसणपुरिसे, चरित्तपुरिसे 2 // तओ पुरिसज्जाता पन्नत्ता, तंजहा-वेदपुरिसे, चिंधपुरिसे, अभिलावपुरिसे 3 / तिविहा पुरिसा पन्नत्ता, तंजहा-उत्तमपुरिसा, मज्झिमपुरिसा, जहन्नपुरिसा 4aa. (1) उत्तमपुरिसा तिविहा पन्नत्ता, तंजहा-धम्मपुरिसा, भोगपुरिसा, कम्मपुरिसा / धम्मपुरिसा अरहंता भोगपुरिसा चक्कवट्टी, कम्मपुरिसा वासुदेवा 5 / (2) मज्झिमपुरिसा तिविधा पन्नत्ता, तंजहा-उग्गा, भोगा, राइन्ना 6 / (3) जहन्नपुरिसा तिविहा पन्नत्ता, तंजहा-दासा, भयगा, भातिल्लगा 7 / 138. तिविधा मच्छा पन्नत्ता, तंजहा-अंडया, पोतया, संमुच्छिमा। अंडया मच्छा तिविहा पन्नत्ता, तंजहा-इत्थी, पुरिसा, णपुंसगा। पोतया मच्छा तिविहा
Page #35
--------------------------------------------------------------------------
________________ ठाणंगसुत्तं (मूलम्) पन्नत्ता, तंजहा-इत्थी, पुरिसा, णपुंसगा / तिविधा पक्खी पन्नत्ता, तंजहा-अंडया पोतया, संमुच्छिमा / अंडया पक्खी तिविधा पन्नत्ता, तंजहा-इत्थी, पुरिसा, णपुंसगा / पोतजा पक्खी तिविहा पन्नत्ता, तंजहा-इत्थी, पुरिसा, णपुंसगा। .. एवमेतेणं अभिलावेणं उरपरिसप्पा वि भाणियव्वा, भुजपरिसप्पा वि भामियव्वा / 139. (1) एवं चेव तिविहाओ इत्थीओ पन्नत्ताओ, तंजहा-तिरिक्खजोणियाओ, मणुस्सित्थीओ, देवित्थीओ। तिरिक्खजोणित्थीओ तिविधातो पन्नत्ताओ,. तंजहा-जलचरीओ, थलचरीओ, खहचरीओ / मणुस्सित्थीओ तिविधाओ पन्नत्ताओ, तंजहा-कम्मभूमियाओ, अकम्मभूमियाओ, अंतरदीविगाओ। (2) तिविधा पुरिसा पन्नत्ता, तंजहा-तिरिक्खजोणियपुरिसा, मणुस्सपुरिसा, देवपुरिसा 1 / तिरिक्खजोणियपुरिसा, तिविधा पन्नत्ता, तंजहा-जलचरा, थलचरा, खहचरा 2 / मणुस्सपुरिसा तिविधा पन्नत्ता, तंजहा-कम्मभूमया, अकम्मभूमया, अंतरदीवगा / (3) तिविधा नपुंसगा पन्नत्ता, तंजहा-णेरतियनपुंसगा, तिरिक्खजोणियनपुंसगा, मणुस्सनपुंसगा 1 / तिरिक्खजोणियनपुंसगा तिविधा पन्नत्ता, तंजहा-जलचरा, थलचरा, खहचरा 2 / मणुस्सनपुंसगा तिविधा पन्नत्ता, तंजहा-कम्मभूमगा, अकम्मभूमगा, अंतरदीवगा / (4) तिविहा तिरिक्खजोणिया पन्नत्ता, तंजहा-इत्थी, पुरिसा, नपुंसगा / 140. नेरइयाणं तओ लेस्सातो पन्नत्ताओ, तंजहा-कण्हलेसा नीललेसा काउलेसा। असुरकुमाराणं ततो लेस्साओ संकिलिट्ठाओ पन्नत्ताओ, तंजहा-कण्हलेसा नीललेसा काउलेसा, एवं जाव थणियकुमाराणं, एवं पुढविकाइयाणं, आउ-वणस्सतिकाइयाण वि / तेउकाइयाणं वाउकाइयाणं बेइंदियाणं ते इंदियाणं चउरिंदियाणं तओ लेस्सा जधा नेरइयाणं / पंचेंदियतिरिक्खजोणियाणं तओ लेस्साओ संकिलिट्ठाओ पन्नत्ताओ, तंजहाकण्हलेसा नीललेसा काउलेसा / पंचेंदियतिरिक्खजोणियाणं तओ लेसाओ असंकिलिट्ठाओ पन्नत्ताओ, तंजहा-तेउलेसा पम्हलेसा सुक्कलेसा, एवं
Page #36
