________________
कत्ता भोइ अमुत्तो सरीरमित्तो अणाइणिहणो य । दंसणणाणुवओगो णिद्दिट्ठो जिणवरिंदेहिं । । १४८ ।। दंसणणाणावरणं मोहणियं अंतराइयं कम्मं । णिट्ठवइ भवियजीवो सम्मं जिणभावणाजुत्तो । । १४९।। बलसोक्खणाणदंसण चत्तारि वि पयडा गुणा होंति । ट्टे घाइचउक्के लोयालोयं पयासेदि । । १५० ।। णाणी सिव परमेट्ठी सव्वण्हू विण्हू चउमुहो बुद्धो । अप्पो वि य परमप्पो कम्मविमुक्को य होइ फुडं । । १५१ ।। इय घाइकम्ममुक्को अट्ठारहदोसवज्जिओ सयलो । तिहुवणभवणपदीवो देउ ममं उत्तमं बोहिं । । १५२ । । जिणवरचरणंबुरुहं णमंति जे परमभत्तिराएण । ते जम्मवेल्लिमूलं खणंति वरभावसत्थेण । । १५३ ।। जह सलिलेण ण लिप्पड़ कमलिणिपत्तं सहावपयडीए । तह भावेण ण लिप्पड़ कसायविसएहिं सप्पुरिसो । । १५४ । । ते च्चिय भणामि हं जे सयलकलासीलसंजमगुणेहिं । बहुदोसाणावासो सुमलिणचित्तो ण सावयसमो सो । । १५५ । । ते धीरवीरपुरिसा खमदमखग्गेण विप्फुरंतेण । दुज्जयपबलबलुद्धरकसायभड णिज्जिया जेहिं । । १५६ ।। धण्णा ते भगवंता दंसणणाणग्गपवरहत्थेहिं । विसयमयरहरपडिया भविया उत्तारिया जेहिं । । १५७ ।। मायावेल्लि असेसा मोहमहातरुवरम्मि आरूढा । विसयविसपुप्फफुल्लिय लुणंति मुणि णाणसत्थेहिं ।। १५८।। मोहमयगारवेहिं य मुक्का जे करुणभावसंजुत्ता । ते सव्वदुरियखंभं हणंति चारित्तखग्गेण ।। १५९।। गुणगणमणिमालाए जिणमयगयणे णिसायरमुणिंदो । तारावलिपरियरिओ पुण्णिमई दुव्व पवणपहे । । १६० ।। चक्कहररामकेसवसुरवरजिणगणहराइसोक्खाई ।
चारणमुणिरिद्धीओ विसुद्धभावा णरा पत्ता । । १६१।।
(24)
