Page #1
--------------------------------------------------------------------------
________________ aSTapAhur3a gAthA darzanapAhuDa kAUNa NamukkAraM jiNavaravasahassa vaDDhamANassa / daMsaNamaggaM vocchAmi jahAkammaM samAseNa / / 1 / / daMsaNamUlo dhammo uvaiTTho jiNavarehiM sissANaM / taM soUNa sakaNNe daMsaNahINo Na divvo / / 2 / / daMsaNabhaTThA bhaTThA daMsaNabhaTThassa Natthi NivvANaM / sijjhati cariyabhaTThA daMsaNabhaTThA Na sijjhaMti / / 3 / / sammattarayaNabhaTThA jANaMtA bahuvihAI satthAI / ArAhaNAvirahiyA bhamaMti tattheva tattheva / / 4 / / sammattavirahiyA NaM suThThU vi uggaM tavaM caraMtA NaM / Na lahaMti bohilAhaM avi vAsasahassakoDIhiM // 5 // sammattaNANadaMsaNabalavIriyavaDDhamANa je savve / kalikalusapAvarahiyA varaNANI hoMti aireNa || 6 || sammattasalilapavaho NiccaM hiyae pavaTThae jassa / kammaM vAluyavaraNaM bandhucciya NAsae tassa / / 7 / / je daMsaNesu bhaTThA NANe bhaTThA carittabhaTThA ya / ede bhaTTha vi bhaTThA sesaM pi jaNaM viNAsaMti / / 8 / / jo kovi dhammasIlo saMjamatavaNiyamajogaguNadhArI / tassa ya dosa kahaMtA bhaggA bhaggattaNaM diti / / 9 / / mUlammi viNaTThe dumassa parivAra Natthi paravaDDhI / taha jiNadaMsaNabhaTThA mUlaviNaTThA Na sijjhati / / 10 / / jaha mUlAo khaMdho sAhAparivAra bahuguNo hoi / taha jiNadaMsaNa mUlo NiddiTTho mokkhamaggassa / / 11 / / je daMsaNesu bhaTThA pAe pADaMti daMsaNadharANaM / te hoMti lallamUA bohI puNa dullahA tesiM / / 12 / / (1)
Page #2
--------------------------------------------------------------------------
________________ je vi paDaMti ya tesiM jANaMtA lajjAgAravabhayeNa / tesiM pi Natthi bohI pAvaM aNumoyamANANaM / / 13 / / duviMha pi gaMthacAyaM tIsu vi joesu saMjamo ThAdi / NANammi karaNasuddhe ubbhasaNe daMsaNaM hodi / / 14 / / sammattAdo NANaM NANAdo savvabhAvauvaladdhI / uvaladdhapayatthe puNa seyAseyaM viyANedi / / 15 / / seyAseyavidaNhU udghadadussIla sIlavaMto vi / sIlaphaleNabbhudayaM tatto puNa lahai NivvANaM / / 16 / / jiNavayaNamosahamiNaM visayasuhavireyaNaM amidabhUdaM / jaramaraNavAhiharaNaM khayakaraNaM savvadukkhANaM / / 17 / / egaM jiNassa rUvaM bidiyaM ukkiTThasAvayANaM tu / avaraTThiyANa taiyaM cauttha puNa liMgadaMsaNaM Natthi / / 18 / / chaha davva Nava payatthA paMcatthI satta tacca NiddiTThA / saddahai tANa rUvaM so saddiTThI muNeyavvo / / 19 // jIvAdIsahahaNaM sammattaM jiNavarehiM paNNattaM / vavahArA Nicchayado appANaM havai sammattaM // 20 // evaM jiNapaNNattaM daMsaNarayaNaM dhareha bhAveNa / sAraM guNarayaNattaya sovANaM paDhama mokkhassa / / 21 / / sakkai taM kIrai jaMca Na sakkei taM ca saddahaNaM / kevalijiNehiM bhaNiyaM sahamANassa sammattaM / / 22 / / daMsaNaNANacaritte tavaviNaye NiccakAlasupasatthA / ede du vaMdaNIyA je guNavAdI guNadharANaM / / 23 / / sahajuppaNNaM rUvaM daTThaM jo maNNae Na macchario / so saMjamapaDivaNNo micchAiTThI havai eso / / 24 / / amarANa vaMdiyANaM rUvaM daTThUNa sIlasahiyANaM / je gAravaM karaMti ya sammattavivajjiyA hoMti / / 25 / / assaMjadaM Na vande vatthavihINovi to Na vaMdijja / doNi vi hoMti samANA ego vi Na saMjado hodi // 26 // jaM (2)
Page #3
--------------------------------------------------------------------------
________________ Na videho vaMdijjaiNa viya kuloNa viya jaaisNjuto| ko vaMdami guNahINo Na hu savaNo Neya sAvao hoi / / 27 / / vaMdami tavasAvaNNA sIlaM ca guNaM ca baMbhaceraM ca / siddhigamaNaM ca tesiM sammatteNa suddhabhAveNa / / 28 / / causaTThi camarasahio cautIsahi aisaehiM sNjutto| aNavarabahusattahio kammakkhayakAraNaNimitto / / 29 / / NANeNa dasaNeNa ya taveNa cariyeNa saMjamaguNeNa / cauhi pi samAjoge mokkho jiNasAsaNe diTTho / / 30 / / NANaM Narassa sAro sAro vi Narassa hoi sammattaM / sammattAo caraNaM caraNAo hoi NivvANaM / / 31 / / NANammi daMsaNammi ya taveNa carieNa smmshienn| cauNhaM pi samAjoge siddhA jIvA Na sandeho / / 32 / / kallANaparaMparayA lahaMti jIvA visuddhasammattaM / sammaiMsaNarayaNaM agghedi surAsure loe / / 33 / / laLUNa ya maNuyattaM sahiyaM taha uttameNa gotteNa / lakhUNa ya sammattaM akkhayasokkhaM ca mokkhaM ca / / 34 / / viharadi jAva jiNiMdo sahasaTTasulakkhaNehiM sNjutto| cautIsaaisayajudo sA paDimA thAvarA bhaNiyA / / 35 / / bArasavihatavajuttA kammaM khaviUNa vihibaleNa sN| vosaTTacattadehA NivvANamaNuttaraM pattA / / 36 / / sUtrapAhuDa arahaMtabhAsiyatthaM gaNaharadevehiM gaMthiyaM sammaM / suttatthamaggaNatthaM savaNA sAhaMti paramatthaM / / 1 / / suttammi jaM sudiLaM AiriyaparaMpUreNa maggeNa / NAUNa duviha suttaM vaTTadi sivamagga jo bhvvo||2|| suttaM hi jANamANo bhavassa bhavaNAsaNaMca so kunndi| sUI jahA asuttA NAsadi sutteNa sahA No vi||3|| (3)
Page #4
--------------------------------------------------------------------------
________________ puriso vijo sasuttoNa viNAMsai so gao vi sNsaare| saccedaNa paccakkhaM NAsadi taM so adissamANo vi / / 4 / / suttatthaM jiNabhaNiyaM jIvAjIvAdibahuvihaM atthaM / heyAheyaM ca tahA jo jANai so hu saddiTThI / / 5 / / jaM suttaM jiNauttaM vavahAro taha ya jANa prmttho| taM jANiUNa joI lahai suhaM khavai malapuMjaM / / 6 / / suttatthapayaviNaTTho micchAdiTThI hu so munneyvvo| kheDe vi Na kAyavvaM pANippattaM sacelassa / / 7 / / hariharatullo vi Naro saggaM gacchei ei bhvkoddii| taha vi Na pAvai siddhiM saMsArattho puNo bhaNido / / 8 / / ukkiTThasIhacariyaM bahupariyammo ya garuyabhAro ya / jo viharai sacchaMdaM pAvaM gacchadi hodi micchataM / / 9 / / NiccelapANipattaM uvai8 paramajiNavariMdehiM / ekko vi mokkhamaggo sesA ya amaggayA savve / / 10 / / jo saMjamesu sahio AraMbhapariggahesu virao vi| so hoi vaMdaNIo sasurAsuramANuse loe||11|| je bAvIsaparIsaha sahaMti sattIsaehiM sNjuttaa| te hoMti vaMdaNIyA kammakkhayaNijjarAsAhU // 12 // avasesA je liMgI daMsaNaNANeNa samma sNjuttaa| celeNa ya parigahiyA te bhaNiyA icchaNijA ya / / 13 / / icchAyAramahatthaM suttaThio jo hu chaMDae kammaM / ThANe TThiyasammattaM paraloyasuhaMkaro hodi / / 14 / / aha puNa appA NicchadidhammAI karei nnirvsesaaii| taha vi Na pAvadi siddhiM saMsArattho puNo bhaNido / / 15 / / eeNa kAraNeNa ya taM appA saddaheha tiviheNa / jeNa ya laheha mokkhaM taM jANijjaha payatteNa / / 16 / / vAlaggakoDimettaM parigahagahaNaM Na hoi sAhUNaM / bhuMjei pANipatte diNNaNNaM ikkaThANammi / / 17 / (4)
Page #5
--------------------------------------------------------------------------
________________ jahajAyarUvasariso tilatusamettaM Na gihadi hatthesu / jai lei appabahuyaM tatto puNa Niggodam / / 18 / / jassa pariggahagahaNaM appaM bahayaM ca havai liNgss| so garahiu jiNavayaNe parigaharahio NirAyAro / / 19 / / paMcamahavvayajutto tihiM guttihiM jo sa saMjado hoii| NiggaMthamokkhamaggo so hodi hu vaMdaNijjo ya / / 20 / / duiyaM ca utta liMgaM ukkiTuM avarasAvayANaM c| bhikkhaM bhamei patte samidIbhAseNa moNeNa / / 21 / / liMgaM itthINa havadi bhuMjai piMDa sueyakAlammi / ajjiya vi ekkavatthA vatthAvaraNeNa bhuMjedi / / 22 / / Na visijjhadivatthadharojiNasAsaNejai vihoi titthyro| Naggo vimokkhamaggo sesA ummaggayA savve / / 23 / / liMgammi ya itthINaM thaNaMtare nnaahikkkhdesesu| bhaNio suhumo kAo tAsiM kaha hoi pavvajA / / 24 / / jai daMsaNeNa suddhA uttA maggeNa sAvi sNjuttaa| ghoraM cariya carittaM itthIsu Na pavvayA bhaNiyA / / 25 / / cittAsohi Na tesiM DhillaM bhAvaM tahA sahAveNa / vijjadi mAsA tesiM itthIsu Na saMkayA jhANA / / 26 / / gAheNa appagAhA samuddasalile scelatthenn|| icchA jAhu NiyattA tAha NiyattAI svvdukkhaaii||27|| cAritrapAhuDa savvaNhu savvadaMsI NimmohA vIyarAya prmetttthii| vaMdittu tijagavaMdA arahaMtA bhavvajIvehiM / / 1 / / NANaM vesaNa sammaM cArittaM sohikAraNaM tesiN| mokkhArAhaNaheuM cArittaM pAhuDaM vocche / / 2 / / jaM jANai taM NANaM jaM pecchai taM ca daMsaNaM bhaNiyaM / NANassa Nicchiyassa ya samavaNNA hoi cArittaM / / 3 / / (5)
Page #6
