Page #1
--------------------------------------------------------------------------
________________ namo namo nimmaladaMsaNassa pU. AnaMda-kSamA-lalita-suzIla-sudharmasAgara gurubhyo nmH| 44 naMdIsUrya-paDhamA cUliyA / mani dIparatnasAgara Date : //2012 Jain Aagam Online Series-44
Page #2
--------------------------------------------------------------------------
________________ 44 gaMthANukkamo kamako suttaM 1-591 gAhA -90 aNkkamo piDheko 1-163 0 0 0 0 visaya naMdi -[mUlasUttaM] - vIrathuI - saMghathuI - jinavaMdanA - gaNadhara vaMdanA - jinasAsana thuI - thavirAvali - parisad - nANassa bheyA - aMgapaviTTha vaNNaNaM aNunnAnaMdi-parisiTuM-1 joganaMdi-parisiTuM-2 0 0 0 0 1-4 - dIparatnasAgara saMzodhitaH] [44-naMdIsUyaM]
Page #3
--------------------------------------------------------------------------
________________ bAlabrahmacArI zrI neminAthAya namaH 44 namo namo nimmaladaMsaNassa OM hrIM namo pavayaNassa naMdIsUrya-paDhamA - paDhamA cUliyA [3] jaganAho jagabaMdhU jaya jagappiyAmaho bhayavaM / / [5] jayai jagajIvajoNI-viyANao jagagurU jagANaMdo / [2] jayai suyANaM pabhavo titthayarANaM apacchimo jaya / jaya gurU logANaM jaya mahappA mahAvIro / / [3] bhaddaM savvajagujjogassa bhaddaM jiNassa vIrassa / bhaddaM surAsuraNamaMsiyassa bhaddaM dhuyarayassa / / [4] guNabhavana-gahaNa suyarayaNabhariya daMsaNa- visuddha - ratthAgA / saMghanagara bhaddaM te akkhaMDacaritta-pAgArA || saMjama-tava-tuMbArayassa namo sammatta - pAriyallassa / appacikkassa jao hou sayA saMghacakkassa / / [6] bhaddaM sIlapaDAgUsiyassa tava niyama-turaya- juttassa / saMgharahassa bhagavao sajjhAya - suNemi - ghosassa / / [7] kammaraya-jaloha-viniggayassa suyarayaNa- dIhanAlassa / paMcamahavvayathirakaNNiyassa guNakesarAlassa / / [8] sAvagajanamahuaraparivuDassa jinasUra - teyabuddhassa / saMghapaumassa bhaddaM samaNagaNa sahassapattassa / / [9] tava-saMjama-maya-laMchana akiriya-rAhumuha - duddharisa niccaM / jaya saMghacaMda! nimmala-sammatta - visuddhajohAgA / / [10] paratitthiya-gaha-paha- nAsagassa tavateya - dittalesassa / nANujjoyassa jae bhaddaM damasaMghasUrassa / / [11] bhaddaM dhii-velA - parigayassa sajjhAya - joga-magarassa / akkhobhassa bhagavao saMghasamuddassa ruMdassa / / [12] sammaddaMsaNa vara vara daDha rUDha gADhAvagADha- peDhassa / dhammavara-rayaNa-maMDiya cAmIyara - mehalAgassa / / [dIparatnasAgara saMzodhitaH ] [13] niyamUsiya-kaNaya-silAyalujjala-jalaMta-cittakUDassa / naMdanavana-manahara-surabhi sIla - gaMdhuddhamAyassa / / [14] jIvadayA-suMdara-kaMdaruddariya-munivara- maiMda-iNNassa / heusaya-dhAu-pagalaMta- rayaNa dittosahi-guhassa / / [15] saMvara-varajala-pagaliya-ujjhara - ppavirAyamANa- hArassa / sAvaga-jana-paura-ravaMta- mora-naccaMta-kuharassa / / [2] [44-naMdIsUyaM]
Page #4
--------------------------------------------------------------------------
________________ suttaM-16 [16] vinaya-naya-pavara-munivara- phuraMta - vijju-jjalaMta siharassa / vivihaguNa-kapparukkhaga phalabhara kusumAula - vaNassa / / [17] nANa-vararayaNa-dippaMta-kaMta veruliya- vimala-cUlassa / vaMdAmi vinayapaNao saMghamahAmaMdaragirissa / / [guNarayANujjala kaDyaM sIlasugaMdha tavamaMDi uddesaM / suyabArasaMgasiharaM saMghamahAmaMdaraM vaMde II] [ nagaraha caukkapaume caMdesUre samudda meruMmi / jo uvamijjai sayayaM taM saMghaguNAyaraM vaMde ||] [18] vaMde ubhaM ajiaM saMbhavamabhinaMdaNaM sumai-suppabha-supAsaM / sasi-pupphadaMta-sIyala-sijjaMsaM vAsupujjaM ca / / [19] vimalamanaMta ya dhammaM saMtiM kuMthu araM ca malliM ca / munisuvvaya-nami-nemiM pAsaM taha vaddhamANaM ca / / [20] paDhamittha iMdabhUI bIe puNa hoi aggibhUiti / taIe ya vAubhUI tao viyatte suhamme ya / / [21] maMDiya-moriyaputte akaMpie ceva ayalabhAyA ya / meyajje ya pahAse ya gaNaharA huti vIrassa / / [22] nivvui-paha-sAsaNayaM jayai sayA savvabhAvadesaNayaM / kusamaya-maya-nAsaNayaM jiniMdavaravIrasAsaNayaM || [23] suhammaM aggivesANaM jaMbUnAmaM ca kAsavaM / pabhavaM kaccAyaNaM vaMde vacchaM sijjaMbhavaM tahA || [24] jasabhaddaM tuMgiyaM vaMde saMbhUyaM ceva mADharaM / bhaddabAhuM ca pAiNNaM thUlabhaddaM ca goyamaM / / [25] elAvaccasagottaM vaMdAmi mahAgiriM suhatthiM ca / tatto kosiyagottaM bahulassa sarivvayaM vaMde / / [26] hAriyaguttaM sAiM ca vaMdimo hAriyaM ca sAmajjaM / vaMde kosiyagottaM saMDillaM ajjajIyadharaM [27] tisamudda-khAya-kittiM dIvasamuddesu gahiya-peyAlaM / vaMde ajjasamuddaM akkhubhiya-samudda-gaMbhIraM / / [28] bhaNagaM karagaM jharagaM pabhAvagaM nANa-daMsaNa-guNaNaM / vaMdAmi ajjamaMguM suya-sAgara - pAragaM dhIraM / / [29] vaMdAmi ajjadhammaM tatto vaMde ya bhaddaguttaM ca / tatto ya ajjavairaM tavaniyamaguNehiM vairasamaM / / [30] vaMdAmi ajjarakkhiyakhamaNe rakkhiyacarittasavvasse / rayaNakaraMDagabhUo anuogo rakkhio jehiM / / [3] [ dIparatnasAgara saMzodhitaH ] || [44-naMdIsUyaM]
Page #5
--------------------------------------------------------------------------
________________ suttaM-31 [31] nANaMmi daMsaNaMmi ya tava-vinae niccakAlamujjuttaM / ajjaM naMdilakhamaNaM sirasA vaMde pasannamanaM / / [32] vaDDhau vAyagavaMso jasavaMso ajja-nAgahatthINaM / vAgaraNa-karaNa-bhaMgI - kammapayaDI-pahANANaM / / [33] jaccaMjaNa-dhAusamappahANa muddIya-kuvalayanihANaM / vaDDha3 vAyagavaMso revainakkhattanAmANaM / / [34] ayalapurA nikkhaMte kAliyasuya-Anuogie dhIre / baMbhaddIvaga-sIhe vAyagapayamuttamaM patte / / [35] jesiM imo anuogo payarai ajjAvi aDDhabharahaMmi / bahunayara-niggaya-jase te vaMde khaMdilAyarie || [36] tatto himavaMtamahaMta-vikkame dhii-parakkamamanaMte / sajjhAyamanaMtadhare himavaMte vaMdimo sirasA / / [37] kAliyasuyaanuogassa dhArae dhArae ya puvvANaM / himavaMtakhamAsamaNe vaMde nAgajjuNAyarie || [38] miTha-maddava-saMpanne anpavviM vAyagattaNaM patte / oha-suya-samAyAre nAgajjuNavAyae vaMde / / [goviMdANaMpi namo anuogaviula dhAraNiMdANaM / niccaM khaMtidayANaM parUvaNedullabhinnANaM / tattoya bhUyadinnaM niccaM tavasaMjame aniviNaM / / ] [39] varataviya-kanaga-caMpaga-vimalau-varakamala-gabbha-sarivanne / bhaviNa-jana-hiyaya-daie dayA-guNa-visArae dhIre / / [40] aDDhabharaha-ppahANe bahuviha-sajjhAya-sumuNiya-pahANe | anuogiya-vara-vasabhe nAila-kulavaMsa-naMdikare / / / [41] bhUyahia-ppagabbhe vaMde 'haM bhUyadinnamAyarie / bhava-bhaya-vuccheyakare sIse nAgajjuNarisINaM / / [42] sumuNiya-niccAniccaM sumuNiya-suttattha-dhArayaM vaMde / sabbhAvubbhAvaNA tattha vaMde] lohiccamANANaM / / [43] attha-mahattha-kkhANiM susamaNa-vakkhANa-kahaNa-nivvANiM / payaIe maharavANiM payao paNamAmi dUsagaNiM / / [44] sukumAla-komala-tale-tesiM paNamAmi lakkhaNa-pasatthe / pAe pAvayaNINaM pADicchagasaehiM paNivaie || [45] je anne bhagavaMte kAliya-sya-Anogie dhIre / te paNamiUNa sirasA nANassa parUvaNaM vocchaM / / [46] sela-dhana-kuDaga cAlaNi paripUNaga-haMsa mahisa mese ya / dIparatnasAgara saMzodhitaH] [4] [44-naMdIsUyaM]
Page #6
--------------------------------------------------------------------------
________________ suttaM-46 masaga jalUga birAlI jAhaga go bheri AbhIrI / / [47] sA samAsao tivihA pannattA taM jahA jANiyA ajANiyA duvviyaDDhA / jANiyA jahA :[48] khIramavi jahA haMsA je ghuTuMti iha guruguNasamiddhA / dose ya vivajjaMtI taM jANas jANiyaM parisaM / / [49] ajANiyA jahA :(50] jA hoi pagaimaharA miya-chAvaya-sIhakukkuDayabhUA / rayaNAmiva asaMThaviyA ajANiyA sA bhave parisA / / [51] duvviyaDDhA jahA : 1 na ya katthai nimmAo na ya pacchai paribhavassa doseNaM / vatthi vva vAyapuNNo phuTTai gAmillaya viyaDDho / / [53] nANaM paMcavihaM pannattaM taM jahA- AbhinibohiyanANaM, suyanANaM, ohinANaM, maNapajjava nANaM, kevalanANaM / / [14] taM samAsao vihaM pannattaM taM jahA- paccakkhaM ca parokkhaM ca / [55] se kiM taM paccakkhaM ? paccakkhaM duvihaM pannattaM taM jahA-iMdiyapaccakkhaM ca noiMdiya paccakkhaM ca / [56] se kiM taM iMdiyapaccakkhaM ? iMdiyapaccakkhaM paMcavihaM pannattaM taM jahAsoiMdiyapaccakkhaM cakkhiMdiyapaccakkhaM ghANidiyapaccakkhaM jiMbbhidiyapaccakkhaM phAsiMdiyapaccakkhaM, se ttaM iMdiyapaccakkhaM / [17] se kiM taM noiMdiyapaccakkhaM? noiMdiyapaccakkhaM tivihaM pannattaM, taM jahA :ohinANapaccakkhaM maNapajjavanANapaccakkhaM kevalanANapaccakkhaM / [58] se kiM taM ohinANapaccakkhaM? ohinANapaccakkhaM duvihaM pannattaM taM jahA-bhavapaccaiyaM ca khaovasamiyaM ca / / [59] se kiM taM bhava paccaiyaM ? duNhaM, taM jahA- devANa ya neraiyANa ya / [60] se kiM taM khaovasamiyaM ? duNhaM, taM jahA- maNussANa ya paMceMdiyatirikkhajoNiyANa ya, ko heU khaovasamiyaM ? khaovasamiyaM- tayAvaraNijjANaM kammANaM udiNNANaM khaeNaM anudiNNANaM uvasameNaM ohinANaM samuppajjai / [61] ahavA guNapaDivaNNassa anagArassa ohinANaM samuppajjai, taM samAsao chavvihaM pannattaM taM jahA- AnugAmiyaM anAnugAmiyaM vaDDhamANayaM hIyamANayaM paDivAi appaDivAi / [62] se kiM taM AnugAmiyaM ohinANaM ? AnugAmiyaM ohinANaM duvihaM pannattaM taM jahAaMtagayaM ca majjhagayaM ca / / se kiM taM aMtagayaM? aMtagayaM tivihaM pannattaM taM jahA-purao aMtagayaM maggao aMtagayaM pAsao aMtagayaM | se kiM taM purao aMtagayaM ? purao aMtagayaM- se jahAnAmae kei purise ukkaM vA caDuliyaM vA dIparatnasAgara saMzodhitaH] [5] [44-naMdIsUyaM]
Page #7
