Book Title: Vardhaman suri Shishya Sagarchandra Muni Virachit Uttarkalin Apbhramsa Bhashabaddha Neminath Ras Author(s): Ramnik Shah Publisher: ZZ_Anusandhan View full book textPage 7
________________ मं रोविसि थूलंसुएहि, तुहं पुत्तय रुन्नउं अइ-घणेहिं । ससि-किरणुज्जलु गुण-नियरु, अवरो-वि लहेसहं तुज्जु वरु । काई ताय एउ बोल्लियउं, किं न जाणिउ अम्ह तणउं हियउं । १२४ (४२.१) कुलनारिहि फुडु एक्कु पइ, जि कारणि होइ महा-सई । जो पडिवन्नउं चित्तेण, आमरणउं सो ज्जि पइ मणेण । अन्नु न इच्छउं को-वि नरु, सो मेल्लवि नेमि-कुमारु वरु । वारिज्जइ सा सहियणेण, विलवंती सोय-महाभरेण । हले हले विहलउ नयण-जुङ, न-वि दिट्ठउ नेमि-कुमार-मुहु । जोव्वण-लच्छि असार सहि, जा भुत्तिय नेमिकुमारि न-हि । एवहिं सो जिण दु गइ (?), एउ बोल्लइ हल-सहि रायमइ । लेविणु दिक्ख जिणिंदमय, जा सासय-सोक्ख-महा-फलय । १३२ वंदिउं जाइवि नेमि-जिणु, ता पत्तउ केवलनाणु पुणु । बोहेवि मेइणि-जीव-गणु, पुणु चडियउ उज्जिलि नेमि-जिणु । खोडेवि सयलु वि कम्म-मलु, संपत्तउ सिद्धिहि नेमि-जिणु । चउविह-देव-निकाएहिं, निव्वाण-जत्त किय इंदेहिं । १३६ जो तहिं जायवि नमइ जिणु, सो मुच्चइ पावि भविय-जणु । कप्पूरई सिरिखंडेण, नव-कुंकुम-केसर--सुरहेण । खवलइ जो जिणवरह तणु, सो लहइ मणिच्छिउ सुहु मरणु । (४२.२) मालइ-कुसुमेहि सुरहेहिं, जो पूयइ नमिएहिं इंदेहिं । १४० जो परिहावइ वर-जुयलि, सो छिनइ दुक्ख-महा-कयलि । निम्मल-कोमल- भरिएहिं, जो पहावइ कंचण-कलसेहिं । सो फुडु पावइ सिद्धि-सुहु, एउ लाडिए कहियउं सद्दु तुहुँ । कहिसिउं सच्चु समासेण, जं पुच्छिउ लहे(?) तई भावेण । १४६ दाढा-भासुर-जीहालु, खर-नहर-भयंकरु पुच्छालु । केसर-कुरुल भयावणउ, संतासिय-खुद्दोपद्दवउ । १३६. नेवाणं जत्न १३८. कपूरई १४१. वर. जलि १४४. कहिसउं १.४५. भयंफ पुन्छालु १४६. केसर कमलभावार Jain Education International For Private & Personal Use Only www.jainelibrary.orgPage Navigation
1 ... 5 6 7 8