--------------------------------------------------------------------------
________________ ee tiNNi vi bhAvA havaMti jIvassa akkhyaameyaa| tiNhaM pi sohaNatthe jiNabhaNiyaM duvihaM cArittaM / / 4 / / jiNaNANadiTThisuddhaM paDhamaM sammattacaraNacArittaM / bidiyaM saMjamacaraNaM jiNaNANasadesiyaM taM pi||5|| evaM ciya NAUNa ya savve micchattadosa sNkaai| parihara sammattamalA jiNabhaNiyA tivihajoeNa / / 6 / / NissaMkiya NikkaMkhiya NivvidigiMchA amuuddhditttthiiy| uvagRhaNa ThidikaraNaM vacchalla pahAvaNA ya te atttth||7|| taM ceva guNavisuddhaM jiNasammattaM sumukkhtthaannaae| jaM carai NANajuttaM paDhamaM sammattacaraNacArittaM / / 8 / / sammattacaraNasuddhA saMjamacaraNassa jai va supsiddhaa| NANI amUDhadiTThI acire pAvaMti NivvANaM / / 9 / / sammattacaraNabhaTThA saMjamacaraNaM caraMti je vi nnraa| aNNANaNANamUDhA taha vi Na pAvaMti NivvANaM / / 10 / / vacchallaM viNaeNa ya aNukaMpAe sudaanndcchaae| maggaguNasaMsaNAe avagRhaNa rakkhaNAe ya / / 11 / / eehi lakkhaNehiM ya lakkhijjai ajjavehiM bhaavehiN| jIvo ArAhato jiNasammattaM amoheNa / / 12 / / ucchAhabhAvaNAsaMpasaMsasevA kudaMsaNe sddhaa| aNNANamohamagge kuvvaMto jahadi jiNasammaM / / 13 / / ucchAhabhAvaNAsaMpasaMsasevA sudaMsaNe sddhaa| Na jahadi jiNasammattaM kuvvaMto NANamaggeNa / / 14 / / aNNANaM micchattaM vajaha NANe visuddhasammatte / aha mohaM sAraMbhaM parihara dhamme ahiMsAe / / 15 / / pavvaja saMgacAe payaTTa sutave susaMjame bhAve / hoi suvisuddhajhANaM Nimmohe vIyarAyatte / / 16 / / micchAdasaNamagge maliNe aNNANamohadosehiM / vajjhaMti mUDhajIvA micchattAbuddhiudaeNa / / 17 / / (6)
Page #7
--------------------------------------------------------------------------
________________ sammadaMsaNa passadi jANadi NANeNa davvapajjAyA / sammeNa ya saddahadi ya pariharadi carittaje dose ||18|| ee tiNNi vi bhAvA havaMti jIvassa moharahiyassa / NiyaguNamArAhaMto acireNa ya kamma pariharai / / 19 / / saMkhijjamasaMkhijjaguNaM ca saMsArimerumattA NaM / sammattamaNucaraMtA kareMti dukkhakkhayaM dhIrA / / 20 / / duvihaM saMjamacaraNaM sAyAraM taha have NirAyAraM / sAyAraM saggaMthe pariggahA rahiya khalu NirAyAraM / / 21 / / daMsaNa vaya sAmAiya posaha sacitta rAyabhatte ya / baMbhAraMbhApariggaha aNumaNa uddiTTha desavirado ya / / 22 / / paMceva NuvvayAiM guNavvayAI havaMti taha tiNNi / sikkhAvaya cattAri ya saMjamacaraNaM ca sAyAraM / / 23 / / thUle tasakAyavahe thUle moSe adattathUle ya / parihAro paramahilA pariggahAraraMbhaparimANaM / / 24 / / disividi simANa paDhamaM aNatthadaMDassa vajjaNaM bidiyaM / bhogopabhogaparimA iyameva guNavvayA tiNNi / / 25 / / sAmAiyaM ca paDhamaM bidiyaM ca taheva posahaM bhaNiyaM / taiyaM ca atihipujjaM cauttha sallehaNA aMte / / 26 / / evaM sAvayadhammaM saMjamacaraNaM udesiyaM sayalaM / suddhaM saMjamacaraNaM jaidhammaM NikkalaM vocche / / 27 / / paMceMdiyasaMvaraNaM paMca vayA paMcaviMsakiriyAsu / paMca samidi taya guttI saMjamacaraNaM NirAyAraM / / 28 / / amaNuNNe ya maNuNNe sajIvadavve ajIvadavve y| Na karedi rAyadose paMceMdiyasaMvaro bhaNio / / 29 / / hiMsAvirai ahiMsA asaccaviraI adattaviraI ya / turiyaM abaMbhaviraI paMcama saMgammi viraI ya / / 30 / / sAhaMti jaM mahallA AyariyaM jaM mahallapuvvehiM / jaM ca mahallANi tado mahavvayA itta yAI ||31|| (7)
Page #8
--------------------------------------------------------------------------
________________ vayaguttI maNaguttI iriyAsamidI sudaannnnikkhevo| avaloyabhoyaNAe ahiMsae bhAvaNA hoti / / 32 / / kohabhayahAsalohA mohA vivarIyabhAvaNA cev| vidiyassa bhAvaNAe e paMceva ya tahA hoti / / 33 / / suNNAyAraNivAso vimociyAvAsa jaM parodhaM ca / esaNasuddhisauttaM saahmmiisNvisNvaado||34|| mhilaaloynnpuvvrisrnnsNsttvshivikhaahiN| puTThiyarasehiM virao bhAvaNa paMcAvi turiyammi / / 35 / / apariggaha samaNuNNesu sddprisrsruuvgNdhesu| rAyaddosAINaM parihAro bhAvaNA hoti / / 36 / / iriyA bhAsA esaNa jA sA AdANa ceva nnikkhevo| saMjamasohiNimittaM khaMti jiNA paMca smidiio||37|| bhavvajaNabohaNatthaM jiNamagge jiNavarehi jaha bhaNiyaM / NANaM NANasarUvaM appANaM taM viyANehi / / 38 / / jIvAjIvavibhattI jo jANai so havei snnnnaannii| rAyAdidosarahio jiNasAsaNe mokkhamaggotti / / 39 / / dasaNaNANacarittaM tiNNi vi jANeha prmsddhaae| jaM jANiUNa joI aireNa lahaMti NivvANaM / / 40 / / pAUNa NANasalilaM nnimmlsuvishuddhbhaavsNjutaa| hoMti sivAlayavAsI tihuvaNacUDAmaNI siddhA / / 4 / / NANaguNehiM vihINA Na lahaMte te suicchiyaM lAhaM / iya NAuM guNadosaM taM saNNANaM viyANehiM / / 42 / / cArittasamArUDho appAsu paraM Na Ihae nnaannii| pAvai aireNa suhaM aNovamaM jANa nnicchydo||43|| evaM saMkheveNa ya bhaNiyaM NANeNa viiyraaenn| sammattasaMjamAsayaduNhaM pi udesiyaM caraNaM / / 44 / / bhAveha bhAvasuddhaM phuDu raiyaM caraNapAhuNaM cev| lahu caugai caiUNaM aireNa'puNabbhavA hoI / / 45 / / (8)
Page #9
--------------------------------------------------------------------------
________________ bodhapAhuDa bahusatthaatthajANe saMjamasammattasuddhatavayaraNe / vaMdittA Ayarie kasAyamalavajide suddhe / / 1 / / sayalajaNabohaNatthaM jiNamagge jiNavarehiM jaha bhnniyN| vocchAmi samAseNa chakkAyasuhaMkaraM suNahaM / / 2 / / AyadaNaM cediharaM jiNapaDimA daMsaNaM ca jiNabiMbaM / bhaNiyaM suvIyarAyaM jiNamuddA NANamAdatthaM / / 3 / / arahaMteNa sudiTuM jaM devaM titthamiha ya arahaMtaM / pAvajjaguNavisuddhA iya NAyavvA jhaakmso||4|| maNavayaNakAyadavvA AyattA jassa indiyA visyaa|| AyadaNaM jiNamagge NiddiTuM saMjaya rUvaM / / 5 / / mayarAyadosa moho koho loho ya jassa aayttaa| paMcamahavvayadhArI AyadaNaM maharisI bhaNiyaM / / 6 / / siddhaM jassa sadatthaM visuddhajhANassa nnaannjuttss| siddhAyadaNaM siddhaM muNivaravasahassa muNidatthaM / / 7 / / buddhaM jaM bohaMto appANaM cedayAI aNNaM ca / paMcamahavvayasuddhaM NANamayaM jANa cediharaM / / 8 / / ceiyaM baMdhaM mokkhaM dukkhaM sukkhaM ca appayaM tassa / ceiharaM jiNamagge chakkAyahiyaMkaraM bhaNiyaM / / 9 / / saparA jaMgamadehA daMsaNaNANeNa suddhcrnnaannN| NiggaMthavIyarAyA jiNamagge erisA paDimA / / 10 / / jaM caradi suddhacaraNaM jANai Nicchei suddhasammattaM / sA hoI vaMdaNIyA NiggaMthA saMjadA paDimA / / 11 / / dasaNa aNaMtaNANaM aNaMtavIriya aNaMtasukkhA y| sAsayasukkha adehA mukkA kammaTThabaMdhehiM / / 12 / / NiruvamamacalamakhohA NimmiviyA jaMgameNa rUveNa / siddhaThThANammi ThiyA vosarapaDimA dhuvA siddhA / / 13 / / daMsei mokkhamaggaM sammattaM saMjamaM sudhammaM c| NiggaMthaM NANamayaM jiNamagge daMsaNaM bhaNiyaM / / 14 / / (9)
Page #10
--------------------------------------------------------------------------