--------------------------------------------------------------------------
________________ alAyaM vA maNiM vA joiM vA paIvaM vA purao kAuM paNollemANe-paNollemANe gacchejjA, se ttaM purao aMgatayaM / se kiM taM maggao aMtagayaM ? maggao aMtagayaM- se jahAnAmae kei purise ukkaM vA caDuliyaM vA suttaM-62 alAyaM vA maNiM vA joiM vA paIvaM vA maggao kAuM anukaDDhemANe anukaDDhemANe gacchejjA, se ttaM maggao aMtagayaM / se kiM taM pAsao aMtagayaM ? pAsao aMtagayaM- se jahAnAmae kei purise ukkaM vA caDuliyaM vA alAyaM vA maNiM vA joiM vA paIvaM vA pAsao kAuM parikaDDhemANe-parikaDDhemANe gacchejjA, se ttaM pAsao aMtagayaM | se ttaM aMtagayaM / ___ se kiM taM majjhagayaM ? majjhagayaM- se jahAnAmae kei purise ukkaM vA caDuliyaM vA alAyaM vA maNiM vA joI vA paIvaM vA matthae kAuM gacchejjA, settaM majjhagayaM | aMtagayassa majjhagayassa ya ko paiviseso purao aMtagaeNaM ohinANeNaM purao ceva saMkhejjANi vA asaMkhejjANi vA joyaNAi jANai pAsaDa: pAsao aMtagaeNaM ohinANeNaM pAsao ceva saMkhejjANi vA asaMkhejjANi vA joyaNADaM jANaDa pAsai; majjhagaeNaM ohinANeNaM savvao samaMtA saMkhejjANi vA asaMkhejjANi vA joyaNAiM jANai pAsai; se ttaM AnugAmiyaM ohinANaM / [63] se kiM taM anAnugAmiyaM ohinANaM? anAnugAmiyaM ohinANaM- se jahAnAmae kei purise egaM mahaMtaM joiTThANaM kAuM tasseva joiTThANassa pariperaMtehiM-pariperaMtehiM parigholemANe-parigholemANe tameva joiTThANaM pAsai, annattha gae na pAsai, evameva anAnugAmiyaM ohinANaM jattheva samuppajjai tattheva saMkhejjANi vA asaMkhejjANi vA saMbaddhANi vA asaMbaddhANi vA joyaNAI jANai pAsai, annattha gae na pAsai; se ttaM anAnugAmiyaM ohinANaM / [64] se kiM taM vaDDhamANayaM ohinANaM? taM ohinANaM pasatthesu ajjhavasANaTThANesu vaTTamANassa vaTTamANacarittassa visujjhamANassa visujjhamANacarittassa savvao samaMtA ohI vaDDhai / [65] jAvaiA tisamayAhAragassa suhumassa paNagajIvassa | ogANA jahannA ohIkhettaM jahannaM tu || [66] savvabahu aganijIvA niraMtara jattiyaM bharijjaMsu / khettaM savvadisAgaM paramohI khetta-niddihro / / [67] aMgulamAvaliyANaM bhAgamasaMkhejja dosu saMkhejjA / aMgulamAvaliyaMto AvaliyA aMgula-puhattaM / / [68] hatthaMmi muhuttaMto divasaMto gAuyaMmi boddhavvo / joyaNadivasapuhattaM pakkhaMto pannavIsAo / / [69] bharahaMmi addhamAso jaMbddIvaMmi sAhio mAso / vAsaM ca manuyaloe vAsapuhattaM ca ruyagaMmi / / [70] saMkhejjaMmi u kAle dIvasamuddA vi haMti saMkhejjA / kAlaMmi asaMkhejje dIvasamuddA u bhaiyavvA / / [71] kAle cauNha vuDDhI kAlo bhaiyavvo khettaDDhIe | vuDDhIe davvapajjava bhaiyavvA khettakAlA u / / [72] suhumo ya hoi kAlo tatto suhumayarayaM havai khettaM / dIparatnasAgara saMzodhitaH] [44-naMdIsUyaM] [6]
Page #8
--------------------------------------------------------------------------
________________ aMgalaseDhImitte osappiNio asaMkhejjA / / [73] se ttaM vaDDhamANayaM ohinANaM | suttaM-74 [74] se kiM taM hIyamANayaM ohinANaM ? hIyamANayaM ohinANaM appasatthehiM ajjhavasANahANehiM vaTTamANassa vaTTamANacarittassa saMkilissamANassa saMkilissamANacarittassa savvao samaMtA ohi parihAyai, se ttaM hIyamANayaM ohinANaM / [75] se kiM taM paDivAi ohinANaM ? paDivAi ohinANaM- jaNNaM jahanneNaM aMgulassa asaMkhejjayabhAgaM vA saMkhejjayabhAgaM vA vAlaggaM vA vAlaggapuhattaM vA likkhaM vA likkhapuhattaM vA jUyaM vA jUyapuhattaM vA javaM vA javapuhattaM vA aMgulaM vA aMgulapuhattaM vA pAyaM vA pAyapuhuttaM vA vihatthiM vA vihattipuhuttaM vA rayaNiM vA rayaNipuhattaM vA kucchiM vA kucchipuhattaM vA ghanuM vA dhanupuhattaM vA gAuyaM vA gAuyapuhattaM vA joyaNaM vA joyaNapuhattaM vA joyaNasayaM vA joyaNasayapuhattaM vA joyaNa sahassaM vA joyaNa sahassapuhattaM vA joyaNalakkhaM vA joyaNalakkhapuhattaM vA joyaNakoDiM vA joyaNakoDipuhattaM vA joyaNakoDAkoDiM vA joyaNakoDAkoDipuhattaM vA ukkoseNaM logaM vA-pAsittANaM paDivaejjA, se ttaM paDivAi ohinANaM / [76] se kiM taM apaDivAi ohinANaM ? apaDivAi ohinANaM- jeNaM alogassa egamavi AgAsapaesaM jANai pAsai, teNa paraM apaDivAi ohinANaM, se ttaM apaDivAi ohinANaM / [77] taM samAsao cauvvihaM pannattaM, taM jahA- davvao khettao kAlao bhAvao, tattha davvao NaM ohinANI jahanneNaM anaMtAI rUvidavvAiM jANai pAsai, ukkoseNaM savvAiM rUvidavvAiM jANai pAsai; khettao NaM ohinANI jahanneNaM aMgulassa aMsakhejjaibhAgaM jANai pAsai, ukkoseNaM asaMkhejjAI aloge loyamettAI khaMDAi jANai pAsai; kAlao NaM ohinANI jahanneNaM AvaliyAe asaMkhejjaibhAgaM jANai pAsai, ukkoseNaM asaMkhejjAo osappiNIo ussappiNIo aIyamanAgayaM kAlaM jANai pAsai; bhAvao NaM ohinANI jahanneNaM anaMte bhAve jANai pAsai, ukkoseNa vi anaMte bhAve jANai pAsai, savvabhAvANamanaMtabhAgaM jANai pAsai / [78] ohI bhavapaccaio guNapaccaio ya vaNNio eso / tassa ya bahU vigappA davve khette ya kAle ya / / [79] neraiya deva titthaMkarA ya ohissabAhirA haMti / pAsaMti savvao khalu sesA deseNa pAsaMti / / [80] se ttaM ohinANaM paccakkhaM / [81] se kiM taM maNapajjavanANaM ? maNapajjavanANe NaM bhaMte! kiM maNussANaM uppajjai amaNussANaM? goyamA! maNussANaM, no amaNussANaM / jai maNussANaM- kiM samucchimamaNussANaM gabbhavakkaMtiya-maNussANaM? goyamA! no samucchimamaNussANaM, gabbhavakkaMtiyamaNussANaM / jai gabbhavakkaMtiya-maNUssANaM-kiM kammabhUmiya-gabbhavakkaMtiyamaNussANaM akammabhUmiya-gabbhavakkaMtiyamaNussANaM aMtaradIvaga-gabbhavakkaMtiyaNassANaM? goyamA! kammabhUmiya-gabbhavakkaMtiyamaNassANaM no akammabhUmiyagabbhavakkaMtiya-maNussANaM no aMtaradIvaga-gabbhavakkaMtiyamaNussANaM / jai kammabhUmiya-gabbhavakkaMtiyamaNussANaM kiM saMkhejjavAsAuya-kammabhUmiya-gabbhavakkaMtiyamaNussANaM asaMkhejja-vAsAuya-kammabhUmiya[dIparatnasAgara saMzodhitaH] [7] [44-naMdIsUyaM]
Page #9
--------------------------------------------------------------------------
________________ gabbhavakkaMtiyamaNusANaM? goyamA ! saMkhejjavAsAuya-kammabhUmiya-gabbhavakkaMtiyaNusANaM no asaMkhejjavAsAuya-kammabhUmiya-gabbhavakkaMtiyamaNussANaM / jai saMkhejjavAsAuya-kammabhUmiya-gabbhavakkaMtiyamaNussANaM- kiM pajjattaga-saMkhejjavAsAuya-kammabhUmiya-gabbhavakkaMtiyamaNussANaM, apajjattaga-saMkhejjasuttaM-81 vAsAuya-kammabhUmiya-gabbhavakkaMtiyamaNussANaM ? goyamA ! pajjattaga-saMkhejjavAsAuya-kammabhUmiya-gabbhavakkaMtiya-maNussANaM no apajjattaga-saMkhejjavAsAuya-kammabhUmiya-gabbhavakkaMtiyamaNussANaM / jai pajjattaga-saMkhejjavAsAuya-kammabhUmiya-gabbhavakkaMtiyamaNussANaM- kiM sammadiTThipajjattaga. micchAdiTThi pajjattaga0 sammAmicchadiTThi pajjattaga-saMkhejjavAsAuya-kammabhUmiya-gabbhavakkaMtiyamaNussANaM? goyamA ! sammadiTThi-pajjattaga-saMkhejjavAsAuya-kammabhUmiya-gabbhavakkaMtiya-maNussANaM, no micchadiTThi-pajjattaga0 no sammAmicchadiTThi-pajjattaga-saMkhejjavAsAuya-kammabhUmiyagabbhavakkaMtiyamamussANaM / jai sammadiTThi-pajjattaga-saMkhejjavAsAuya-kammabhUmi - gabbhavakkaMtiya maNussANaM-kiM saMyama-sammadiTThI0 asaMjaya sammadiTThi0 saMjayAsaMjayasammaddiTThi pajjattaga saMkhejja - vAsAuya kammabhUmiya gabbhavakkaMtiya maNu0 ? goyamA ! saMjaya sammadiTThi-pajjattaga-saMkhejjavAsAuya-kammabhUmiyagabbhavakkaMtiya-maNussANaM, no asaMjaya - sammadiTThi0, no saMjayAsaMjaya - sammadiTThi0 maNussANaM / jai saMjaya-sammadiTThi-pajjattaga-saMkhejjavAsAuya kammabhUmiya-gabbhavakkaMtiya maNussANaM kiM pamattasaMjaya-sammadiTThi0 apamatta-saMjaya-sammadiTThi-pajjattaga-saMkhejjavAsAuya-kammabhUmiya-gabbhavakkaMtiyamaNussANaM ? goyamA! apamattasaMjaya - sammadiTThi pajjattaga saMkhejjavAsAuya-kammabhUmiya-gabbhavakkaMtiya maNussANaM, no pamattasaMjaya - sammadiTThi0 maNussANaM / jai apamattasaMjaya sammadiTThi pajjataga saMkhejjavAsAuya-kammabhUmi - gabbhavakkaMtiya maNussANaM-kiM iDDhipatta apamattasaMjaya sammadiTThapajjattaga-saMkhejjavAsAuya-kammabhUmiya-gabbhavakkaMtiya maNussANaM