--------------------------------------------------------------------------
________________ ठाणंगसुत्तं (मूलम्) मणुस्साण वि / वाणमंतराणं जधा असुरकुमाराणं / वेमाणियाणं तओ लेस्साओ पन्नत्ताओ, तंजहा-तेउलेसा पम्हलेसा सुक्कलेसा / 141. तिहिं ठाणेहिं तारारूवे चलेजा, तंजहा-विकुव्वमाणे वा, परियारेमाणे वा, ठाणातो वा ठाणं संकममाणे तारारूवे चलेजा। तिहिं ठाणेहिं देवे विजुतारं करेजा, तंजहा-विकुव्वमाणे वा, परियारेमाणे वा, तहारूवस्स समणस्स वा माहणस्स वा इढेि जुतिं जसं बलं वीरियं पुरिसगारपरक्कम उवदंसेमाणे देवे विजुतारं करेजा। तिहिं ठाणेहिं देवे थणियसदं करेजा, तंजहा-विकुव्वमाणे, एवं जहा विजुतारं तहेव थणितसदं पि।। 142. तिहिं ठाणेहिं लोगंधयारे सिया, तंजहा-अरहंतेहिं वोच्छिज्जमाणेहिं, अरहंतपण्णत्ते धम्मे वोच्छिलजमाणे, पुव्वगते वोच्छिज्जमाणे 1 // . . तिहिं ठाणेहिं लोगुजोते सिया, तंजहा-अरहंतेहिं जायमाणेहिं, अरहंतेसु पव्वयमाणेसु, अरहंताणं णाणुप्पयमहिमासु 2 / / तिहिं ठाणेहिं देवगंधारे सिया, तंजहा-अरहंतेहिं वोच्छिजमाणे हिं, अरहंतपण्णत्ते धम्मे वोच्छिज्जमाणे, पुव्वगते वोच्छिजमाणे 3 / तिहिं ठाणेहिं देवुजोते सिया, तंजहा-अरहंतेहिं जायमाणेहिं, अरहंतेहिं पव्वयमाणेहिं, अरहंताणं णाणुप्पयमहिमासु 4 / तिहिं ठाणेहिं देवसंनिवाए सिया तंजहा-अरहंतेहिं जायमाणेहिं, अरहंतेहिं पव्वयमाणेहिं, अरहंताणं नाणुप्पयमहिमासु 5, एवं देवुक्कलिता 6, देवकहकहए 7 / तिहिं ठाणेहिं देविंदा माणुसं लोगं हव्वमागच्छंति, तंजहा-अरहंतेहिं जायमाणेहिं, अरहंतेहिं पव्वयमाणेहिं, अरहंताणं णाणुप्पयमहिमासु 8 // एवं सामाणिया 9, तायत्तीसगा 10, लोगपाला देवा 11, अग्गमहिसीओ देवीओ 12, परिसोववन्नगा देवा 13, अणियाधिपती. देवा 14, आतरक्खा देवा 15, माणुसं लोगं हव्वमागच्छंति / ___ तिहिं ठाणेहिं देवा अब्भुटेजा, तंजहा-अरहंतेहिं जायमाणेहिं जाव ते चेव 1, एवमासणाइं चलेजा 2, सीहणातं करेजा 3, चेलुक्खेवं करेजा 4 / तिहिं ठाणेहिं देवाणं चेतितरुक्खा चलेजा, तंजहा-अरहंतेहिं तं चेव 5 /
Page #37
--------------------------------------------------------------------------