________________ jaha phullaM gaMdhamayaM bhavati hu khIraM sa ghiyamayaM cAvi / taha daMsaNaM hi sammaM NANamayaM hoi rUvatthaM / / 15 / / jiNabiMbaM NANamayaM saMjamasuddhaM suvIyarAyaM ca / jaM deha dikkhasikkhA kammakkhayakAraNe suddhA / / 16 / / tassa ya karaha paNAmaM savvaM pujjaM ca viNaya vacchallaM / jassa ya daMsaNa NANaM atthi dhuvaM ceyaNAbhAvo / / 17 / / tavavayaguNehiM suddho jANadi picchei suddhasammattaM / arahantamudda esA dAyArI dikkhasikkhA ya / / 18 / / daDhasaMjamamuddAe indiyamuddA kasAyadiDhamuddA | muddA iha NANAe jiNamudrA erisA bhaNiyA / / 19 / / saMjamasaMjuttassa ya sujhANajoyassa mokkhamaggassa / NANeNa lahadi lakkhaM tamhA NANaM ca NAyavvaM / / 20 / / jaha Navi lahadi hu lakkhaM rahio kaMDassa vejjhayavihINo / taha Navi lakkhadi lakkhaM aNNANI mokkhamaggassa / / 21 / / NANaM purissa havadi lahadi supuriso vi viNayasaMjutto / NANeNa lahadi lakkhaM lakkhaMto mokkhamaggassa / / 22 / / maidhaNuhaM jassa thiraM sudaguNa bANA suatthi rayaNattaM / paramatthabaddhalakkho Navi cukkadi mokkhamaggassa / / 23 / / so devo jo atthaM dhammaM kAmAMzudei NANaM ca / so dai jassa atthi hu attho dhammo ya pavajjA / / 24 / / dhammo dayAvisuddho pavvajjA savvasaMgaparicattA / devo vavagayamoho udayakaro bhavvajIvANaM / / 25 / / vayasammattavisuddhe paMceMdiyasaMjade NirAvekkhe | NhAeu muNI titthe, dikkhAsikkhAsuNhANeNa / / 26 / / jaM NimmalaM sudhammaM sammattaM saMjamaM tavaM NANaM / taM titthaM jiNamagge havei jadi satibhAveNa / / 27 / / NAme ThevaNe hi saMdavve bhAve hi saguNapajjAyA / cauNAdi saMpadime bhAvA bhAvaMti arahaMtaM / / 28 / / (10)
Page #11
--------------------------------------------------------------------------
________________ dasaNa aNaMta NANe mokkho NaTThaTThakammabaMdheNa / NiruvamaguNamArUDho arahaMto eriso hoi / / 29 / / jaravAhijammamaraNaM caugaigamaNaM ca puNNapAvaM ca / haMtUNa dosakamme huu NANamayaM ca arahaMto / / 30 / / guNaThANamaggaNehiM ya pajjattIpANajIvaThANehiM / ThAvaNa paMcavihehiM paNayavvA arahapurisassa / / 31 / / terahame guNaThANe sajoikevaliya hoi arhNto| cautIsa aisayaguNA hoMti hu tassaTTha paDihArA / / 32 / / gai iMdiyaM ca kAe joe vee kasAya NANe y| saMjama daMsaNa lesA bhaviyA sammatta saNNi AhAre / / 33 / / AhAro ya sarIro iMdiyamaNaANapANabhAsA y| pajattiguNasamiddho uttamadevo havai araho / / 34 / / paMca vi iMdiyapANA maNavayakAeNa tiNNi blpaannaa| ANappANappANA AugapANeNa hoMti daha pANA / / 35 / / maNuyabhave paMciMdiya jIvaTThANesu hoi caudasame / ede guNagaNajutto guNamArUDho havai arho||36|| jaravAhidukkharahiyaM AhAraNihAravajiyaM vimalaM / siMhANa khele seo Natthi duguMchA ya doso ya / / 37 / / dasa pANA pajjatI aTThasahassA ya lakkhaNA bhnniyaa| gokhIrasaMkhadhavalaM maMsaM ruhiraM ca savvaMge / / 38 / / erisaguNehiM savvaM aisayavaMtaM suparimalAmoyaM / orAliyaM ca kAyaM NAyavvaM arahapurisassa / / 39 / / mayarAyadosarahio kasAyamalavajio ya suvishuddho| cittapariNAmarahido kevalabhAve muNeyavvo / / 40 / / sammaiMsaNi passadi jANadi NANeNa dvvpjjaayaa| sammattaguNavizuddho bhAvo arahassa NAyavvo // 41 / / suNNahare taruhiDhe ujjANe taha masANavAse vaa| giriguha girisihare vA bhImavaNe ahava vasite vA // 42 / / (11)
Page #12
--------------------------------------------------------------------------
________________ savasAsattaM titthaM vacacaidAlattayaM ca vuttehiM / jiNabhavaNaM aha bejhaM jiNamagge jiNavarA viMti // 43 / / paMcamahavvayajuttA paMciMdiyasaMjayA nniraavekkhaa| sajjhAyajhANajuttA muNivaravasahA Niicchanti / / 44 / / gihagaMthamohamukkA bAvIsaparIsahA jiykssaayaa| pAvAraMbhavimukkA pavvajA erisA bhaNiyA / / 45 / / dhaNadhaNNavatthadANaM hiraNNasayaNAsaNAi chttaaii| kuddANaviraharahiyA pavvajjA erisA bhaNiyA / / 46 / / sattUmitte ya samA pasaMsaNiMdA alddhilddhismaa| taNakaNae samabhAvA pavvajjA erisA bhaNiyA // 47 / / uttamamajjhimagehe dAridde Isare nniraavekkhaa| savvattha gihidapiMDA pavvajA erisA bhnniyaa||48|| NiggaMthA NissaMgA NimmANAsA arAya nniddosaa| Nimmama NirahaMkArA pavvajA erisA bhaNiyA / / 49 / / NiNNehA NillohA NimmohA NivviyAra nnikklusaa| Nibbhaya NirAsabhAvA pavvajA erisA bhaNiyA / / 50 / / jahajAyarUvasarisA avalaMbiyabhuya NirAuhA sNtaa| parakiyaNilayaNivAsA pavvajA erisA bhaNiyA / / 51 / / uvasamakhamadamajuttA sarIrasaMkAravajjiyA rukkhaa| mayarAyadosarahiyA pavvajA erisA bhaNiyA / / 52 / / vivarIyamUDhabhAvA paNaTThakammaTTha nntttthmicchttaa| sammattaguNavisuddhA pavvajjA erisA bhaNiyA / / 53 / / jiNamagge pavvajA chahasaMhaNaNesu bhaNiya nniggNthaa| bhAvaMti bhavvapurisA kammakkhayakAraNe bhaNiyA / / 54 / / tilatusamattaNimittasama bAhiraggaMdhasaMgaho Natthi / pavvaja havai esA jaha bhaNiyA savvadarasIhiM / / 55 / / uvasaggaparisahasahA NijjaNadese hi Nicca atthi| sila kaTe bhUmitale savve Aruhai savvattha / / 56 / / (12)
Page #13
--------------------------------------------------------------------------
________________ pasumahilasaMDhasaMgaM kusIlasaMgaMNa kuNai vikhaao| sajjhAyajhANajuttA pavvajjA erisA bhaNiyA / / 57 / / tavavayaguNehiM suddhA saMjamasammattaguNavisuddhA y| suddhA guNehiM suddhA pavvajA erisA bhnniyaa||58|| evaM AyattaNaguNapajaMtA bahuvisuddhasammatte / NiggaMthe jiNamagge saMkheveNaM jahAkhAdaM / / 59 / / rUvatthaM suddhatthaM jiNamagge jiNavarehiM jaha bhaNiyaM / bhavvajaNabohaNatthaM chakkAyahiyaMkaraM uttaM / / 60 / / saddaviyAro hUo bhAsAsuttesu jaM jiNe kahiyaM / so taha kahiyaM NAyaM sIseNa ya bhaddabAhussa / / 61 / / bArasaaMgaviyANaM caudasapuvvaMgaviulavittharaNaM / suyaNANi bhaddabAhU gamayagurU bhayavao jayau / / 62 / / bhAvapAhuDa NamiUNa jiNavariMde NarasurabhavaNiMdavaMdie siddhe| vocchAmi bhAvapAhuDamavasese saMjade sirasA / / 1 / / bhAvo hi paDhamaliMgaMNa davvaliMgaM ca jANa paramatthaM / bhAvo kAraNabhUdo guNadosANaM jiNA benti / / 2 / / bhAvavisuddhiNimittaM bAhiragaMthassa kIrae caao| bAhiracAo vihalo abbhaMtaragaMthajuttassa / / 3 / / bhAvarahioNa sijjhai jai vi tavaM carai koddikoddiio| jammaMtarAi bahuso laMbiyahattho galiyavattho / / 4 / / pariNAmammi asuddhe gaMthe muJcei bAhire ya jii| bAhiragaMthaccAo bhAvavihUNassa kiM kuNai / / 5 / / jANahi bhAvaM paDhamaM kiM te liMgeNa bhaavrhienn| paMthiya sivapuripaMthaM jiNauvai8 payatteNa / / 6 / / bhAvarahieNa sapurisa aNAikAlaM annNtsNsaare| gahiujjhiyAiM bahuso bAhiraNiggaMtharUvAiM / / 7 / / (13)
Page #14
--------------------------------------------------------------------------
________________ bhIsaNaNarayagaIe tiriyagaIe kudevmnnugie| patto si tivvadukkhaM bhAvahi jiNabhAvaNA jIva / / 8 / / sattasu NarayAvAse dAruNabhImAI ashnniiyaaii| bhuttAI suirakAlaM duHkkhAI NiraMtaraM ahiyaM / / 9 / / khaNaNuttAvaNavAlaNaveyaNaviccheyaNANirohaM ca / patto si bhAvarahio tiriyagaIe ciraM kAlaM / / 10 / / AgaMtuka mANasiyaM sahajaM sArIriyaM ca cattAri / dukkhAI maNuyajamme patto si aNaMtayaM kAlaM / / 11 / / suraNilayesu suraccharavioyakAle ya mANasaM tivvaM / saMpatto si mahAjasa du:khaM suhabhAvaNArahio / / 12 / / kaMdappamAiyAo paMca vi asuhAdibhAvaNAI ya / bhAUNa davvaliMgI pahINadevo dive jAo / / 13 / / pAsatthabhAvaNAo aNAikAlaM anneyvaaraao| bhAUNa duhaM patto kubhAvaNAbhAvabIehiM / / 14 / / devANa guNa vihUI iDDhI mAhappa bahuvihaM dttuN| hoUNa hINadevo patto bahu mANasaM dukkhaM / / 15 / / cauvihavikahAsatto mayamatto asuhbhaavpyddttho| hoUNa kudevattaM patto si aNeyavArAo / / 16 / / asuIbIhatthehi ya kalimalabahulAhi gabbhavasahIhi / vasio si ciraM kAlaM aNeyajaNaNINa muNipavara / / 17 / / pIo si thaNacchIraM aNaMtajammatarAI jaNaNINaM / aNNANNANa mahAjasa sAyarasalilAdu ahiyayaraM / / 18 / / tuha maraNe dukkheNa aNNaNNANaM aNeyajaNaNINaM / ruNNANa NayaNaNIra sAyarasalilAdu ahiyayaraM / / 19 / / bhavasAyare aNaMte chiNNujjhiya kesnnhrnnaaltttthii| puJjai jai ko vijae havadiya girisamadhiyA rAsI / / 20 / / jalathalasihipavaNaMvaragirisaridaritaruvaNAi savvattha / vasio si ciraM kAlaM tihuvaNamajjhe annppvso||21|| (14)
Page #15