aNiDhipatta-apamattasaMjaya0 maNussANaM ? goyamA! iDDhipatta-apamattasaMjaya-sammadiTThi-pajjattaga-saMkhejjavAsAuya-kammabhUmiya-gabbhavakkaMtiya maNussANaM maNapajjavanANaM samuppajjai, no aNiDhipatta apamatta0 maNuyANaM / [82] taM ca duvihaM uppajjai taM jahA - ujjumaI ya viulamaI ya, taM samAsao cauvvihaM pannattaM taM jahA-davvao khettao kAlao bhAvao, tattha davvao NaM ujjumaINaM anaMte anaMtapaesie khaMdhe jANai pAsai, te ceva viulamaI abbhahiyatarAe viulatarAe visuddhatarAe vitimiratarAe jANai pAsai / khettao NaM ujjumaI jahanneNaM aMgulassa asaMkhejjayabhAgaM ukkoseNaM ahe jAva i rayaNappabhAe puDhavIe uvarimaheTThille khuDDAgapayare uDDhaM jAva joisassa uvarimatale tiriyaM jAva aMtomaNussakhette aDDhAijjesu dIvasamuddesu pannarasasu kammabhUmIsa tIsAe akammabhUmisuM chappannae aMtaradIvagesu saNNINaM paMcediyANaM pajjattayANa manIgae bhAve jANai pAsai taM ceva viulamaI aDDhAijjehimaMgulehiM abbhahiyataraM viulataraM visuddhataraM vitimirataraM khettaM jANai pAsai / kAlao NaM ujjumaI jahanneNaM paliovamassa asaMkhijjayabhAgaM ukkoseNa vi paliovamassa asaMkhijjayabhAgaM atIyamanAgayaM vA kAlaM jANai pAsai taM ceva viulamaI abbhahiyatarAgaM viulatarAgaM visuddhatarAgaM vitimiratarAgaM jANai pAsai / bhAvao NaM ujjumaI anaMte bhAve jANai pAsai, savvabhAvANaM anaMtabhAgaM jANai pAsai taM ceva viulamaI abbhahiyatarAgaM viulatarAgaM visuddhatarAgaM vitimiratarAgaM jANai pAsa / [dIparatnasAgara saMzodhitaH ] [8] - [44-naMdIsUyaM]
Page #10
--------------------------------------------------------------------------
________________ [83] maNapajjavanANaM puNa janamanapariciMtiyatthapAgaDaNaM / mAnusakhettanibaddhaM guNapaccaiyaM carittavao / / [84] se ttaM maNapajjavanANaM | suttaM-85 [85] se kiM taM kevalanANaM ? kevalanANaM duvihaM pannattaM taM jahA- bhavatthakevalanANaM ca siddha kevalanANaM ca / se kiM taM bhavatthakevalanANaM ? bhavatthakevalanANaM vihaM pannattaM, taM jahA- sajogi-bhavatthakevalanANaM ca ajogibhavatthakevalanANaM ca | se kiM taM sajogibhavatthakevalanANaM ? sajogibhavatthakevalanANaM vihaM pannattaM taM jahA-paDhamasamayasajogibhavatthakevalanANaM ca apaDhamasamaya-sajogibhavatthakevalanANaM ca ahavA-caramasamayasajogibhavatthakevalanANaM ca acaramasamayasajogi-bhavatthakevalanANaM ca settaM sajogibhavatthakevalanANaM / se kiM taM ajogibhavatthakevalanANaM? ajogi-bhavatthakevalanANaM duvihaM pannattaM taM jahApaDhamasamaya-ajogibhavatthakevalanANaM ca apaDhamasamaya ajogibhavatthakevalanANaM ca ahavA caramasamayaajogibhavatthakevalanANaM ca acaramasamayaajogi-bhavatthakevalanANaM ca, se ttaM ajogibhavatthakevalanANaM / [86] se kiM taM siddhakevalanANaM? siddhakevalanANaM duvihaM pannattaM taM jahA- anaMtarasiddhakevalanANaM ca paraMparasiddha kevalanANaM ca / [87] se kiM taM anaMtaraM siddhakevalanANaM? anaMtarasiddhakevalanANaM pannarasavihaM pannattaM, taM jahA- titthasiddhA atitthasiddhA titthayarasiddhA atitthayarasiddhA sayaMbuddhasiddhA patteyabuddhasiddhA buddhabohiyasiddhA ithiliMgasiddhA purisaliMgasiddhA napuMsagaliMgasiddhA saliMgasiddhA annaliMgasiddhA gihiliMgasiddhA egasiddhA anegasiddhA se ttaM anaMtarasiddhakevalanANaM / [88] se kiM taM paraMparasiddhakevalanANaM? paraMparasiddhakevalanANaM anegavihaM pannattaM, taM jahA apaDhamasamayasiddhA dusamayasiddhA tisamayasiddhA causamayasiddhA jAva dasasamayasiddhA saMkhejjasamayasiddhA asaMkhejjasamayasiddhA anaMtasamayasiddhA, settaM paraMparasiddha kevalanANaM, se ttaM siddhakevalanANaM / 89] taM samAsao cauvvihaM pannattaM, taM jahA- davvao khettao kAlao bhAvao, tattha davvao NaM kevalanANI savvadavvAiM jANai pAsai, khettao NaM kevalanANI savvaM khettaM jANai pAsai, kAlao NaM kevalanANI savvaM kAlaM jANai pAsai, bhAvao NaM kevalanANI savve bhAve jANai pAsai / [90] aha savvadavvapariNAma-bhAva viNNati-kAraNamanaMtaM / sAsayamappaDivAI egavihaM kevalaM nANaM / / [91] kevalanANeNa'tthe nAuM je tattha pannavaNajoge | te bhAsai titthayaro vaijoga syaM havai sesaM / / [92] se ttaM kevalanANaM se ttaM paccakkhaM / [93] se kiM taM parokkhaM ? parokkhaM duvihaM pannattaM, taM jahA- AbhinibohiyanANaparokkhaM ca suyanANaparokkhaM ca, jatthAbhinibohiyanANaM tattha suyanANaM jattha suyanANaM tatthAbhinibohiyanANaM, dovi eyAiM annamannamanugayAiM tahavi puNa ittha AyariyA nANattaM pannaveMti-abhinibujjhai tti AbhinibohiyaM, suNei tti suyaM, maipuvvaM jeNa suyaM na maI suya puvviyA / dIparatnasAgara saMzodhitaH] [9] [44-naMdIsUrya]
Page #11
--------------------------------------------------------------------------
________________ [94] avisesiyA maI mainANaM ca maiannANaM ca visesiyA maI sammaddiTThissa maI mainANaM micchaddiTThissa maI maiannANaM, avisesiyaM suyaM - suyanANaM ca suyaannANaM ca, visesiyaMsammadiTThissa suyaM suyanANaM micchadiTThissa suyaM suyaannANaM / [95] se kiM taM AbhinibohiyanANaM ? AbhinibohiyanANaM duvihaM pannattaM taM jahA- su nissiyaM ca asuya nissiyaM ca, se kiM taM asuyanissiyaM ? asuyanissiyaM cauvvihaM pannattaM taM jahA- | suttaM-96 [96] uppattiyA veNaiyA kammayA pAriNAmiyA | buddhi cavvihA vRttA paMcamA novala bhaI / / [97] puvvaM adiTThe asuyaM aveiya-takkhaNavisuddhagahiyatthA / avvAhaya-phalajogA buddhI uppattiyA nAma / / [98] bharahasila paNiya rukkhe khuDDaga paDa saraDa kAya uccAre / gaya ghayaNa gola khaMbhe khuDDaga maggi-tthi par3a putte / / [ 99 ] bharahasila miMDha kukkuDa tila vAluya hatthi agaDa vanasaMDe / pAyasa aiyA patte khADahilA paMca piaro ya / / [100] mahusittha-muddi-aMke ya nANae - bhikkhu-ceDaganihANe / sikkhA ya atthasatthe icchA ya mahaM sayasahasse || [101] bharanittharaNasamatthA tivaggasuttatthagahiyapeyAlA / ubhaologa phalavaI vinayasamutthA havai buddhI || [102] nimitte atthasatthe ya lehe gaNie ya kUva-asse ya / gaddabha-lakkhaNa-gaMThI agae rahie ya gaNiyA ya / / [103] sIyA sADI dIhaM ca taNaM avasavvayaM ca kuMcassa / nivvodaya ya goNe ghoDagapaDaNaM ca rukkhAo / / [104] uvaogadiTThasArA kammapasaMgaparigholaNa-visAlA | sAhukkAraphalavaI kammasamutthA havai buddhI / / [105] heraNNie karisae koliya Doe ya mutti - ghaya-pavae / tuNNAga vaDDhai pUie ya ghaDa- cittakAre ya / / [106] anumAna heu - diTThata sAhiyA vayavivAga - pariNAmA / hiyanisseyasaphalavaI buddhI pariNAmiyA nAma / / [107] abhae siTThi-kumAre devI udiodae havai rAyA / sAhU ya naMdisene dhanadatte sAvaga-amacce / / [108] khamae amaccaputte cANakke ceva thUlabhadde ya / nAsikka-suMdarInaMde vaire pariNAmiyA buddhI / / [109] calaNAhaNa AmaMDe maNI ya sappe ya khaggi-bhiMde / pariNAmiya buddhIe evamAI udAharaNA / / [110] se taM asuyanissiyaM / [ dIparatnasAgara saMzodhitaH ] [10] [44-naMdIsUyaM]
Page #12
--------------------------------------------------------------------------
________________ [111] se kiM taM suyanissiyaM ? taM0 cauvvihaM pannattaM taM jahA- uggahe IhA avAo dhaarnnaa| [112] se kiM taM uggahe ? duvihe pannatte taM jahA-atthuggahe ya vaMjaNuggahe ya | [113] se kiM taM vaMjaNuggahe ? vaMjaNuggahe cauvvihe pannatte taM jahA- soiMdiyavaMjaNuggahe ghANidiyavaMjaNuggahe jiMbhiMdiyavaMjaNuggahe phAsiMdiyavaMjaNuggahe, se ttaM vaMjaNuggahe / [114] se kiM taM atthuggahe ? atthuggahe chavvihe pannatte taM jahA- soiMdiyaatthuggahe suttaM-114 cakkhiMdiyaatthuggahe ghANiMdiyaatthuggahe jibbhiMdiyaatthuggahe phAsiMdiyaatthuggahe noiMdiyaatthuggahe / [115] tassa NaM ime egaTThiyA nAnAghosA nAnAvaMjaNA paMca nAmadhijjA bhavaMti, taM jahAogeNhaNayA uvadhAraNayA savaNayA avalaMbaNayA mehA, se ttaM uggahe / [116] se kiM taM IhA? IhA chavvihA pannattA, taM jahA- soiMdiyaIhA cakkhiMdiyaIhA ghANidiyaIhA janbhiMdiyaIhA phAsiMdiyaIhA noiMdiyaIhA, tIseNaM ime egaTThiyA nANAghosA nANAvaMjaNA paMca nAmadhijjA bhavaMti taM jahA- AbhogaNayA maggaNayA gavasaNayA ciMtA vImaMsA, se ttaM IhA / [117] se kiM taM avAe? avAe chavvihe pannatte taM jahA- soiMdiyaavAe cakkhiMdiyaavAe ghANidiyaavAe jibhidiyaavAe phAsiMdiyaavAe noiMdiyaavAe, tassa NaM ime egaTThiyA nAnAghosA nAnAvaMjaNA paMca nAmadhijjA bhavaMti, AuTTaNayA paccAuTTaNayA avAe buddhI viNNANe, se ttaM avAe / [118] se kiM taM dhAraNA? dhAraNA chavvihA pannattA, taM jahA- soiMdiyadhAraNA cakkhiMdiya dhAraNA ghANidiyadhAraNA jibhidiyadhAraNA noiMdiyadhAraNA, tIse NaM ime egaDhiyA nANAghosA nANAvaMjaNA paMca nAmadhijjA bhavaMti taM jahA-dhAraNA sAdhAraNA ThavaNA paiTThA koTTe, se ttaM dhAraNA / [119] uggahe ikkasAmaie, aMtomuhuttiyA IhA aMtomuhuttie avAe, dhAraNA saMkhejjaM vA kAlaM asaMkhejjaM