Book Title: Upadhyaya Udayvijay Rachit Pattavali Vissudhi Author(s): Pradyumnasuri Publisher: ZZ_Anusandhan View full book textPage 3
________________ जइ पुण किंचि वि कज्जं, परिणामिअकारणा पिदब्भूयं । तो तस्सय सब्भावं वंछइ णउणं असब्भावं ॥१३॥ जं कारणेण दिण्णं णियकज्जत्तं तु कजमित्तंमि । तं तंमिहु कज्जत्तं ववइस्सइ णागयद्धाए ॥१४॥ एवं पुत्तपपुत्ताइयं व बुहवायगाइयं सव्वं । उप्पत्ती समणंतरमवि भण्णइ सव्वकालंमि ॥१५॥ एएणं पितिपमुहे संतंमि असंत पुत्तमाईयं । न लहइ तप्पुत्तत्ता इय ववएसंति णिक्खित्तं ॥१६॥ अण्णह पिया वि तस्सुअ, पियत्तणेणं ण होइ वत्तव्यो । पितिविरहेव नवच्चो पुत्तो तप्पुत्तभावेणं ॥१७॥ तेणं भणंति केई गुरुमि संतमि तस्स पट्टधरो । जो सुरसुहपत्तो सो न पट्टधारि त्ति तं मिच्छा ॥१८॥ अहिसित्तो जह राया पिउणो नियमेण होइ पट्टधरो । तहणुण्णायगणो विअ, सूरी सगुरुस्स पट्टमि ।।१९।। जेणं दिण्णो पट्टो नादिण्णो होइ दिक्खमाइव्व । जुग्गाणं, दायव्वत्तणेण दिण्णत्तणं सिद्धं ॥२०॥ अह दिक्खमाइ गुरुणा सक्खं चिअ दिज्जए जहा जुग्गं । पट्टधरत्तं गुरुणो परुक्खभावे सयं होइ ॥२१॥ तं मिच्छा, एवं चिअ कयावि णहु होइ तं समुप्पण्णं । भावाणं नाभावो कारणमिय जेण लोगठिई ॥२२॥ नाकारणं च कज्जं णो पुण विवरीअकारणं ण सयं । एवं खु मुणिज्जंतं, सत्तमदव्वाउ तं होइ ।२३।। अह तं विहलं भण्णिइ गुण्णाजणियं पि गुरुजणे संते । ता दंडस्स विणासे घडस्स कज्जत्तर्ण सहलं ॥२४॥ Jain Education International For Private & Personal Use Only www.jainelibrary.orgPage Navigation
1 2 3 4 5 6 7 8 9 10 11