--------------------------------------------------------------------------
________________ gasiyAI puggalAI bhuvaNodaravattiyAI svvaaiN| patto si to Na tittiM puNaruttaM tAI bhujNto||22|| tihuyaNasalilaM sayalaM pIyaM tihAe pIDieNa tume / to vi Na taNhAcheo jAo ciMteha bhavamahaNaM / / 23 / / gahiujjhiyAI muNivara kalevarAI tume anneyaaii| tANaM Natthi pamANaM aNaMtabhavasAyare dhIra / / 24 / / visaveyaNarattakkhayabhayasatthaggahaNasaMkileseNaM / AhArussAsANaM NirohaNA khijae AU / / 25 / / himajalaNasalilaguruyarapavvayataruruhaNapaDaNabhaMgehiM / rasavijjajoyadhAraNa aNayapasaMgehiM vivihehiM / / 26 / / iya tiriyamaNuyajamme suiraM uvavajjhiUNa bahuvAraM / avamiccumahAdukkhaM tivvaM patto si taM mitta / / 27 / / chattIsa tiNNi sayA chAvaTThisahassavAramaraNANi / aMtomuttamajjhe patto si nigoyavAsammi / / 28 / / viyaliMdae asIdI saTThI cAlIsameva jANeha / paMciMdiya cauvIsaM khuddabhavaMtomuhuttassa / / 29 / / rayaNattaye aladdhe evaM bhamio si dIhasaMsAre / iya jiNavarehiM bhaNiyaM taM rayaNattaya samAyaraha / / 30 / / appA appammi rao sammAiTThI havei phuDu jiivo| jANai taM saNNANaM caradihaM cAritta maggo tti / / 31 / / aNNe kumaraNamaraNaM aNeyajammatarAI mario si| bhAvahi sumaraNamaraNaM jaramaraNaviNAsaNaM jIva! / / 32 / / soNatthi davvasavaNo paramANupamANamettao nnilo| jattha Na jAo Na mao tiyaloyapamANio svvo||33|| kAlamaNaMtaM jIvo jammajarAmaraNapIDio dukkhaM / jiNaliMgeNa vi patto paraMparAbhAvarahieNa / / 34 / / paDidesasamayapuggalaAugapariNAmaNAmakAlaTuM / gahiujjhiyAI bahuso aNaMtabhavasAyare jIva / / 35 / / (15)
Page #16
--------------------------------------------------------------------------
________________ teyAlA tiNNi sayA rajjUNaM loyakhettaparimANaM / muttUNaTTha paesA jattha Na duruDhullio jIvo / / 36 / / ekkekkaMguli vAhI chaNNavadI hoMti jANa maNuyANaM / avasese ya sarIre royA bhaNa kittiyA bhaNiyA / / 37 / / te royA vi ya sayalA sahiyA te paravaseNa puvvabhave / evaM sahasi mahAjasa kiM vA bahuehiM laviehiM / / 38 / / pittaMtamuttaphephasakAlijayaruhirakharisakimijAle / uyare vasio si ciraM NavadasamAsehiM pattehiM / / 39 / / diyasaMgaTThiyamasaNaM AhAriya mAyabhuttamaNNAMte / chadikharisANa majjhe jaDhare vasio si jaNaNIe / / 40 / / sisukAle ca ayANe asuImajjhammi lolio si tumaM / asuI asiyA bahuso muNivara bAlattapatteNa / / 41 / / maMsaTThisukkasoNiyapittaMtasavattakuNimaduggaMdhaM / kharisavasApUya khibbhisa bhariyaM cittehi dehauDaM / / 42 / / bhAvavimutto mutto Na ya mutto baMdhavAimitteNa / iya bhAviUNa ujjhasu gaMdhaM abbhaMtaraM dhIra / / 43 / / dehAdicattasaMgo mANakasAeNa kalusio dhIra! / attAvaNeNa jAdo bAhubalI kittiyaM kAlaM / / 44 / / mahupiMgo NAma muNI dehaahaaraadicittvaavaaro| savaNattaNaM Na patto NiyANamitteNa bhaviyaNuya / / 45 / / aNNaM ca vasiTTamuNI patto dukkhaM nniyaanndosenn| so Natthi vAsaThANo jattha Na duruDhullio jiivo||46|| so Natthi tappaeso caurAsIlakkhajoNivAsammi / bhAvavirao visavaNo jattha NaM duruDhullio jIva / / 47 / / bhAveNa hoi liMgI Na hu liMgI hoi davvamitteNa / tamhA kuNijja bhAvaM kiM kIrai davvaliMgeNa / / 48 / / daMDayaNayaraM sayalaM Dahio abbhaMtareNa doseNa / jiNaliMgeNa vi bAhU paDio so raurave Narae / / 49 / / (16)
Page #17
--------------------------------------------------------------------------
________________ avaro vi davvasavaNo daMsaNavaraNANacaraNapabbhaTTho / dIvAyaNo tti NAmo anaMtasaMsArio jAo / / 50 / / bhAvasamaNo ya dhIro juvaIjaNabeDhiyo visuddhamaI / NAmeNa sivakumAro parIttasaMsArio jAdo / / 51 / / kevalijiNapaNNattaM eyAdasaaMga sayalasuyaNANaM / paDhio abhavvaseNo Na bhAvasavaNattaNaM patto / / 52 / / tusamAsaM ghosaMto bhAvavisuddho mahANubhAvo ya / NAmeNa ya sivaI kevalaNANI phuDaM jAo / / 53 / / bhAveNa hoi Naggo bAhiraliMgeNa kiM ca NaggeNa / kammapayaDINa NiyaraM NAsai bhAveNa davveNa / 54 / / NaggattaNaM akajjaM bhAvaNarahiyaM jiNehiM paNNattaM / iya NAUNa ya NiccaM bhAvijjahi appayaM dhIra / / 55 / / dehAdisaMgarahio mANakasAehiM sayalaparicitto / appA appammi rao sa bhAvaliMgI have sAhU / / 56 / / mamattiM parivajjAmi NimmamattimuvaTThido / AlaMbaNaM ca me AdA avasesAI vosare / / 57 / / AdA khu majjha NANe AdA me daMsaNe caritte ya / AdA paccakkhANe AdA me saMvare joge / / 58 / / ego me sassado appA NANadaMsaNalakkhaNo / sesA me bAhirA bhAvA savve saMjogalakkhaNA / / 59 / / bhAveha bhAvasuddhaM appA suvizuddhaNimmalaM ceva / lahu caugai caiUNaM jai icchaha sAsayaM sukkhaM / / 60 / / jo jIvo bhAvaMto jIvasahAvaM subhAvasaMjutto / so jaramaraNaviNAsaM kuNai phuDaM lahai NivvANaM / / 61 / / jIvo jiNapaNNatto NANasahAvo ya ceyaNAsahio / so jIvo NAyavvo kammakkhayakaraNaNimmitto / / 62 / / jesiM jIvasahAvo Natthi abhAvo ya savvahA tattha / te hoMti bhiNNadehA siddhA vacigoyaramadIdA / / 63 / / (17)
Page #18
--------------------------------------------------------------------------
________________ arasamarUvamagaMdhaM avvattaM cedaNAguNamasadaM / jANa aliMgaggahaNaM jIvamaNiddiTThasaMThANaM / / 64 / / bhAvahi paMcapayAraM NANaM aNNANaNAsaNaM sigcha / bhAvaNabhAviyasahio divasivasuhabhAyaNo hoi / / 65 / / paDhieNa vi kiMkIrai kiMvA suNieNa bhaavrhienn| bhAvo kAraNabhUdo sAyAraNayArabhUdANaM / / 66 / / davveNa sayala NaggA NArayatiriyA ya sylsNghaayaa| pariNAmeNa asuddhA Na bhAvasavaNattaNaM pattA / / 67 / / Naggo pAvai dukkhaM Naggo saMsArasAyare bhamai / Naggo Na lahai bohiM jiNabhAvaNavajio suiraM / / 68 / / ayasANa bhAyaNeya ya kiM te NaggeNa pAvamaliNeNa / pesuNNahAsamaccharamAyAbahuleNa savaNeNa / / 69 / / payaDahiM jiNavaraliMga abhitrbhaavdosprisuddho| bhAvamaleNa ya jIvo bAhirasaMgammi mayaliyai / / 70 / / dhammammi NippavAso dosAvAso ya ucchuphullsmo| NipphaligguNayAro NaDasavaNo NaggarUveNa / / 71 / / je rAyasaMgajuttA jinnbhaavnnrhiydvvnniggNthaa| Na lahaMti te samAhiM bohiM jiNasAsaNe vimale / / 72 / / bhAveNa hoi Naggo micchattAI ya dosa caiUNaM / pacchA davveNa muNI payaDadi liMgaM jiNANAe / / 73 / / bhAvo vi divvasivasukkhabhAyaNo bhaavvjiosvnno| kammamalamaliNacitto tiriyAlayabhAyaNo pAvo / / 74 / / khayarAmaramaNuyakaraMjalimAlAhiM ca saMthuyA viulaa| cakkahararAyalacchI labbhai bohI subhAveNa / / 75 / / bhAvaM tivihapayAraM suhAsuhaM suddhameva NAyavvaM / asuhaM ca aTTaraudaM suha dhammaM jiNavariMdehiM / / 76 / / suddhaM suddhasahAvaM appA appammi taM ca NAyavvaM / idi jiNavarehiM bhaNiyaM jaM seyaM taM samAyaraha / / 77 / / (18)
Page #19
--------------------------------------------------------------------------