vA kAlaM / / [120] evaM aTThAvIsaivihassa AbhinibohiyanANassa vaMjaNaggahassa parUvaNaM karissAmipaDibohagadiluteNa ya mallagadiDhateNa ya, se kiM taM paDibohagadiDhateNaM ? paDibohagadiDhateNaM-se jahAnAmae ker3a purise kaMci purisaM suttaM paDibohejjA- amugA amuga tti, tattha coyage pannavagaM evaM vayAsI- kiM egasamayapaviTThA puggalA gahaNamAgacchaMti, dusamayapaviTThA0 jAva dasasamayapaviTThA0, saMkhejjasamaya-paviTThA0, asaMkhejja-samayapaviTThA puggalA gahaNamAgacchaMti ? evaM vaMdaMtaM coagaM pannavae evaM vayAsi, no ega samaya paviTThA0 no du-samaya paviTThA0 jAva no saMkhijja samaya paviTThA0, asaMkhijja samaya paviTThA puggalA gahaNaM Agacchati / se ttaM paDibohagadiluteNaM, se kiM taM mallagadidaMteNaM ? mallagadidaMteNaM- se jahAnAmae keDa parise AvAgasIsAo mallagaM gahAya tatthegaM udagabiMdu pakkhivijjA, se naDhe anne 'vi pakkhitte se vi naTe, evaM pakkhippamANesu-pakkhippamANesu hohI se udagabiMdU, je NaM taMsi mallagaMsi ThAhiti hohI se udagabiMdU, je NaM taM mallagaM bharehiti hohI se udagabiMdU, je NaM taM mallagaM pavAhehiti evAmeva pakkhippamANehiM-pakkhippamANehiM anaMtehiM puggalehiM jAhe taM vaMjaNaM pUriyaM hoi tAhe huM ti karei, no ceva NaM jANai ke vi esa saddAi, tao IhaM pavisai tao jANai amuge esa saddAi tao avAyaM pavisai tao se uvagayaM havai, tao NaM dhAraNaM pavisai tao NaM dhArei saMkhejjaM vA kAlaM asaMkhejjaM vA kAlaM se jahAnAmae kei parise avvattaM sadaM [dIparatnasAgara saMzodhitaH] [11] [44-naMdIsUyaM]
Page #13
--------------------------------------------------------------------------
________________ suNijjA teNaM sadde tti uggahie, no ceva NaM jANai ke vi esa saddAi ? tao IhaM pavisai, tao jANai amuge esa sadde, tao NaM avAyaM pavisai tao se uvagayaM havai tao dhAraNaM pavisai tao NaM dhArei saMkhejjaM vA kAlaM asaMkhejjaM vA kAlaM / se jahAnAmae kei purise avvattaM rUvaM pAsijjA teNaM svetti uggahie0 avvattaM gaMdhaM agghAijjA teNaM gaMdhe tti uggahie0 avvattaM rasaM AsAijjA teNaM rase tti uggahie. avvattaM phAsaM paDisaMveijjA teNaM phAse tti uThagahie no ceva NaM jANai ke vi esa phAsa tti, tao IhaM pavisai tao suttaM-120 jANai amuge esa phAse, tao avAyaM pavisai tao se uvagayaM havai, tao dhAraNaM pavisai tao NaM dhArei saMkhejjaM vA kAlaM asaMkhejjaM vA kAlaM / se jahAnAmae kei purise avvattaM sumiNaM paDisaMvedejjA teNaM sumiNetti uggahie no ceva NaM jANai ke vi esa sumiNe tti tao IhaM pavisai tao jANai amuge esa sumiNe, tao avAyaM pavisai tao se uvagayaM havai, tao dhAraNaM pavisai tao NaM dhArei saMkhejjaM vA kAlaM asaMkhejjaM vA kAlaM, se ttaM mallagadidvaMteNaM / ___[121] taM samAsao cauvvihaM pannattaM taM jahA-davvao khettao kAlao bhAvao tattha davvao NaM AbhinibohiyanANI AeseNaM savvadavvAiM jANai na pAsai, khettao NaM AbhinibohiyanANI AeseNaM savvaM khettaM jANai na pAsai, kAlao NaM AbhinibohiyanANI AeseNaM savvaM kAlaM jANai na pAsai, bhAvao NaM AbhinibohiyanANI AeseNaM savve bhAve jANai na pAsai / [122] uggaha IhA 'vAo ya dhAraNA eva haMti cattAri / AbhinibohiyanANassa bheyavatthU samAseNaM / / / [123] atthANaM uggahaNaMmi uggaha taha viyAlaNaM ihaM / vavasAyaMmi avAyaM dharaNaM puNa dhAraNaM biMti / / [124] uggaha ikkaM samayaM IhA 'vAyA muhuttamaddhaM tu | kAlamasaMkhaM saMkhaM ca dhAraNA hoi nAyavvA / / [125] puDhe suNei sadaM rUvaM puNa pAsai apuDhe tu / gaMdhaM rasaM ca phAsaM ca baddhapuDhe viyAgare / / [126] bhAsAsamaseDhIo sadaM jaM suNai mIsayaM suNai / vIseDhI puNa sadaM jaM suNei niyamA parAghAe / / [127] IhA apoha vImaMsA maggaNA ya gavasaNA / saNNA saI maI pannA savvaM AbhinibohiyaM / / [128] se ttaM AbhinibohiyanANaparokkhaM / [129] se kiM taM suyanANaparokkhaM? suyanANaparokkhaM coddasavihaM pannattaM, taM jahAakkharasuyaM anakkharasuyaM, saNNisuyaM asaNNisuyaM, sammasuyaM micchasuyaM, sAiyaM anAiyaM, sapajjavasiyaM apajjavasiyaM, gamiyaM agamiyaM, aMgapaviDhaM anaMgapaviTuM / [130] se kiM taM akkharasuyaM ? akkharasuyaM tivihaM pannattaM, taM jahA saNNakkharaM vaMjaNakkharaM laddhiakkharaM | se kiM taM saNNakkharaM ? saNNakkharaM akkharassa saMThANAgiI, se ttaM saNNakkharaM | se kiM taM [dIparatnasAgara saMzodhitaH] [12] [44-naMdIsUyaM]
Page #14
--------------------------------------------------------------------------
________________ vaMjaNakkharaM ? vaMjaNakkharaM- akkharassa vaMjaNAbhilAvo, se ttaM vaMjaNakkharaM, se kiM taM laddhiakkharaM ? laddhiakkharaM akkharaladdhiyassa laddhiakkharaM samuppajjai, taM jahA- soiMdiyaladdhiakkharaM cakkhiMdiyaladdhiakkharaM ghANiMdiyaladdhiakkharaM rasaNiMdiyaladdhiakkharaM phAsiMdiyaladdhiakkharaM noiMdiyaladdhiakkharaM, se ttaM laddhiakkharaM / se ttaM akkharasuyaM / se kiM taM anakkharasuyaM ? anakkharasuyaM anegavihaM pannattaM [taMjahA] / [131] UsasiyaM nIsasiyaM nicchUDhaM khAsiyaM ca chIyaM ca / nissiMghiyamanusAraM anakkharaM cheliyAIyaM / / suttaM-132 [132] se ttaM ana [133] se kiM taM saNNisuyaM? saNNisuyaM tivihaM pannattaM, taM jahA- kAliovaeseNaM heUvaeseNaM diTThivAovaeseNaM, se kiM taM kAliovaeseNaM ? kAliovaeseNaM jassa NaM atthi IhA apoho maggaNA gavesaNA ciMtA vImaMsA se NaM saNNIti labbhai, jassa NaM natthi IhA apoho maggaNA gavesaNA ciMtA-vImaMsA se NaM asaNNIti labbhai, settaM kAliovaeseNaM | se kiM taM heUvaeseNaM ? heUvaeseNaM jassa NaM atthi abhisaMdhAraNapuvviyA karaNasattI se NaM saNNIti labbhai, jassa NaM natthi abhisaMdhAraNapuvvayA karaNasattI se NaM asaNNIti labbhai, se ttaM heUvaeseNaM | se kiM taM didvivAovaeseNaM ? didvivAovaeseNaM-saNNisuyassa khaovasameNaM saNNI ti labbhai / se ttaM diTThivAovaeseNaM / se ttaM saNNisuyaM, settaM asaNNisyaM / [134] se kiM taM sammasuyaM ? sammasuyaM jaM imaM arahaMtehiM bhagavaMtehiM uppannanANadaMsaNadharehiM telokkanirikkhiya-mahiya-pUiehiM tIya-par3appannamanAgayajANaehiM savvannUhiM savvadarisIhiM paNIyaM duvAlasaMga gaNipiDagaM taM jahA- AyAro sUyagaDo ThANaM samavAo vivAhapannattI nAyAdhammakahAo uvAsagadasAo aMtagaDadasAo anuttarovavAiyadasAo paNhAvAgaraNAiM vivAgasuyaM didvivAo, icceyaM duvAlasaMgaM gaNipiDagaM coddasapuvvissa sammasuyaM abhinnadasapuvvissa sammasuyaM, teNaM paraM bhinnesu bhayaNA, se ttaM sammasuyaM / ___ [135] se kiM taM micchasuyaM ? micchasuyaM jaM imaM annANiehiM micchAdihiehiM sacchaMdabuddhimai vigappiyaM, taM jahA-bhArahaM rAmAyaNaM bhImAsuruttaM koDillayaM sagaDabhadiyAo ghoDagamuhaM kappAsiyaM nAgasuhumaM kanagasattarI vaisesiyaM buddhavayaNaM terAsiyaM kAviliyaM logAyayaM sadvitaMtaM mADharaM purANaM vAgaraNaM bhAgavaM pAyaMjalI pussadevayaM lehaM gaNiyaM sauNaruyaM nADagAdI, ahavA-bAvattarikalAo cattAri ya veyA saMgovaMgA, eyAI micchadidvissa micchatta-pariggahiyAI micchasUyaM, eyAiM ceva sammadidvissa sammattapariggahiyAiM sammasuyaM ahavA micchadihissa vi eyAiM ceva sammasuyaM, kamhA ? sammattaheuttaNao, jamhA te micchadiTThiyA tehiM ceva samaehiM coiyA samANA kei sapakkhadiTThIo cayaMti, se ttaM micchasuyaM / _ [136] se kiM taM sAiyaM sapajjavasiyaM anAiyaM apajjavasiyaM ca? icceiyaM dvAlasaMga gaNipaDigaM vucchittinayaTThayAe sAiyaM sapajjavasiyaM avucchitti nayaTThayAe anAiyaM apajjavasiyaM, taM samAsao cauvvihaM pannattaM, taM jahA-davvao khettao kAlao bhAvao, tattha davvao NaM sammasuyaM egaM purisaM paDucca sAiyaM sapajjavasiyaM, bahave purise ya paDucca anAiyaM apajjavasiyaM, khettao NaM paMcabharahAI paMcaeravayAiM paDucca sAiyaM sapajjavasiyaM paMca mahAvidehAiM paDucca anAiyaM apajjavasiyaM, kAlao NaMosappiNi ussappiNiM ca paDucca sAiyaM sapajjavasiyaM, noosappiNiM noussappiNiM ca paDucca anAiyaM dIparatnasAgara saMzodhitaH] [13] [44-naMdIsUyaM]
Page #15
--------------------------------------------------------------------------