________________ ठाणंगसुत्तं (मूलम्) तिहिं ठाणेहिं लोगंतिया देवा माणुसं लोगं हव्वमागच्छेज्जा, तंजहा-अरहंतेहिं जायमाणेहिं, अरहंतेहिं पव्वयमाणेहिं, अरहंताणं णाणुप्पयमहिमासु / 143. तिण्हं दुप्पडियारं समणाउसो, तंजहा-अम्मापिउणो, भट्टिस्स, धम्मायरियस्स। (1) संपातो वि य णं केति पुरिसे अम्मापियरं सयपागसहस्सपागेहिं तेल्लेहिं अब्भंगेत्ता सुरभिणा गंधट्टएणं उव्वट्टित्ता तिहिं उदगेहिं मजावित्ता सव्वालंकारविभूसियं करेत्ता मणुण्णं थालीपागसुद्धं अट्ठारसवंजणाउलं भोयणं भोयावेत्ता जावजीवं पिट्ठिवडेंसियाए परिवहेजा, तेणावि तस्स अम्मापिउस्स दुप्पडियारं भवइ / अहे णं से तं अम्मापियरं केवलिपण्णत्ते धम्मे आघवइत्ता पन्नवइत्ता परूवइत्ता ठावइत्ता भवति तेणामेव तस्स अम्मापिउस्स सुप्पडितारं भवति समणाउसो ! . (2) केति महच्चे दरिदं समुक्कसेजा, तते णं से दरिद्दे समुक्किट्टे समाणे पच्छा पुरं च णं विउलभोगसमितिसमन्नागते यावि विहरेज्जा, तते णं से महच्चे अन्नदा कयाइ दरिद्दीहूते समाणे तस्स दरिद्दस्स अंतिए हव्वमागच्छेज्जा, तते णं से दरिद्दे तस्स भट्टिस्स सव्वस्समवि दलयमाणे तेणावि तस्स दुप्पडियारं भवति / अहे णं से तं भट्टि केवलिपण्णत्ते धम्मे आघवइत्ता पनवइत्ता परूवइत्ता ठावइत्ता भवति तेणामेव तस्स भट्टिस्स सुप्पडियारं भवति / (3) केति तहारूवस्स समणस्स वा माहणस्स वा अंतियं एगमवि आरियं धम्मियं * सुवयणं सोच्चा निस्सम्म कालमासे कालं किच्चा अन्नयरेसु देवलोगेसु देवत्ताए उववन्ने, तते, णं से देवे तं धम्मायरियं दुब्भिक्खातो वा देसातो सुभिक्खं देसं साहरेजा, कंतारातो वा णिक्कंतारं करेजा, दीहकालिएणं वा रोगातंकेण अभिभूतं समाणं विमोएजा, तेणावि तस्स धम्मायरियस्स दुप्पडियारं भवति / अधे णं से त धम्मायरियं केवलिपण्णत्ताओ धम्मातो भट्ट समाणं भुजो वि केवलिपण्णत्ते धम्मे आघवतित्ता जाव ठावतित्ता भवति तेणामेव तस्स धम्मायरियस्स सुप्पडियारं भवति / 144. तिहिं ठाणेहिं संपन्ने अणगारे अणादीयं अणवदग्गं दीहमद्धं चाउरंतं संसारकंतारं वीतीवतेजा, तंजहा-अणिदाणयाए दिष्टिसंपन्नयाए जोगवाहियाए / 145. तिविहा ओसप्पिणी पन्नत्ता, तंजहा-उक्कस्सा मज्झिमा जहन्ना 1, एवं छाप्प
Page #38
--------------------------------------------------------------------------
________________ 38 ठाणंगसुत्तं (मूलम्) समाओ भाणियव्वाओ जाव दूसमदूसमा 7 / तिविहा उस्सप्पिणी पन्नत्ता, तंजहा-उक्कस्सा मज्झिमा जहन्ना 8, एवं छप्पि समाओ भाणियव्वाओ जाव सुसमसुसमा 14 / 146. तिहिं ठाणेहिं अच्छिन्ने पोग्गले चलेजा, तंजहा-आहारज्जमाणे वा पोग्गले चलेज्जा, विकुव्वमाणे वा पोग्गले चलेजा, ठाणातो वा ठाणं संकामिजमाणे पोग्गले चलेजा 1 // तिविधे उवधी पन्नत्ते, तंजहा-कम्मोवही सरीरोवही बाहिरभंडमत्तोक्ही / एवं असुरकुमाराणं भाणियव्वं, एवं एगिंदियनेरइयव्रजं जाव वेमाणियाणं 2 // अहवा