________________ payaliyamANakasAo payaliyamicchattamohasamacitto / pAvai tihuvaNasAraM bohI jiNasAsaNe jIvo / / 78 / / visayaviratto samaNo chahasavarakAraNAI bhAUNa / titthayaraNAmakammaM baMdhai aireNa kAleNa / / 79 / / bArasavihatavayaraNaM terasakiriyAu bhAva tiviheNa / dharahi maNamattaduriyaM NANaMkusaeNa muNipavara / / 80 / / paMcavihacelacAyaM khidisayaNaM duvihasaMjamaM bhikkhU / bhAvaM bhAviyapuvvaM jiNaliMgaM NimmalaM suddhaM / / 81 / / jaha rayaNANaM pavaraM vajjaM jaha tarugaNANa gosIraM / taha dhammANaM pavaraM jiNadhammaM bhAvibhavamahaNaM / / 82 / / pUyAdisu vayasahiyaM puNNaM hi jiNehiM sAsaNe bhaNiyaM / mohakkhohavihINo pariNAmo appaNo dhammo ||83 / / saddahadi ya pattedi ya rocedi ya taha puNo vi phAsedi / puNaM bhoyaNimittaM Na hu so kammakkhayaNimittaM / / 84 / / appA appammi rao rAyAdisu sayaladosaparicatto / saMsArataraNahedU dhammo tti jiNehiM NiddiTTha / / 85 / / aha puNa appA Nicchadi puNNAI karedi NiravasesAI / taha viNa pAvadi siddhiM saMsArattho puNo bhaNido / / 86 / / eeNa kAraNeNa ya taM appA saddaheha tiviheNa / jeNa ya laheha mokkhaM taM jANijjaha payatteNa / / 87 / / maccho vi sAlisittho asuddhabhAvo gao mahANarayaM / iya gAuM appANaM bhAvaha jiNabhAvaNaM NiccaM // 88 // bAhirasaMgaccAo girisaridarikaMdarAi AvAso / sayalo NANajjhayaNo Niratthao bhAvarahiyANaM / / 89 / / bhaMjasu indiyaseNaM bhaMjasu maNamakkaDaM payatteNa / mA jaNaraMjaNakaraNaM bAhiravayavesa taM kuNasu / / 90 / / NavaNokasAyavaggaM micchattaM cayasu bhAvasuddhIe / ceiyapavayaNaguruNaM karehi bhattiM jiNANAe / / 91 / / (19)
Page #20
--------------------------------------------------------------------------
________________ titthayarabhAsiyatthaM gaNaharadevehiM gaMthiyaM sammaM / bhAvahi aNudiNu atulaM visuddhabhAveNa suyaNANaM / / 12 / / pIUNa NANasalilaM nnimmhtisddaahsosummukkaa| hoMti sivAlayavAsI tihuvaNacUDAmaNI siddhA / / 93 // dasa dasa do suparIsaha sahahi muNI sayalakAla kaaenn| sutteNa appamatto saMjamaghAdaM pamottUNa / / 14 / / jaha pattharo Na bhijai pariTThio diihkaalmudenn| taha sAhU vi Na bhijai uvasaggaparIsahehiMto / / 15 / / bhAvahi aNuvekkhAo avare paNavIsabhAvaNA bhaavi| bhAvarahieNa kiM puNa bAhiraliMgeNa kAyavvaM / / 96 / / savvavirao vi bhAvahi Nava ya payatthAI satta tccaaii| jIvasamAsAiM muNI caudasaguNaThANaNAmAI / / 97 / / NavavihabaMbhaM payaDahi abbaMbhaM dasavihaM pamottUNa / mehuNasaNNAsatto bhamio si bhavaNNave bhIme / / 98 / / bhAvasahido ya muNiNo pAvai ArAhaNAcaukkaM ca / bhAvarahido ya muNivara bhamai ciraM dIhasaMsAre / / 99 / / pAvaMti bhAvasavaNA kallANaparaMparAI sokkhaaii| dukkhAI davvasavaNA NaratiriyakudevajoNIe / / 100 / / chAyAladosadUsiyamasaNaM gasiuM asuddhabhAveNa / patto si mahAvasaNaM tiriyagaIe aNappavaso / / 101 / / saccittabhattapANaM giddhI dappeNa'dhI pabhuttUNa / patto si tivvadukkhaM aNAikAleNa taM ciMta / / 102 / / kaMdaM mUlaM bIyaM puppha pattAdi kiMci saccittaM / asiUNa mANagavvaM bhamio si aNatasaMsAre / / 103 / / viNayaM paMcapayAraM pAlahi mnnvykaayjoenn| aviNayaNarA suvihiyaM tatto muttiM na pAvati / / 104 / / NiyasattIe mahAjasa bhattIrAeNa NiccakAlammi / taM kuNa jiNabhattiparaM vijAvaccaM dasaviyappaM / / 105 / / (20)
Page #21
--------------------------------------------------------------------------
________________ jaM kiMci kayaM dosaM maNavayakAehiM asuhabhAveNa / taM garahi gurusayAse gArava mAyaM ca mottUNa / / 106 / / dujaNavayaNacaDakkaM NiThurakaDuyaM sahati sppurisaa| kammamalaNAsaNaTuM bhAveNa ya NimmamA savaNA / / 107 / / pAvaM khavai asesaMkhamAe paDimaMDio ya munnipvro| kheyaraamaraNarANaM pasaMsaNIo dhuvaM hoi / / 108 / / iyaNAUNa khamAguNa khamehi tiviheNa sayala jiivaannN| cirasaMciyakohasihaM varakhamasalileNa siMceha / / 109 / / dikkhAkAlAIyaM bhAvahi aviyaardsnnvisuddho| uttamabohiNimittaM asArasArANi muNiUNa / / 110 / / sevahi cauvihaliMgaM abbhNtrliNgsuddhimaavnnnno| bAhiraliMgamakajaM hoi phuDaM bhAvarahiyANaM / / 111 / / AhArabhayapariggahamehuNasaNNAhi mohio si tumaM / bhamio saMsAravaNe aNAikAlaM annppvso||112|| bAhirasayaNattAvaNatarumUlAINi uttaraguNANi / pAlahi bhAvavizuddho pUyAlAhaM Na iihNto||113|| bhAvahi paDhamaM taccaM bidiyaM tadiyaM cauttha paMcamayaM / tiyaraNasuddho appaM aNAiNihaNaM tivaggaharaM / / 114 / / jAva Na bhAvai taccaM jAva Na ciMtei ciNtnniiyaaii| tAva Na pAvai jIvo jaramaraNavivajjiyaM ThANaM / / 115 / / pAvaM havai asesaM puNNamasesaM ca havai prinnaamaa| pariNAmAdo baMdho mukkho jiNasAsaNe dittttho||116|| micchatta taha kasAyAsaMjamajogehiM asuhalesehiM / baMdhai asuhaM kammaM jiNavayaNaparammuho jIvo / / 117 / / tavvivarIo baMdhar3a suhakammaM bhaavsuddhimaavnnnno|| duvihapayAraM baMdhai saMkhepeNeva vajjariyaM / / 118 / / NANAvaraNAdIhiM ya aTThahiM kammehiM veDhio ya ahaM / DahiUNa iNDiM payaDami aNaMtaNANAiguNacittAM / / 119 / / (21)
Page #22
--------------------------------------------------------------------------
________________ sIlasahassaTThArasa caurAsIguNagaNANa lkkhaaii| bhAvahi aNudiNu NihilaM asappalAveNa kiM bahuNA / / 120 / / jhAyahi dhamma sukkaM aTTa raudaM ca jhANa muttUNa / ruddaTTa jhAiyAiM imeNa jIveNa cirakAlaM / / 121 / / je ke vi davvasavaNA iMdiyasuhaAulA Na chiMdaMti / chiMdaMti bhAvasavaNA jhANakuDhArehiM bhavarukkhaM / / 122 / / jaha dIvo gabbhahare mAruyabAhAvivajio jli| taha rAyANilarahio jhANapaIvo vi pajjalai / / 123 / / jhAyahi paMca vi gurave mNglcusrnnloypriyrie| Narasurakheyaramahie ArAhaNaNAyage vIre / / 124 / / NANamayavimalasIyalasalilaM pAUNa bhaviya bhAveNa / vAhijaramaraNaveyaNaDAhavimukkA sivA hoti / / 125 / / jaha bIyammi ya daDDhe Na vi rohai aMkuro ya mhiviiddhe| taha kammabIyadaDDhe bhavaMkuro bhAvasavaNANaM / / 126 / / bhAvasavaNo vi pAvai sukkhAiMduhAI davvasavaNo y| iya NAuM guNadose bhAveNa ya saMjudo hoha / / 127 / / titthayaragaNaharAI abbhudayaparaMparAI sokkhaaii| pAvaMti bhAvasahiyA saMkhevi jiNehiM vajariyaM / / 128 / / te dhaNNA tANa Namo daMsaNavaraNANacaraNasuddhANaM / bhAvasahiyANa NiccaM tiviheNa paNaTThamAyANaM / / 129 / / iDDhimatulaM viuvviya kinnnnrkiNpurisamrkhyrehiN| tehiM vi Na jAi mohaM jiNabhAvaNabhAvio dhIro / / 130 / / kiM puNa gacchai mohaM NarasurasukkhANa appasArANaM / jANaMto passaMto ciMtaMto mokkha muNidhavalo / / 131 / / uttharaha jA Na jarao royaNNI jA Na Dahai dehuddiN| indiyabalaM Na viyalai tAva tumaM kuNahi appahiMya / / 132 / / chajjIva chaDAyadaNaM NiccaM maNavayaNakAyajoehiM / kuru daya parihara muNivara bhAvi apuvvaM mahAsattaM / / 133 / / (22)
Page #23
--------------------------------------------------------------------------
________________ dasavihapANAhAro aNaMtabhavasAyare bhamaMteNa / bhoyasuhakAraNaTuM kado ya tiviheNa sayalajIvANaM / / 134 / / pANivahehi mahAjasa curaasiilkkhjonnimjjhmmi| uppajaMta maraMto patto si NiraMtaraM dukkhaM / / 135 / / jIvANamabhayadANaM dehi muNI pANibhUyasattANaM / kallANasuhaNimittaM paraMparA tivihasuddhIe / / 136 / / asiyasaya kiriyavAI akkiriyANaMca hoi culsiidii| sattaTThI aNNANI veNaIyA hoMti battIsA / / 137 / / Namuyai payaDiabhavvosuchavi AyaNNiUNa jinndhmm| guDaduddhaM pi pibaMtA Na paNNayA NivvisA hoMti / / 138 / / micchattachaNNadiTThI duddhIe dummaehiM dosehiM / dhammaM jiNapaNNattaM abhavvajIvo Na rocedi / / 139 / / kucchiyadhammammi rao kucchiypaasNddibhttisNjutto| kucchiyatavaM kuNaMto kucchiyagaibhAyaNo hoi||140|| iya micchattAvAse kuNayakusatthehiM mohio jiivo| bhamio aNAikAlaM saMsAre dhIra ciMtehi / / 141 / / pAsaMDI tiNNi sayA tisaTThi bheyA umagga muttUNa / ruMbhahi maNu jiNamagge asappalAveNa kiM bahuNA / / 142 / / jIvavimukko sabao daMsaNamukko ya hoi clsbo| sabao loyaapujo louttarayammi calasabao / / 143 / / jaha tArayANa caMdo mayarAo mayaulANa savvANaM / ahio taha sammatto risisAvayaduvihadhammANaM / / 144 / / jhphnniraaosohiphnnmnnimaannikkkirnnvipphurio| taha vimaladaMsaNadharo jiNabhattI pavayaNe jIvo / / 145 / / jaha tArAyaNasahiyaM sasaharabiMbaM khamaMDale vimle| bhAviya tavavayavimalaM jiNaliMgaM daMsaNavisuddhaM / / 146 / / iya NAuM guNadosaM daMsaNarayaNaM dhareha bhAveNa / sAraM guNarayaNANaM sovANaM paDhama mokkhassa / / 147 / / (23)
Page #24