________________ apajjavasiyaM bhAvao NaM - je jayA jinapannattA bhAvA AghavijjaMti pannavijjati parUvijjaMti daMsijjaMti nidaMsijjaMti uvadaMsijjaMti tayA te bhAvA paDucca sAiyaM sapajjavasiyaM, khAovasamiyaM puNaM bhAvaM paDucca anAiyaM apajjavasiyaM, ahavA bhavasiddhiyassa suyaM sAiyaM sapajjavasiyaM abhavasiddhiyassa suyaM anAiyaM apajjavasiyaM, savvAgAsapaesaggaM savvAgAsapaesehiM anaMtaguNiyaM pajjavakkharaM nipphajjai savvajIvANaM pi ya NaM akkharassa anaMtabhAgo niccugghADio, jar3a puNa so vi AvarijjA teNaM jIvo ajIvattaM pAvijjA suddavi mehasamudae, hoi pabhA caMdasUrANaM, settaM sAiyaM sapajjavasiyaM, se ttaM anAiyaM apajjavasiyaM / suttaM-137 [137] se kiM taM gamiyaM ? se kiM taM agamiyaM ? gamiyaM dihivAo, agamiyaM kAliyaM suyaM | se ttaM gamiyaM, se ttaM agamiyaM / ahavA taM samAsao vihaM pannattaM taM jahA-aMgapaviDhe aMgabAhiraM c| cula se kiM taM aMgabAhiraM ? aMgabAhiraM duvihaM pannattaM, taM jahA-AvassayaM ca AvassayavairittaM ca | se kiM taM AvassayaM ? AvassayaM chavvihaM pannattaM taM jahA-sAmAiyaM cauvIsatthao vaMdaNayaM paDikkamaNaM kAussaggo paccakkhANaM, se ttaM AvassayaM / se kiM taM AvassayavairittaM ? AvassayavairittaM duvihaM pannattaM, taM jahA-kAliyaM ca ukkAliyaM ca | se kiM taM ukkAliyaM? ukkAliyaM anegavihaM pannattaM, taM jahA-dasaveyAliyaM kappiyAkappiyaM ovAiyaM rAyapaseNiyaM jIvAbhigame pannavaNA mahApannavaNA pamAyappamAyaM naMdI anuogadArAiM deviMdatthao taMdulaveyAliyaM caMdAvejjhayaM sUrapannattI caMda pannattI ?] porisimaMDalaM maMDalapaveso vijjAcaraNaviNicchao gaNivijjA jhANavibhattI maraNavibhattI AyavisohI maraNavisohI vIyarAgasuyaM saMlehaNAsuyaM vihArakappo caraNavihI AurapaccakkhANaM mahApaccakkhANaM evamAi, se ttaM ukkAliyaM / se kiM taM kAliyaM? kAliyaM anegavihaM pannattaM taM jahA- uttarajjhayaNAiM dasAo kappo vavahAro nisIhaM mahAnisIhaM isibhAsiyAiM jaMbuddIvapannattI dIvasAgarapannattI [caMdapannattI] khuDiyAvimANapavibhattI mahalliyAvimANapavibhattI aMgacUliyA vaggacUliyA vivAhacUliyA aruNovavAe varuNovavAe garulovavAe dharaNovavAe vesamaNovavAe velaMdharovavAe deviMdovavAe uTThANasue samuTThANasue nAgapariyAvaNiyAo nirayAvaliyAo [kappiyAo] kappavaDaMsiyAo pupphiyAo pupphacUliyAo vaNhidasAo / evamAiyAI caurAsIiM paiNNasahassAiM bhagavao arahao usahasAmissa Aititthayarassa tahA saMkhijjAiM paiNNagasahassAI majjhimagANaM jinavarANaM coddasa paiNNagasahassANi bhagavao vaddhamANasAmissa ahavA jassa jattiyA sIsA uppattiyAe veNaiyAe kammayAe pAriNAmiyAe-cauvvihAe buddhIe uvaveyA tassa tattiyAiM paiNNagasahassAiM, patteyabuddhAvi tattiyA ceva, se ttaM kAliyaM, se ttaM AvassayavairittaM, se ttaM anaMgapaviTuM / [138] se kiM taM aMgapaviTuM ? aMgapaviDhe duvAlasavihaM pannattaM, taM jahA- AyAro sUyagaDo ThANaM samavAo vivAhapannattI nAyAdhammakahAo uvAsagadasAo aMtagaDadasAo anuttarovavAiyadasAo paNhAvAgaraNAiM vivAgasuyaM dihivAo | dIparatnasAgara saMzodhitaH] [14] [44-naMdIsUyaM]
Page #16
--------------------------------------------------------------------------
________________ [139] se kiM taM AyAre? AyAre NaM samaNANaM niggaMthANaM AyAra-goyara-vinaya-venaiya sikkhA-bhAsA-abhAsA-caraNa-karaNa-jAyA-mAyA-vittIo AghavijjaMti0. se samAsao paMcavihe pannatte taM jahA-nANAyAre daMsaNAyAre carittAyAre tavAyAre vIriyAyAre, AyAre NaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo paDivattIo, se NaM aMgaTThayAe paDhame aMge do sayakkhaMdhA paNavIsaM ajjhayaNA paMcAsIiM uddesaNakAlA paMcAsIiM samuddesaNakAlA aTThArasapayasahassANi payaggeNaM, saMkhejjA akkharA anaMtAgamA anaMtA pajjavA parittA tasA anaMtA thAvarA sAsaya-kaDa-nibaddha-nikAiyA jinapannattA bhAvA Aghavijjati pannavijjaMti parUvijjaMti daMsijjaMti niMdasijjaMti se evaM AyA evaM nAyA evaM viNNAyA evaM caraNa-karaNa-parUvaNA Aghavijjai, se ttaM AyAre / [140] se kiM taM sUyagaDe ? sUyagaDe NaM loe sUijjai aloe sUijjai loyAloe sUijjai suttaM-140 jIvA sUijjaMti ajIvA sUijjati jIvAjIvA sUijjati sasamae sUijjai parasamae sUijjai sasamayaparasamae sUijjai, sUyagaDe NaM asIyassa kiriyAvAi-sayassa caurAsIIe akiriyAvAINaM sattaTTIe annANiyavAINaM battIsAe veNaiyavAINaM tiNhaM tesaTThANaM pAvAduyasayANaM vUhaM kiccA sasamae ThAvijjai, sUyagaDe NaM parittA vAyaNA saMkhejjA anuogArA saMkhejjA veDhA saMkhejjA silogA saMkhejjAo nijjuttIo saMkhejjAo paDivattIo, se NaM aMgaThThayAe biie aMge do suyakkhaMdhA tevIsaM ajjhayaNA tettIsaM uddesaNakAlA tettIsaM samuddesaNakAlA chattIsaM payasahassANi payaggeNaM saMkhejjA akkharA anaMtA gamA anaMtA pajjavA parittA tasA anaMtA thAvarA sAsaya-kaDa-nibaddha-nikAiyA jinapannattA bhAvA AghavijjaMti pannavijjaMti parUvijjaMti daMsijjati niMdasijjati uvadaMsijjaMti, se evaM AyA evaM nAyA evaM viNNAyA evaM caraNa-karaNa-parUvaNA Aghavijjai0 se ttaM sUyagaDe / [141] se kiM taM ThANe? ThANe NaM jIvA ThAvijjaMti ajIvA ThAvijjati jIvAjIvA ThAvijjaMti sasamae ThAvijjai parasamae ThAvijjai sasamaya-parasamae ThAvijjai loe ThAvijjai aloe ThAvijjai loyAloe ThAvijjai ThANe NaM TaMkA kUDA selA sihAriNo pabbhArA kuMDAiM guhAo AgarA dahA naIo AghavijjaMti0 ThANe NaM egAiyAe eguttariyAe vuDDhIe dasaTThANaga-vivaDDhiyANaM bhAvANaM parUvaNA Aghavijjai0, ThANe NaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjAo paDivattIo, se gaM aMgaThThayAe taie aMge ege suyakkhaMdhe dasa ajjhayaNA egavIsaM uddesaNakAlA egavIsaM samuddesaNakAlA bAvattariM payasahassAiM payaggeNaM saMkhejjA akkharA anaMtA gamA anaMtA pajjavA parittA tasA anaMtA thAvarA sAsaya-kaDa-nibaddha-nikAiyA jinapannattA bhAvA Aghavijjati pannavijjaMti parUvijjaMti daMsijjati niMdasijjati uvadaMsijjaMti se evaM AyA evaM nAyA evaM viNNAyA evaM caraNa-karaNa-parUvaNA Aghavijjai0, se ttaM ThANe / [142] se kiM taM samavAe? samavAe NaM jIvA samAsijjati ajIvA samAsijjati jIvAjIvA samAsijjaMti sasamae samAsijjai parasamae samAsijjai sasamayaparasamae samAsijjai loe samAsijjai aloe samAsijjai loyAloe samAsijjai samavAe NaM egAiyANaM egattariyANaM ThANasayavivaDhiyANaM bhAvANaM parUvaNA Aghavijjai0 dvAlasavihassa ya gaNipiDagassa pallavamagge samAsijjai, samavAyassa NaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo [dIparatnasAgara saMzodhitaH] [15] [44-naMdIsUyaM]
Page #17
--------------------------------------------------------------------------
________________ nijjuttIo saMkhejjAo saMgahaNIo saMkhejjAo paDivattIo, se NaM aMgaTThayAe cautthe aMge ege suyakkhaMdhe ege ajjhayaNe ege uddesaNakAle ege samuddesaNakAle ege coyAle payasayasahasse payaggeNaM saMkhejjA akkharA anaMtA gamA anaMtA pajjavA parittA tasA anaMtA thAvarA sAsaya-kaDa-nibaddha-nikAiyA jinapannattA bhAvA AghavijjaMti jAva uvadaMsijjaMti se evaM AyA evaM nAyA evaM viNNAyA evaM caraNa-karaNa-parUvaNA Aghavijjai0 se ttaM samavAe / [143] se kiM taM vivAhe ? vivAhe NaM jIvA viAhijjaMti ajIvA viAhijjaMti jIvAjIvA viAhijjati sasamae viAhijjati parasamae viAhijjati sasamaya-parasamae viAhijjati loe viAhijjati aloe viAhijjati loyAloe viAhijjati, viyAhassa NaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjAo paDivattIo se NaM aMgaThThayAe paMcame aMge ege sayakkhaMdhe ege sAirege ajjhayaNasae dasa uddesagasahassAI sattaM-143 dasa samuddesaga sahassAiM chattIsaM vAgaraNa sahassAiM do lakkhA aTThAsIiM payasahassAI payaggeNaM saMkhejjA akkharA anaMtA gamA anaMtA pajjavA parittAtasA anaMtAthAvarA sAsaya-kaDa-nibaddha-nikAiyA jinapannattA bhAvA Aghavijjati pannavijjaMti parUvijjaMti daMsijjati nidaMsijjaMti uvadaMsijjaMti se evaM AyA evaM nAyA evaM viNNAyA evaM caraNa-karaNa-parUvaNA Aghavijjai0 se ttaM viyAhe | [144] se kiM taM nAyAdhammakahAo? nAyAdhammakahAsu NaM nAyANaM nagarAiM ujjANAI ceiyAiM vanasaMDAiM samosaraNAI rAyANo ammApiyaro dhammAyariyA dhammakahAo ihaloiya-paraloiyA iDhivisesA bhogapariccAyA pavvajjAo pariAyA suyapariggahA tavovahANAiM saMlehaNAo bhattapaccakkhANAI pAovaga-maNAI devalogagamaNAiM sukulapaccAyAIo puNabohilAbhA aMtakiriyAo ya AghavijjaMti0 dasa dhammakahANaM vaggA, tatthaNaM egamegAe dhammakahAe paMcaM paMca akkhAiyAsayAiM egamegAe akkhAiyAe paMca paMca uvakkhAiyAsayAiM egamegAe uvakkhAiyAe paMca paMca akkhAiovakkhAiyAsayAI, evameva sapuvvAvareNaM adadhuDhAo kahAnagakoDIo havaMti tti samakkhAyaM, nAyAdhammakahANaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjAo paDivattIo, se NaM aMgaThThayAe chaThe aMge do suyakkhaMdhA egUNavIsaM ajjhayaNA egUNavIsaM uddesaNakAlA egUNavIsaM samuddesaNakAlA saMkhejjAi payasahassAiM payaggeNaM saMkhejjA akkharA0 jinapannattA bhAvA AghavijjaMti0 se evaM AyA0 Aghavijjai0 se ttaM nAyAdhammakahAo | [145] se kiM taM uvAsagadasAo? uvAsagadasAsu NaM samaNovAsagANaM nagarAiM ujjANAI ceiyAiM vanasaMDAiM samosaraNAiM rAyANo ammApiyaro dhammAyariyA dhammakahAo ihaloiyaparaloiyA iDhi visesA bhogapariccAyA pariAyA suyapariggahA tavovahANAiM sIlavvaya-guNa-veramaNa-paccakkhANa-posahovavAsa paDivajjaNayA paDimAo uvasaggA saMlehaNAo bhattapaccakkhANAiM pAovagamaNAI devalogagamaNAI sukulapaccAyAIo puNa bohilAbhA aMtakiriyAo ya AghavijjaMti0 uvAsagadasANaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjAo paDivattIo, se NaM aMgaThThayAe sattame aMge ege suyakkhaMdhe dasa ajjhayaNA dasa uddesaNakAlA dasa samuddesaNakAlA saMkhejjAiM payasahassAiM payaggeNaM saMkhejjA akkharA anaMtA gamA anaMtA pajjavA parittA dIparatnasAgara saMzodhitaH] [16] [44-naMdIsUyaM]
Page #18
