________________
तच्चरुई सम्मत्तं तच्चग्गहणं च हवइ सण्णाणं । चारित्तं परिहारो परूवियं जिणवरिंदेहिं ।। ३८ ।। दंसणसुद्धो सुद्धो दंसणसुद्धो लहेइ णिव्वाणं । दंसणविहीणपुरिसो ण लहइ तं इच्छिय लाहं ।। ३९ ।। इय उवएसं सारं जरमरणहरं खु मण्णए जं तु । तं सम्मत्तं भणियं सवणाणं सावयाणं पि ॥ ४० ॥ जीवाजीवविहत्ती जोई जाणेइ जिणवरमएण । तं सण्णाणं भणियं अवियत्थं सव्वदरसीहिं । । ४१ ।। जं जाणिऊण जोई परिहारं कुणइ पुण्णपावाणं । तं चारित्तं भणियं अवियप्प कम्मरहिएहिं ।। ४२ ।। जो रयणत्तयजुत्तो कुणइ तवं संजदो ससत्तीए । सो पावइ परमपयं झायंतो अप्पयं सुद्धं ।।४३ || तिहितिण्णि धरवि णिच्वंतियरहिओ तह तिएण परियरिओ । दोदोसविप्पमुक्को परमप्पा झायए जोई ॥४४॥ मयमायकोहरहिओ लोहेण विवज्जिओ य जो जीवो । णिम्मलसहावजुत्तो सो पावइ उत्तमं सोक्खं ।। ४५ ।। विसयकसाएहि जुदो रुद्दो परमप्पभावरहियमणो । सो ण लहइ सिद्धिसुहं जिणमुद्दपरम्मुहो जीवो ।। ४६ ।। जिणमुद्दं सिद्धिसुहं हवेइ णियमेण जिणवरुद्दिट्टं । सिविणे वि ण रुच्चइ पुण जीवा अच्छंति भवगहणे ।। ४७ ।। परमप्पय झायंतो जोई मुच्चेई मलदलोहेण । णादियदि णवं कम्मं णिट्टिं जिणवरिंदेहिं । ।४८ ।। होऊण दिढचरित्तो दिढसम्मत्तेण भावियमईओ । झायंतो अप्पाणं परमपयं पावए जोई ।। ४९ । । चरणं हवइ सधम्मो धम्मो सो हवइ अप्पसमभावो । सो रागरोसरहिओ जीवस्स अणण्णपरिणामो ।। ५० ।। जह फलिहमणि विसुद्धो परदव्वजुदो हवेइ अण्णं सो । तह रागादिविजुत्तो जीवा हवदि हु अणण्णविहो । । ५१ ।।
(28)