--------------------------------------------------------------------------
________________ kattA bhoi amutto sarIramitto aNAiNihaNo ya / daMsaNaNANuvaogo NiddiTTho jiNavariMdehiM / / 148 / / daMsaNaNANAvaraNaM mohaNiyaM aMtarAiyaM kammaM / NiTThavai bhaviyajIvo sammaM jiNabhAvaNAjutto / / 149 / / balasokkhaNANadaMsaNa cattAri vi payaDA guNA hoMti / TTe ghAicaukke loyAloyaM payAsedi / / 150 / / NANI siva parameTThI savvaNhU viNhU caumuho buddho / appo vi ya paramappo kammavimukko ya hoi phuDaM / / 151 / / iya ghAikammamukko aTThArahadosavajjio sayalo / tihuvaNabhavaNapadIvo deu mamaM uttamaM bohiM / / 152 / / jiNavaracaraNaMburuhaM NamaMti je paramabhattirAeNa / te jammavellimUlaM khaNaMti varabhAvasattheNa / / 153 / / jaha salileNa Na lippar3a kamaliNipattaM sahAvapayaDIe / taha bhAveNa Na lippar3a kasAyavisaehiM sappuriso / / 154 / / te cciya bhaNAmi haM je sayalakalAsIlasaMjamaguNehiM / bahudosANAvAso sumaliNacitto Na sAvayasamo so / / 155 / / te dhIravIrapurisA khamadamakhaggeNa vipphuraMteNa / dujjayapabalabaluddharakasAyabhaDa NijjiyA jehiM / / 156 / / dhaNNA te bhagavaMtA daMsaNaNANaggapavarahatthehiM / visayamayaraharapaDiyA bhaviyA uttAriyA jehiM / / 157 / / mAyAvelli asesA mohamahAtaruvarammi ArUDhA / visayavisapupphaphulliya luNaMti muNi NANasatthehiM / / 158 / / mohamayagAravehiM ya mukkA je karuNabhAvasaMjuttA / te savvaduriyakhaMbhaM haNaMti cArittakhaggeNa / / 159 / / guNagaNamaNimAlAe jiNamayagayaNe NisAyaramuNiMdo / tArAvalipariyario puNNimaI duvva pavaNapahe / / 160 / / cakkahararAmakesavasuravarajiNagaNaharAisokkhAI / cAraNamuNiriddhIo visuddhabhAvA NarA pattA / / 161 / / (24)
Page #25
--------------------------------------------------------------------------
________________ sivamajarAmaraliMgamaNovamamuttamaM paramavimalamatulaM / pattA varasiddhisuhaM jiNabhAvaNabhAviyA jIvA / / 162 / / te me tihuvaNamahiyA siddhA suddhA NiraMjaNA NiccA / diMtu varabhAvasuddhiM daMsaNa NANe caritte ya / / 163 / / kiM jaMpieNa bahuNA attho dhammo ya kAmamokkho ca / aNNe vi ya vAvArA bhAvammi pariThiyA savve / / 164 / / iya bhAvapAhuDamiNaM savvaMbuddhehi desiyaM sammaM / jo paDhai suNai bhAvai so pAvai avicalaM ThANaM / / 165 / / mokSapAhuDa NANamayaM appANaM uvaladdhaM jeNa jhaDiyakammeNa / caiUNa ya paradavvaM Namo Namo tassa devassa / / 1 / / NamiUNa ya taM devaM aNaMtavaraNANadaMsaNaM suddhaM / vocchaM paramappANaM paramapayaM paramajoINaM // 2 // jaM jANiUNa joI joattho joiUNa aNavarayaM / avvAbAhamaNaMtaM aNovamaM lahai NivvANaM ||3|| tipayAro so appA paramaMtarabAhiro ha dehINaM / tattha paro jhAijjai aMtovAeNa car3avi bahirappA ||4|| akkhANi bAhirappA aMtaraappA tu appasaMkappo / kammakalaMkavimukko paramappA bhaNNae devo / / 5 / / malarahio kalacatto aNidio kevalo visuddhappA / parameTThI paramajiNo sivakaro sAsao siddho / 6 / / Aruhavi antarappA bahirappA chaMDiUNa tiviheNa / jhAijjai paramappA uvaiTTaM jiNavariMdehiM / / 7 / / bahiratthe phuriyamANo iMdiyadAreNa NiyasarUvacuo / NiyadehaM appANaM ajjhavasadi mUDhadiTThIo // 8 // NiyadehasaricchaM picchiUNa paraviggahaM payatteNa / acceyaNaM pi gahiyaM jhAijjai paramabhAveNa / / 9 / / (25)
Page #26
--------------------------------------------------------------------------
________________ saparajjhavasAeNaM dehesu ya avididtthmppaannN| suyadArAIvisae maNuyANaM vaDDhae moho / / 10 / / micchANANesu rao micchAbhAveNa bhAvio sNto| mohodaeNa puNaravi aMgaM saM maNNae maNuo / / 11 / / jo dehe Niravekkho NibaMdo Nimmamo NirAraMbho / AdasahAve surao joI so lahai NivvANaM / / 12 / / paradavvarao bajjhadi virao muccei vivihkmmehiN| aiso jiNauvadeso samAsado baMdhamukkhassa / / 13 / / saddavvarao savaNo sammAiTThI havei NiyameNa / sammattapariNado uNa khavei duTThaTThakammAiM / / 14 / / jo puNa paradavvarao micchAdiTThI havei so saahuu| micchattapariNado puNa bajjhadi duTTaTThakammehiM / / 15 / / paradavvAdo duggaI saddavvAdo hu suggaI hoi| iya NAUNa sadavve kuNaha raI virai iyarammi / / 16 / / AdasahAvAdaNNaM saccittAcittamissiyaM hvdi| taM paradavvaM bhaNiyaM avitatthaM savvadarisIhiM / / 17 / / duTThaTTakammarahiyaM aNovamaM NANaviggahaM NiccaM / suddhaM jiNehiM kahiyaM appANaM havadi saddavvaM / / 18 / / je jhAyaMti sadavvaM paradavvaparammuhA du sucarittA / te jiNavarANa magge aNulaggA lahahiM NivvANaM / / 19 / / jiNavaramaeNa joI jhANe jhAeha suddhamappANaM / jeNa lahai NivvANaM Na lahai kiM teNa suraloyaM / / 20 / / jo jAi joyaNasayaM diyaheNekkeNa levi gurubhaarN| so kiM kosaddhaM pi hu Na sakkae jAu bhuvaNayale / / 21 / / jo koDie Na jippai suhaDo saMgAmaehiM savvehiM / so kiM jippai ikkiM NareNa saMgAmae suhddo||22|| saggaM taveNa savvo vi pAvae tahiM vi jhaannjoenn| jo pAvai so pAvai paraloe sAsayaM sokkhaM / / 23 / / (26)
Page #27
--------------------------------------------------------------------------
________________ aisohaNajoeNaM suddhaM hemaM havei jaha taha ya / kAlAIladdhIe appA paramappao havadi / / 24 / / vara vayatavehi saggo mA dukkhaM hou Nirai iyarehiM / chAyAtavaTThiyANaM paDivAlaMtANa gurubheyaM / / 25 / / jo icchai NissariduM saMsAramahaNNavAu ruMddAo / kammiMdhaNANa DahaNaM so jhAyai appayaM suddhaM // 26 // savve kasAya mottuM gAravamayarAyadosavAmohaM / loyavavahAravirado appA jhAeha jhANattho / / 27 / / micchattaM aNNANaM pAvaM puNNaM caevi tiviheNa / moNavvaeNa joI joyattho joyae appA / / 28 / / jaM mayA dissade rUvaM taM Na jANAdi savvahA / jANagaM dissade Neva tamhA jaMpemi keNa haM / / 29 / / savvAsavaNiroheNa kammaM khavadi saMcidaM / joyattho jANae joI jiNadeveNa bhAsiyaM / / 30 / / jo sutto vavahAre so joI jaggae sakajjammi / jo jaggadi vavahAre so sutto appaNo kajje / / 31 / / iya jANiUNa joI vavahAraM cayai savvahA savvaM / jhAyai paramappANaM jaha bhaNiyaM jiNavariMdehiM / / 32 / / paMcamahavvayajutto paMcasu samidIsu tIsu guttIsu / rayaNattayasaMjutto jhANajjhayaNaM sayA kuNaha / / 33 / / rayaNattayamArAhaM jIvo ArAhao muNeyavvo / ArAhaNavihANaM tassa phalaM kevalaM NANaM / / 34 / / siddho suddho AdA savvaNhU savvaloyadarisI ya / so jiNavarehiM bhaNio jANa tumaM kevalaM gANaM / / 35 / / rayaNattayaM pi joI ArAhai jo hu jiNavaramaeNa / so jhAyadi appANaM pariharar3a paraM Na saMdeho || 36 || jaM jANai taM NANaM jaM picchai taM ca daMsaNaM NeyaM / taM cArittaM bhaNiyaM parihAro puNNapAvANaM / / 37 / / (27)
Page #28
--------------------------------------------------------------------------