--------------------------------------------------------------------------
________________ tasA anaMtA thAvarA sAsaya-kaDa - nibaddha -nikAiyA jinapannattA bhAvA AghavijjaMti0 se evaM AyA evaM nAyA evaM viNAyA evaM caraNa-karaNa parUvaNA Aghavijjai0 se ttaM uvAsagadasAo / [146] se kiM taM aMtagaDadasAo ? aMtagaDadasAsu NaM aMtagaDANaM nagarAI ujjANAiM ceiyAI vanasaMDAiM samosaraNAiM rAyANo ammApiyaro dhammAyariyA dhammakahAo ihaloiya-paraloiyA iDDhivisesA bhogapariccAgA pavvajjAo pariAyA suyapariggahA tavovahANAiM saMlehaNAo bhattapaccakkhANAI pAovagamaNAiM aMtakiriyAo ya AghavijjaMti0 aMtagaDadasANaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjAo paDivattIo, se NaM aMgaTThayAe aTThame aMge ege suyakkhaMdhe aTTha vaggA aTTha uddesaNakAlA aTTha samuddesaNakAlA saMkhejjAI payasahassAiM payaggeNaM saMkhejjA akkharA anaMtA gamA anaMtA pajjavA parittA tasA anaMtA thAvarA sAsayakaDa-nibaddha-nikAiyA jinapannattA bhAvA AghavijjaMti pannavijjaMti jAva uvadaMsijjaMti, se evaM AyA evaM nAyA evaM viNNAyA evaM caraNa-karaNa parUvaNA Aghavijjai se ttaM aMtagaDadasAo / suttaM-147 [147] se kiM taM anuttarovavAiyadasAo ? anuttarovavAiyadasAsu NaM anuttarovavAiyANaM naI ujjANAiM ceiyAiM vanasaMDAI samosaraNAI rAyANo ammApiyaro dhammAyariyA dhammakahAo ihaloiya paralo -iyA iDDhivisesA bhogapariccAgA pavvajjAo pariAgA suyapariggahA tavovahANAiM paDimAo uvasaggA saMlehaNAo bhattapaccakkhANAiM pAovagamaNAiM anuttarovavAiyatte uvavattI sukulapaccAyAIo puNabohilAbhA aMtikiriyAo ya AghavijjaMti0 anuttarovavAiyadasANaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjA opaDivattIo, se NaM aMgaTThayAe navame aMge ege suyakkhaMdhe tinni vaggA tinni uddesaNakAlA tinni samuddesaNakAlA saMkhejjAiM payasahassAiM payaggeNaM saMkhejjA akkharA anaMtA gamA anaMtA pajjavA parittA tasA anaMtA thAvarA sAsaya-kaDa - nibaddha nikAiyA jinapannattA bhAvA AghavijjaMti0 se evaM AyA0 Aghavijjai0 se ttaM anuttarovavAiyadasAo / [148] se kiM taM paNhAvAgaraNAI? paNhAvAgaraNesu NaM aTTuttaraM pasiNasayaM aTTuttaraM apasiNasayaM anuttaraM pasiNApasiNasayaM aMguTTha-pasiNAI bAhu pasiNAiM addAga pasiNAiM anne ya vicittA divvA vijjAisayA nAgasuvaNNehiM saddhiM divvaM saMvAyA AdhavijjaMti0 paNhAvAgaraNANaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahIo saMkhejjAo paDivattIo, se NaM aMgaTThayAe dasame aMge ege suyakkhaMdhe paNayAlIsaM ajjhayaNA paNayAlIsaM uddesaNakAlA paNayAlIsaM samuddesaNakAlA saMkhejjAiM payasahassAiM payaggeNaM saMkhejjA akkharA anaMta anaMtA pajjavA parittA tasA anaMtA thAvarA sAsaya-kaDa - nibaddha - nikAiyA jinapannattA bhAvA AghavijjaMti jAva uvadaMsijjaMti, se evaM AyA evaM nAyA evaM viNNAyA evaM caraNa- karaNa- parUvaNA Aghavijjai0 se taM paNhAvAgaraNAI / [149] se kiM taM vivAgasuyaM ? vivAgasue NaM sukaDa - dukkaDANaM kammANaM phalavivAge Aghavijjai0, tattha NaM dasa duhavivAgA dasa suhavivAgA / [dIparatnasAgara saMzodhitaH ] [17] [44-naMdIsUyaM]
Page #19
--------------------------------------------------------------------------
________________ se kiM taM duhavivAgA? duhavivAgesu NaM duhavivAgANaM nagarAiM ujjANAiM vanasaMDAI ceiyAI samosaraNAiM rAyANo ammApiyaro dhammAyariyA dhammakahAo ihaloiya-paraloiyA iDhivisesA nirayagamaNAI saMsArabhavapavaMcA duhaparaMparAo dukkulapaccAyAIo dullahabohiyattaM Aghavijjai0 settaM duhavivAgA | ___ se kiM taM suhavivAgA? suhavivAgesu NaM suhavivAgANaM nagarAiM ujjANAiM vanasaMDAiM ceiyAI samosaraNAiM rAyANo ammApiyaro dhammAyariyA dhammakahAo ihaloiya-paraloiyA iDhivisesA bhogapariccAgA pavvajjAo pariAyA suyapariggahA tavovahANAiM selaMhaNAo bhattapaccakkhANAI pAovagamaNAI devalogasamaNAI suhaparaMparAo skulapaccAyAIo puNabohilAbhA aMtakiriyAo ya Aghavijjati0 se ttaM suhavivAgA / vivAgasuyassa NaM parittA vAyaNA saMkhejjA anuogadArA saMkhejjA veDhA saMkhejjA silogA saMkhejjAo nijjuttIo saMkhejjAo saMgahaNIo saMkhejjAo paDivattIo, se NaM aMgaThThayAe ikkArasame aMge do suyakkhaMdhA vIsaM ajjhayaNA vIsaM uddesaNakAlA vIsaM samuddesaNakAlA saMkhejjAiM payasahassAiM payaggeNaM saMkhejjA akkharA anaMtA gamA anaMtA pajjavA parittA tasA anaMtA thAvarA sAsaya-kaDa-nibaddhanikAiyA jinapannattA bhAvA AghavijjaMti0 se evaM AyA0 Aghavijjai0 se ttaM suttaM-150 [150] se kiM taM diTThivAe ?, diTThivAe NaM savvabhAvaparUvaNA Aghavijjar3a se samAsao paMcavihe pannatte taM jahA - parikamme suttAiM puvvagae anuoge cUliyA / se kiM taM parikamme? parikamme sattavihe pannatte taM jahA-siddhaseNiyAparikamme maNussaseNiyAparikamme puTThaseNiyAparikamme ogADhaseNiyAparikamme uvasaMpajjaNaseNiyAparikamme vippajahaNaseNiyAparikamme cayAcayaseNiyAparikamme / se kiM taM siddhaseNiyAparikamme ? siddhaseNiyA-parikamme cauddasahavihe pannatte taM jahAmAugApayAiM egaTThiyapayAiM aTThApayAI pADho AgAsapayAiM keubhUyaM rAsibar3ha egaguNaM duguNaM tiguNaM keubhUya paDiggaho saMsAra paDiggaho naMdAvattaM siddhAvattaM, se ttaM siddhaseNiyAparikamme / se kiM taM maNussaseNiyAparikamme ? maNussaseNiyAparikamme cauddasavihe pannatte taM jahAmAugApayAiM egaTThiyapayAiM aTThApayAiM pADho AgAsapayAiM keubhUyaM rAsibar3ha egaguNaM duguNaM tiguNaM keubhUyapaDiggaho saMsArapaDiggaho naMdAvattaM maNussAvattaM settaM maNussaseNiyAparikamme / ___se kiM taM puTThaseNiyAparikamme ? puDhaseNiyAparikamme ikkArasavihe pannatte taM jahA-pADho AgAsapayAiM keubhUyaM rAsibaddhaM egaguNaM duguNaM tiguNaM keubhUyapaDiggaho saMsArapaDiggaho naMdAvattaM puTThAvattaM settaM puTThaseNiyAparikamme / se kiM taM ogADhaseNiyAparikamme ? taM ikkArasavihe pannatte taM jahA-pADho AgAsapayAiM keubhUyaM rAsibaddhaM egaguNaM duguNaM tiguNaM keubhUyapaDiggaho saMsApaDiggaho naMdAvattaM / uvasaMpajjaNAvattaM settaM uvasaMpajjaNaseNiyAparikamme, se kiM taM vippajahaNaseNiyAparikamme ikkArasavihe pannatte taM jahA-pADho AgAsapayAiM keubhUyaM rAsibaddhaM egaguNaM duguNaM tiguNaM keubhUyapaDiggaho saMsArapaDiggaho naMdAvattaM vippajahaNAvattaM settaM vippajahaNaseNiyAparikamme / se kiM taM cayaacaya-seNiyAparikamme ? taM ekkArasavihe pannatte taM jahA-pADho AgAsapayADaM keubhUyaM rAsibaddhaM egaguNaM duguNaM tiguNaM keubhUyapaDiggaho saMsArapaDiggaho naMdAvattaM cuyaacuyAvattaM settaM cuyaagyaseNiyAparikamme cha caukkanaiyAiM satta terAsiyAI settaM parikamme / / [dIparatnasAgara saMzodhitaH] [18] [44-naMdIsUyaM]
Page #20
--------------------------------------------------------------------------
________________ se kiM taM suttAiM ? suttAiM bAvIsaM pannattAiM, taM jahA -ujjusuyaM pariNayApariNayaM bahubhaMgiyaM vijayacariyaM anaMtaraM paraMparaM sAmANaM saMjUhaM saMbhinnaM AhaccAyaM sovatthiyaM ghaMTaM naMdAvattaM bahulaM puTThApuTTha viyAvattaM evaMbhUyaM duyAvattaM vattamANuppayaM samabhirUDhaM savvaobhaddaM pannAsaM duppaDiggahaM icceiyAiM bAvIsaM suttAiM chinnaccheya-naiyANi sasamayasuttaparivADIe icceiyAiM bAvIsaM suttAiM acchinnaccheyanaiyANi AjIviyasutta-parivADIe icceiyAiM bAvIsa suttAiM tiganaiyANi terAsiyasuttaparivADIe, icceiyAiM bAvIsaM suttAiM caukkanaiyANi sasamayasutta-parivADIe, evAmeva sapuvvAvareNaM aTThAsIiM suttAiM bhavaMtIti makkhAyaM se ttaM suttAiM / se kiM taM puvvagae? puvvagae cauddasavihe pannatte taM jahA- uppAyapuvvaM aggeNIyaM vIriyaM atthinatthippavAyaM nANappavAyaM saccappavAyaM AyappavAyaM kammappavAyaM paccakkhANappavAyaM vijjANuppavAyaM avaMjhaM pANAiM kiriyAvisAlaM lokabiMdusAraM / uppAyapuvvassa NaM puvvassa dasa vatthU cattAri cUliyAvatthU pannattA, aggeNIyapuvvassa NaM coddasa vatthU duvAlasa cUliyAvatthU pannattA, vIriyapuvvassa NaM aTTha vatthU aTTha cUliyAvatthU pannattA, atthinatthippavAyapuvvassa NaM aTThArasa vatthU dasa cUliyAvatthU pannattA, nANappavAyapuvvayassa NaM bArasa vatthU pannattA, saccappavAyapuvvassa NaM donni vatthU pannattA, AyappavAyasuttaM-150 puvvassa NaM solasavatthU pannattA, kammappavAyapuvvassa NaM tIsaM vatthU pannattA, paccakkhANa ppavAya puvvassa NaM vIsaM vatthU pannattA, vijjANuppavAyapuvvassa NaM pannarasa vatthU pannattA, avaMjhapuvvassa NaM bArasa vatthU pannattA, pANAupuvvassa NaM terasa vatthU pannattA, kiriyA visAla puvvassa NaM tasaM vatthU pannattA lokabiMdusArapuvvassa NaM paNuvIsaM vatthU pannattA / [151] dasa coddasa aTTha aTThAraseva bArasa duve ya vatthUNi / solasa tIsA vIsA pannarasa anuppavAyayaMmi || [152] bArasa ikkArasame bArasame teraseva vatthUNi / tIsA puNa terasame codasame pannavIsAo / / [153] cattAri duvAlasa aTTha ceva dasa ceva cullavatthUNi / AillANa cauNhaM sesANaM cUliyA natthi / / [154] se ttaM puvvagae / se kiM taM anuoge ? anuoge duvihe pannatte taM0 mUlapaDhamAnuoge gaMDiyAnuoge ya / se kiM taM mUlapaDhamAnuoge ? mUlapaDhamAnuoge NaM arahaMtANaM bhagavaMtANaM puvvabhavA devalogagamaNAI AuM cavaNAI jammaNANi ya abhiseyA rAyavarasirIo pavvajjAo tavA ya uggA kevalanANuppayAo titthapavattaNANi ya sIsA gaNA gaNaharA ajjA pavattiNIo saMghassa cauvvihassa jaM ca parimANaM jiNa-maNapajjava ohinANI samattasuyanANiNo ya vAI anuttaragaI ya uttaraveuvvio ya muNiNo jattiyA siddhA siddhipaho jaha desio jacciraM ca kAlaM pAovagayA je jahiM jattiyAI bhattAI cheittA aMtagaDe munivaruttame tamaraogha - vippamukke mukkhasuhamanuttaraM ca patte, ete anne ya evamAI bhAvA mUlapaDhamAnuoge kahiyA, se ttaM mUlapaDhamAnuoge / se kiM taM gaMDiyAnuoge ? gaMDiyAnuoge kulagaragaMDiyAo titthayara - gaMDiyAo cakkavaTTigaMDiyAo dasAragaMDiyAo baladevagaMDiyAo vAsudevagaMDiyAo ussappiNIgaMDiyAo cittaMtaragaMDiyAo amara-nara- tiriya - niraya- gai-gamana - viviha-pariyaTTaNesu emAo gaMDiyAo Agha-vijjaMti0 se ttaM gaMDiyAnuoge, se ttaM anuoge / [dIparatnasAgara saMzodhitaH ] [19] [44-naMdIsUyaM]
Page #21