तिविधे उवधी पन्नत्ते, तंजहा-सचित्ते अचित्ते मीसए। एवं णेरइयाणं निरंतरं जाव वेमाणियाणं 3 // तिविधे परिग्गहे पन्नत्ते, तंजहा-कम्मपरिग्गहे सरीरपरिग्गहे बाहिरभंडमत्तपरिग्गहे / एवं असुरकुमाराणं, एवं एगिंदियनेरतियवजं जाव वेमाणियाणं 4 / ____ अहवा तिविहे परिग्गहे पन्नत्ते, तंजहा-सचित्ते अचित्ते मीसए / एवं नेरतियाणं निरंतरं जाव वेमाणियाणं 5 / 147. तिविहे पणिधाणे पन्नत्ते, तंजहा-मणपणिहाणे वइपणिहाणे कायपणिहाणे। एवं पंचेंदियाणं जाव वेमाणियाणं / तिविधे सुप्पणिधाणे पन्नत्ते, तंजहा-मणसुप्पणिहाणे वइसुप्पणिहाणे कायसुप्पणिहाणे / संजतमणुस्साणं तिविधे सुप्पणिहाणे पन्नत्ते, तंजहामणसुप्पणिहाणे वइसुप्पणिहाणे कायसुप्पणिहाणे / तिविधे दुप्पणिहाणे पन्नत्ते, तंजहा-मणदुप्पणिहाणे वइदुप्पणिहाणे / कायदुप्पणिहाणे / एवं पंचेंदियाणं जाव वेमाणियाणं / 148. तिविधा जोणी पन्नत्ता, तंजहा-सीता उसिणा सीओसिणा / एवं एगिंदियाणं विगलिंदियाणं तेउकाइयवजाणं संमुच्छिमपंचेंदियतिरिक्खजोणियाणं संमुच्छिममणुस्साण य / तिविहा जोणी पन्नत्ता, तंजहा-सचित्ता अचित्ता मीसिता / एवं एगेंदियाणं विगलिंदियाणं संमुच्छिमपंचेंदियतिरिक्खजोणियाणं संमुच्छिममणुस्साण य /
Page #39
--------------------------------------------------------------------------
________________ ठाणंगसुत्तं (मूलम्) तिविधा जोणी पन्नत्ता, तंजहा-संवुडा वियडा संवुडवियडा / तिविधा जोणी पन्नत्ता, तंजहा-कुम्मुन्नत्ता संखावत्ता वंसीवत्तिया। कुम्मुन्नता णं जोणी उत्तमपुरिसमाऊणं, कुम्मुन्नताते णं जोणीते तिविहा उत्तमपुरिसा गब्भं वक्कमंति, तंजहा-अरहंता, चक्कवट्टी, बलदेव-वासुदेवा / संखावता णं जोणी इत्थीरयणस्स, संखावत्ताते णं जोणीते बहवे जीवा य पोग्गला य वक्कमंति विउक्कमंति चयंति उववजंति, नो चेव णं निप्फजंति / वंसीवत्तिता णं जोणी पिहजणस्स, बंसीवत्तिताते णं जोणीते बहवे पिहजणे गब्भं वक्कमंति / 149. तिविहा तणवणस्सतिकाइया पन्नत्ता, तंजहा-संखेजजीविता असंखेजजीविता अणंतजीविता / 150. जंबुद्दीवे दीवे भारहे वासे तओ तित्था पन्नत्ता, तंजहा-मागहे वरदामे पभासे, एवं एरवए वि / जंबुद्दीवे दीवे महाविदेहे वासे एगभेगे चक्कवट्टिविजये ततो तित्था पन्नत्ता, तंजहा-मागधे वरदामे पभासे 3 / एवं धायइसंडे दीवे पुरत्थिमद्धे वि 3, पच्चत्थिमद्धे वि 3, पुक्खरवरदीवड्डपुरस्थिमद्धे वि 3, पच्चत्थिमद्धे वि 3 / 151. जंबुद्दीवे दीवे भरहेरवतेसु वासेसु तीताते उस्सप्पिणीते सुसमाए समाते तिन्नि सागरोवमकोडाकोडीओ कालो होत्था 1 / एवं ओसप्पिणीते, नवरं पण्णत्ते 2 / आगमेस्साते उस्सप्पिणीते भविस्सति 3 / एवं धायइसंडे पुरत्थिमद्धे पच्चत्थिमद्धे वि 9, एवं पुक्खरवरदीवड पुरथिमद्धे पच्चत्थिमद्धे वि कालो भाणियव्वो 15 / जंबुद्दीवे दीवे भरहेरवतेसु वासेसु तीताते उस्सप्पिणीते सुसमसुसमाते समाए मणुया तिन्नि गाउयाई उटुंउच्चत्तेणं तिन्नि पलिओवमाइं परमाउं पालयित्था, एवं इमीसे ओसप्पिणीते, आगमेस्साते उस्सप्पिमीते / जंबूदीवे दीवे देवकुरुउत्तरकुरासु मणुया तिन्नि गाउयाई उटुंउच्चत्तेणं पन्नत्ता, तिन्नि पलिओवमाई परमाउं पालयंति, एवं जाव पुक्खरवरदीवडपच्चत्थिमद्धे / 152. जंबूद्दीवे दीवे भरहेरवतेसु वासेसु एगमेगाते ओसप्पिणउस्सप्पिणीते तओ वंसा उप्पजिंसु वा उप्पाजंति वा उप्पज्जिस्संति वा, तंजहा-अरहंतवंसे चक्कवट्टिवंसे दसारवंसे, एवं जाव पुक्खरवरदीवड्वपच्चत्थिमद्धे /
Page #40
--------------------------------------------------------------------------
________________ ठाणंगसुत्तं (मूलम्) जंबूदीवे दीवे भरहेरवतेसु वासेसु एगमेगाते ओसप्पिणी-उस्सप्पिणीए तओ उत्तमपुरिसा उप्पजिंसु वा उप्पजंति वा उप्पज्जिस्संति वा, तंजहा-अरहंता चक्कवट्टी बलदेव-वासुदेवा, एवं पुक्खरवरदीवडपच्चत्थिमद्धे / तओ अहाउयं पालंयति, तंजहा-अरहंता चक्कवट्टी बलदेव-वासुदेवा / तओ मज्झिममाउयं पालयंति, तंजहा-अरहंता चक्कवही बलदेव-वासदेवा / 153. बादरतेउकाइयाणं उक्कोसेणं तिन्नि राइंदियाइं ठिती पन्नत्ता / बादरवाउकाइयाणं उक्कोसेणं तिन्नि वाससहस्साई ठिती पन्नत्ता / 154. अह भंते ! सालीणं वीहीणं गोधूमाणं जवाणं जवजवाणं एतेसि णं धन्नाणं कोट्ठाउत्ताणं पल्लाउत्ताणं मंचाउत्ताणं मालाउत्तामं ओलित्ताणं लित्ताणं लंछियाणं मुद्दियाणं पिहिताणं केवतितं कालं जोणी संचिट्ठति ? गोयमा! जहन्नेणं अंतोमुहत्तं, उक्कोसेणं तिण्णि संवच्छराई, तेण परं जोणी पमिलायति, तेण परं जोणी पविद्धंसति, तेण परं जोणी विद्धंसति, तेण परं बीए अबीए भवति, तेण परं जोणोवोच्छेदे पन्नत्ते / / 155. दोच्चाते णं सक्करप्पभाते पुढवीते णेरइयाणं उक्कोसेणं तिण्णि सागरोवमाई ठिती पन्नत्ता / तच्चाते णं वालुयप्पभाते पुढवीते जहन्नेणं णेरइयाणं तिन्नि सागरोवमाइं ठिती पण्णत्ता / / पंचमाए णं धूमप्पभाए पुढवीए तिन्नि निरयावाससतसहस्सा पन्नत्ता / तिसु णं पुढवीसु नेरइया उसिणवेयणा पन्नत्ता, तंजहा-पढमाते दोच्चाते तच्चाते / तिसु णं पुणवीसु रतिया उसिणं वेयणं पच्चणुभवमाणा विहरंति, तंजहा-पढमाते दोच्चाते तच्चाते / 156. तओ लोगे समा सपक्खिं सपडिदिसिं पन्नत्ता, तंजहा-अप्पतिट्टाणे णरए, जंबूदीवे दीवे, सव्वट्ठसिद्धे महाविभाणे / /