________________ taccaruI sammattaM taccaggahaNaM ca havai saNNANaM / cArittaM parihAro parUviyaM jiNavariMdehiM / / 38 / / daMsaNasuddho suddho daMsaNasuddho lahei NivvANaM / daMsaNavihINapuriso Na lahai taM icchiya lAhaM / / 39 / / iya uvaesaM sAraM jaramaraNaharaM khu maNNae jaM tu / taM sammattaM bhaNiyaM savaNANaM sAvayANaM pi // 40 // jIvAjIvavihattI joI jANei jiNavaramaeNa / taM saNNANaM bhaNiyaM aviyatthaM savvadarasIhiM / / 41 / / jaM jANiUNa joI parihAraM kuNai puNNapAvANaM / taM cArittaM bhaNiyaM aviyappa kammarahiehiM / / 42 / / jo rayaNattayajutto kuNai tavaM saMjado sasattIe / so pAvai paramapayaM jhAyaMto appayaM suddhaM / / 43 || tihitiNNi dharavi NicvaMtiyarahio taha tieNa pariyario / dodosavippamukko paramappA jhAyae joI // 44 // mayamAyakoharahio loheNa vivajjio ya jo jIvo / NimmalasahAvajutto so pAvai uttamaM sokkhaM / / 45 / / visayakasAehi judo ruddo paramappabhAvarahiyamaNo / so Na lahai siddhisuhaM jiNamuddaparammuho jIvo / / 46 / / jiNamuddaM siddhisuhaM havei NiyameNa jiNavaruddiTTaM / siviNe vi Na ruccai puNa jIvA acchaMti bhavagahaNe / / 47 / / paramappaya jhAyaMto joI mucceI maladaloheNa / NAdiyadi NavaM kammaM NiTTiM jiNavariMdehiM / / 48 / / hoUNa diDhacaritto diDhasammatteNa bhAviyamaIo / jhAyaMto appANaM paramapayaM pAvae joI / / 49 / / caraNaM havai sadhammo dhammo so havai appasamabhAvo / so rAgarosarahio jIvassa aNaNNapariNAmo / / 50 / / jaha phalihamaNi visuddho paradavvajudo havei aNNaM so / taha rAgAdivijutto jIvA havadi hu aNaNNaviho / / 51 / / (28)
Page #29
--------------------------------------------------------------------------
________________ devagurummi ya bhatto sAhammiyasaMjadesu annurtto| sammattamuvvahaMto jhANarao hodi joI so||52|| uggataveNaNNANI jaM kammaM khavadi bhavahi bahuehiM / taM NANI tihi gutto khavei aMtomuhutteNa / / 53 / / suhajoeNa subhAvaM paradavve kuNai rAgado sAhU / so teNa du aNNANI NANI etto du vivarIo / / 54 / / AsavahedU ya tahA bhAvaM mokkhassa kAraNaM hvdi| so teNa du aNNANI AdasahAvA du vivarIdu / / 55 / / jo kammajAdamaio sahAvaNANassa khNddduusyro| so teNa du aNNANI jiNasAsaNadUsago bhaNido // 56 / / NANaM carittahINaM daMsaNahINaM tavehiM saMjuttaM / aNNesu bhAvarahiyaM liMgaggahaNeNa kiM sokkhaM / / 57 / / acceyaNaM pi cedA jo maNNai so havei annnnaannii| so puNa NANI bhaNio jo maNNai ceyaNe cedA / / 58 / / tavarahiyaM jaMNANaM NANavijutto tavo vi akyttho| tamhA NANataveNaM saMjutto lahai NivvANaM / / 59 / / dhuvasiddhI titthayaro cauNANajudo karei tavayaraNaM / NAUNa dhuvaM kujA tavayaraNaM NANajutto vi / / 60 / / bAhiraliMgeNa judo abbhaMtaraliMgarahiyapariyammo / so sagacarittabhaTTho mokkhapahaviNAsago sAhU / / 61 / / suheNa bhAvidaM NANaM duhe jAde vinnssdi| tamhA jahAbalaM joI appA dukkhehi bhAvae / / 62 / / AhArAsaNaNiddAjayaM ca kAUNa jinvrmenn| jhAyavvo Niya appA NAUNaM gurupasAeNa / / 63 / / appA carittavaMto dasaNaNANeNa saMjudo appaa| so jhAyavvo NiccaM NAUNaM gurupasAeNa / / 64 / / dukkhe Najjai appA appA NAUNa bhAvaNA dukkhaM / bhAviyasahAvapuriso visayesu viraccae dukkhaM / / 65 / / (29)
Page #30
--------------------------------------------------------------------------
________________ tAma Na Najjai appA visaesu Naro pavaTThae jAma / visae virattacitto joI jANei appANaM / / 66 / / appA gAUNa NarA keI sabbhAvabhAvapabbhaTThA / hiDaMti cAuraMgaM visaesu vimohiyA mUDhA / / 67 / / visayaviratA appA NAUNa bhAvaNAsahiyA / chaMDaMti cAuraMgaM tavaguNajuttA Na saMdeho // 68 // paramANupamANaM vA paradavve radi havedi mohAdo / so mUDho aNNANI AdasahAvassa vivarIo / / 69 / / appA jhAyaMtANaM daMsaNasuddhINa diDhacarittANaM / hodi dhuvaM NivvANaM visaesu virattacittANaM / / 70 / / jeNa rAgo pare davve saMsArassa hi kAraNaM / teNAvi joiNo NiccaM kujjA appe sabhAvaNaM / / 71 / / jiMdAe ya pasaMsAe dukkhe ya suhaesu ya / sattUNaM ceva baMdhUNaM cArittaM samabhAvado / / 72 / / cariyAvariyA vadasamidivajjiyA suddhabhAvapabbhaTThA / keI jaMpati Na Na hu kAlo jhANajoyassa / / 73 / / sammattaNANarahio abhavvajIvo hu mokkhaparimukko / saMsArasuhe surado Na hu kAlo bhai jhANassa / / 74 / / paMcasu mahavvadesu ya paMcasu samidIsu tIsu guttIsu / jo mUDho aNNANI Na hu kAlo bhaNai jhANassa / / 75 / / bharahe dussamakAle dhammajjhANaM havei sAhussa / taM appasahAvaThide Na hu maNNai so vi aNNANI / / 76 / / ajja vi tirayaNasuddhA appA jhAevi lahahiM iMdattaM / loyaMtiyadevattaM tattha cuA NivvudiM jaMti / / 77 / / je pAvamohiyamaI liMgaM ghettUNa jiNavariMdANaM / pAvaM kuNaMti pAvA te cattA mokkhamaggammi / / 78 / / je paMcacelasattA gaMthaggAhI ya jAyaNAsIlA / AdhAkammamma raya te cattA mokkhamaggammi / / 79 / / (30)
Page #31
--------------------------------------------------------------------------
________________ NiggaMthamohamukkA bAvIsaparIsahA jiyksaayaa| pAvAraMbhavimukkA te gahiyA mokkhamaggammi / / 8 / / uddhaddhamajjhaloye keI majjhaM Na ahymegaagii| iya bhAvaNAe joI pAvaMti hu sAsayaM sokkhaM / / 81 / / devagurUNaM bhattA NivveyaparaMparA viciNtitaa| jhANarayA sucarittA te gahiyA mokkhamaggammi / / 82 / / NicchayaNayassa evaM appA appammi appaNe surdo| so hodi hu sucaritto joI so lahai NivvANaM / / 83 / / purisAyAro appA joI vrnnaanndNsnnsmggo| jo jhAyadi so joI pAvaharo havadi NibaMdo / / 84 / / evaM jiNehi kahiyaM savaNANaM sAvayANa puNa sunnsu| saMsAraviNAsayaraM siddhiyaraM kAraNaM paramaM / / 85 / / gahiUNa ya sammattaM suNimmalaM suragirIva NikkaMpaM / taM jhANe jhAijjai sAvaya dukkhakkhayaTThAe / / 86 / / sammattaM jo jhAyai sammAiTThI havei so jiivo| sammattapariNado uNa khavei duTThaTTakammANi / / 87 / / kiM bahuNA bhaNieNaM je siddhA NaravarA gae kaale| sijjhihahi je vi bhaviyA taM jANaha sammamAhappaM / / 88 / / te dhaNNA sukayatthA te surA te vi paMDiyA mnnuyaa| sammattaM siddhiyaraM siviNe vi Na mailiyaM jehiM / / 89 / / hiMsArahie dhamme aTThArahadosavajjie deve| NiggaMthe pavvayaNe saddahaNaM hoi sammattaM / / 10 / / jahajAyarUvarUvaM susaMjayaM savvasaMgaparicattaM / liMgaM Na parAvekhaM jo maNNai tassa sammattaM / / 91 / / kucchiyadevaM dhammaM kucchiyaliMgaM ca baMdae jo du| lajAbhayagAravado micchAdiTThI have so hu / / 12 / / saparAvekkhaM liMgaM rAI devaM asaMjayaM vaMde / maNNai micchAdiTThI Na hu maNNai suddhasammatto / / 93 / / (31)
Page #32
--------------------------------------------------------------------------
________________ sammAiTThI sAvaya dhammaM jiNadevadesiyaM kuNadi / vivarIyaM kuvvaMto micchAdiTThI muNeyavvo / / 14 / / micchAdiTThI jo so saMsAre saMsarei suhrhio| jammajaramaraNapaure dukkhasahassAule jIvo / / 95 / / samma guNa miccha doso maNeNa paribhAviUNa taM kunnsu| jaM te maNassa ruccai kiM bahuNA palavieNa tu / / 16 / / bAhirasaMgavimukkoNa vi mukko miccha bhAva nniggNtho| kiM tassa ThANamauNaM Na vi jANadi appasamabhAvaM / / 97 / / mUlaguNaM chittUNa ya bAhirakammaM karei jo sAhU / so Na lahai siddhisuhaM jiNaliMgavirAhago NiyadaM / / 18 / / kiMkAhidi bahikammaM kiMkAhidi bhuvihNckhvnnNtu| kiM kAhidi AdAvaM AdasahAvassa vivarIdo / / 99 / / jadipaDhadibahusudANiyajadikAhidibahuvihaMcacArittaM / taM bAlasudaM caraNaM havei appassa vivarIdaM / / 10 / / veraggaparo sAhU paradavvaparammuho ya jo hodi| saMsArasuhaviratto sagasuddhasuhesu aNuratto / / 101 / / guNagaNavihUsiyaMgo heyopAdeyaNicchido saahuu| jhANajjhayaNe surado so pAvai uttamaM ThANaM / / 102 / / NaviehiM jaM Navijjai jhAijjai jhAiehiM aNavarayaM / thuvvaMtehiM thuNijai dehatthaM kiM pi taM muNaha / / 103 / / aruhA siddhAyariyA ujjhAyA sAhu paMca prmetttthii| te vi hu ciTThahi Ade tamhA AdA hu me saraNaM / / 104 / / sammattaM saNNANaM saccAritaM hi sattavaM cev| cauro ciTThahi Ade tamhA AdA hu me saraNaM / / 105 / / evaM jiNapaNNattaM mokkhassa ya pAhuDaM subhttiie| jo paDhai suNai bhAvai so pAvai sAsayaM sokkhaM / / 106 / / (32)
Page #33