--------------------------------------------------------------------------
________________ se kiM taM cUliyAo ? cUliyAo AillANaM cauNhaM puvvANaM cUliyA, sesAiM puvvAiM acUliyAI, se ttaM cUliyAo / diTThivAyassa NaM parittA vAyaNA saMkhejjA anaogadArA saMkhejjA veDhA saMkhejjA silogA saMkhejjAo paDivattIo saMkhejjAo nijjuttIo saMkhejjAo saMgahaNIo, se NaM aMgaThThayAe bArasame aMge ege suyakkhaMdhe coddasapuvvAiM saMkhejjAvatthU saMkhejjA cullavatthU saMkhejjApAhuDA saMkhejjA pAhuDapAhuDA saMkhejjAo pAhuDiyAo saMkhejjAo pAhuDa-pAhuDiyAo saMkhejjAiM payasahassAiM payaggeNaM saMkhejjA akkharA anaMtA gamA anaMtA pajjavA0 jAva uvadaMsijjaMti, se evaM AyA jAva AdhavijjaMti, se ttaM didvivAe | [155] icceiyaMmi duvAlasaMge gaNipiDage anaMtA bhAvA anaMtA abhAvA anaMtA heU anaMtA aheU anaMtA kAraNA anaMtA akAraNA anaMtA jIvA anaMtA ajIvA anaMtA bhavasiddhiyA anaMtA abhavasiddhiyA anaMtA siddhA anaMtA asiddhA pannattA / [156] bhAvamabhAvA heUmaheU kAraNamakAraNA ceva / / jIvAjIvA bhaviyamabhaviyA siddhA asiddhA ya / / [157] icceiyaM duvAlasaMgaM gaNipiDagaM tIe kAle anaMtA jIvA ANAe virAhittA cAuraMtaM suttaM-157 saMsArakaMtAraM anupariyaTTisu, icceiyaM duvAlasaMgaM gaNipiDagaM paDuppanna kAle parittA jIvA ANAe virAhitA cAuraMtaM saMsArakaMtAraM anupariyadRti, icceiyaM duvAlasaMgaM gaNipiDagaM anAgae kAle anaMtA jIvA ANAe virAhittA cAuraMtaM saMsArakaMtAraM anupariyaTTissaMti, icceiyaM duvAlasaMgaM gaNipiDagaM tIe kAle anaMtA jIvA ANAe ArAhittA cAuraMtaM saMsArakaMtAraM vIIvaiMsu, icceiyaM duvAlasaMgaM gaNipiDagaM par3appanna kAle parittA jIvA ANAe ArAhittA cAuraMtaM saMsArakaMtAraM vIIvayaMti, icceiyaM duvAlasaMga gaNipiDagaM anAgae kAle anaMtA jIvA ANAe ArAhittA cAuraMtaM saMsArakaMtAraM vIIvaissaMti, icceiyaM duvAlasaMgaM gaNipiDagaM na kayAi nAsI na kayAi na bhavai na kayAi na bhavissai bhuviM ca bhavai ya bhavissai ya, dhuve niyae sAsae akkhae avvae avaTThie nicce, se jahAnAmae paMcatthikAe na kayAi nAsI na kayAi natthi na kayAi na bhavissai bhuviM ca bhavai ya bhavissai ya dhuve niyae sAsae akkhae avvae avaTThie nicce, evAmeva duvAlasaMge gaNipiDage na kayAi nAsI na kayAi natthi na kayAi na bhavissai bhuviM ca bhavai ya bhavissai ya dhuve niyae sAsae akkhae avvae avahie nicce se samAsao cauvvihe pannatte, taM jahA- davvao khettao kAlao bhAvao, tattha davvao NaM suyanANI uvautte savvadavvAiM jANai pAsai, khettao NaM suyanANI uvautte savvaM khettaM jANai pAsai, kAlao NaM suyanANI uvautte savvaM kAlaM jANai pAsai, bhAvao NaM suyanANI uvautte savve bhAve jANai pAsai / [158] akkhara saNNI sammaM sAiyaM khalu sapajjavasiyaM ca / gamiyaM aMgapavidvaM sattavi ee sapaDivakkhA / / [159] Agama-satthaggahaNaM jaM buddhiguNehiM aTThahiM dihu~ / biMti suyanANalaMbhaM taM puvvavisArayA dhIrA / / [160] sussUsai paDipucchai suNai giNhai ya Ihae yAvi / tatto apohae vA dhArei vA sammaM / / dIparatnasAgara saMzodhitaH] [20] [44-naMdIsUyaM]
Page #22
--------------------------------------------------------------------------
________________ [161] mUaM huMkAraM vA bADhakkAra paDipucchaM vImaMsA / tattopasaMgapArAyaNaM ca pariNiTTha sattamae || [162] suttattho khalu paDhamo bIo nijjuttimIsao bhaNio / taio ya niravaseso esa vihI hoi anuoge || [163] se ttaM aMgapaviTTaM, se ttaM suyanANaM se ttaM parokkhaM, se ttaM naMdI / muni dIparatnasAgareNa saMzodhitAH sampAditAzca "naMdIsUrya - paDhamA cUliyA" sammattAM 44 [dIparatnasAgara saMzodhitaH ] naMdIsuyaM-paDhamaM cUliyAsuttaM sammattaM [21] [44-naMdIsUyaM]
Page #23
--------------------------------------------------------------------------
________________ aNunnAnaMdI-1 parisihaM-1-aNunnAnaMdI [1] se kiM taM aNunnA ? aNunnA chavvihA pannattA, taM jahA-nAmANunnA ThavaNANunnA davvANunnA khettANunnA kAlANunnA bhAvaNunnA / se kiM taM nAmANunnA ? nAmANunnA-jassa NaM jIvassa vA ajIvassa vA jIvANa vA ajIvANa vA tadubhayassa vA tadubhayANa vA aNuNNA tti nAmaM kIrai se ttaM nAmANunnA | se kiM taM ThavaNANunnA ? ThavaNANunnA jaM NaM kaTThakamme vA potthakamme vA leppakamme vA cittakamme vA gaMthime vA veDhime vA pUrime vA saMghAtime vA akkhe vA varADae vA ege vA anege vA sabbhAvaThavaNAe vA asabbhAvaThavaNAe vA aNuNNa tti ThavaNA Thavijjati se ttaM ThavaNANunnA, nAma-ThavaNANaM ko pativiseso nAmaM AvakahiyaM ThavaNA ittariyA vA hojjA AvakahiyA vA | se kiM taM davvANunnA ? davvANunnA duvihA pannattA taM jahA-Agamato ya noAgamato ya / se kiM taM Agamato davvANunnA ? Agamato davvANunnA- jassa NaM aNuNNatti padaM sikkhiyaM ThiyaM jiyaM miyaM parijiyaM nAmasamaM ghosasamaM ahInakkharaM anaccakkharaM avvAiddhakkharaM akkhaliyaM amiliyaM aviccAmeliyaM paDipunnaM paDipunnaghosaM kaMThoTThavippamukkaM guruvAyaNovagayaM se NaM tattha vAyaNAe pucchaNAe pariyaTTaNAe dhammakahAe no aNuppehAe, kamhA ? anuvaogo davvaM iti kaTTa, negamassa ege anuvautte Agamato egA davvANunnA doNNi anuvauttA Agamato doNNi davvANunnAo tiNNi anuvauttA Agamao tiNNi davvANunnAo evaM jAvatiyA anuvauttA tAvatiyAo davvANunnAo, evameva vavahArassa vi saMgahassa ege vA anege vA anuvautto vA anuvauttA vA sA egA davvANunnA | ujjusuassa ege anuvautte Agamato egA davvANunnA, puhattaM necchai tiNhaM saddanayANaM jANae anuvautte avatthU, kamhA ? jati jANae anuvautte na bhavati, [jai anuvautte jANae na bhavai] se ttaM Agamato davvANunnA | se kiM taM no Agamato davvANunnA ? no Agamato davvANunnA tivihA pannattA taM jahAjANagasarIra davvANunnA bhaviyasarIra davvANunnA jANagasarIrabhaviyasarIravarittA davvANunnA / se kiM taM jANagasarIradavvANunnA ? aNunna tti padatthAhigArajANagassa jaM sarIraM vavagayacutacaiyacattadeha jIvavippajaDhaM sijjAgayaM vA saMthAragayaM vA nisIhiyAgayaM vA siddhasilAtalagayaM vA aho NaM ime NaM sarIrasamussaeNaM jiNadidveNaM bhAveNaM aNunna tti payaM AghaviyaM pannaviyaM parUviyaM daMsiyaM nidaMsiyaM uvadaMsiyaM, jahA ko diluto ? ayaM ghayakuMbhe Aso ayaM mahakuMbhe AsI, se ttaM jANagasarIradavvANannA | se kiM taM bhaviyasarIradavvANunnA ? je jIve joNIjammaNanikkhaMte imemaM ceva sarIrasamussaeNaM AdatteNaM jinadidveNaM bhAveNaM ananna tti payaM seyakAle sikkhissai na tAva sikkhar3a, jahA ko diluto ? ayaM ghayakuMbhe bhavissati ayaM mahakuMbhe bhavissati, se ttaM bhaviyasarIradavvANunnA, se kiM taM jANagasarIrabhaviyasarIravairittA davvANunnA ? taM tivihA pannattA, taM jahA- loiyA kuppAvayaNiyA louttariyA ya / se kiM taM loiyA davvANunnA ? loiyA davvANunnA tivihA pannattA, taM jahA- sacittA acittA mIsiyA | se kiM taM sacittA davvANunnA ? se jahAnAmae rAyA i vA juvarAyA i Isare i vA talavare i vA mAiMbie i vA koDubie i vA ibbhe i vA seTThI i vA senAvaI vA satthavAhe i vA kassai kami kAraNe tuDhe samANe AsaM vA hatthiM vA uTTe vA goNaM vA kharaM vA ghoDayaM vA elayaM vA ayaM vA dAsaM [dIparatnasAgara saMzodhitaH] [22] [44-naMdIsUyaM]
Page #24
--------------------------------------------------------------------------
________________ vA dAsiM vA aNujANejjA, se ttaM sacittA davvANunnA / [taM0] se kiM taM acittA davvANunnA ? se aNunnAnaMdI-1 jahAnAmae rAyA i vA juvarAyA i vA Isare i vA talavare i vA mADaMbie i vA koDuMbie i vA ibbhe i vA seTThI i vA senAvaI i vA satthavAhe i vA kassai kaMmi kAraNe tuTThe samANe AsaNaM vA sayanaM vA chattaM vA cAmaraM vA paDagaM vA mauDaM vA hiraNNaM vA suvaNNaM vA kaMsaM vA dUsaM vA maNi-mottiya saMkha-silappavAlarattarayaNAdIyaM saMta-sAra- sAvaijjaM anujANijjA, se ttaM acittA davvANunnA / se kiM taM mIsiyA davvANunnA ? se jahAnAmae rAyA i vA juvarAyA i vA0 jAva satthavAhe i vA, kassai kaMmi kAraNe tuTThe samANe hatthiM vA muhabhaMDagamaMDiyaM AsaM vA thAsaga - cAmaramaMDiyaM sakaDagaM dAsaM vA dAsiM vA savvAlaMkAravibhUsiyaM anujANijjA, se ttaM mIsiyA davvANunnA / settaM loiyA davvANunnA / I se kiM taM kuppAvayaNiyA davvANunnA ? taM tivihA pannattA, taM jahA - sacittA acittA mIsiyA / se kiM sacittA davvANunnA ? se jahAnAmae Ayarie i vA uvajjhAe i vA kassai kaMmikAraNe tuTThe samANe AsaM vA hatthiM vA uTTaM vA goNaM vA kharaM vA ghoDaM vA ayaM vA elagaM vA dAsaM vA dAsiM vA anujANijjA, se ttaM sacittA davvANunnA / se kiM taM acittA davvANunnA ? taM se jahAnAma Ayarie i vA uvajjhAe i vA kassai kaMmi kAraNe tuTThe samANe AsanaM vA sayanaM vA chattaM vA cAmaraM vA paTTaM vA mauDaM vA hiraNNaM vA suvaNNaM vA kaMsaM vA dUsaM vA maNi- mottiya saMkha-silappavAla- rattarayaNamAIyaM saMta-sAra-sAvaejjaM anujANijjA, se ttaM acittA davvANunnA / se kiM taM mIsiyA davvANunnA ? se jahAnAmae Ayarie i vA uvajjhAe i vA kassai kaMmi kAraNe tuTThe samANe hatthiM vA muhabhaMDagamaMDiyaM saM vA thAsagacAmaramaMDiyaM sakaDagaM dAsaM vA dAsiM vA savvAlaMkAravibhUsiyaM anujANijjA, se ttaM mIsiyA davvANunnA / settaM kuppAvayaNiyA davvANunnA / se kiM taM louttariyA davvANunnA ? taM tivihA pannattA, taM jahA - sacittA acittA mIsiyA / se kiM taM sacittA davvANunnA ? taM, se jahAnAmae Ayarie i vA uvajjhAe i vA there ivA pavattI i vA gaNI i vA gaNahare i vA gaNAvaccheya i vA sIsassa vA sissiNIe vA kaMmi kAraNe tuTThe samANe sIsaM vA sissiNiM vA aNujANejjA, se ttaM sacittA davvANunnA / se kiM taM acittA davvANunnA ? se jahAnAmae Ayarie i vA uvajjhAe i vA there i vA pavattI i vA gaNI i vA gaNahare i vA gaNAvaccheyae i vA sissassa vA sissiNIe vA kaMmi kAraNe tuTThe samANe vatthaM vA pAyaM vA hiM kaMbalaM vA pAyapuMchaNaM vA anujANejjA, se ttaM acittA davvANunnA / se kiM taM mIsiyA davvANunnA ? se jahAnAmae Ayarie i vA uvajjhAe i vA there i vA pavattI i vA gaNI i vA gaNahare i vA gaNAvaccheyae i vA sissassa vA sissiNIe vA kaMmi kAraNe tuTThe samANe sissaM vA sissiNiM vA sabhaMDa- mattovagaraNaM anujANejjA, se ttaM mIsiyA davvANunnA / se ttaM louttariyA davvANunnA / settaM jANagasarIrabhaviyasarIra-vairittA davvANunnA / se ttaM noAgamato davvANunnA / se ttaM davvANunnA / se kiM taM khettANunnA? khettANunnA je NaM jassa khettaM anujANati jattiyaM vA khettaM jiM vA khette, se ttaM khettANunnA / se kiM taM kAlANunnA? kAlANunnA je NaM jassa kAlaM anujANati jattiyaM vA kAlaM jiM vA kAle anujA-Nati taM jahA-tItaM vA paDuppannaM vA anAgataM vA vasaMtaM hemaMtaM pAusaM vA avatthANaheuM, se ttaM kAlANunnA / [dIparatnasAgara saMzodhitaH] [23] [44-naMdIsUyaM]
Page #25
--------------------------------------------------------------------------
________________ se kiM taM bhAvANunnA? bhAvANunnA tivihA pannattA, taM jahA - loiyA kuppAvayaNiyA aNunnAnaMdI-1 louttariyA | se kiM taM loiyA bhAvANunnA loiyA bhAvANunnA se jahAnAmae rAyA i vA juvarAyA i vA jAva tuTThe samANe kassai kohAibhAvaM anujANijjA se ttaM loiyA bhAvANunnA / se kiM taM kuppAvayaNiyA bhAvAnnA kuppAvayaNiyA bhAvANunnA se jahAnAmae kei Ayarie i vA jAva kassai kohAibhAvaM anujANijjA settaM kuppAvayaNiyA bhAvANunnA / se kiM taM louttariyA bhAvANunnA louttariyA bhAvANunnA se jahAnAmae Ayarie i vA jAva kammi kAraNe tuTThe samANe kAlociyanANAiguNa- jogiNo viNIyassa khamAipahANassa susIlassa sissassa tiviheNaM tigaraNavisuddheNaM bhAveNaM AyAraM vA sUyagaDaM vA ThANaM vA samavAyaM vA vivAhapannattiM vA nAyAdhammakahaM vA uvAsagadasAo vA aMtagaDadasAo vA savvadavvaguNa-pajjavehiM savvANuogaM vA anujANijjA se ttaM louttariyA bhAvaNunnA, se ttaM bhAvANunnA / [2] kimaNunnA kassa 'NunnA kevatikAlaM pavattiyA Adikara purimatAle pavattiyA usabhasenassa / / 'NunnA / [3] aNunnA uNNamaNI namaNI nAmaNI ThavaNA pabhavo pabhAvaNaM payAro / tadubhaya hiya majjAyA nAo maggo ya kappo ya / / [4] saMgaha saMvara nijjara ThiikaraNaM ceva jIvavuDhipayaM / padapavaraM ceva tahA vIsamaNunnA nAmAI || * naMdI sutte paDhamaM parisihaM "aNunnA naMdI' samattA * parisihaM - 2 joganaMdI 0 0 [1] nANaM paMcavihaM pannattaM taM AbhinibohiyanANaM suyanANaM ohinANaM maNapajjavanANaM kevalanANaM, tattha NaM cattAri nANAI ThappAI ThavaNijjAiM no uddissaMti no samuddissaMti no aNunnavijjaMti, suyanANassa puNa uddeso samuddeso aNunnA anuogo ya pavattai, jai suyanANassa uddeso samuddeso aNunnA anuogo ya pavattai kiM aMgapaviTThassa uddeso samuddeso aNunnA aNuogo ya pavattai ? kiM aMgabAhirassa uddeso samuddeso aNunnA anuogo ya pavattai ? goyamA ! aMgapaviTThassa vi uddeso samuddeso aNunnA anuogo ya pavvattai aMgabAhirassa vi uddeso samuddeso aNunnA anuogo ya pavattai / imaM puNa paTThavaNaM paDucca aMgabAhirassa uddeso samuddeso aNunnA anuogo ya pavattai, jai puNa aMgabAhirassa uddeso samuddeso aNunnA anuogo ya pavattai kiM kAliyassa uddeso samuddeso annA anuogo ya pavattai ukkAliyassa uddeso samuddeso aNunnA anuogo ya pavattai ? goyamA ! kAliyassa vi uddeso jAva pavattai, ukkAliyassa vi uddeso samuddeso aNunnA anuogo ya pavattai / imaM puNa paTThavaNaM paDucca ukkAliyassa uddeso samuddeso aNunnA anuogo ya pavatta, ukkAliyassa uddeso samuddeso aNunnA anuogo ya pavattai kiM Avassagassa uddeso samuddeso aNunnA anuogo ya pavattai ? Avassagavairittassa uddeso samuddeso aNunnA anuogo ya pavattai ? Avassagassa vi uddeso jAva pavattai, Avassagavairittassa vi uddeso jAva pavattai / jai Avassagassa uddeso samuddeso aNunnA anuogo ya pavattai, kiM sAmAiyassa cauvIsa[dIparatnasAgara saMzodhitaH ] [44-naMdIsUyaM] [24]
Page #26
--------------------------------------------------------------------------
________________ tthayassa vaMdaNassa paDikkamaNassa kAussaggassa paccakkhANassa ? savvesiM etesiM uddeso samuddeso joganaMdI-1 aNunnA anuogo ya pavattai / jai Avassagavairittassa uddeso samuddeso aNunnA anuogo ya pavattai, kiM kAliyasuyassa uddeso samuddeso aNunnA anuogo ya pavattai ? ukkAliyasuyassa uddeso samuddeso aNunnA anuogo ya pavattai ? kAliyassa vi uddeso0 pavattai ukkAliyassa vi pavattai / jai ukkAliyassa uddeso samuddeso aNunnA aNuogo ya pavattai kiM dasavekAliyassa kappiyAkappiyassa cullakappasuyassa mahAkappayassa uvavAiyasuyassa rAyapaseNIyasuyassa jIvAbhigamassa pannavaNAe mahApannavaNAe pamAyappamAyassa naMdIe anuogadArANaM deviMdathayassa taMdulaveyAliyassa caMdAvijjhayassa sUrapannattIe [caMdapannattIe ?] porisimaMDalassa maMDalappavesassa vijjAcaraNavinicchiyassa gaNivijjAe saMlehaNAsuyassa vihArakappassa vIyarAgasuyassa jhANavibhattIe maraNavibhattIe maraNavisohIe AyavibhattIe AyavisohIe caraNavisohIe AurapaccakkhANassa mahApaccakkhANassa ? savvesiM eesiM uddeso samuddeso aNunjA anuogo ya pavattai / jai kAliyassa uddeso samuddeso aNunnA anuogo ya pavattai kiM uttarajjhayaNANaM dasANaM kappassa vavahArassa nisIhassa mahAnisIhassa isibhAsiyANaM jaMbuddIvapannattIe [caMdapannattIe] dIvapannattIe sAgarapannattIe khuDiyAvimANapavibhattIe mahAlliyAvimANapavibhattIe aMgacUliyAe vaggacUliyAe vivAhacUliyAe aruNovavAyassa varuNovavAyassa garulovavAyassa dharaNovavAyassa vesamaNovavAyassa velaMdharovavAyassa deviMdovavAyassa uTThANasuyassa samuTThANasuyassa nAgapariyAvaNiyANaM nirayAvaliyANaM kappiyANaM kappavaDisiyANaM pupphiyANaM pupphacUliyANaM vaNhiyANaM vaNhidasANaM AsIvisabhAvaNANaM didvivisabhAvaNANaM cAraNabhAvaNANaM sumiNabhAvaNANaM mahAsumiNabhAvaNANaM teyagginisaggANaM savvesi pi eesiM uddeso samuddeso aNunnA anuogo ya pavattai / jai aMgapaviTThassa uddeso samuddeso aNunnA anuoge ya pavattai, kiM AyArassa sUyagaDassa ThANassa samavAyassa vivAhapannattIe nAyAdhammakahANaM uvAsagadasANaM aMtagaDadasANaM anuttarovavAiyadasANaM paNhAvAgaraNANaM vivAgasuyassa diTThivAyassa ? savvesi pi eesiM uddeso jAva pavattai / ___ imaM puNa paTThavaNaM paDucca imassa sAhussa imAe sAhuNIe uddeso samuddeso aNunnA anuogo ya pavattai, khamAsamaNANaM hattheNaM sutteNaM attheNaM tadubhaeNaM uddesAmi samuddesAmi aNujANAmi | * naMdI sutte biyaM parisihaM joganaMdI samattaM . muni dIparatnasAgareNa saMzodhitaH sampAditazca "naMdIsUyaM"-cUliyA sammattA // 44 naMdIsUyaM paDhamA cUliyA sammattA dIparatnasAgara saMzodhitaH] [25] [44-naMdIsUrya]