--------------------------------------------------------------------------
________________ liMgapAhuDa kAUNa NamokAraM arahaMtANaM taheva siddhANaM / vocchAmi samaNaliMgaM pAhuDasatthaM samAseNa / / 1 / / dhammeNa hoi liMgaM Na liMgamatteNa dhmmsNpttii| jANehi bhAvadhammaM kiM te liMgeNa kaayvvo||2|| jo pAvamohidamadI liMgaM ghettUNa jiNavariMdANaM / uvahasadi liMgibhAvaM liMgimmiya NArado liMgI / / 3 / / Naccadi gAyadi tAvaM vAyaM vAedi liMgarUveNa / so pAvamohidamadI tirikkhajoNI Na so smnno||4|| sammUhadi rakkhedi ya aTuM jhAedi bhupyttenn| so pAvamohidamadI tirikkhajoNI Na so samaNo / / 5 / / kalahaM vAdaM jUvA NiccaM bahumANagavvio liNgii| vaccadi NarayaM pAo karamANo liMgirUveNa / / 6 / / pAopahadabhAvo sevadi ya aMbabhu liNgiruuvenn| so pAvamohidamadI hiMDadi saMsArakaMtAre / / 7 / / daMsaNaNANacaritte uvahANe jai Na liMgarUveNa / aTuM jhAyadi jhANaM aNaMtasaMsArio hodi / / 8 / / jo joDedi vivAha kisikammavaNijajIvaghAdaM ca / vaccadi NarayaM pAo karamANo liMgirUveNa / / 9 / / corANa 'lAurANa ca juddhaM vivAdaM ca tivvkmmehiN| jaMteNa divvamANo gacchadi liMgI NarayavAsaM / / 10 / / daMsaNaNANacaritte tavasaMjamaNiyamaNiccakammammi / pIDayadi vaTTamANo pAvadi liMgI NarayavAsaM / / 11 / / kaMdappAiya vaTTai karamANo bhoyaNesu rasagiddhiM / mAyI liMgavivAI tirikkhajoNI Na so samaNo / / 12 / / dhAvadi piMDaNimittaM kalahaM kAUNa bhuJjade piNddN| avaraparUI saMto jiNamaggi Na hoi so samaNo / / 13 / / (33)
Page #34
--------------------------------------------------------------------------
________________ giNhadi adattadANaM paraNiMdA vi ya prokkhduusehiN| jiNaliMgaM dhAraMto coreNa va hoi so smnno||14|| uppaDadi paDadi dhAvadi puDhavIokhaNadi liNgruuvenn| iriyAvahaM dhAraMto tirikkhajoNI Na so samaNo / / 15 / / baMdho Nirao saMto sassaM khaMDedi taha ya vasuhaM pi| chiMdadi tarugaNa bahuso tirikkhajoNI Na so smnno||16|| rAgaM karedi NiccaM mahilAvaggaM paraM ca duusedi| daMsaNaNANavihINo tirikkhajoNI Na so samaNo / / 17 / / pavvajahINagahiNaM NehaM sIsammi vaTTade bhuso| AyAraviNayahINo tirikkhajoNI Na so samaNo / / 18 / / evaM sahio muNivara saMjadamajjhammi vaTTade NiccaM / bahulaM pi jANamANo bhAvaviNaTTho Na so samaNo / / 19 / / daMsaNaNANacaritte mahilAvaggammi dedi vIsaTTho / pAsattha vi hu NiyaTTho bhAvaviNaTTho Na so samaNo / / 20 / / pucchalighari jo bhuJjai NiccaM saMthuNadi posae piNddN| pAvadi bAlasahAvaM bhAvaviNaTTho Na so savaNo / / 21 / / iya liMgapAhuDamiNaM savvaMbuddhehiM desiyaM dhammaM / pAlei kaTThasahiyaM so gAhadi uttamaM ThANaM / / 22 / / zIlapAhuDa vIraM visAlaNayaNaM rattuppalakomalassamappAyaM / tiviheNa paNamiUNa sIlaguNANaM NisAmeha / / 1 / / sIlassa ya NANassa ya Natthi viroho budhehiM nniddittttho| Navari ya sIleNa viNA visayA NANaM viNAsaMti / / 2 / / dukkhe Najadi NANaM NANaM NAUNa bhAvaNA dukkhaM / bhAviyamaI va jIvo visayesu virajae dukkhaM // 3 // tAva Na jANadiNANaM visayabalo jAva vaTTae jiivo| visae virattametto Na khavei purAiyaM kammaM / / 4 / / (34)
Page #35
--------------------------------------------------------------------------
________________ NANaM carittahINaM liMgaggahaNaM ca daMsaNavihUNaM / saMjamahINo ya tavo jai carai NiratthayaM savva / / 5 / / NANaM carittasuddhaM liMgaggahaNaM ca daMsaNavisuddhaM / saMjamasahido ya tavo thoo vi mahAphalo hoi / / 6 / / NANaM NAUNa NarA keI visyaaibhaavsNsttaa| hiMDaMti cAduragadiM visaesu vimohiyA mUr3hA / / 7 / / je puNa visayavirattA NANaM NAUNa bhaavnnaashidaa| chiMdaMti cAduragadiM tavaguNajuttA Na saMdeho / / 8 / / jaha kaMcaNaM visuddha dhammaiyaM khddiylvnnlevenn| taha jIvo vi visuddhaM NANavisalileNa vimaleNa / / 9 / / NANassa Natthi doso kuppurisANaM vi maMdabuddhINaM / je NANagavvidA hoUNaM visaesu rajaMti / / 10 / / NANeNa daMsaNeNa ya taveNa carieNa smmshienn| hohadi pariNivvANaM jIvANa carittasuddhANaM / / 11 / / sIlaM rakkhaMtANaM dasaNasuddhANa diDhacarittANaM / atthi dhuvaM NivvANaM visaesu virattacittANaM / / 12 / / visaesu mohidANaM kahiyaM maggaM pi iTThadarisINaM / ummaggaM darisINaM NANaM pi NiratthayaM tesiM / / 13 / / kumayakusudapasaMsA jANaMtA bahuvihAI stthaaii| zIlavadaNANarahidA Na hu te ArAdhayA hoti / / 14 / / rUvasirigavvidANaM juvvnnlaavnnnnkNtiklidaannN| sIlaguNavajjidANaM NiratthayaM mANusaM jamma / / 15 / / vAyaraNachaMdavaise siyavavahAraNAyasatthe su / vedeUNa sudesu ya tesu suyaM uttamaM zIlaM / / 16 / / sIlaguNamaMDidANaM devA bhaviyANa vallahA hoti / sudapArayapaurA NaM dussIlA appilA loe||17|| savve vi ya parihINA rUvaNirUvA vipaDidasuvayA vi| sIlaM jesu susIlaM sujIvidaM mANusaM tesiM / / 18 / / (35)
Page #36
--------------------------------------------------------------------------
________________ jIvadayA dama saccaM acoriyaM baMbhacerasaMtose / sammadaMsaNa NANaM tao ya sIlassa parivAro / / 19 / / sIlaM tavo visuddhaM daMsaNasuddhI ya NANasuddhI ya / sIlaM visayANa arI sIlaM mokkhassa sovANaM / / 20 / / jaha visayaluddha visado taha thAvarajaMgamANa ghorANaM / savvesiM pi viNAsadi visayavisaM dAruNaM hoI / / 21 / / vAri ekkammi ya jamme marijja visaveyaNAhado jIvo / visayavisaparihayA NaM bhamaMti saMsArakaMtAre / / 22 / / Naraesu veyaNAo tirikkhae mANavesu dukkhAI / devesu vi dohaggaM lahaMti visayAsiyA jIvA / / 23 / / tusadhammaMtabaleNa ya jaha davvaM Na hi NarANa gacchedi / tavasIlamaMta kusalI khavaMti visayaM visa va khalaM / / 24 / / vaTTesu ya khaMDesu ya bhaddesu ya visAlesu aMgesu / aMgesu ya pappesu ya savvesu ya uttamaM sIlaM / / 25 / / puriseNa vi sahiyA kusamayamUDhehi visayalolehiM / saMsAra bhamidavvaM arayagharaTTaM va bhUdehiM / / 26 / / Adehi kammagaMThI jA baddhA visayarAgaraMgehiM / taM chindanti kayatthA tavasaMjamasIlayaguNeNa / / 27 / / udadhI va radaNabharido tavaviNayaMsIladANarayaNANaM / soheMto ya sasIlo NivvANamaNuttaraM patto / / 28 / / suNahANa gaddahANa Na govasumahilANa dIsade mokkho / je sodhaMti cautthaM picchijjaMtA jaNehi savvehiM / / 29 / / jai visayalolahiM NANIhi havijja sAhido mokkho / to so saccaiputto dasapuvvIo vi kiM gado NarayaM / / 30 / / jar3a NANeNa visoho sIleNa viNA buhehiM NiddiTTho / dasapuvviyassa bhAvo ya Na kiM puNu Nimmalo jAdo / / 31 / / jAe visayavirato so gamayadi NarayaveyaNA paurA / tA lehadi aruhapayaM bhaNiyaM jiNavaDDhamANeNa / / 32 / / (36)
Page #37
--------------------------------------------------------------------------
________________ evaM bahuppayAraM jiNehi pcckkhnnaanndrsiihiN| sIleNa ya mokkhapayaM akkhAtIdaM ya loyaNANehiM / / 33 / / sammattaNANadaMsaNatavavIriyapaMcayAramappANaM / jalaNo vi pavaNasahido DahaMti porAyaNaM kammaM / / 34 / / NiddaDDhaaTThakammA visayavirattA jididiyA dhIrA / tavaviNayasIlasahidA siddhA siddhiM gadiM pattA / / 35 / / lAvaNyasIlakusalo jammamahIruho jassa svnnss| so sIlo sa mahappA bhamija guNavittharaM bhavie / / 36 / / NANaM jhANaM jogo daMsaNasuddhIya vIriyAyattaM / sammattadaMsaNeNa ya lahaMti jiNasAsaNe bohiM / / 37 / / jiNavayaNagahidasArA visayavirattA tavodhaNA dhiiraa|| sIlasalileNa NhAdA te siddhAlayasuhaM jaMti / / 38 / / savvaguNakhINakammA suhadukkhavivajidA mnnvisuddhaa| papphoDiyakammarayA havaMti ArAhaNApayaDA / / 39 / / arahaMte suhabhattI sammattaM daMsaNeNa suvisuddhaM / sIlaM visayavirAgo NANaM puNa kerisaM bhaNiyaM / / 40 / / (37)